25 мамырдан бастап тіркелмеген телефондар бұғаттала бастайды: Не білу керек?

 

el24.kz Қазақстанда 2025 жылғы 24 наурыздан бастап мобильді құрылғыларды тіркеу ережелері жаңартылды.

Енді елімізге заңсыз әкелінген немесе тіркелмеген смартфондар кезең-кезеңімен бұғаттала бастайды. Бұл шара 25 мамырдан бастап нақты іске қосылады.

Қандай құрылғылар бұғатталады?

Сұр тізімдегі құрылғылар: IMEI-коды тексерілмеген немесе толық емес құрылғылар. Оларға 30 күндік мерзім беріледі. Сол уақыт ішінде тіркелмесе, бұғатталады.
Қара тізімдегі құрылғылар: IMEI-коды жалған немесе ұрланған болып табылатын құрылғылар бірден бұғатталады.

Қандай құрылғыларға қауіп жоқ?

2025 жылдың 24 наурызына дейін Қазақстанда қолданылып келген және операторлар базасына тіркелген смартфондар бұғатталмайды. Олар автоматты түрде «ақ тізімге» енеді.

Не істеу керек?

Жаңа телефон сатып алмас бұрын imei.rfs.gov.kz сайтында IMEI-кодты тексеріңіз.
Егер операторыңыздан "IMEI-код сұр тізімде" деген SMS келсе, 30 күн ішінде заңдылығын растаңыз.
Бұғаттау қаупі туындаса, ресми тіркеу орталықтарына жүгініңіз.
Неліктен бұл қажет?

Цифрлық даму министрлігінің мәліметінше, елде 3,7 миллионнан астам құрылғы қайталанған немесе жалған IMEI-кодпен жұмыс істейді. Бұл ұялы байланыс жүйесіне қауіп төндіреді әрі телефон ұрлығының артуына ықпал етеді.

Егер құрылғыңыз бұрыннан қолданыста болса, еш алаңдамаңыз. Ал жаңа смартфон сатып алғанда – бірінші тексеріңіз, кейін қолданыңыз!

Қазақстандағы салық заңнамасындағы 2025 жылғы өзгерістер: халық нені білуі керек?

 

Ақтау, 8 сәуір – el24.kz 

2025 жылдың 1 қаңтарынан бастап Қазақстанда салық және әлеуметтік төлемдер жүйесіне бірқатар маңызды өзгерістер енгізілді. Бұл жаңалықтар кәсіпкерлер мен жалдамалы қызметкерлер үшін де өзекті.

1. Әлеуметтік төлемдер мөлшерлемесі артты

  • Әлеуметтік аударымдар – 3,5%-дан 5%-ға дейін өсті.
  • Әлеуметтік салық – 9,5%-дан 11%-ға дейін көбейді.
  • Жұмыс берушінің міндетті зейнетақы жарнасы – 1,5%-дан 2,5%-ға дейін артты.

Бұл төлемдерді жұмыс берушілер өз қызметкерлері үшін ай сайынғы еңбекақы қорынан аударып отырады.

2. Жеке кәсіпкерлерге арналған жеңілдетілген режим

  • Қызметкерлер саны 30 адамнан аспауы тиіс.
  • Филиалдары болмауы қажет.
  • POS-терминал, онлайн-касса және ERP жүйесін пайдаланбайтын ЖК үшін жарты жылдық айналым шегі – 24 038 АЕК.
  • Ал толық интеграцияланған жүйе қолданатын ЖК үшін айналым шегі – 94 086 АЕК.

ЖК салықты жылына екі рет төлейді: 25 тамызға дейін және келесі жылдың 25 ақпанына дейін.

3. Салық мөлшерлемелері

  • ЖТС – 1,5%
  • Әлеуметтік салық – 1,5%
  • Міндетті зейнетақы жарнасы – 10%
  • Әлеуметтік аударым – 5%
  • Міндетті әлеуметтік медициналық сақтандыру жарнасы – ең төменгі жалақының 5%-ы

4. Төлемдерді кім және қалай төлейді?

  • Өзін-өзі жұмыспен қамтушылар өз табысынан жоғарыдағы жарналарды дербес төлейді.
  • Жалдама қызметкерлері бар кәсіпкерлер әр қызметкер үшін жоғарыдағыдай төлемдерді толық аударуға міндетті.

