Жаңажылдық корпоративтік кештен кейінгі төбелеске қатысушылар жауапкершілікке тартылды, – деп хабарлайды Polisia.kz.
Мейрамхананың сыртқы бақылау камераларынан төбелестің басталғаны жазылған видео тәркіленді. Полиция қызметкерлері «Ұлытау» мейрамханасының жанынан төбелеске қатысқан 9 адамды анықтады, оның арасында әйелдер де бар.
Оқиғаға қатысушылардың екеуіне ҚР ӘҚБтК 667-бабымен, төртеуіне 434-бабымен хаттама толтырылды.
Полиция қызметкерлерінің ар-намысы мен қадір-қасиетіне нұқсан келтіретін жалған мәліметті телефонға түсіріп, таратқан әйел мен такси жүргізушісіне қатысты ҚР ӘҚБтК 73-3-бабымен хаттама жасалды.
Барлық материалдар заңды шешім қабылдау үшін Ақтөбе қаласының әкімшілік сотына жолданды.
