Алматыда деструктивті ағымды жақтаушылардың бірінен қару-жарақ тәркіленді, деп хабарлайды Stan.kz ақпарат агенттігі.
Ер адам қаруды заңсыз сақтап, тасымалдаған.
"Алматы қалалық полиция департаменті 1988 жылы туған азамат И. деструктивті діни ағымның өкілі екенін хабарлайды. Одан 12 калибрлі аңшы мылтығы мен оған арналған 7 патрон тәркіленді", - делінген хабарламада.
ҚР Қылмыстық кодексінің 287-бабының 2-бөлігі бойынша қылмыстық іс бойынша сот-баллистикалық сараптама тағайындалды. Тергеу барысында қаруды заңсыз сақтау мен тасымалдаудың мән-жайы анықталады.
