Президент табиғи апаттан зардап шеккен аймақтарда баға өсіміне жол бермеу қажеттігін айтты

 

Мемлекет басшысы Қасым-Жомарт Тоқаев табиғи апаттан зардап шеккен аймақтардағы азық-түлік қауіпсіздігі мәселесін айрықша бақылауда ұстау және бағаның өсуіне жол бермеу қажет екеніне тағы да назар аударды.

Бұл туралы Президент 12 сәуірде өткен су тасқынына қарсы іс-шараларды үйлестіру және су тасқыны салдарын жою жөніндегі республикалық штабтың отырысында айтты.

  Сондай-ақ Мемлекет басшысы азаматтар үшін әуе және темір жол көліктеріне билеттің қымбаттауына жол беруге болмайтынын ескертті. "Үкімет пен әкімдіктер зардап шеккен адамдарды орналастыру, оларға қажетті көмек беру мәселелерін тез арада шешуге тиіс.

Қазір бұл жұмыстар атқарылып жатыр. Эвакуациялық пункттердегі жағдайды тұрақты бақылауда ұстау керек. Жоғалған құжаттарды қалпына келтіру, құқықтық және психологиялық көмек көрсету пункттерін жедел ұйымдастыру қажет.

Айтпақшы, жоғалған құжаттар да проблема болады. Адамдар үйлерін асығыс тастап кетті. Құжаттарын қалпына келтіруге көмектесу керек. Жағдай өте күрделі аудандарда қоғамдық штабтар орналастырылып, түсіндіру жұмыстары жүргізілсін", – деді Президент.

Жиын барысында Денсаулық сақтау министрлігіне Ауыл шаруашылығы министрлігімен бірге еліміздегі санитариялық-эпидемиологиялық және эпизоотиялық жағдайға бақылауды күшейтіп, тәулік бойы мониторинг жүргізу, сондай-ақ көппәтерлі үйлерге, әлеуметтік және басқа да нысандарға дезинфекция жасау жөнінде тапсырма берілді. 

Су тасқынына байланысты жұқпалы аурулардың таралып жатқаны және эпидемиологиялық жағдайдың нашарлағаны туралы әлеуметтік желілерде жарияланған ақпарат расталмады.

Президент бірқатар отандасымызды арнайы төсбелгімен марапаттады

 

Қазақстан Республикасы Президентінің Жарлығымен халықтар арасында бейбiтшiлiктi, достық пен ынтымақтастықты нығайтуға, мемлекеттік тілді дамытуға сiңiрген еңбегi үшiн бірқатар отандастарымыз марапатталды. Бұл туралы Ақорданың баспасөз қызметі мәлім етті.

 Қазақстан Республикасы Президентінің Жарлығымен халықтар арасында бейбiтшiлiктi, достық пен ынтымақтастықты нығайтуға, мемлекеттік тілді дамытуға сiңiрген еңбегi үшiн:

▪️Астана қаласы Қайырбеков атындағы №2 мектеп мұғалімі Шнайдер Елизавета Александровна ІІ дәрежелі «Достық» орденімен;

▪️ «Қазақстан украиндарының радасы» бірлестігінің төрағасы Тимощенко Юрий Евгениевич, мемлекет және қоғам қайраткері Ахмадиев Мурат Абдуреимович, «Дустлик» Қазақстан өзбектерінің этномәдени қауымдастығы төрағасының орынбасары Шарипов Хасан Халматович «Ел бірлігі» орденімен;

▪️ Степногорск балалар мен жасөспірімдер спорт мектебінің оқытушысы Дураченко Николай Николаевич, Атырау қалалық №3 мектеп-гимназиясының мұғалімі Любина Татьяна Нестеровна «Ерен еңбегі үшін» медалімен;

▪️Өскемен металлургия кешені Мырыш зауытының күйдірушісі Панасюк Сергей Александрович, Ұлытау облысы Қожамқұлов атындағы қазақ музыкалық-драма театрының аккомпаниаторы Побединский Аркадий Николаевич, Қазақстан Республикасы Ұлттық ұланының бөлімше командирі Пономаренко Кирилл Алексеевич, Ақмола облысы Арайлы ауылы орта мектебінің мұғалімі Ирубаева Анастасия Валерьевна «Шапағат» медалімен;

▪️Қазақстан халқы Ассамблеясы Шығыс Қазақстан облысы ғылыми-эксперттік тобының төрағасы Краснобаева Нелли Леонидовна, Қарағанды облысындағы «Ассамблея жастары» өкілдігінің төрағасы Урмашов Александр Николаевич, Жетісу облысы «Қоғамдық келісім» мекемесінің басшысы Усанова Руфина Касымовна Қазақстан Республикасы Президентінің Алғысымен марапатталды. 

