Қазақстан жаңалықтары, аналитика, видео және блогтар

Елде әлеуметтік жәрдемақының орташа мөлшері қанша?

2021 жылғы қаңтар-тамыз айлары аралығында республикалық бюджеттен мүгедектігі бойынша мемлекеттік әлеуметтік жәрдемақы төлеуге 206,6 млрд теңге, асыраушысынан айырылу жағдайына байланысты мемлекеттік әлеуметтік жәрдемақы төлеуге 54,3 млрд теңге бағытталды.

2021 жылдың тамыз айында республикалық бюджеттен мүгедектігі бойынша мемлекеттік әлеуметтік жәрдемақы төлеуге 26,1 млрд теңге, асыраушысынан айырылу жағдайы бойынша мемлекеттік әлеуметтік жәрдемақы төлеуге 6,5 млрд теңге жұмсалды.

2021 жылғы 1 қыркүйектегі жағдай бойынша мүгедектігі бойынша мемлекеттік әлеуметтік жәрдемақы алушылардың саны 528,6 мың адамды, асыраушысынан айырылу жағдайы бойынша 160 мың адамды құрайды.

Мүгедектік және асыраушысынан айырылу жағдайы бойынша мемлекеттік әлеуметтік жәрдемақылардың мөлшері мүгедектіктің тобына және себебіне, қайтыс болған (қаза тапқан) асыраушының асырауындағы адамдар санына, сондай-ақ тиісті қаржы жылына арналған «Республикалық бюджет туралы» заңында белгіленетін ең төмен күнкөріс деңгейінің шамасына байланысты болады, - делінген хабарламада.Еңбек және халықты әлеуметтік қорғау министрлігінің баспасөз қызметінің мәліметінше, 2021 жылғы 1 қыркүйектегі жағдай бойынша мүгедектігі бойынша мемлекеттік әлеуметтік жәрдемақының орташа мөлшері 49 375 теңгені, асыраушыдан айырылу жағдайы бойынша мемлекеттік әлеуметтік жәрдемақының орташа мөлшері 40 543 теңгені құрады.

Дереккөз : Baq.kz

Қытайда коронавирус қайта өршіді: Дерттің жаңа ошағы анықталған

Қытайдың оңтүстік-шығысындағы Фуцзянь провинциясында COVID-19 дертінің жаңа ошағы пайда болды. Мұнда коронавирустың жаңа түрін жұқтырудың алты жағдайы тіркеліп, ауру белгісі жоқ 18 тасымалдаушы анықталды.

Коронавирустың Қытайда қайта өршуі туралы жергілікті БАҚ-қа сілтеме жасап, РИА Новости хабарлады. COVID-19 індетінің жаңа ошағы халқы 3 миллионнан асатын Путянь қаласының Сянью уезінде тіркеліп отыр.Алдын ала мәліметтер бойынша, мұнда коронавирустың өте жұқпалы деп танылған "дельта" штамы таралып кеткен.

Дертті жұқтырудың алғашқы жағдайы анықтала салысымен құзыретті мекемелер жергілікті тұрғындардан 82 мыңға жуық сынама алған. "ҚазАқпарат" мәліметіне сенсек, 11 қыркүйектен бастап Путяньда COVID-19-дың таралу қаупіне байланысты қалааралық және өңіраралық маршруттық таксилердің жұмысы уақытша тоқтатылған, сонымен қатар басқа аймақтармен де жолаушылар автобусы қатынасы тоқтатылған.

Дереккөз : Nur.kz

Қазақстанда кімдердің несиесі кешіріледі?

Қазақстанда алаяқтар рәсімдеген несиелерді клиенттердің есебінен шығару жоспарланып отыр.

Қаржы нарығын реттеу және дамыту агенттігі ұсынған электрондық тәсілмен микрокредиттер беру қағидаларына енгізілген өзгерістерге сәйкес, егер онлайн-қарызды алаяқ үшінші тұлғаға ресімдегені анықталған жағдайда, берешек есептен шығарылуы тиіс, деп хабарлайды LS.

ҚР ҚІЖК*200-бабына сәйкес қылмыстық құқық бұзушылық жасауға ықпал еткен мән-жайларды жою үшін микроқаржы ұйымы: - клиенттің осы микрокредит бойынша берешегін есептен шығару туралы шешім қабылдау;

- осындай микрокредит бойынша сыйақы есептеуді тоқтата тұру;

- клиенттің кредиттік тарихына түзетулер енгізу;

- клиент бойынша талап-арыз жұмысын тоқтату;

- үшінші тұлғаларға микрокредитті алаяқтық тәсілмен ресімдеуге тікелей кінәлі адамдарды анықтау мақсатында құқық қорғау органдарымен өзара іс-қимылды жалғастыру.

