«Ғалымдардың «ақ аюлар қырылу алдында» дегенін естігенде адамдар мұның қалай көрініс тауып жатқанын білсе деймін. Міне, дәл осылай» — дейді фотограф Пол Никлен.
Фотографтың айтуынша, ақ аюлар әбден арықтап, азық іздеуге қауқарсыз болып барады. Аюларды қоректендіру үшін жүз келіден астам ет қажет екен. Әдетте олар итбалықпен қоректенеді, бірақ ол үшін оларға аң аулайтын мұз учаскесі қажет. Егер мұз бен теңізге шығу мүмкіндігі болмай, олар құрлықта ұзақ уақыт қалып қойса аюлар ашыға бастайды.
Дереккөз: инстаграм National Geographic
Пол Никленнің айтуынша, ол бұл суреттерді бүгінгі күні алдымызда тұрған жаһандық проблеманы көрсету үшін түсірген.
«Біз көмірқышқыл газының шығарылуын қысқартпасақ, мұздың еруі жалғаса береді және басқа да ақ аюлар аштықтан өледі» — дейді фотограф.
Дереккөз: инстаграм National Geographic
«Осы суреттермен біз климаттық өзгерістер тудыратын проблемаларды, олардың жабайы табиғат пен адамзатқа жақын онжылдықтағы әкелетін зардабын көрсеткіміз келеді» — дейді Никлен.
