Ерлан Тұрғымбаев: Таяуда заңға өзгеріс енгізейік деп отырмыз

Жүргізуші көлігінің қаптаған құжатын өзіңмен алып жүрмейсің.
 
Енді оған тек жеке куәлігің болса жеткілікті. Ішкі істер министрлігі жақын арада заңға осындай өзгеріс енгізгелі жатыр. Тағы бір өзгеріс, енді автобөлшектердің техникалық төлқұжаты болмаса, оны сатуға болмайды. Сатса, әкімшілік жауапкершілікке тартылады.

«Мұның барлығы айналып келгенде автокөлік нарығын реттеуге, сондай-ақ, көлік ұрлығын азайту үшін керек», - дейді министр Ерлан Тұрғымбаев.
 
Бүгінде бүкіл патрульдік полицейлерде 6 мыңдай планшет бар. Оларда еліміздегі бүкіл автокөліктерге қатысты мәлімет топтастырылған.
 
Жол полициясы жүргізушінің жеке куәлігін тексеру арқылы соның барлығына көз жеткізе алады. Сондықтан жүргізушіге енді көлікке меншік құқығын растайтын құжаттарының керегі жоқ.
 
Ерлан Тұрғымбаев, ҚР Ішкі істер министрі: - Жақын арада заңға өзгеріс енгізейік деп отырмыз. Яғни, алдағы уақытта жүргізуші көлігінің бүкіл құжатын арқалап жүрмейді. Енді тек жүргізушінің өзінің жеке куәлігі болса жеткілікті. Өйткені полиция қызметкері сол арқылы планшеттен бүкіл мәліметті көре алады. Көп ұзамай, Әкімшілік кодексте тағы бір өзгеріс болады.
 
Ол қолданылған автобөлшектерге қатысты. Автобөлшектер тек арнайы дүкендерде ғана сатылу керек деген тәртіп былтыр қолданысқа енгізілген. Енді сатушы ешқандай құжатсыз, яғни, техникалық паспорты жоқ бөлшекті саудаға шығарса, әкімшілік жауапкершілікке тартылады. Мұндай тәртіптен хабары жоқ қара базардағыларға бұл заң қиынға соғайын деп тұр. Тек ресми құжаттарымен жұмыс істейтін орындар ғсаспайды.  
 
Әділбек Дигимбаев, автобөлшек сауда орталығының басшысы: - Бұл жергілікті көліктерді бөлшектеп сататындарға қатысты деп ойлаймын. Әрине, ол дұрыс. Ұрланған автобөлшектерді сату жойылады. Біз 2009 жылдан бері Германия мен Жапониядан тасымалдап келеміз. Бүкіл кедендік декларациямыз бар. Сондықтан заң бізге қиындық тудырмайды. Ішкі істер министрінің айтуынша, заңды бұлай қатаңдатудың астары бар. Себебі, ұрланып, шекара асып кеткен көліктердің осы күнге дейін елге қайтарылғаны үштен біріне де жетпейді. Тіпті шекарадан өтіп жатқан автокөліктер туралы ортақ ақпараттық база да жоқ екен.
 
Ерлан Тұрғымбаев, ҚР Ішкі істер министрі: - 2005 жылы келісім қабылданғаннан бастап осы кезге дейін ұрланған 220-дан астам көліктің тек 30 пайызы елге қайтарылды. Өйткені сұрау салу нормалары дұрыс жұмыс істемеген. Осы кемшіліктерді жою үшін құжатқа жаңа нормалар енгізілді.
 
Енді ереже бойынша сұрау салуды орындауға  бір ай ғана уақыт беріледі. Бұдан былай ТМД елдері жол-көлік, өрт және табиғи апаттардан зақымданған автокөліктер туралы мәлімет алмасып отырады. Ал бір жыл ішінде іздеуі жоқ автокөлік анықталса, ол сол мемлекеттің меншігінде қалдырылады. Ресми құжатқа ТМД-ның алты мемлекетінің Ішкі істер министрлері қол қойған.

ktk.kz
 

Мұнай саласында үш жарым мың адам жұмыссыз қалды

Бұл жайында халыққа есеп беру барысында энергетика министрі Нұрлан Ноғаев мәлімдеді.
 
Министрдің айтуынша, қызметкерлердің жұмыссыз қалуына мұнайға деген сұраныстың төмендегені әсер етіп отыр.

"Біздегі мәлімет бойынша, мұнай сервисі саласында үш жарым мыңға жуық адам жұмыссыз қалды. Мемлекет қызметкерлер санының одан әрі қысқармауы үшін бар күш-жігерін жұмсайды", – деді министр.
 
Ноғаев маусымның соңына дейін ТШО мен басқа да сервистік компания қызметкерлерінен жалақы төленетінін айтты. "Сонымен қатар мемлекет жүйе құраушы кәсіпорындарды қолдау және салық төлеуге жеңілдік беру бойынша шаралар қабылдап жатыр.
 
Мұнай сервистік компаниялар осы шараларды пайдалана алады", – деді министр. Айта кетейік, Қазақстан мұнай өндірісін өткен жылмен салыстырғанда 4,5%-ке азайтуды жоспарлап отыр. Демек, 2020 жылы елімізде 86 миллион тонна мұнай өндіріледі.
 
