Жанармай таситын көлік жарылып, 50 адам тірідей жанып кеткен

Нигерияның оңтүстік шығысында жанармай таситын көлік жарылып, 50 адам тірідей жанып кеткен. Көп адам жарақат алған.


Оқиға 1 шілде күні болған. Жанармай толы цистерна жол жиегіне шығып кетіп, құлаған. Сол кезде жергілікті тұрғындар жанармайды құйып ала бастаған. Салдарынан 50 адам көз жұмып, 70 адам түрлі дәрежедегі күйік алған. Өрт бірнеше үй мен жолда кетіп бара жатқан автобусқа да тиген.

Дереккөз: КорреспонденТ

Арыс қаласының инфрақұрылымы мен тұрғын үй қоры бір айдың ішінде қалпына келтіріледі - Мамин

ҚР премьер-министрі Асқар Мамин ҚР Президенті Қасым-Жомарт Тоқаевтың тапсырмасы бойынша Үкіметтік комиссия басшылығында Арыс қаласына барып, қаладағы төтенше жағдайдан зардап шеккен тұрғын үй ықшамаудандары мен әлеуметтік нысандарды аралады, - деп хабарлайды Tengrinews.kz тілшісі Үкімет баспасөз қызметіне сілтеме жасап. 

ҚР Үкіметінің басшысы көппәтерлі және жекеменшік үйлер орналасқан "Көктем-1" және "Көктем-2" тұрғын үй алаптарына болды, залалданған жергілікті мектеп, қалалық аурухана мен Халыққа қызмет көрсету ғимараттарын көрді. 

ҚР премьер-министріне тұрғын үй, әлеуметтік, инфраұрылымдық және қаланың тіршілік әрекетінің басқа да нысандарына тигізілген зардап туралы баяндалды.  Аралау кезінде А. Мамин ТЖ салдарын жоюға тікелей атсалысқан жергілікті ақсақалдармен және мамандармен әңгімелесті. Олардың қатарына саперлер, медицина қызметкерлері, құтқарушылар және жергілікті билік органдары бар. ҚР Үкіметінің басшысы оларға жұмыстары үшін алғыс айтып, "бірлескен үйлесімді жұмыстың арқасында тұрғындарды уақытылы эвакуациялап, туындаға төтенше жағдайдың ауқымдырақ салдарының алдын алу мүмкін болғанын" атап айтты.  

 

Аралап көру қорытындысы бойынша ҚР премьер-министрі Арыс қаласында төтенше жағдайлар салдарын жою жөніндегі Үкіметті комиссия отырысын өткізді. Оның құрамына министрліктер мен облыстық әкімдіктердің басшылары кірді.  Ағымдағы жағдай мен төтенше жағдай салдарын жою бойынша қабылданып жатқан шаралар туралы ҚР қорғаныс министрі Н. Ермекбаев, ішкі істер министрі Е. Тұрғымбаев, денсаулық сақтау министрі Е. Біртанов, еңбек және халықты әлеуметтік қорғау министрі Б. Сапарбаев, білім және ғылым министрі А. Аймағамбетов, экология, геология және табиғи ресурстар министрі М. Мырзағалиев, Түркістан облысының әкімі Ө. Шүкеев, Павлодар облысының әкімі Болат Бақауов  баяндады.  ҚР премьер-министрі Асқар Маминге қазіргі уақытта қала аумағын инженерлік барлау, минасыздандыру бойынша жұмыстар жалғастырылып жатқаны, өрт сөндіру ескерілгені, азаматтарды өз үйлеріне қайтару және олардың мал-мүлкінің қорғалуын қамтамасыз ету бойынша шаралар қабылданып жатқаны туралы баяндалды. Аумақтарға жүргізілген тексерулер экологиялық жағдайға қауіп төніп тұрмағанын көрсетті.  "Өздеріңіз білетіндей, Елбасы мен Мемлекет басшысы қаланы жедел қалпына келтіруді тапсырған болатын. Бізге Арыс қаласын шұғыл қалпына келтіру бойынша барлық күш-жігерімізді жұмылдыру қажет. Біз Арыс қаласындағы барлық зақым көрген және бұзылған нысандарды 2019 жылдың 1 тамызына дейін жөндеп, салуымыз керек.Барлық міндеттер оңтайлы, сапалы әрі уақытылы орындалуы керек", - деді ҚР премьер-министрі. 

Қаланы қалпына келтіруге еліміздің барлық өңірлері атсалысады. Зардап шеккен тұрғын үй ғимараттары облыстар арасында бөлінеді, олар құрылыс бригадаларын жіберуі керек. Арыс қаласына барлық облыстардың, Нұр-Сұлтан және Алматы қалалаларының әкімдерінің орынбасарлары құрылыс жұмыстарын ұйымдастыру үшін келді. Мемлекеттік материалдық қордан барлық құрылыс материалдары бөлінген.  Кеңес қорытындысы бойынша ҚР Үкіметінің басшысы А. Мамин қаланың тіршілігін қалыпқа келтіру және оның әлеуметтік-экономикалқ дамуын қамтамасыз ету үшін 10 кешенді шараны атап айтты. 

