Желтоқсанда неше күн демаламыз ?

2019 жылдың желтоқсанында мереке күндеріндегі демалыстың бірі жұмыс күніне ауысады. Сөйтіп бұл айда демалыс күні көп болады.

2019 жылы желтоқсанда қазақстандықтар 12 күн демалады. Биыл 1 желтоқсан – Қазақстанның Тұңғыш Президенті күні жексенбіге түсіп тұр. Сондықтан бұл демалыс 2 желтоқсанға ауысады. Ал Тәуелсіздік күніне орай қазақстандықтар 16 және 17 желтоқсанда демалады.

2019 жыл, мереке, күнтізбеИнфографика: Egov.kz

Тұңғыш Президент күні 2012 жылдың 1 желтоқсанынан аталып өте бастады. Бұл мерекені атап өту туралы шешім 2011 жылы 10 желтоқсанда қабылданды. Ол кезде ҚР Сенатының жалпы отырысында “Қазақстан Республикасының мерекелері туралы” заңына толықтырулар енгізу туралы” заңы қабылданды. Бұл мереке ҚР Тұңғыш Президенті Нұрсұлтан Назарбаевтың мемлекет алдындағы ерен жетістіктерін тану мақсатымен ұйымдастырылған.

ҚР Тәуелсіздік күні – мемлекеттік басты мереке. Ол жыл сайын 16 желтоқсанда аталып өтеді. Бұл күні 1991 жылы Жоғарғы КеңесҚазақстанның тәуелсіздігі мен мемлекеттің егемендігі туралы заңды қабылдады. Республикада ұлттық мерекеге орай демалыс күні болып есептеледі және келесі күн – 17 желтоқсан Қазақстан Республикасының демократиялық жаңару күні болып жарияланған.

 baribar.kz

Елордада жол ережесін 98 рет бұзған жүргізушіге 6 миллион теңге айыппұл салынды

Нұр-Сұлтан қаласында көлік жүргізушісіне жол ережесін бұзғандықтан 6 миллион теңге көлемінде айыппұл салынған.

Бұл туралы қалалық полиция департаменті баспасөз қызметіне хабарлайды. 

3 желтоқсанда полиция «VOLVO Xc90» маркалы автомобильді жол-көлік ережесін бұзғаны үшін тоқтатты. Бейнебақылау камералары мониторинг жүргізу кезінде осы автокөлік жол қозғалысы ережесін бұзғанына байланысты тоқтатылған.

Көлік жүргізушісінің құжаттарын тексеру барысында полиция 98 жол ережесін бұзғаны үшін 6 млн 95 мың 350 теңге айыппұл арқалап жүрген азамат екенін анықтады.  Бұған қоса полиция қызметкерлері Lexus LX 570 автокөлігін мінген, атына 49 жол ережесін бұзушылық тіркелген және 2 миллион 489 мың 650 теңгелік айыппұлы бар жүргізушіні анықтапты.

 ktk.kz

Нумерология : телефон нөмері нені білдіреді ?

Телефон нөміріңіздің өміріңізге қалай әсер ететінін білгіңіз келе ме? Ендеше нөміріңіздің барлық санын бір біріне қосып шығыңыз. Мысал: 8 (777) 325-03-05. 8 +7 +7 + 7 + 3 + 2 + 5 + 0 + 3 + 0 + 5 = 47. Әрі қарай: 4 + 7 = 11; 1 + 1 = 2. Сонымен соңғы сан не айтады?


1

Бұл сан іскерлік келіссөздерге қолайлы. Көп еңбек ететін жандар ұстағаны абзал.


2

Бұл сан басқа адамдармен қарым-қатынас орнатуға көмектеседі. Мұндай адамдар дипломат келеді.


3

Бұл сан шығармашыл адамдардың саны. Өнер адамдары мен журналистердің ұстағаны абзал.


4

Бұл сан ашық адамдардың саны. Мұндай адамдар кез келген жағдайда көмекке дайын тұрады.


5

Бұл сан белсенді адамдардың саны. Мұндай адам ойын-сауықтың ортасында жүреді.


6

Бұл сан отбасылық махаббатты білдіреді. Мұндай адамдар отбасында бақытты әрі оны бірінші орынға қояды.


7

Мұндай саны бар адамдар үшін ішкі дүниесі аса маңызды. Олар жалғыздықты жақсы көреді.