Бұған дейін хабарлағанмыздай, мемлекет басшысы Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясының отырысы өтті. 

Қазақстанда міндетті екпелердің жаңа тізімі бекітілді: бұл туралы не белгілі?

 

Наурыздан бастап қазақстандықтар түрлі вирусқа қарсы екпе алуға міндеттеледі. Бұл туралы Денсаулық министрлігі хабарлаған еді. 

Министрлік мәліметінше, енді медициналық көмектің кепілдік берілген көлемі шеңберінде тегін екпе алуға болады.

Адам папилломасы вирусы туғызған аурулар міндетті профилактикалық екпе жүргізетін аурулардың тізбесіне енгізілді- деп хабарлайды el24.kz тілшісі Massaget.kzке сілтеме жасап.

Міндетті екпелердің жаңа тізімі бекітілді:

1) жоспарлы профилактикалық екпелер:
- "А" вирустық гепатиті;
- "В" вирустық гепатиті;
-b типті гемофильді инфекция;
-дифтерия;
-көкжөтел;
-қызылша;
-қызамық;
-пневмококк инфекциясы;
- полиомиелит;
- сіреспе;
- туберкулез;
-эпидемиялық паротит;

2) эпидемиологиялық көрсетілімдер бойынша профилактикалық екпелер:
- "А" вирустық гепатиті;
- "В" вирустық гепатиті;
- дифтерия;
- көктемгі-жазғы кене энцефалиті;
- күйдіргі;
-құтырма;
- қызылша;
- қызамық;
- оба;
- сіреспе;
- туляремия;
- тұмау;
- іш сүзегі;
- эпидемиялық паротит.

Дүниежүзілік денсаулық сақтау ұйымының ұсынымын ескере отырып, 6 жастағы балаларды (1-сынып) туберкулезге қарсы ревакцинацияланбайды;

Министрлік өкілдерінің айтуынша, профилактикалық екпелерге қаржы жергілікті бюджеттен бөлінеді.

"Халық денсаулығы және денсаулық сақтау жүйесі туралы" Қазақстан Республикасы Кодексінің 85-бабының 4-тармағына сәйкес Қазақстан Республикасының аумағында тұрақты тұратын медициналық қарсы көрсетілімдері жоқ тұлғалар инфекциялық және паразиттік ауруларға қарсы профилактикалық екпелерді алуға міндетті.

Бірақ қазақстандықтар вакцинациядан бас тартуға құқылы. Бұл Кодекстің 77-бабында айтылған. 

Республикада профилактикалық екпелер туралы деректерді тіркеу мақсатында "Вакцинация" модулі жұмыс істейді. "Вакцинация" модулі - вакцинациялар туралы деректер қоры.

Денсаулық сақтау министрілігі екпе алатындарға кеңес берді. 

"Профилактикалық екпелер туралы ақпаратты ресми және сенімді дереккөздерінен алу қажет. Вакцинациялау туралы ақпараттық материалдар Қазақстан Республикасының Денсаулық сақтау министрлігінің ресми сайттар мен аккаунттарда орналастырылады. Сонымен қатар, вакциналар туралы толық ақпарат алу үшін EGU.kz платформасына және вакцинациялау бойынша Call-орталыққа (жедел желі нөмірі 7701) жүгінуге болады", - делінген хабарламада. 

 

 Атырау облысындағы Индербор кентінде өрттен екі бала мерт болды

 

Атырау облысындағы Индербор кентінде тұрғын үйдің пәтері өртеніп, екі бала мерт болды.