Сонымен қатар, алаяқтық тәуекелдерін азайту үшін мобильді тексеруді қамтитын екі факторлы аутентификацияны енгізу ұсынылады. Оның шеңберінде микрокредит алуға электрондық тәсілмен сұрау салу кезінде ұялы байланыс операторымен деректер салыстырылатын болады.

Оның ішінде ЖСН, құрылғының абоненттік нөмірі, жеке тұлғаға нөмірді тіркеу фактісі. Жеке деректер жария етілмейді, тек "true/false" жауаптарының көмегімен тексеріледі.

"Осылайша, қарыз алушының деректерін мобильді верификациялауды пайдалана отырып, онлайн қарыз беру кезінде ЖСН мен абоненттік нөмірді салыстырып тексеру өтініш берушінің жеке басын верификациялауға және растауға мүмкіндік береді", - делінген құжатта.

Жалпы, екі факторлы аутентификация келесі екі тармақтың көмегімен жүзеге асырылады: - білу факторын растау: клиенттің тіркеу кезінде дербес берілген парольді немесе код сөзін енгізуі;

- иелену факторын растау: клиенттің клиентпен тіркелген токенмен автоматты түрде генерацияланған бір реттік парольді енгізуі немесе клиенттің клиентпен тіркелген смарт-картаны оқу құрылғысына қосылуы немесе клиенттің клиент көрсеткен клиенттің байланыс құрылғысының абоненттік нөміріне автоматты түрде генерацияланған және берілген бір реттік парольді енгізуі, клиенттің жеке сәйкестендіру нөмірін ұялы байланыс операторының дерекқорындағы абоненттік нөмір иесінің жеке сәйкестендіру нөмірімен салыстыру арқылы осы абоненттік нөмірдің клиентке тиесілігін тексере отырып;

- ажыратылмау факторын растау: нақты уақыт режимінде клиенттің бет-бейнесін оның жеке басын куәландыратын құжаттағы бейнесімен салыстыру, онда клиенттің бет-әлпетінің статикалық кескінін немесе бейнесін нақты уақыт режимінде пайдаланудан қорғау қамтамасыз етіледі. Бұдан басқа, клиенттің деректерін растау үшін ЭЦҚ және сәйкестендіру деректерімен алмасу орталығының қызметтерін пайдалану арқылы биометриялық тексеруді пайдалануға болады. * 200-бап – қылмыстық құқық бұзушылық жасауға және басқа да заң бұзушылықтарға ықпал еткен мән-жайларды жою туралы ұсыныс.

Дереккөз : ktk.kz

Қарағанды облысында дала өртінен зардап шеккен тұрғын көз жұмды

Қарағанды облысының денсаулық сақтау басқармасы баспасөзінің хабарлауынша ,Қарақаралы ауданында денесінің 90%-ін термиялық күйік шалған 48 жастағы ер адам көз жұмды.

Кеше дала өртін сөндіру кезінде Қарақаралы ауданының үш тұрғыны зардап шеккендігі белгілі болған. Олардың денесінің 18, 28 және 90% күйік шалды.

"Егіндібұлақ ауылынан 3 адам жеткізілді. Оның біреуінің денесін 90% күйік шалған. Өте ауыр күйік шогын алған. Термоингаляциялық жарақат. Жасалған шараларға қарамастан, өкінішке қарай, науқас алған жарақатының ауырлығынан қайтыс болды. Екінші науқастың 28% денесін күйік шалған, үшіншісінде – 18% күйік. Олардың жағдайы тұрақты" – делінген хабарламада.

Өткен тәулікте Қарағанды облысының аумағында Ақтоғай, Қарқаралы және Шет аудандарында 6 табиғи өрт сөндірілді. Жалынды сөндіруге 339 адам және 94 техника жұмылдырылды.

Біp бие

Новелла

Жеткер Жүсіп

Көктем туып, көк шыққан шақ. Сол жылы дихандар «Бидай көл»` жаққа егін салды. Таңның атысы, күннің батысы, егінші үшін қарбалас кезең Көктемнің бір күні болса да жылға азық .Құлаштай кетпен сілтеген диханның қимылын қосқа қара болсын деп ерітіп келген ұлы Нұрланның даусы бөлді.

-Көке, анаң қара! Баласы төбе тұсты нұсқап тұр. Қараса жусан жапқан төбенің етегінде жаңа туған аппақ құлынды жалап бір бие тұр. Әлде, түнде туды ма ? Жарықтық. Жүзіктің көзінен өтердей сүп –сүйкімді .Ақ құлын аяғын әнтек-әнтек басады да шатқаяқтап барып, жата кетеді. Қайта тұрады, қайта құлайды. Қызық...