8

Бұл сан қаржы және бизнес саласында жұмыс істейтіндер үшін жақсы. Материалдық табыс әкеледі.


9

Бұл сан иелеріне әрдайым сәттілік әкеледі.




 Alashainasy.kz 

 

Сол бір күн есіме түскен сәтте...

Мен ауылдың қызы едім. Мектепте оқып жүрген кезімнен аздап тұйықтау болып өстім. Көшеге шығып, би кештеріне баруды да әдетке айналдырмағанмын. Құрбыларым түннің ортасына дейін қыдырып жүргенде мен үйдегі шаруалармен болып, ұйқыға кететінмін. Бірақ...

 

Сол бір күн есіме түскен сәтте кеудеме ащы өкініш тығылып, жүрегім қан жылағандай болады. Бір күні әдеттегідей үйде отырғанмын.

Қояр да қоймай жалынып шақырып алған соң құрбымның үйіне бардым. Ол менен бірер жас үлкендігі бар еді. Барсам, бет аузы қожыр-қожыр жасы отыздан асып кеткен дәу жігіт үйінде отыр. Құрбым үстелдің үстін жайнатып жіберіпті. Жайшылықта көрінбейтін тәтті-дәмді мен коньяктар үстел үстінде самсап тұр. Аузым ашылып қалды. Сол үйде отырып, біраз әңгімелестік. Сосын олар мені күштегендей болып коньяк ішкізді. Ақыры аз-маз масайып қалған мені құрбым әлгі дәу жігітке шығарып беріпті. Сөйтсем, мен сорлыны сол жігітке берудің амалын осылай тапқан сияқты.

 

Дәл осы күннен бастап мойныма ілінген қыл арқанға байланып кете бардым. Өйткені, біздің түсінікте бір кеткен соң қайта оралу деген түсінік жоқ еді. Алдыма тасталған ақ орамал мен есіктің алдына жатып алған кейуанадан аттап кете алмай қожыр бет дәудің әйелі атандым. Одан кейінгі өмірім кәдімгі жабайы тірлікке бет алды. Күйеуім нағыз есерсоқтың өзі болып шықты. Күн сайын ішімдік ішіп таяқтың астына алады. Кей кездері жайдан-жай сылтау тауып ұрып алатынды шығарды. Бірақ соның бәріне көніп, ата-анамның алдына баруды ар санап келдім. Таяқ жегенімді айтып көмек сұрайтын жан да жоқ. Өйткені сыртқы әлеммен еш байланыссыз таудың басында шошайып жалғыз түтін тұрамыз. Күндіз үй тірлігімен айналысып, кешке сиыр сауып, түнде қой күзететін болдым.

 

Ақыры аяғым ауырлап, бірінен соң бірі үш бала көтердім. Бірақ бала болса да күйеуім ішуін тоқтатпады. Тіпті, барған сайын үдете түсті. Бала-шағамның көзінше ұрып көк-ала қойдай етіп сабап алатын. Ал кейін арақ үшін үйді тастап жұмалап ат ізін салмай кететінді шығарды. Айдалада жалғыздан-жалғыз қорқып отыратын болдым. Отар-отар қой мен сиырлар, үйдің бар тірлігі менің мойныма артылды. Көнбістігімді қазір ойласам қаным басыма шабады. Күн артынан күн, ай-артынан ай сөйтіп жылжып өте берді. Күйеуім әбден арақтың соңына түсіп тіпті мүлде арақсыз тұра алмайтын күйге жетті.

 

Бір күні біздің үйге күйеуімнің жолдасы келіп, екеуі отырып, бірге арақ ішті. Түннің бір уағына дейін отырдық. Күйеуімнің жолдасы маған тиісе бастады. Ал арақтың буына беріліп, көз алды қарауытқан күйеуімнің онымен жұмысы жоқ. Алғашқы кездері қарсыласып бақтым. Дегенмен, жалғыз басты жаңағы жігіт торуылдауын қоймады. Тіпті, күйеуімнен гөрі жаңағы күйеуімнің жолдасын жиі көретін болдым. Күн аралатпай жетіп келіп тұрады. Сөйтіп біртіндеп бір-бірімізге бауыр басып кеттік. Ақыры бірнеше айдан кейін менің сол жігіттен аяғым ауырлап қалды. Алдырып тастауға қимай жүргенде бұл істі күйеуім де естіп қалған. Бұрынғы-бұрынғы ма? Таяқтың астына күнде алатынды шығарды. Әбден зықым шығып төрт баламен не істерімді білмей дал болдым.

