Серік Сәпиевке қысым жасалды ма: Қарағанды облысындағы спорт саласындағы дау қалай өрбіді

 

           el24.kz Қарағанды облысының спорт басқармасында туындаған дау қоғам назарын аударды. Басқарма басшысы Серік Сәпиев өзіне сыртқы ықпал ету әрекеттері болғанын мәлімдесе, өңір басшылығы бұл жағдайға құқықтық баға берілетінін жеткізді.

Серік Сәпиевтің айтуынша, бұл оқиға жеке немесе тұрмыстық жанжалға жатпайды. Оның сөзінше, аймақта ықпалы бар жекелеген адамдар тарапынан қарсылыққа тап болып, облыстық спорт ұйымдары басшыларын заңсыз ротациялау әрекеттері жасалған.

Аталған процеске басқарма басшысының орынбасары Дәурен Есімхановтың да қатысы болғаны айтылды. Сәпиев бұл әрекеттерді заңсыз деп танып, тоқтатқанын, соның салдарынан жанжал туындағанын алға тартты.

Оқиға 21 қаңтар күні Қарағанды облысы спорт басқармасының ғимаратында болған. Басшы мен оның орынбасары арасында сөзге келу төбелеске ұласқан. Осыдан кейін Серік Сәпиев полиция шақырған. Сол күні ол жағдайдың реттелгенін айтып, қоғамды сабырға шақырғанымен, кейін әлеуметтік желіде әріптесін тікелей айыптаған мәлімдеме жариялады.

Өз кезегінде, самбодан әлем біріншілігінің жүлдегері Дәурен Есімханов та әлеуметтік желі арқылы пікір білдіріп, тараған ақпараттарға сын көзбен қарауға шақырды. Оның айтуынша, жанжалдың түпкі себебі басқада.

Жағдайдың ушығуына байланысты Қарағанды облысының әкімі Ермағамбет Бөлекбаев ресми пікірін білдірді. Өңір басшысы мемлекеттік қызметте жүрген тұлғалардың мұндай әрекетке баруын құптамайтынын айтты.

Әкімнің сөзінше, тәртіп бұзушылыққа жол берілген жағдайда, заң аясында тиісті жауапкершілік қарастырылады. Сонымен қатар спорт басқармасының жұмысы тоқтамауы тиіс. Осыған байланысты Мемлекеттік қызмет істері агенттігінің департаменті тексеру жүргізіп, басқарманың қызметіне кешенді аудит жасалады.

Қазіргі таңда аталған оқиға бойынша тергеу амалдары жүріп жатыр. Құзырлы органдар әрбір әрекетке құқықтық баға беретінін хабарлады.

Үндістанда қауіпті «Нипах» вирусы өршіп тұр: қазақстандықтарға сапардан бас тарту ұсынылды

 

    el24.kz Үндістанда «Нипах» деп аталатын аса қауіпті вирустың таралуына байланысты қазақстандықтарға бұл елге және Оңтүстік-Шығыс Азияның бірқатар мемлекеттеріне сапарды уақытша кейінге шегеру ұсынылды. Бұл туралы Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті хабарлады.

Мамандардың мәліметінше, «Нипах» вирусы негізінен жарқанаттар арқылы таралады. Вирус адамға тікелей жанасу немесе ластанған тағам мен су арқылы жұғуы мүмкін. Соңғы деректерге сәйкес, дерт әсіресе түнгі уақытта ашық кеңістікте жүретін туристер арасында жиі тіркеліп отыр.

Комитет өкілдері Үндістанға немесе Оңтүстік-Шығыс Азия елдеріне сапарлауды жоспарлап отырған азаматтарға сол мемлекеттердегі эпидемиологиялық жағдайды алдын ала нақтылап алуға кеңес береді. Ал шұғыл іссапармен баруға мәжбүр болған жағдайда тек жабық құтыдағы ауызсуды пайдалану және санитариялық талаптарды қатаң сақтау қажет екені ескертілді.

Дәрігерлердің айтуынша, «Нипах» вирусының алғашқы белгілері тұмауға ұқсас болады. Атап айтқанда, бас ауруы, дене қызуының көтерілуі, әлсіздік байқалады. Ауру дер кезінде анықталып, ем қабылданбаса, ауыр асқынуларға және өлімге әкелуі мүмкін.