5. Жаңа жүйенің мақсаты Бұл реформалар әлеуметтік қорғау жүйесін күшейтуге, зейнетақы қорын толықтыруға және медицина саласына қосымша қаражат тартуға бағытталған.

 

 

Bloop дыбысы туралы не білеміз?

 

el24.kz Bloop дыбысы 1997 жылы алғаш рет АҚШ теңіз институтының (NOAA) суасты зерттеу жүйесі арқылы анықталды.

Бұл дыбыс ең алдымен, теңіздегі терең аймақтардан шыққан, өте күшті әрі ерекше сипатқа ие дыбыс ретінде тіркелді. Ол әртүрлі ғылым салаларының назарын аударады, бірақ оның нақты көзі мен шығу тегі әлі күнге дейін белгісіз.

Бұл құбылыс туралы не білесіз? Тылсым дүниені зерттеушілерден бастап, теңіз ғалымдары мен ғарыштан келген қонақтарға дейін әркім өз теорияларын ұсынады.

Bloop дыбысының сипаттамасы

Bloop дыбысы – өте төмен жиілікті, ұзақ әрі күшті үн, бірнеше секундқа созылады. Оның сипаттамасы оны кез келген белгілі теңіз жануарларынан немесе табиғи процестерден шығатын дыбыстардан айрықша етіп көрсетеді. Әдетте теңіз жануарларының шығарған дыбыстары белгілі бір жиілікте болады, ал Bloop дыбысы сол жиілікке сәйкес келмейді, бұл оны ерекше әрі зерттеуді қажет ететін құбылысқа айналдырады.

Ғылыми зерттеулер мен болжамдар

Bloop дыбысының зерттелуі алғашында табиғи құбылыс ретінде қарастырылды. Кейбір ғалымдар оны жануарлардың шығара алатын өте күшті дыбысы деп болжады. Әсіресе, бұл болжамдар қос уылдырықтаушы үлкен жануарлардың, мысалы, сүйрең киттер немесе басқа да ірі теңіз тіршіліктерінің әсерінен туындады деген пікірлерді қамтыды. Бірақ кейіннен жүргізілген зерттеулер мен анализдер көрсеткендей, мұндай дыбыстардың табиғи көздері Bloop дыбысымен салыстырғанда әлдеқайда басым және түсінікті.

Кейінірек ғалымдар басқа бір теория ұсынды. Олар бұл дыбысты метан газының шығуы немесе мұхиттың терең қабаттарында жүріп жатқан табиғи процесс деп түсіндірді. Мұхит түбінде метан көп мөлшерде болады, ол су астында қысымның артуынан немесе су асты жанартауларынан шыққан кезде дыбыс шығаруы мүмкін. Бірақ бұл теория да толық дәлелденген жоқ.

Bloop дыбысына байланысты тылсым теориялар да көп. Кейбір зерттеушілер бұл дыбыстың ғарыштық немесе бөгде өркениеттермен байланысы бар екендігін ұсынады. Олар бұл дыбыстың теңіз астында өмір сүретін үлкен және белгісіз тіршілік иелерінің немесе тіпті өзге планеталардан келген жануарлардың әрекеттерінен шыққан болуы мүмкін деп жорамалдайды. Осы сияқты болжамдар Bloop дыбысын біртүрлі және ерекше қылып көрсетеді.

Сонымен қатар, кейбір астрономдар мен эзотериктер бұл дыбысты геологиялық немесе астралдық құбылыстармен байланыстырады. Олар Bloop дыбысының шығуы арқылы қандай да бір көкжиек аралық байланыстар немесе уақыт порталының әсері болуы мүмкін деген болжамдар айтады.

Bloop дыбысы – әлі күнге дейін шешілмеген құпиялардың бірі. Ғылыми зерттеулер мен болжамдар да оның нақты көзін анықтауға жеткен жоқ. Ол табиғаттың терең құпияларын ашуға көмектесетін ерекше дыбыс болып қалуда. Оның шығу тегі мен мәнін зерттеу жалғасуда және болашақта бұл құбылыстың шынайы мәнін білу мүмкін болар, бірақ қазіргі таңда ол тылсым дүние ретінде зерттелуде.

 

Ақмола облысында қылмыстық топ әлсіз адамдардың атынан миллиондап несие алған

 

Ақмола облысында ақыл-есі кем, ішкілікке салынған немесе өздігімен шешім қабылдауға қабілеті шамалы басқа да адамдардың атынан миллиондап несие рәсімдегендердің қылмысы әшкереленді.