Дереккөз: Sputnik


 

Жұмыс берушілер карантин кезінде бос қалған қызметкеріне 42 500 теңге төлеуге міндетті - Алматы бас еңбек инспекторы

 

Алматы қаласының бас еңбек инспекторы Айнұр Мұқажанова жұмыс берушілерге қызметкерлері уақытша жұмыссыз қалғаны үшін 42 500 теңге төлеу керегін еске салды, - деп хабарлайды Tengrinews.kz тілшісі.

"Жұмыс берушілер жұмыс орындарында кез келген тәуекелдерді болдырмауға міндетті екенін атап өткім келеді. Біз жұмыс берушілерге ЕК 112-бабына сәйкес, яғни бос тұрып қалу уақытына ақы төлеуді ұсынамыз, оған сәйкес олар қызметкерлеріне ең төменгі жалақы, 42 500 теңге төлеуге мәжбүр болады", - деді Алматы қаласының бас еңбек инспекторы Айнұр Мұқажанова онлайн-брифинг барысында.

 

Ол Еңбек кодексінің 112-бабына енгізілген өзгерістерді айтты. Оған сәйкес жұмыс беруші амалсыздан қызметінен босап қалған жұмысшысын рәсімдеу керек және оған 42 500 теңге көлемінде ең төменгі жалақы (ЕТЖ) мөлшерін төлеуге міндетті.

Қызметкерге ЕТЖ төленбеген жағдайда, олар Қонаев көшесі, 122 мекен-жайы бойынша басқармаға бара алады.

"Әлеуметтік әл-ауқат басқармасына жұмыссыз қалған уақытта ең төменгі жалақы төленбегені туралы өтініш түссе, біз тексеруден кейін, дерек расталса, айыппұл түріндегі әкімшілік жаза қолдануға мәжбүр боламыз. Шағын бизнес төлемегені және жалақыны кешіктіргені үшін 60 АЕК айыппұл төлеуге тиіс, орта бизнеске - 100 АЕК және ірі бизнес үшін - 150 АЕК", - деді Алматының бас еңбек инспекторы Айнұр Мұқажанова.

Бейсен Құранбек: Кейбір адамдардың ішкі күш қуаты, өмірге құштарлығы, ерік-жігері таң қалдырады

Жазмыштан озмыш жоқ. Ұзаққа созылған сырқатынан соң әріптесіміз, танымал тележүргізуші Бейсен Құранбек өмірден озды. Қаралы хабар көпті есеңгіретті. Саналы ғұмырын журналистикаға арнаған азаматтың орны ойсырап қалды.
 
49 жасында бақилық болған Бейсен Құранбекпен  қоштасу рәсімі бүгін Талдықорған қаласында өтеді.

 
«Білу – бөлек, түсіну – басқа». Бұл Бейсен Құранбектің әлеуметтік желіде былтыр желтоқсанның тоғызында жариялаған соңғы жазбасы.
 
Ниет, тілек, батаның күші. Денсаулықтың қадірі мен сыйластықты ол өмірдің басты мәніне балайды. Жылдан астам ауруымен арпалысқан азамат қасиетті Рамазан айында о дүниеге аттанды.
 
Жанарбек Әшімжан, «Ана тілі» газетінің бас редакторы: - Жақында өзінің жатқан ауруханасына барып, жанында болдық. Мен мұндай қайсар адамды көрмедім, шынын айтқанда. Аурудың беті белгілі болғанына қармастан, соншалықты жігерленіп, «осы Құдай қаласа, ауруханадан шыққаннан кейін» деп, жоба-жоспарларын айтты. Әзілдерге бұрды. Күрескер, қайраткер, қайсар, өмірде де сондай азамат болды ғой.
 
- Кейбір адамдардың ішкі күш қуаты, өмірге деген құштарлығы, тапжылмас табандылығы мен мойымас ерік-жігері таң қалдырады. Өзі тізген бұл қасиеттердің бәрі де Бейсенде бар еді. Еңбек жолын «Спорт» газетінде бастаған жас тілшінің бала арманы, бірақ, басқа болған.
 
- Мен журналист боламын деп ойлағаным жоқ, армандағам да жоқ. Футболшы болуды армандағанмын. Қазақстанның құрамасын футболдан әлемнің чемпионы қылуды армандадым, кішкентай күнімнен. Ала доппен аламанда топ жармағанмен, ақпарат майданында дара шықты.
 
Республикалық арналарда біраз жыл тілші болды. Жалпақ жұртқа әлеуметтік ток-шоу арқылы танылды. Сүрінгенді демеп, жылағанды жұбатып, түңілгенге үміт шуағын сыйлау арқылы ол көптің сүйікті ұлына айналды.
 
Оған қоса, өзі туған өлкесіндегі «Жетісу» телеарнасын басқарды. Журналистикада тыңнан түрең салған Бейсен Құранбектің өмір жолы бүгінгі, һәм кейінгі буынға өнеге. Гүлжанат Мақұлжанова, Жетісу телеарнасының бас редакторы: - Амал қанша, ғұмыры қысқа болды. Отандық журналистикада өзінің ізін қалдырды. Ісін қалдырды.
 