ҚР Денсаулық сақтау министрлігі Санитариялық-эпидемиологиялық бақылау комитетінің бас сарапшысы Лаура Ақышева бұл бағыттағы алдын алу шаралары күшейтілгенін атап өтті:

— Үндістандағы «Нипах» вирусына байланысты эпидемиологиялық жағдайдың алдын алу мақсатында мемлекеттік шекара арқылы өтетін барлық өткізу пункттерінде санитариялық бақылау күшейтілді. Үндістаннан және Оңтүстік-Шығыс Азия елдерінен келетін азаматтарға ерекше назар аударылып отыр. Аталған инфекция бойынша қолайсыз елдердің тізімі тұрақты түрде қайта қаралып, жаңартылып отырады, — деді ол.

Мамандар тұрғындарды сақтық шараларын қатаң сақтауға және денсаулығына жауапкершілікпен қарауға шақырады.

Шу ауданында кәмелетке толмаған жасөспірімге қатысты қылмыстық іс тергелуде

 

  el24.kz  Жамбыл облысы Шу ауданында кәмелетке толмаған жасөспірімге қатысты жыныстық сипаттағы зорлық-зомбылық дерегі бойынша сотқа дейінгі тергеу жүргізіліп жатыр. Бұл туралы құқық қорғау органдарының ресми мәліметтерінде айтылды.

Тергеудің алдын ала деректері

Құқық қорғау органдарына жәбірленуші қыздың анасы арызбен жүгінген. Тергеу мәліметтеріне сәйкес, 46 жастағы И.М. есімді азамат күдікті ретінде танылып отыр.

Алдын ала ақпаратқа сәйкес, күдікті алғашқы қылмыстық әрекетін жәбірленуші 12 жасқа толған кезеңде шаруа қожалықтарының бірінде жасаған.

Тергеу деректерінде күдіктінің бір жарым жылға жуық уақыт бойы жасөспірімнің дәрменсіз жағдайын пайдаланып, заңсыз әрекеттерін жүйелі түрде жалғастырып келгені көрсетілген. Сондай-ақ күдіктінің жәбірленуші отбасымен туыстық байланысы бары анықталған.

Қылмыстық істің саралануы

Аталған факті бойынша қылмыстық іс бастапқыда Қазақстан Республикасы Қылмыстық кодексінің 122-бабы бойынша қозғалып, кейіннен тергеу барысында 120-бапқа — «Зорлау» дерегімен қайта сараланған.

Қазіргі уақытта іс аясында тиісті сот-медициналық және өзге де процессуалдық сараптамалар тағайындалған.

Күдікті қамауға алынды

Полиция департаментінің хабарлауынша, күдікті ұсталып, уақытша ұстау изоляторына қамалды. Тергеу мүддесіне байланысты өзге мәліметтер жария етілмейді.

Құқық қорғау органдары оқиғаның барлық мән-жайын жан-жақты әрі объективті анықтауға бағытталған тергеу амалдары жалғасып жатқанын мәлімдеді.

Айта кетейік, Қазақстан Республикасының заңнамасына сәйкес, соттың заңды күшіне енген үкімі шыққанға дейін кез келген тұлға кінәсіз деп есептеледі.

 

 

 
 

 

Құлдықта болған Құндыз бен Назгүлдің асыраушысына қатысты жаңа деректер жарияланды

 

     el24.kz  Құлдықта болған Құндыз бен Назгүлге қатысты іс бойынша қоғамда резонанс тудырған жаңа бейнематериалдар тарады. Белгілі тележүргізуші Руслан Өтепбай әлеуметтік желідегі парақшасында балалардың асыраушысы Зүлфия Төленованың қатысуымен түсірілген жағаұстатарлық видеоларды жариялады.

Жарияланған бейнежазбаларда асыраушының балаларға күш көрсетіп жатқан сәттері, сондай-ақ мас күйінде болған кадрлары көрінеді. Бұл материалдар қоғам арасында қызу талқылауға себеп болды.

Журналисттің мәліметінше, 2025 жылдың 29 желтоқсанында Зүлфия Төленоваға қатысты ұрып-соғу фактісі бойынша қылмыстық іс қозғалған. Арызданушылар — оның асыранды балалары. Балалардың айтуынша, асыраушысы алкогольдік ішімдік ішіп, олардың мазасын алып, бірнеше рет қол көтерген.