...Сонан құлынын ерткен боз бие сол құм төбені бірер күн мекен етті. Жануар жылқыдан өткен мүсінді тұяқты бар ма?! Жанары мөп-мөлдір, тұңғиығынан көк аспан көрінеді. Әкелі-балалы екеудің бұл сұлулық « көрмесіне « айналды. Таң ертең тұрысымен бір сәт жанына жақындау барып қызықтайды, екеуі.

...Бір түні шырт ұйқыда жатқан диханды шұрқыраған дауыс оятты. Ішегін тартқан Сырдың жынды желі, өзінше өзеуреп тұр екен. Әрі бері тың - тыңдаған оның құлағына әрі қарай ештеңе шалына қоймады. Күндізгі күйбең тіріліктен қалжыраған ол, ұлының ашық қалған көрпесін қымтап, жастыққа басын қайта қойды.

Ертеңгісін ерте тұрған дихан дауыстың тегін еместігіне көзі жетті. Анадай жерде ақ құлын қанға бөгіп жатыр. Ілгері басқан аяғы құрғыры кері кетіп, қасына әзер келді. Көк бие жоқ. Маңайдың бәрі топырлаған жым. Баттасқан із. Құм төбенің астан -кестеңі шыққан. Бейбақ бие түнімен құлынын торуылдаған жыртқыштармен аяусыз арпалысқан.Оның көрінісі құм бетінде сайрап жатыр. Жер тарпыған ойдым-ойдым тұяқ іздері. Ойқастан опырылған жусан түбірлерінің түте -түтесі шығып жатыр.

Не болғанда да өжет биенің таң алдында қалғып кеткен қас қағым сәтін дөп басқан қанды ауыздар.Қапысын тауып, ақ құлынның ажалына жетіпті, қорқаулар...

Жүрегі қан жылаған дихан, әлем тапырық күй кешті. Көзі жасаурап, екі иығы жүнжіп, қос жаққа қарады.Сөйтсе ұлы да сыртқа шығып, бұл көрініске қарап қапты, аңтарылып. Көйлегінің жеңімен көз жасын сүртіп, өксіктен ықылық атып тұр екен,ол да. Жанына барған көкесін құшақтап өкіріп жіберді...

...Кейін олар көрші ауылдың дихандарынан есітті. Бір боз биені пойыз басып кетіпті.

Қос түбіндегі сол құм төбе осы оқиғадан соң әкелі-балалы диханға бір түрлі суық көрінді. Жаз өтіп болмады.Оның ақшағыл құмдары күрең тартып, жусанды баурайы сұрқайланып, сұрықсыз көрінді.

Мойылдай көзі жәудіреген ақ құлын,оны еркелетіп,емірене жалаған боз бие жоқ өйткені...

Шымкентте полицейлер тұрғындарды соққыға жыққан

Шымкент әкімдігі Қызылжар ықшамауданындағы 70 жылдық тарихы бар стадионды бұзып, емхана құрылысын бастаған.

Алайды халық, бұл мекемеден ешқандай пайда болмайды деп, оның құрылысына қарсы шықты. Қарсы шыққан тұрғындар тәртіп сақшыларымен қақтығысып қалған.

Емхана деген аты болмаса, жекеменшікке өтіп жатыр деген тұрғындар балалары барып жүрген спорт алаңы үшін уайымдайтындарын айтты.

Сондықтан жұрт құрылыс бастауға келген техниканы тоқтатпақшы болған. Бірақ полицейлер қарсылық танытқандарды соққыға жықты.

Жыл басынан бері емхананың салынуына қарсы болған тұрғындар стадион сүрілсе, күнделікті жаттығу жасайтын 500-дей бала қайда барады деп қынжылады. “Сегіз айдан бері кіргізбей жүргенбіз.

Бүгін бүкіл ОМОН, полицияны жинап келіп, бәрінің мазасын алып, бір кварталды толық жауып қойып, стадионымыздың ішіне бульдозермен кіріп алды. Қақпаның алдында тұрдық. Қарсылық көрсеттік. Өзі жалғыз стадионды қалдыр дедік, жиналып бардық”, – дейді Шымкент қаласының тұрғыны Вахиджан Ташболатов.

Бірақ полицейлер қарсылық танытқандарды таяқтың астына алыпты. Тіпті телефонға түсірген оқушыларды да аямапты. “Бес-алтауы көлікке салып алып кетті. Дүкенге шыққам, "телефон ұстап тұрсың, неге түсіріп жатырсың?" деп, мені көлікке салып әкетті.

