el24.kz 2025 жылғы 3 маусымда Талдықорғанда Шерзат Полаттың өліміне қатысты өтіп жатқан атышулы қылмыстық істің сот процесі жарыссөз кезеңіне жетті.

Жетісу облысының қылмыстық істер жөніндегі мамандандырылған ауданаралық сотында өткен бүгінгі отырыста мемлекеттік айыптаушы Дана Сәрсенбай сотталушыларға жаза мерзімін ұсынды.

Прокурордың айтуынша, әрбір сотталушының әрекеті дәлелденіп, олардың кінәсі Қылмыстық кодекстің бірнеше бабы бойынша қарастырылған. Атап айтқанда:

Думан Ысқақ (кәмелетке толмаған):
1 жыл 6 айға бас бостандығынан айыру;
Дархан Әскентай:
7 жылға бас бостандығынан айыру;
Шыңғыс Белғожаев:
7 жылға бас бостандығынан айыру;
Нұрбол Тоқтаубаев:
7 жылға бас бостандығынан айыру;
Дидар Қалиахмет:
7 жылға бас бостандығынан айыру;
Нұрқияс Ілиясов:
9 жылға бас бостандығынан айыру;
Азамат Тоқтаубаев:
15 жылға бас бостандығынан айыру;
Равиль Сакиев:
20 жылға бас бостандығынан айыру;
Абзал Шынасыл (басты айыпталушы):
23 жылға бас бостандығынан айыру ұсынылды.

Прокурор жаза сұрауда ҚР Қылмыстық кодексінің "Адам өлтіру", "Бұзақылық", "Қаруды заңсыз сақтау және пайдалану" сияқты баптарына сүйенген.

Еске сала кетейік, Шерзат Полаттың өлімі 2023 жылы күзде Талдықорған қаласында топтық жанжал кезінде орын алған. Оқиға қоғамда үлкен резонанс тудырды. Қазіргі таңда сотталушылар кінәларын әртүрлі деңгейде мойындауда немесе керісінше, өздерін ақтауға тырысуда.

Сот процесі әлі жалғасып жатыр.Үкім шығару 2025-жылғы 5-маусым сағат 16-00 ге белгіленді.