Астана күнінде қалада бірқатар әлеуметтік нысандардың (кезекте тұрғандарға пәтер кілттерін тапсыру), зауыттың, скверлердің, қоғамдық кеңістіктердің, 80-нен астам аула аумақтарының және т. б. ашылуы өтеді.

Сонымен қатар осы күнге орай қаланың бірқатар ведомстволық бағынысты ұйымдары концерттер, спорттық турнирлер, көрмелер және т. б. ұйымдастырады. 1-6 шілде аралығында «Атамекен» этно-мемориалдық кешенінде «Елорда пейзаждары» атты арт-көрме жұмыс істейді. Біріккен музейлер дирекциясы мерекеге орай бірден бірнеше экспозиция ұйымдастырады: 1-8 шілде аралығында – «Ел тірегі – Елорда» көрмесі, 1-5 шілде аралығында – «Киелі менің Елордам» фотокөрмесі.

5 шілде күні «Әлем картасындағы жаңа елорда» ашық есік күні өтеді. 4-6 шілде аралығында Орталық саябақта «Mereke Street»қалалық мәдениет фестивалі өтеді. 5 шілде күні сағат 19:00-де филармонияның концерт залында «Әзіл әлемі» әзіл кеші ұйымдастырылады.

Осы уақытта «Астана Опера» опера және балет театры «Шопениана» және «Шехрезада» күміс дәуірінің балеттерін ұсынады. 5 және 6 шілдеде «Колизей» спорт кеңістігінде «Отан Ана» монументінің жанында стритболдан «Nur Sultan Cup» турнирі ұйымдастырылады. 5-9 шілде аралығында «Астана Балет» театры «Орфей және Эвридика» балетінің премьерасына шақырады. Астана күні, 6 шілдеде сағат 11:00-де Триатлон паркте «Elorda Tolqyny» спорттық жарысы басталады.

Осы уақытта «Қазанат» ипподромында шабандоздар «Елорда кубогы» үшін бәйге түрлерінен бақ сынайды. Кешке, сағат 21:00 – де Амфитеатр сахнасында Ұлықпан Жолдасов «Ақ қанат-ақ құсым» бағдарламасымен өнер көрсетеді.

Сағат 18:00-ден 22: 00-ге дейін «Астана-Арена» стадионының тұрағында дәстүрлі Open air «Халықпен бірге» өтеді. Сол күні кешке «Қазақстан» ОКЗ «Дос-Мұқасан» ансамблінің шығармашылығына арналған «Далам менің» концерті ұйымдастырылады.

8 шілдеде Амфитеатрда «Мен сені сүйемін, менің астанам» атты концерттік қойылым өтеді. «Барыс Арена» мұз сарайының жанында 12 сағаттық Open air «You Fest» шарасын өткізу 20 шілдеге ауыстырылды. Айта кетейік, Астана күніне арналған іс-шаралар маусым айында басталды. Мәселен, Ермұрат Үсеновтың 70 жылдығына арналған «Өмір дастан» концерті, ерлер мен әйелдер арасындағы бокстан «Елорда кубогы» халықаралық турнирі, көрмелер, сондай-ақ Ұлттық домбыра күнін мерекелеу ұйымдастырылды.

КТК телеарнасы

Мұндай ұйымдардың өз бетінше және делдалдарды тарта отырып, немесе жоғары табыс төлеуге уәде бере отырып, олардың атынан басқа адамдар әрекет ететін ақша тарту жөніндегі қызмет белгілері болады.

Тізім жеке және заңды тұлғалардың өтініш-шағымдарын қарау, мемлекеттік органдармен және азаматтық қоғам институттарын білдіретін қоғамдық ұйымдармен өзара іс-қимыл негізінде жасалған.

Қазіргі уақытта тізімге 154 субъект кіреді. Тізімдегі субъектілердің қызметі қаржылық лицензиялау және реттеу аясынан тыс.

Тиісінше, клиенттердің оларға көрсетілетін қаржылық қызметтер бойынша құқықтары заңнамалық тұрғыдан қорғалмаған. Осыған байланысты агенттіктің тізімінде көрсетілген тұлғалармен қаржылық операциялар жасау Қазақстан азаматтары үшін салынған қаражаттан айырылу қаупіне алып келуі мүмкін.

Тізімді жариялау қолданыстағы алаяқтық схемалар мен жалған активтер туралы халықтың хабардар болуын арттыруға, тұтынушыларға осындай компанияларға салымдар бойынша шығын алудың жоғары тәуекелі туралы уақтылы ескертуге, осылайша алданып қалу ықтималдығын болдырмауға мүмкіндік береді.