Атырау облыстық төтенше жағдайлар департаменті қоғаммен байланыс тобының мәліметіне сүйенсек, өрт туралы бүгін, 25 сәуірде таңғы сағат 05:37-де хабар түскен. 

«Өрт 5 қабатты тұрғын үйдің 2-қабатындағы пәтерде тұтанған. Шақырту орнына өрт сөндірушілер жеткен кезде пәтердің толықтай жанғаны анықталды. Пәтердің жатын бөлмесінен 2014 және 2017 жылғы балалардың өлі денесі табылды.

Балалардың анасы –1995 жылғы әйел мен оның азаматтық некедегі күйеуі ес-түссіз күйде табылды. Олар жедел жәрдем бригадасының көлігімен аудандық орталық аурухананың жансақтау бөліміне жеткізілді», - деп хабарлады департаменттің қоғаммен байланыс тобы.  Қазір жалынның тұтану себебін анықтау мақсатында өрт-зерттеу зертханасы жұмыс жүргізіп жатыр. Өрт сағат 06:02-де оқшауланып, сағат 06:10-да толық сөндірілді. 

Дереккөз: Kazinform

СҚО-да тасқын судың беті қайта бастады

 

Солтүстік Қазақстан облысында су тасқынының екінші кезеңі шарықтау шегіне жетіп, Есіл өзенінің деңгейі түсе бастады.


Су тасқынының екінші толқынында Сергеев бөгенінің қырынан асып төгілу биіктігі 363 см-ге дейін жетті. Қазіргі уақытта су қоймасы 169 % толған.

«Қазгидромет» РМК СҚО филиалының мәліметінше, өткен тәулікте тек 1 см-ге ғана көтерілген.  Ал Тоқсан би гидробекетінде 48 см-ге, Крещенка елді мекенінің маңында 15 см-ге, Сергеев қаласының жанында 1 см-ге төмендеген. 

Екінші толқын Петропавлға қарай келе жатыр. Мәселен Покровка елді мекенінің маңында 27 см-ге, Новоникольское ауылының жанында 29 см-ге көтерілді.  Петропавлға әзірге жеткен жоқ, өткен тәулікте мұнда Есіл өзенінің су деңгейі 4 см-ге түсті.  Дереккөз: Kazinform

Былапыт сөз айтқан: Атырауда жасөспірімнің анасы жазаланды

 

Атырауда ұсазына былапыт сөз айтқан жасөспірімнің анасы әкімшілік жауапкершілікке тартылды, - деп хабарлайды el24.kz тілшісі azh.kz-ке сілтеме жасап. 

Атырау облысының кәмелетке толмағандардың істері жөніндегі мамандандырылған ауданаралық сотында ҚР ӘҚБтК-нің 435-бабы бойынша әкімшілік құқықбұзушылық туралы іс қаралды.

Іс материалдарына сәйкес 9-сынып оқушысы сабақ үстінде ұстазына былапыт сөз айтып, ұсақ бұзықылық жасаған.

Істі қарау барысында жасөспірімнің анасы кешірім сұрады.

Сот қаулысымен жасөспірімнің анасы әкімшілік құқықбұзушылық жасағаны үшін кінәлі деп танылып, оған 18 091 теңге әкімшілік айыппұл салынды.

Подробности
Категория: Елең еткізер

 

Ұлттық банк басқарма төрағасының орынбасары Ақылжан Баймағамбетов «Ұлттық қор — балаларға» жобасы аясында биыл 18-ге толатын балаларға қанша ақша аударылғанын айтты.

«Ұлттық қор — балаларға» жобасы аясында бағдарлама операторы саналатын Бірыңғай жинақтаушы зейнетақы қоры Әділет министрлігінің деректер базасымен балалардың жалпы санын салыстырып тексерді.

Подробности
Категория: Елең еткізер

 

Астанада коронавирустың аздап өскені байқалады

Елордада коронавирусқа қатысты жағдай тұрақты. Бұл жайында Астана қаласының бас мемлекеттік санитария дәрігері Сархат Бейсенова айтты.
«Қалада коронавирус бойынша эпидемиологиялық жағдай тұрақты деп санаймыз. Біз жасыл аймақта тұрмыз. Дегенмен, науқастанғандар тіркеліп жатыр. Біз апта сайын мониторинг жүргізіп, сырқаттану статистикасын тапсырамыз.