 

Күйеуім қазір сау адам емес. Әбден тістері мүжіліп, қартайып, айықпайтын ауруға тап болған. Үйдің шаруасы мен малға қарайтын да өзім болдым. Содан қаным әбден қарайғандықтан анаммен ақылдасып, үлкендерін анама қалдырып, кішкентайыммен қалаға кеткенді жөн санадым. Күйеуіммен кеш болса да ажырасуды жөн деп таптым. Бұдан басқа менде амал да қалмаған. Қазір құрбымның тар пәтерінде бірге тұрып жатырмын. Күнде екеуміз интернет ақтарамыз. Ол маған компьютер тілін үйренсең жұмысқа тұрғызам сені деп уәде беріп отыр. Қазір әр жерге барып жұмыс іздеп жүрмін. Бірақ, мектептен кейін жоғары оқу орнын аяқтамаған жұмыс тәжірибесі жоқ адамды қайтсін. Жұмыс таба алар емеспін. Қанша жақын болғанмен біреуге масыл болғанымды ойлап жүрегім қан жылайды. Енді не істесем деген мазасыз ойлардан түні бойы жастығым жасқа шыланады. Бірақ мұны тірі жан біліп жүрген жоқ. Баланы да бала-бақшаға беру аса қиынға түсті. Тиын-тебен бермесе, не болмаса тамыр-таныс болмаса балабақшаға берудің өзі қиын екен.

 

Жағдайым осындай болды. Құрметті оқырман не істеуім керек. Қандай ақыл қосар едіңіздер? Менің әбден басым қатып кетті. Басым ауған жаққа кетіп қалғым келеді. Әттең балаларымды қайтемін?!.



Айкүміс

 

 

alashainasy.kz/

Ер адам көпірде пышақпен адамдарға тап берген

Лондондық көпірде пышақпен адамдарға тап берген азамат бұрын қылмыс жасап, түрмеге қамалғаны анықталды.

Оның террористік әрекеттерге қатысы болыпты. Бүгін адамдарға пышақпен шабуыл жасаған 28 жастағы ер азаматтың есімі Усман Хан екендігі айтылды. Ол 2012 жылы сотталып, 2018 жылы мерзімінен бұрын босап шыққан.

 Жұма күні қылмыскер Ұлыбритания астанасында лаңкестік әрекет жасапты. Ол пышақпен бірнеше адамды жаралаған, екі адам алған жарақаттардың салдарынан мерт болыпты. Бұған қоса оның үстіне киілген жарылғыш заттың муляжы анықталған.  Қазіргі таңда жарақаттанған үш адам ауруханадан шықпапты, оның біреуінің жағдайы әлі ауыр көрінеді. Бұған дейін әлеуметтік желілерде адамдарға шабуыл жасаған ер азаматты полициялардың ұстап жатқандығы, артынша бір тәртіп сақшысының әлгі адамды атқаны тараған еді. 

Дереккөз: stan.kz 


Әл үстінде жатқан науқас күтпеген қадамға барды

33 жастағы ер адам шілде айында өзін жайсыз сезінген.

Қыркүйекте өзінің айықпас дертке шалдыққанын білді. Ұлыбританияның Нортгемптон қаласында әл үстінде жатқан науқас ауруханада үйлену тойын жасады. Шілде айында 33 жастағы Гэри Смарттың денсаулығының сыр бере бастаған. Оның кеуде қуысы ауыра бастапты. 


Дұрыс ұйықтай алмай, жүдеп кеткен. Қыркүйек айының соңында дәрігерлер оған өкпе қатерлі ісігінің асқынған түрі деген диагноз қойған. Мамандар оның өмір сүруіне бірнеше күн қалғанын айтыпты, деп жазады sputniknews.kz .

Осыдан соң, Гэри Смарт бұл өмірден неке қимай кеткісі келмейтінін айтқан. Сондықтан айықпас дертке шалдыққан науқастың үйлену тойы ауруханада өтіпті. Оның жанында туыстары мен жақындары болған. Шіркеу қызметкері Гэри мен 31 жастағы Лаураның некесін қиған. "Ол маған үйлену антын беріп, саусағыма жүзік тақты. Сосын екеуміз бірге фильм көрдік. Ол көліктерге қатты қызығатын", - дейді Лаура. Сегіз сағаттан соң, Гэри Смарт қайтыс болды.