1. Бір ай ішінде қаладағы барлық тұрғын үйлерді жөндеп бітіру; 2. Қосымша әлеуметтік қолдау шаралары ретінде қаланың әрбір тұрғынына (44 тыс. 781 человек) бір мезеттік 100 мың теңге көлемінде өтемақы төлеу;  3. Арыс қаласынан 4 мың бала сауықтыру лагерлеріне жіберіледі; 4. Әлеуметтік нысандарды жөндеуді ұлттық компаниялардың көмегімен іске асыру көзделген, сондай-ақ құрылыс жұмыстарына ірі өнеркәсіптік кәсіпорындар мен бизенс қауымдастық тартылатын болады. 66 әлеуметтік нысанды "Самұрық-Қазына" ҰӘҚ" жөндейді.  5. Бизнестің әлеуметтік жауапкершілігі аясында 300-ден астам ШОБ кәсіпорнына "Атамекен" ҰКП арқылы ірі бизнес қаражаты есебінен қалпына келтіру және жөндеу жұмыстарында көмек көрсетіледі;  

6. Қала кәсіпкерлеріне а.ж. 1 шілдесінен бастап 5 млн теңгеге дейін жеңілдікпен несиелер беріледі. Биылғы жылдың соңына дейін салықтық каникулдар ұсынылады;  7. Инженерлік инфрақұрылыма, электрмен жабдықтау және байланыс ҚР Үкіметінің қорынан қаражат есебінен қалпына келтіріледі;  8. Газ және сумен жабдықтау жүйелерін жаңғырту және қайта жөндеу жоспарланған;  9. Медициналық қызмет көрсету сапасын арттыру мақсатында қала тұрғындарына арналған аурухана мен екі емхана салынады;  10. 2 апта бойы қару-жарақтар әкетіле бастайды. Арсенал қайта орналастырылады.  Алдын ала бағалаулар бойынша, 104 көпқабатты тұрғын үй, 7 200-ге жуық жеке меншік үй, 14 мектеп, 2 аурухана,  28 балабақша, аумақтық мемлекеттік органдар ғимараттары зардап шеккен.

Қазақстандықтардың несиелік қарызын жабуды қашан бастайды

 Ұлттық банк төрағасының орынбасары Олег Смоляков президенттің көпбалалы және мүгедек баласы бар отбасылардың несиесін жабу туралы тапсырмасының орындалуы бірнеше айға созылуы мүмкін екенін айтты.

Олег Смоляков ауыр өмірлік жағдайда қалған отбасылардың несиесін кешіру туралы мәлімдеме жасады.  «Қазір банктерге барудың қажеті жоқ, бұл мәселені шешу үшін уақыт керек.

Жалпы бұл жұмыс екі айда аяқталуы мүмкін», - деді Смоляков үкіметтің баспасөз мәслихатында.  Оның айтуынша, қарыз алушыларға банкке жүгінудің қажеті жоқ.

Себебі талдау жұмыстары жүргізіліп жатыр.   «Еңбек және халықты әлеуметтік қорғау министрлігінен мәлімет алғаннан кейін, Ұлттық банк мемлекеттік бюромен, банктармен қосылып 1 маусымға дейінгі мәліметтерді ала отырып, барлық цифрды салыстырады. Қарыз алушылардың ішінде әлеуметтік көмек алатындардың айыппұлдары мен өсімпұлдары қаралады. Шарт қабылданғаннан кейін Ұлттық банк ретінде біз сомалардың кешірілуін қадағалаймыз. Алдағы уақытта сұрақ туындамас үшін мұның бәрі несие құжаттамада көрсетілетін болады», - деді Смоляков. 


ktk.kz

Әтір сепкенде жіберілетін 6 қателік


Кез келген бойжеткен әтір сепкенді жақсы көретін шығар. Оларға оның қораптағы қымбат түрі немесе құйылмалы екені маңызды емес. Оның түсі мен иісін әркім өз қалауынша таңдайтыны анық, бірақ оны қолдану әдісі бәріне ортақ. «Әтірсүйер» қауым қандай қателіктер жібереді? Мұны қалай жөнге келтіруге болады? Кезекті материалымызда осы сұрақтарға жауап іздейік. 