Подробности
Категория: Керек кеңес

 

Жүргізуші жолды анық көру үшін қайта-қайта сүртіп отырады...
 
Таныс жағдай ма? иллюстрациялық фото: ашық дереккөзден Көлік терезесі буланғанда қозғалыс қауіпсіздігі төмендейді. Сосын жүргізуші жолды анық көру үшін қайта-қайта сүртіп отырады. Кейбір автокөлік иелері бұл жағдайды елемей, булануды ауа-райына байланысты екен деп ойлап, әйнекті үнемі сүртіп жүреді. Дегенмен, тәжірибелі жүргізушілер мұндай мәселеден түбегейлі құтылуға болатынын айтады, тіпті арзан көлік болса да. Бүгін сол жүргізушілер ұсынған кеңестер жайлы сөз қозғамақпыз.

Подробности
Категория: Елең еткізер

 

Ақмола облысында 24 жастағы қыз қараусыз қалған үйдің тоғызыншы қабатынан секіріп, суицид жасады.

Ақмола облысы Полиция департаменті баспасөз қызметінің мәліметінше, қайғылы жағдай 5 ақпанда Бурабай кентінде болған.

«Биылғы жылдың 5 ақпанында Бурабай ауданында болған қыздың өз-өзіне қол салу дерегіне байланысты Қылмыстық кодекстің 105-бабы 1-бөлігі (суицидке дейін жеткізу) бойынша сотқа дейінгі тергеу басталды.

Подробности
Категория: Сырласу

 

Күйеуіңіздің адалдығына шүбәланып, қылықтары күмән тудырып жүрсе, оның көзге шөп салып жүргенін білдіретін бірнеше белгі бар.
 
• Түріне ерекше мән бере бастайды
 
Адалдықтан аттаған немесе басқа біреуге көңілі кетіп жүрген ер адамдар аяқ астынан стилін өзгертіп, сырт келбетіне көп мән беріп, айнаны айналшықтап кетуі мүмкін. Тіпті, өмір салтын өзгертіп, спортқа ден қойып, дұрыс тамақтануға көшіп, артық салмақтан арыла бастайды.

Подробности
Категория: Керек кеңес

 

Адам орташа алғанда минутына 30 рет көзін жыпылақтатады. Әдетте екі көзіміз бір уақытта жыпылықтайды. Ал бір тәулікте көзімізді 10 мың рет, кейде тіпті 40-50 рет жыпылықтатамыз.
 
Жыпылықтау – рефлекс.
 
 Адам көзін жыпылықтату арқылы бірден екі функцияны атқарады. Біріншіден, көзімізді шаң-тозаңнан тазартамыз.

Подробности
Категория: Әлем жаңалықтары

 

Қазақстандық сейсмологтар түнде Қытайда тағы екі жер сілкінісін тіркеді.
ҚР Төтенше жағдайлар министрлігіне қарасты сейсмикалық стансалар желісі сағат 00:20-да жер сілкінісін тіркеді.
 
Жерасты дүмпуінің ошағы Алматыдан оңтүстік-шығысқа қарай 273 шақырым жерде, Қытай аумағында орналасқан. Жер сілкінісінің энергетикалық класы – 11.3. Магнитудасы – MPV 4.7. Жер сілкінісінің координаттары – солтүстік-батыс бойынша 41,07°. 78,55°ш.б. Тереңдігі – 5 км. «Қазақстан аумағында сезілуі (MSK-64 шкаласы бойынша) білінген жоқ», - делінген хабарламада.

Подробности
Категория: Елең еткізер

 

10 ақпанда Sergek Group компаниясы лас түтін шығаратын алматылық көліктер туралы мәліметтерді полицияға береді. Бұл туралы  el24.kz тілшісі Stan.kz ақпарат агенттігіне сілтеме жасап хабарлайды.

“Зерттеу барысында анықталған лас түтін шығаратын көліктердің тізімдері 10 ақпанда полицияға тапсырылады. Осылайша, патрульдік қызметшілер көлік ағынындағы тәртіп бұзушыларды анықтап, оларды тоқтатуға және тексеру үшін экологиялық бақылау бекеттеріне жіберуге заңды негіздерге ие болады”, – деп мәлімдеді Sergek Group компаниясының өкілдері.