Аталған дерек бойынша қазіргі уақытта тергеу амалдары жүргізіліп жатыр. Құзырлы органдар істің барлық мән-жайын жан-жақты тексеріп, әрбір әрекетке заң аясында құқықтық баға берілетінін мәлімдеді. Егер күдіктінің кінәсі дәлелденсе, ол қолданыстағы заңнамаға сәйкес жауапкершілікке тартылады.

Бұл іс Жамбыл облысының полиция департаментінің бақылауында екені хабарланды. Қоғам өкілдері мен құқық қорғау органдары тергеудің әділ әрі ашық жүргізілуіне үміт білдіріп отыр.

Шымкенттің қақ ортасында әйел адам пышақталып қаза тапты: күдікті ұсталды

 

   el24.kz Шымкент қаласының орталық бөлігінде аса ауыр қылмыс тіркелді. Көшеде кездейсоқ жолыққан ер адам бөтен әйелге суық қарумен шабуыл жасап, салдарынан жәбірленуші оқиға орнында көз жұмды.

Алдын ала мәліметке сәйкес, 41 жастағы әйел алған ауыр жарақаттарынан тіл тартпай кеткен. Қылмыс жасады деген күдікпен бұрын да сотты болған азамат ұсталды.

Күдіктінің алғашқы түсініктемесінде марқұмның түр-әлпеті ұнамағанын алға тартқаны хабарланды.

Оқиға орнынан қашуға әрекеттенген күдікті полиция қызметкерлеріне қарсылық көрсеткен. Осыған байланысты тәртіп сақшылары оны ұстау барысында қызметтік қару қолдануға мәжбүр болған. Нәтижесінде күдікті жарақат алып, медициналық мекемеге жеткізілді.

Қазіргі уақытта ол ауруханада полицияның күзетінде жатыр. Аталған дерек бойынша «Адам өлтіру» бабы бойынша қылмыстық іс қозғалып, тергеу амалдары жүргізілуде.

Шымкент қаласы Полиция департаменті бастығының міндетін атқарушы Арман Бейсенбаев жағдайға қатысты пікір білдірді:

— Күдікті медициналық мекемеге жеткізілді және полицияның тұрақты күзетінде. Оқиғаның барлық мән-жайын анықтауға бағытталған қажетті тергеу әрекеттері жүргізіліп жатыр, — деді ол.

Құқық қорғау органдары тергеу мүддесіне байланысты өзге ақпарат әзірге жарияланбайтынын мәлімдеді.

Жаңаөзенде аурухана ішінде дәрігер пышақталып қаза тапты: қылмыстық іс қозғалды

 

  el24.kz Маңғыстау облысы Жаңаөзен қаласында адам шошырлық қылмыс тіркелді. Қалалық көпбейінді аурухананың дәлізінде 29 жастағы дәрігер Нұрдәулет Аманғалиев пышақ жарақатынан көз жұмды.

Алдын ала мәліметке сәйкес, емдеу мекемесіне кіріп келген ер адам терапевт-дәрігерге аяқ астынан шабуыл жасап, бірнеше рет суық қарумен соққы жасаған.

Әріптестері күдіктіні тоқтатуға тырысқанымен, ол дәрігерге ауыр жарақат салып үлгерген.

Марқұмның анасының айтуынша, ұлының денесіне 21 жерден пышақ жарақаты салынған. Отбасы бұл қылмыстың аса қатыгездікпен жасалғанын айтып, кінәліге кешірім болмайтынын мәлімдеді.

Алдын ала тергеу деректеріне сәйкес, қылмыс дәрігердің кәсіби қызметіне байланысты емес, жеке себептерден туындаған. Куәгерлердің сөзінше, күдіктінің жұбайы аталған ауруханада медбике болып жұмыс істеген.

Маңғыстау облыстық денсаулық сақтау басқармасының басшысы Бекболат Ізбасаров марқұмға шұғыл медициналық көмек көрсетілгенін растады:

— Науқас ауыр жағдайда жеткізіліп, мойын, кеуде тұсы мен қолынан ауыр жарақат алған. Көп қан жоғалтуына байланысты шұғыл операция жасалды. Алайда көрсетілген ем-шараларға қарамастан, әріптесімізді аман алып қалу мүмкін болмады, — деді ол.

Нұрдәулет Аманғалиев Марат Оспанов атындағы Батыс Қазақстан медицина университетінде 9 жыл білім алған. Бір жыл бұрын Жаңаөзен қаласына қызметке келген. Артында екі баласы қалды. Әріптестері оны жауапты, кәсіби білімі жоғары, болашағынан зор үміт күттірген жас маман ретінде сипаттайды.

