Алматы қалалық сыбайлас жемқорлыққа қарсы қызметінің хабарлауынша , Алматыда жалған вакцина паспортын сатқаны үшін емхана меңгерушісі және оның қарамағындағылар мен делдалдар ұсталды.
Олар ақшалай сыйақыға 100-ден астам жалған вакциналау паспортын жасады және сатты деген күдікке ілінді, яғни медицина қызметкерлері денсаулық сақтау министрлігінің «Вакциналау» электронды модуліне жалған ақпарат енгізген, соның негізінде «egov.kz» электронды үкімет порталында азаматтардың коронавирус инфекциясына қарсы вакцина алғаны туралы жалған электронды паспорттар жасалған.
Сотқа дейінгі тергеу жалғасып жатыр. Күдіктілерге қатысты соңғы шешімді сот қабылдайды.
Жалған вакциналау паспортын жасады деген күдікке ілінгендерді қала прокуратурасының үйлестіруімен сыбайлас жемқорлыққа қарсы қызмет ұстады.
