ҚАЖК Ulysmedia.kz басылымына берген жауабында сот бұл мәселені қараған кезде Байжановтың өтелмеген жаза мерзімі 3 ай 18 күн болғанын хабарлады. Осыған байланысты сот рақымшылық туралы заңды қолданып, оны жазаның қалған бөлігін өтеуден босату туралы шешім қабылдаған.

Сонымен қатар сот қаулысымен Бақытжан Байжановқа пробациялық бақылау белгіленіп, 6 жыл мерзімге әкімшілік қадағалау тағайындалды. Бұл оның бостандыққа шыққаннан кейін де құқық қорғау органдарының бақылауында болатынын білдіреді.

Бұған дейін адвокат Ғазиз Ынтықбаев әлеуметтік желіде соттың Бақытжан Байжановты дереу босату туралы қаулы шығарғанын мәлімдеген еді. Оның айтуынша, сот шешімі шыққан күні Байжанов түзету мекемесінен босатылып, отбасына оралған.

Еске салайық, Бақытжан Байжанов Астана қаласында қаралған Салтанат Нүкенованың өліміне қатысты қылмыстық іс бойынша сотталған. Сот оны қылмыс туралы хабарламағаны және аса ауыр қылмысты жасырып қалғаны үшін кінәлі деп танып, 4 жылға бас бостандығынан айыру жазасын тағайындаған болатын.

ҚАЖК атап өткендей, рақымшылық жасау туралы заң сотталғандарды автоматты түрде босатуды көздемейді. Әрбір жағдайды сот жеке қарап, заң талаптарына сәйкестігін бағалайды. Байжановқа қатысты шешім де қолданыстағы рақымшылық туралы заң негізінде соттың қаулысымен қабылданған.

Осылайша, Бақытжан Байжанов бостандыққа шыққанымен, алдағы алты жыл бойы әкімшілік қадағалауда болып, пробациялық бақылау талаптарын орындауға міндетті.

Алғашқы кезекте қаржылай өтемақы 88 мыңнан астам шағын кәсіпкерге аударылады. Компанияның хабарлауынша, қаражат сатушылардың жеке балансына бір тәулік ішінде түседі.

Компания мәліметінше, бүгінде Қазақстанда Wildberries платформасында тіркелген 120 мыңнан астам сатушы жұмыс істейді. Сондықтан қабылданған қолдау шаралары қазақстандық кәсіпкерлерге де қатысты болады.

Сонымен қатар Wildberries қоймалар арасындағы логистикалық процестерді тұрақтандыру бойынша жұмыстарды күшейткенін хабарлады. Компания тауарларды басқа қоймаларға қайта орналастырып, жеткізу тізбегін қалпына келтіру жұмыстарын жүргізіп жатыр. Сондай-ақ тауарларды қоймадан шығару қызметі жақын уақытта толық қалыпты режимге көшетіні айтылды.

Компания өкілдерінің сөзінше, қолға алынған шаралар кәсіпкерлердің шығынын барынша азайтып, платформадағы сауда процесін қысқа мерзімде қалыпқа келтіруге бағытталған. Сонымен бірге сатып алушылардың тапсырыстарын уақытылы жеткізу де негізгі басымдықтардың бірі болып қала береді.

Айта кетейік, Электростальдағы Wildberries логистикалық кешенінде өрт 18 шілдеге қараған түні болған. Компания бұған дейін өрт салдарынан зардап шеккен сатушыларға қолдау көрсетіп, өтемақы төлеу тетігін әзірлеп жатқанын мәлімдеген еді. Кейін алғашқы төлемдердің басталғаны ресми түрде жарияланды.