Аталған дерек бойынша полиция «Адам өлтіру» бабы бойынша қылмыстық іс қозғады. Күдікті өз еркімен құқық қорғау органдарына берілген. Қазіргі уақытта ол уақытша ұстау изоляторында, тергеу амалдары жүргізіліп жатыр.

Құқық қорғау органдары істің барлық мән-жайы жан-жақты тексеріліп жатқанын хабарлады.

 

Подробности
Категория: Елең еткізер

 

  el24.kz Қарағанды облысы спорт басқармасы басшысының орынбасары Дәурен Есімханов соңғы күндері қоғамда қызу талқыланып жатқан жағдайға байланысты мәлімдеме жасады. Ол әлеуметтік желілер мен бұқаралық ақпарат құралдарында шындыққа жанаспайтын ақпараттар тарап жатқанын айтты.

Дәурен Есімхановтың сөзінше, қазіргі уақытта жарияланып жатқан кейбір мәліметтер жағдайды ушықтыруға бағытталған.

Подробности
Категория: Бүгін

 

   el24.kz Шымкент қаласында Нұрай Серікбайдың қаза табуына байланысты қозғалған қылмыстық іс бойынша тергеу шаралары күшейтіліп, іс материалдары жаңа баппен толықтырылды. Бұл туралы марқұмның ісі бойынша қорғаушы Аянхан Омаров ресми мәлімдеді.

Адвокаттың айтуынша, қазіргі уақытта Қазақстан Республикасы Қылмыстық кодексінің «Некеге тұруға мәжбүрлеу» бабына сәйкес жеке қылмыстық іс қозғалып, тиісті тексеру амалдары жүргізіліп жатыр.

Подробности
Категория: Елең еткізер

 

   el24.kz Қарағанды облысында 20 жастағы азаматтың қаза табуына байланысты қылмыстық іс тергеліп жатыр. Бұған дейін, 23 қаңтар күні Рудный қаласындағы көпқабатты үйлердің бірінен жас жігіттің мәйіті табылғаны хабарланған болатын.

Ресми мәліметтерге сәйкес, аталған факті бойынша полиция 17 және 18 жастағы екі жасөспірімді күдікті ретінде іздеуге алған. Оларға 20 жастағы жігітті пышақтап өлтірді деген күдік тағылып отыр.

Подробности
Категория: Елең еткізер

 

  el24.kz  Жамбыл облысы Шу ауданында кәмелетке толмаған жасөспірімге қатысты жыныстық сипаттағы зорлық-зомбылық дерегі бойынша сотқа дейінгі тергеу жүргізіліп жатыр. Бұл туралы құқық қорғау органдарының ресми мәліметтерінде айтылды.

Тергеудің алдын ала деректері

Құқық қорғау органдарына жәбірленуші қыздың анасы арызбен жүгінген. Тергеу мәліметтеріне сәйкес, 46 жастағы И.М. есімді азамат күдікті ретінде танылып отыр.

Подробности
Категория: Бүгін

 

 el24.kz Маңғыстау облысының Шетпе ауылында ер адамның қаза табуына байланысты құқық қорғау органдары тексеру жүргізіп жатыр.

Алдын ала мәліметтерге сәйкес, 42 жастағы азаматтың мәйіті өз үйінің аумағында орналасқан шаруашылық құрылыстардың бірінен табылған. Куәгерлердің айтуынша, марқұм бойдақ болған және ресми түрде еш жерде жұмыс істемеген.

Подробности
Категория: Елең еткізер

                       фото ашық дереккөзден

  el24.kz Шымкентте қаңтар айында қатыгездікпен өлтірілген Нұрай Серікбайдың ісіне байланысты қалалық Полиция департаментінің басшысы мен оның бірінші орынбасары қызметінен босатылды. Бұл шешім Қазақстан Республикасы Ішкі істер министрлігі жүргізген қызметтік тергеудің қорытындысы бойынша қабылданды.

Подробности
Категория: Елең еткізер

 

   el24.kz Жетісу облысы Жаркент қаласында 5 жасар баласына қатыгездік танытқан әйелге қатысты қылмыстық іс қозғалды. Оқиғаға байланысты баланың әкесі болған жағдайдың мән-жайын айтып берді.