Жылмысқы әрекетті жалғыз адам емес, тұтас қылмыстық топ іске асырған. Әзірге 17-сі қамауда, тағы екеуіне іздеу жарияланған.

Зеренді ауданында тұратын бұл топ қылмысты төрт жыл бойы жасап келген. Құрған жоспары да тым ауқымды. Тіпті шытырман оқиғалы фильмнің сценарийіне сұранып тұр. Топ мүшелерінің әрқайсының өз міндеті болған.

Бірі ақыл-есі кем, жүріп-тұруы қиын, ішкілікке салынған, тіпті көше кезген қаңғыбастарға дейін тауып, Алматыға жеткізіп отырыпты. Сол жерде уақытша жалдамалы пәтерге тіркеп, атына компаниялар ашқан. Зейнетақы жарнасы, басқа да салық түрі төленіп тұрыпты.

Белгілі уақыт өткен соң, әлгі адамдардың атына миллиондап несие рәсімдеген. Қылмыстық топтың құрбаны болған адамдардың саны 450-ден асады.

Ерболат Жүсіп, Ақмола облысы прокурорының орынбасары: — Қылмыстық топтың алғашқы әрекеті өткен жылы белгілі болған.Ер адамның атына 20 млн теңге несие рәсімдегені анықталды. Табысы жоқ адамға мұндай несие қалай берілді деп, прокурор тексерген. Нәтижесінде осындай біртұтас қылмыстық топты әшкереледік. Олардың құрбандары Ақмола, Солтүстік Қазақстан облысы, Жамбыл, Алматы облыстарының тұрғындары.

Дереккөз: КТК телеарнасы

Жүргізуші куәлігінің мерзімі біткен жағдайда емтихан тапсыру міндеттеледі ме?

 

Соңғы кездері әлеуметтік желілер мен қоғам арасында «жүргізуші куәлігінің мерзімі біткен жағдайда қайтадан емтихан тапсыру қажет болады» деген ақпарат кеңінен таралуда.

Осыған байланысты көптеген азаматтардың көкейінде сұрақ туындауда. Бұл рас па? Жаңа ереже енгізілді ме? Біз бұл мәселені ресми ақпарат көздеріне сүйене отырып el24.kz тілшісі зерттеп көрді.

Қазіргі жағдай

Қазақстан Республикасының заңнамасына сәйкес, жүргізуші куәлігінің мерзімі аяқталған жағдайда оны ауыстыру үшін қайтадан емтихан тапсыру талап етілмейді. Бұл рәсім тек құжатты жаңартуға қатысты және төмендегідей құжаттар қажет:

  • Жеке куәлік;
  • 083/у нысанындағы медициналық анықтама;
  • Мемлекеттік баж салығының төленгенін растайтын түбіртек (1,25 АЕК);
  • Бұрынғы жүргізуші куәлігі.

Құжаттарды мамандандырылған Халыққа қызмет көрсету орталығына (ХҚКО) апару жеткілікті. Сондай-ақ, медициналық тексерістен сол орталықта өтуге болады.

Жаңалықтар мен ұсыныстар

Иә, жақында жүргізуші куәлігіне қатысты бірқатар өзгерістер мен ұсыныстар айтылды:

  • Мәжіліс депутаты Екатерина Смышляева 2024 жылдың жазында жүргізуші куәлігіне емтиханды онлайн форматта тапсыру мүмкіндігін ұсынды. Бұл ұсыныс әлі заң ретінде қабылданған жоқ, тек талқылау деңгейінде тұр.
  • 2024 жылдың қарашасынан бастап теориялық емтихан тапсыруға екі факторлы аутентификация енгізілді. Бұл жаңашылдық емтихан тапсыру кезінде алаяқтықтың алдын алуға бағытталған.

Дегенмен, қазіргі уақытта мерзімі өткен куәлікті жаңарту үшін емтихан тапсыру міндеттелмеген. Бұл туралы ресми ақпарат egov.kz және gov.kz сайттарында нақты жазылған.

Қорытынды

Қазіргі заңнама бойынша, жүргізуші куәлігінің мерзімі біткен жағдайда оны ауыстыру үшін емтихан тапсыру қажет емес. Алайда, бұл салада өзгерістер мен ұсыныстар айтылып жатыр, сондықтан ресми көздерге сүйене отырып, жаңалықтарды қадағалап отыру маңызды.