Подробности
Категория: Ғибратты әңгімелер

 

«Сенің әлпетіңді есте сақтап қалғым келеді, о дүниеде жолықтыра қалсам, сені танып, тағы да алғыс айтқым келеді». 
 
Бірде радиожүргізуші нигериялық миллиардер Феми Отедолаға сұрақ қояды. «Мырза, өміріңіздегі ең бақытты сәтті еске түсіре аласыз ба?» 
 
Феми : «Мен бақытты танудың төрт деңгейінен өттім. Ақырғы деңгейде бақыттың не екенін ұқтым» деп жауап беріпті. 
- Бірінші деңгейде бақытты табыс табу мен баю деп ұққан едім. Бірақ өзім армандаған бақытты одан таппадым. 

Подробности
Категория: Елең еткізер

 

Жалақысы айына 850 мың теңгеден асатын қазақстандықтар енді Міндетті әлеуметтік сақтандыру қорына бес есе артық ақша аударады. Мұндай айлықты ресми табатындардың үлесі елімізде 9 пайызды құрайды.

Міндетті әлеуметтік медициналық сақтандырудың шекті жарнасын өзгерту туралы заң жобасы бұған дейін көптің ашық талқылауына ұсынылған болатын.

Подробности
Категория: Елең еткізер

 

Педофилдер енді өмір бойына бас бостандығынан айырылуы мүмкін. Мәжіліс осындай өзгеріс енген заң жобасын алдағы уақытта жан-жақты талқыламақ. Құжат депутаттардың бастамасымен әзірленген.

Мұндағы басты норманың бірі — тұрмыстағы зорлық-зомбылықтың қылмыс қатарына қосылуы. Яғни енді әкімшілік жазамен құтылып кету мүмкін болмайды. Әрі жаза да әлдеқайда қатаңдатылмақ. Мәжілісмен Асхат Аймағамбетов мұндағы мақсат тек әйелдердің емес, жалпы адамдардың құқығын қорғауға негізделгенін атап өтті.

Подробности
Категория: Керек кеңес

 

Нумеролог Құралай Бақыт 2024 жылы ел халқы неден сақтануы керегін айтты , - деп хабарлайды el24.kz, Massaget.kzке сілтеме жасап.

"Үкімет ауа райына жиі көңіл бөлуге тиіс. Әсіресе, егер күн ылғалды болса бірден тізгіндеу қажет. Еліміздің оңтүстік аймақтары мен Алматы қаласы назарда болған жөн. Қазіргі таңда кәсіби техникамен жұмыс істейтін мамандар аз, жеткіліксіз деуге болады. Сондықтан елге физика-химия бағытын жақсы меңгерген мамандар мен сарапшылардың көмегі керек.

Подробности
Категория: Елең еткізер

 

Алматыда бүгін таңертең бірінен соң бірі тағы екі жер сілкінісі болды. 
 
Бұл жағдайды сейсмикалық стансалар желісі тіркеген. Бірінші дүмпу таңғы сағат 09:52 кезінде болды. Тербеліс ошағы Алматы қаласынан оңтүстік-шығысқа қарай 254 шақырым жерде, Қытай мен Қырғызстан шекарасында болған.

Подробности
Категория: Әлем жаңалықтары

 

Британдық полицейлер қала көшелерімен серуендеп жүрген адамдарды киімдерінің астында қару-жарақтың бар-жоғын жасырын тексере алады.

«Келесі жылы енгізілуі мүмкін жаңа технология тәртіп сақшыларына жұртшылық көп жиналатын жерлерде алты метрге дейінгі қашықтықта киім, тіпті қалың пальто мен белдік астынан пышақтардың бар-жоғын анықтауға мүмкіндік береді», - деп жазды The Standard.

  1. Алматы маңында бір түнде жеті рет жер сілкінді
  2. Жер сілкінісі кезінде Алматыда неге дабыл қосылмады?
  3. Алматыда тағы екі жер сілкінісі болды
  4. Интернет-алаяқтарға атыраулықтар 400 млн теңге беріп қойған