Бұған дейін әлеуметтік желілерде 5 жасар баланы жылу батареясына байлап қойып, аяусыз соққыға жыққан ананың видеосы тараған болатын. Балалардың әкесінің айтуынша, видеоны отбасымен бірге тұратын танысы түсірген.

Подробности
Категория: Елең еткізер

 

    el24.kz Түркістан облысының Қоссейіт ауылында мүгедек әкесін аяусыз соққыға жыққан азаматқа қатысты сот үкімі шықты. Сот 41 жастағы Алмас Садақбаевты кінәлі деп танып, оны бес жылға бас бостандығынан айырды.

Подробности
Категория: Елең еткізер

 

    el24.kz Маңғыстау облысы аумағында 16 қаңтар күні түнде Ақтау қаласынан Бейнеу ауылына бағыт алған жолаушылар автобус жол апатына ұшырап, 5 адам қаза тапты, 42 адам ауыр жарақат алды. Бұл туралы өңірлік ақпарат көздері хабарлады.

Подробности
Категория: Бүгін

 

  el24.kz Соңғы күндері Күннің белсенділігі күрт артып, Жердің геомагниттік фоны тұрақсыз күйде қалып отыр. Мамандардың мәліметінше, жуырда Күн бетінде 20 қуатты жарқыл тіркеліп, олардың бірі М класты жоғары деңгейге жеткен. Соның салдарынан Күн белсенділігінің индексі 6,2-ге көтеріліп, «қызыл аймаққа» жақындаған.

Подробности
Категория: Бүгін

 

    el24.kz Мәжіліс депутаты Магеррам Магеррамов алкоголь өнімдерінің қолжетімділігін барынша шектеу елдегі қылмыс деңгейін төмендетуге ықпал етеді деп санайды. Оның айтуынша, «Халық партиясы» фракциясы Үкіметке алкоголь сатылатын нақты орындарды ғана белгілеуді, ал басқа барлық жерде спирттік ішімдіктердің сатылымына толық тыйым салуды ұсынып отыр.

Подробности
Категория: Бүгін

 

      el24.kz Елімізде атақ пен түрлі марапаттардың оңды-солды таратылып, тіпті ашық саудаға түсуі Мәжіліс мінберінде көтерілді. Депутат Мақсат Толықбай «марапат саудасы» қоғамдағы құндылықтарды құнсыздандырып жатқанын айтып, бұл мәселеге қатаң бақылау қажет екенін мәлімдеді.

Халық қалаулысының айтуынша, заңмен шектеу қойылғанына қарамастан, атақ пен марапат сататындар да, оны сатып алатындар да азаймай отыр.

Подробности
Категория: Елең еткізер

 

   el24.kz  Жамбыл облысының тұрғыны күтпеген жерден 34 жыл бұрын қысқа уақыт кездескен әйелмен заңды некеде тұрғанын біліп, сотқа жүгінген. Бұл туралы Tengrinews.kz хабарлады.

Іс материалдарына сәйкес, 1991 жылы ер адам отбасын құруды жоспарлаған қызбен төрт айдай ғана кездескен. Алайда қарым-қатынастары жараспай, көп ұзамай екі жақ екі түрлі жолмен кеткен. Сол кезеңде олар АХАТ органдарына барып, некені тіркемеген, ешқандай құжатқа қол қоймаған және неке туралы куәлік те алмаған.

Подробности
Категория: Проза

 

       Ғалымбек Елубай

Қамыстан тоқылған төбедегі қарағай бөренелерге іле салған тор көз шырақ сығырайып барып сөніп қалды. Шам жағуға ұмтыла берген ағамды Алдияр етегінен тартты.

- Керегі не оның?!

Терезден тамыздың тоңғақ айының көгілдір сәулесі дірдектеп төгіліп тұр. Жаздық үйдің ортасын ала сирағы едендегі топыраққа сіңіп кеткен аласа үстел. Үстел бетінде орта табақ қурдақтың тоңазыған майына дейін жылтырап анық көрінеді.

  1. Астанада жедел жәрдемге бөлінген 850 млн теңге талан-таражға түскен
  2. Батыс Қазақстанда тауарды заңсыз импорттау дерегі бойынша жоғары лауазымды шенеуніктер ұсталды
  3. Атырау облысында ерлі-зайыптыны өлтіру дерегі бойынша күйеу баласына іздеу жарияланды
  4. Washington Post Маңғыстау облысының көрікті жерлері туралы мақала жариялады