Сіздің де жүргізуші куәлігіңіздің мерзімі аяқталуға жақын болса – уақыт оздырмай, қажетті құжаттарды дайындап, құжатыңызды жаңартып алыңыз.

Полиция заңсыз көші-қон арнасын тоқтатты: төлқұжаттар, мөрлер мен ақша тәркіленді

 

Маңғыстау облысының ұйымдасқан қылмысқа қарсы күрес басқармасының жедел қызметкерлері шетел азаматтарына тіркеу, уақытша болу мерзімін ұзарту және ХҚКО арқылы рұқсат алу бойынша жалған қызметтер көрсетумен байланысты заңсыз схеманың жолын кесті, — деп  хабарлайды el24.kz тілшісі Polisia.kz.ке сілтеме жасап.

15 мамырда жедел іс-шаралар барысында үш күдікті ұсталды. Заңсыз көші-қонды ұйымдастыру фактісі бойынша қылмыстық іс қозғалды.

Тінту барысында:

- әр түрлі ЖШС-нің 70-тен астам мөрі;

- шетел азаматтарының 75-ке жуық төлқұжаты;

- электрондық ақпарат тасығыштар, техника, банк карталары, ХҚКО құжаттарының түпнұсқалары;

- шамамен 2 млн теңге қолма-қол ақша;

- екі көлік тәркіленді.

Аталған іс бойынша сотка дейінгі тергеу жалғасып жатыр.


Подробности
Категория: Елең еткізер

 

 Полиция қызметкері абайсызда әріптесін атып тастады. Оқыс оқиға Таразда болды,- деп хабарлайды el24.kz тілшісі Zakon.kz.ке сілтеме жасап.

Оқиға жайлы ақпарат әлеуметтік желілерден белгілі болды. Жазбаға сүйенсек, Таразда патрульдік полиция батальонының инспекторы "қызметтік қарумен ойнап, әріптесін абайсызда атып тастады"

Подробности
Категория: Бүгін

 

Қызылордада қаржы пирамидасын құрған әйел 5 жылға сотталды. Қызылордалық 34 жастағы әйел тұтыну кооперативін құрып, азаматтарға пайызсыз баспана және автокөлік алуға шақырып, салымшылардан ақша жинаған.

Подробности
Категория: Елең еткізер

 

Еліміздегі айырбас пунктілерінде $1 бағамы – 500 теңгеге дейін жетті.

Ұлттық банктің 18 қарашаға арналған ресми бағамы — 1 долларға 495,95 теңге. Ресей рублінің орташа сараланған құны — 4,98 теңге. Еуро — 524,37. 

Подробности
Категория: Бүгін

 

Батыс Қазақстан облысында өзін жәбірленушілердің баласы ретінде көрсетіп, алаяқтықпен айналысқан қылмыстық топ ұсталды.
 
БҚО полиция департаментінің баспасөз қызметінен мәлім еткеніндей, аталған топ үш жігіттен құралған.

Подробности
Категория: Проза

 

  Әңгіме

Айнаш Қасым

Көзі ағаш шарбақтың арғы жағындағы жалғызілікті әженің тоқал үйіне түсті. Ауладан кейуана көрінбеді. Әдетте осы уақытта әже қорасындағы сиырын суарту үшін сыртқа шығатын.

Алайда әкесі өз үйінің малын суарып болған соң, айтпаса да көршінің сиырына да бір шелек су апарып, астауына құюды дағдыға айналдырған.

Подробности
Категория: Елең еткізер

 

Қорғаныс министрінің тәрбие және идеологиялық жұмыс жөніндегі орынбасары Шайх-Хасан Жазықбаев 2024 жылғы 14 қарашада Сенаттың кулуарында жас жігіттерді әскерге күштеп алып кетіп жатқан бейнероликтерге түсініктеме берді,-деп хабарлайды el24.kz тілшісі Zakon.kz.ке сілтеме жасап.

Подробности
Категория: Елең еткізер

 

Көпшілік еттен де қымбат жүзім зиян екенін айтып, дабыл қағып жатыр. Бұл тұста сарапшылар да пікір білдірді, - деп хабарлайды el24.kz тілшісі "Астана" телеарнасына сілтеме жасап.

Қазір жұрттың назары Shine Muscat-қа ауған. Кейінгі 2 аптада сүйегі жоқ жүзімге сұраныс күрт артқан. Бір үзімі 20 мың теңгеге дейін барады.