№ 1 қателік: Шашқа себудің қажеті жоқ


 Шаш әтірдің иісін өте ұзақ сақтайды. Ал құрамында алкоголі бар әтірлер шашты құрғатып жібереді. Мұнымен қатар, шашқа әтір себу шылым шегушілердің ортасында жүргенмен бірдей. Бұл иістен тек жуыну арқылы ғана арыла аласыз. Егер кеш батқанша образыңызды өзгертіп, басқа әтір сепкіңіз келсе, әтірді шашқа жақындатудың қажеті жоқ. Ал әр қыздың өмірдің әртүрлі жағдайына сай 3 әтірі болуы керектігін білетін шығарсыз. Десе де бұл басқа әңгіме.

№ 2 қателік: Киімге сеппеңіз
 Әтірдің иісінен, одан кейін қалатын сары дақтан тек су мен ұнтақтың көмегімен ғана арыла алатындықтан, оны киімге мүлдем сеппеген жөн. Мұнымен қатар, әтір мен терінің иісі араласқан кезде, жағымсыз иіс шығуы да ғажап емес. Бәрінен дұрысы, оны ваннадан немесе душтан шыққан соң, парфюмерлік кремнің үстінен себу.

№ 3 қателік: Әтірді білегіңізге сепкен соң, үйкемеңіз
 Парфюм сеуіп, білекті бір-біріне үйкеген кезде, оның құрамындағы кей қасиеті жоғалады. Үйкеген кезде тері қызатындықтан, иісі онша ұзақ сақталмайды.

№ 4 қателік: Таңертең иісі мүңкіп тұратын әтір сеппеңіз
 Бұл өзгелерге көрсеткен құрметіңіз болсын. Францияда мұны кербездік немесе салтанаттылықтың белгісі деп білсе, Қазақстанда бұл әрекетіңізді әдепсіздік деп түсінеді. Себебі таңертең қоғамдық көлікте, жедел сатыда барлығы қысылып тұрған кезде, ешкім әтірдің иісіне тұншыққысы келмейді. Кешкі мезгілге дейін шыдап, қалаған иісіңізді осы уақытта себуіңізге болады.

№ 5 қателік: Құрғақ теріге жақпаңыз
 Құрғақ теріге себілген әтірдің иісі ұзақ сақталмайды. Сондықтан оны ылғалдандырғыш кремнің үстіне жаққан жөн.

№ 6 қателік: Парфюмді күн түсетін жерге қоймаңыз
 Ол күн көзінің астында тотығып, түсі мен иісін жоғалтуы мүмкін. Мұнымен қатар, жуынатын бөлмеде де сақтаудың қажеті жоқ.

Дереккөзі:  anabol.kz
 
 

Жарылыстан 12 адам қаза тауып, 43-і жараланды


Ауғанстандағы жарылыстан 12 адам қаза тауып, 43 адам жараланды.


Қайғылы оқиға Ғазна провинциясының орталығы саналатын Ғазна қаласында болған. Агенттіктің xабарына қарағанда, Ауғанстанның Ұлттық қауіпсіздік директораты ғимаратының алдында автомобиль жарылған.

Қаза тапқандардың сегізі қауіпсіздік қызметкерлері, тағы төртеуі бейбіт тұрғындар. Ал зардап шеккендердің көпшілігі - мектеп оқушылары. Олардың жағдайы туралы ақпарат тым мардымсыз.  Лаңкестікке жауапкершілікті әзірге өңірдегі террористік ұйымдардың ешбірі алған жоқ. 

Дереккөз:ҚазАқпарат

Жарылыс кезінде ата-анасынан адасып қалған балаларды Шымкенттегі мешітке әкеліп табыстап жатыр

Арыс қаласында болған жарылыс кезінде ата-анасынан адасып қалған балалар туралы мәлімет әлеуметтік желі арқылы таралуда. 

Арыс қаласындағы бүгінгі болған жарылыс кезінде жаппай үдере көшкен халықтың бір бөлігі Шымкент қаласындағы орталық мешітке ("Бекжан" базары маңындағы "Ақмешіт") келіп орналасуда, деп хабарлайды Ernur.kz тілшісі. Шымкент қаласы орталық мешіттің бас имамының орынбасары Мұхаммеджан Естеміровтың айтуынша, қазірге дейін келіп орналасқандардың саны шамамен 500-ден асқан.

Сонымен қатар, ата-анасынан адасып қалған, балабақшадан, лагерьлерден әкелінген балалардың саны 200-ге жуық дейді ол. «Мүмкін болғанша, ата-аналарына хабарласып, телефон арқылы ақпарат таратып жатырмыз. Балалар, әсіресе, балабақша жасындағы балалар көп. Қазір мешіттің жанындағы медресенің жатақханасын босатып, сонда орналастырып жатырмыз. Барынша көмек беруге тырысып бағудамыз. Қала халқына рахмет, сумен, азық-түлікпен көмектесіп жатыр», дейді орталық мешіттің бас имамының орынбасары.