Бүйірімнен қатты ұрды, көзім көгеріп кетті. Боқтап, шешеден кетіп, түрлі боқтық сөз айтты”, – дейді Шымкент қаласының тұрғыны Бабыр Ашурметов.

Ал тұрғындар жолай алмай жатқан стадион бірден құрылыс алаңына айналып шыға келді. Алаң ортасында бірден шұңқыр пайда болып, футбол қақпалары жиналып жатыр.

Таңертең кірген жұмысшылар мен арнайы техника бірер сағат ішінде алаңның астаң-кестеңін шығарды. Қазір ел өз қаржысына қойған орындықтарды да алып тастап жатыр.

Ал шенеуніктер 68 мың тұрғынға қызмет көрсететін №9 емхана ескірген соң, осы стадионның орнына жекеменшік есебінен емдеу мекемесін тұрғызбақшы. Стадионның орнына жақын жерден бірнеше балалар алаңқайын салмыз дейді.

“Жеке инвестордың есебінен №8 емхананы басқа жерге жалға көшіріп, ол жерді бұзып тастап, соның орнына 80 соттық жерге тұрғындарға бюджет есебінен, қала бюджеті есебінен спорт балансына алып, сол жерден спорт алаңшасын саламыз.

Бұл тоқтамайды, басталады. Тоқтатылмайды", – дейді Абай ауданының әкімі Бұхарбай Парманов. Ал тұрғындар "емхана саламыз" деген сылтаумен стадион жекенің қолына өтіп кетті деп отыр. Сондықтан тұрғындар жаппай қол жинап, құрылысты тоқтатсын деген талаппен Елордаға аттанбақ.

Дереккөз : ktk.kz

Көкшетау тұрғыны әлеуметтік желіде қаржы пирамидасын ашқан

Подробности: Категория: Бүгін; Опубликовано: 08 августа 2021; Просмотров: 439

Ақмола облысында алаяқтық жасаған деген күдікпен әйел адам ұсталды.

Ол WhatsApp мессенджері арқылы «қаржы пирамидасы» сияқты жобаға ақшалай қаражат құюға шақырған. Бұл туралы Ақмола облысы полиция департаменті баспасөз қызметінен хабарлады.

Бекшин вирустың таралуы қашан төмендейтінін айтты

Подробности: Категория: Елең еткізер; Опубликовано: 07 августа 2021; Просмотров: 4683

Алматы қаласы Санитариялық-эпидемиологиялық бақылау департаментінің басшысы Жандарбек Бекшин қалада коронавирустың таралуы шарықтау шегіне жақындап қалғанын мәлімдеді.

Оның айтуынша, қалаға коронавирустың «дельта» штаммы келгелі вирустың таралуы күрт жоғарылап, қазір шарықтау шегіне жетіп қалған.

Қайын ата (3- бөлім )

Подробности: Категория: Проза; Опубликовано: 05 августа 2021; Просмотров: 6116

Ұшып барып дәл ішін үстелдің бұрышына соғып, еденге құлап ішін ұстаған күйі есінен танып қалды.
- Оңбаған. Сен не істедің? Келініне солай қол көтере ме екен? Жоғал көзіме көрінбей құры? - бар дауысымен айқайлап, есенгіреп тұрған күйеуіне ас үйден жүгіріп барып пышақ алып, қорқытып үйден қуып жіберді. Ұлының аямасын білген әке басы ауған жаққа қаша жөнелді.

Дельта штамы науқастың дене мүшелерін бірден зақымдайды

Подробности: Категория: Елең еткізер; Опубликовано: 05 августа 2021; Просмотров: 1014

Алматыдағы фтизиопульмонология орталығының директоры Жанар Сәпиева өңірлік коммуникациялар қызметінің брифингте орталықтағы ковидтік стационардың жұмысы және дельта штамының жаңа клиникалық көріністері туралы айтты.

Ж. Сәпиеваның айтуынша, фтизиопульмонологиялық орталықты қала әкімдігі белгілеген және 2020 жылы коронавирус инфекциясымен сырқаттанған пациенттерге стационарлық көмек көрсетуге дайындалған.

Қазақстанда COVID-19-ға қарсы вакцинаның үшінші дозасын салу қарастырылып жатыр

Подробности: Категория: Елең еткізер; Опубликовано: 05 августа 2021; Просмотров: 807

Дәрігер маман қазақстандықтарға коронавирустың үшінші компонентін салдыруға қатысты ойын айтты, - деп хабарлайды Tengrinews.kz ке сілтеме жасап el24.kz.

Жоғары санатты инфекционист дәрігер, медицина ғылымдарының кандидаты Сәуле Атығаеваның сөзінше, бүгінде үшінші компонентті салдыруға қатысты мәселе қарастырылып жатыр.