Подробности
Категория: Бүгін

 

Солтүстік Қазақстан облысында Тайынша ауданы әкімінің орынбасары және тұрғын үй-коммуналдық шаруашылығы бөлімінің басшысы пара алғаны үшін сотталды. Оларға пара берген жеке кәсіпкер де жазасыз қалмады.
 
СҚО соты баспасөз қызметінің мәліметінше, шенеуніктер осы жылдың мамыр айында ұсталды. Сол кезде аудан әкімінің міндетін атқарған Еркебұлан Дүйсембин және бөлім басшысы Дмитрий Руденко «Компания «МегаСтройИнвест» ЖШС және «ВТВ-Тайынша» ЖШС өкілі Ваге Акопяннан пара алған.

Подробности
Категория: Елең еткізер

 

Мәжіліс кулуарында бас прокурордың орынбасары Ғалымжан Қойгелдиев Талғардағы Шерзат Болат қазасына қатысты қозғалған істі тергеу барысы жөнінде пікір білдірді, деп хабарлайды el24.kz порталы.

 “Талғар ауданындағы кісі өлтіру оқиғасына қатысты тергеу жұмыстары тұрақты бақылауда. Күдіктілер ұсталып, бірнеше айып тағылғанын білесіздер. 15 қазанда ішкі істер министрінің бірінші орынбасары және Алматы облысы прокурорының төрағалық етуімен брифинг өтті.

Подробности
Категория: Елең еткізер

 

2025 жылдан бастап Қазақстанда онлайн микрокредит рәсімдеу кезінде қауіпсіздік талаптары күшейтілетін болды,-деп жазады el24.kz тілшісі kazinform.ға сілтеме жасап.

Бұл туралы Ұлттық банк төрағасы Тимур Сүлейменов депутаттық сауалға берген жауабында мәлімдеді.

Подробности
Категория: Бүгін

 

Алдағы 3 тәулікте еліміздің басым бөлігінде қар, жауын жауып, көктайғақ болады, деп хабарлайды Қазгидромет.

«Таяудағы үш тәулікте Қазақстанның басым бөлігінде Атлантикалық циклонының ықпалымен құбылмалы ауа райы сақталады, жауын-шашын (жаңбыр, қар), көктайғақ және тұман болжанады.

Подробности
Категория: Бүгін

 

Мәдениет саласының үздігі, ақын, көркем сөз оқу шебері Құрманай Бақтиярқызы дүниеден өтті.Бұл жөнінде қызы анасының инстаграм парақшасында хабарлады,- деп жазады el24.kz тілшісі.

“Анашым Раббысына қайтты,дұғада болыңыздар.Артында дұға арнайтын ата-анасы бауырлары,үлкені ханшайым Толғанай,кенжесі Сұңқар! Немерелері Ақберен,Арыстан. Жақсы көретін,дұға арнайтын Қазақ Елі бар!Анама деген махаббаттарыңызға рақмет!"-деп жазды ол.

Подробности
Категория: Әлем жаңалықтары

 

Ғалымдар 9 қазаннан бері алғаш рет Күнде ең жоғары Х класының жаңа алауын тіркеді, деп хабарлайды ТАСС агенттігі.
 
«24 қазанда Мәскеу уақытымен сағат 06:57-де 3869 (S16E76) күн дақтары тобындағы рентген диапазонында ұзақтығы 44 минут болатын X3.3 алауы анықталды», - делінген қолданбалы геофизика институтының хабарламасында.

Подробности
Категория: Бүгін

 

Қасым-Жомарт Тоқаев ұлық мереке – Республика күніне арналған Мемлекеттік ту көтеру салтанатты рәсіміне қатысты. Іс-шара «Ақорда» резиденциясының алдында өтті.
 
Құрмет қарауылының бастығы Президентке рапорт берді. Бұдан кейін Қасым-Жомарт Тоқаевтың бұйрығымен Мемлекеттік ту көтеріліп, Әнұранымыз шырқалды.
  1. Маңғыстауда жүкті әйелін пышақтаған тұрғын 15 жылға сотталды
  2. Алматыда Қытай азаматынан 4,5 мыңға жуық ақбөкен мүйізі тәркіленді
  3. Жаңа Зеландия әуежайында шығарып салушыларға үш минуттан артық құшақтасуға тыйым салынды
  4. Қазақстанның кей өңірлерінде дауылды ескерту жарияланды