Шәкірттері барда, халқына жасаған еңбегі барда, ол ешқашан өлмейді. Бүгіннен бастап Бейсекеңнің екінші өмірі басталды. Қош, Бейсеке! - Мықты журналистің, жақсы журналистің ерекшелігі сол – атмосфераны берумен бірге, проблемасын, мысалы, жылап келген адамның сол проблеманы берумен бірге, олармен бірге жыламай, олармен бірге сары уайымға салынып кетпей, содан адамдарға үміт сыйлау білуде.
 
Адамдарға сенім сыйлау білуде. Адамдарға тунельдің ар жағынан – жарықты көрсете білуде деп ойлаймын. 49 жасына қарағанда көз жұмған азаматтың қазасы көптің қабырғасын қайыстырды. Алматы облысы әкімінің тапсырмасымен Бейсен Құранбекті ақтық сапарға шығарып салуға байланысты облыстық комиссия құрылды.
 
Қоштасу рәсімі ертең Талдықорғанда өтеді. Амандық Баталов, Алматы облысының әкімі: - Аққан жұлдыздай болды. Аққан жұлдыздай ұшты да, кетті. Артында көп іс қалдырды. Жақсы іс қалдырды. Жолдастарының арасында, елдің арасында.
 
- Күнтізбенің беті күн сайын ауысады. Күн сайын дүние қырық құбылады. Біреу қуанады, біреу мұңаяды. Біреу сүйінеді, біреу күйінеді. Күнтізбенің дәл бүгінгі беті көпті күйіндірді. Қатерлі ісікке осынша уақыт қарсы тұрғанмен, ауру ақыры алмай қоймады. Кішіге – ақылшы аға, үлкенге –  ізетті іні болған Бейсен Құранбек бір атаның емес, бар қазақтың баласы бола білді.
 
- Қуаныштан күліп, ойым бір шалқып билемек Кеттім мен сосын күнәсіз арман сүйрелеп. Қара шашты ақын болып тұр екем, Қабырғадағы айнаны көрсем үйге кеп. Ақын боп кеттім, ақын боп кеттім, обал не? Болмаймын ба, жоқ әлде?!..

ktk.kz
 
 

5 жастағы мысықтан коронавирус табылды

 
Бес жастағы үй мысығынан коронавирус табылды.
 
Ресейде мысық карантинге қойылды. Үй жануарынана талдау жасалып, вирус жұқтырғаны анықталды. Қожайындар қауіпті вирусты жұқтырды ма, жоқ па әлі белгісіз.
 

 Дүниежүзілік жануарлардың денсаулығын сақтау ұйымы жариялағандай, бес жасар мысықтан инфекция табылды. Мәскеуде үй иелері үй жануарларын ветеринарға әкеліп, тексеруден өткізуді сұрағандығы айтылады.
 
Дәрігерлер жануардың тамағынан және мұрнынан сілекей алып, коронавирустық инфекцияның қоздырғышын тапты. Сонымен бірге ДДҰ қауіпті ауру жұқтырған адамнан жануарларға берілетін жағдайлар бар екенін айтады. Бірақ вирустың үй жануарларынан адамға беріле ме, жоқ па ол жағын мәлімдеген жоқ.

ktk.kz

COVID-19: Байлар жаппай бункер сатып алып жатыр

Forbes-тің мәліметі бойынша, тек осы жылдың өзінде америкалық Rising S Company компаниясы 150 000 доллар тұратын, толық жабдықталған және ядролық уды сүзуге қабілетті екі бункер сатқан.
 
Калифорниядағы Vivos компаниясы ресейлік қалталылар арасында бункерге деген сұраныс артқанын мәлімдеген. Олардың айтуынша, пандемия басталғаннан бері бункерлерге деген сұраныс 1000 пайызға артқан. Ресейде қорғаныс жабдықтарын өндіретін компанияларға тапсырыс саны да өсті.

 
 
"Спецгеопроект"-тің өкілі Данила Андреевтің айтуынша, сәуір айында бес тапсырыс берілді, компания әдетте айына бір тапсырыс қана алатын.  Негізгі тұтынушылар – Мәскеу, Мәскеу облысы, Санкт-Петербург тұрғындары.
 
Андреев клиенттерді бункерлерден гөрі қауіпсіздік бөлмелері көбірек қызықтыратынын айтты. Мұндай бөлмелерде герметикалық есіктер мен терезелер, автономды электрмен жабдықтау және байланыс бар.
Олар аурудың таралуынан, сондай-ақ жауынгерлік және улы газдардан қорғайды.
 
 
Жерасты бункерінің құны 10 миллион рубльден басталады, ал қауіпсіздік бөлмесінің бағасы – 3 миллион рубль. "Бункерстрой" компаниясы да  радиоактивті шаңнан, улы химикаттардан қорғайтын ванна бөлмелері мен кәрізі, байланыс және жылу жүйелерінен тұратын 60 метрлік аумағы бар бункерлерді 7,6 миллион рубльден сатып жатыр.