Алматы полициясы әлеуметтік желідегі заңға қайшы контентке қатысты шара қабылдады

 

 el24.kz Алматы қаласының полиция қызметкерлері әлеуметтік желілерге жүргізілген мониторинг барысында Қазақстан Республикасының заңнамасы мен қоғамда қалыптасқан моральдық-адамгершілік құндылықтарға қайшы мазмұндағы жарияланымды анықтап, заң аясында шара қабылдады.

Алматы қаласы Полиция департаментінің баспасөз қызметінің мәліметінше, интернет кеңістігін бақылау кезінде авторы қоғамда қабылданған моральдық-этикалық қағидаларға және қолданыстағы заңнамаға қайшы өмір салтын ашық түрде насихаттаған контент жариялаған.

Аталған жарияланымның авторы анықталып, оған Қазақстан Республикасының Әкімшілік құқық бұзушылық туралы кодексінің 456-2-бабының 3-1-бөлігі бойынша әкімшілік құқық бұзушылық туралы хаттама толтырылды.

Полицияның хабарлауынша, профилактикалық түсіндіру жұмыстары жүргізілгеннен кейін азамат әлеуметтік желідегі парақшасында жарияланған материалдарды өз еркімен өшірген.

Осыған байланысты Алматы қаласының полициясы әлеуметтік желілердің қоғамдық ақпараттық кеңістік екенін еске салып, пайдаланушыларды заң талаптарын сақтауға шақырды.

Ведомствоның мәлімдеуінше, заң талаптарына және қоғамда қалыптасқан жалпыға ортақ моральдық-этикалық нормаларға қайшы мінез-құлық үлгілерін насихаттайтын, сондай-ақ отбасы институтына деген құрметті төмендететін контентті тарату Қазақстан Республикасының заңнамасына сәйкес жауапкершілікке әкеп соғады.

Жапония радиосы Димашқа тағы да арнайы эфир арнайды: жаңа “AQERKE” әні алғаш рет шырқалады

 

  el24.kz 30 шілдеде Жапонияның Kiryu FM радиостанциясы Қазақстан мен Қырғызстанның халық әртісі Димаш Құдайбергеннің шығармашылығына арналған Music Forever бағдарламасының кезекті арнайы шығарылымын эфирге шығарады. Бағдарламаның басты ерекшелігі – әншінің жаңа «AQERKE» композициясының жапон радиосында алғаш рет шырқалуы болмақ. Бұл туралы ресми ақпарат DimashNews порталы жариялады.

Жапониялық радиостанция Димаштың шығармашылығын жергілікті тыңдарманға 2020 жылдан бері тұрақты түрде таныстырып келеді. Осы уақыт ішінде әншінің барлық жаңа туындылары Kiryu FM эфирінен орын алып, оның өнеріне бірнеше мәрте арнайы бағдарламалар арналды. Бұл жапон тыңдармандарының қазақ өнеріне деген қызығушылығының артып келе жатқанын көрсетеді.

Биылғы Dimash Special шығарылымы Dimash Japan Fan Club жанкүйерлер клубының қатысуымен әзірленген. Эфир барысында тыңдармандар жаңа «AQERKE» әнімен қатар Love's Not Over Yet, Kieli Meken, Love of Tired Swans, Daididau, Omir және Olimpico композицияларын тыңдай алады.

Music Forever бағдарламасы Жапонияның Гумма префектурасындағы Кирю қаласынан таратылады. Бағдарламаны жүргізушілер Кадзудзи Като мен Кёко Ямамото жүргізеді. Негізгі эфир әр айдың бірінші және үшінші бейсенбісінде Жапония уақытымен 19:06–19:59 аралығында шығады, ал қайталау көрсетілімі келесі күні 11:06-да беріледі. Егер айда бесінші бейсенбі болса, радио ұжымы арнайы музыкалық шығарылым әзірлейді.

Айта кетейік, «AQERKE» – Димаштың қазақтың халық әніне заманауи өңдеу жасаған жаңа туындысы. Ән маусым айында әлемдік цифрлық музыкалық платформаларда жарық көріп, халықаралық тыңдармандар арасында үлкен қызығушылық тудырған болатын. Енді бұл шығарма Жапония радиосының эфирінде алғаш рет орындалып, жапон тыңдармандарына жол тартады.

 
 
 

   

Ресей Павел Дуровқа терроризмге жәрдемдесу бойынша айып тақты: Telegram негізін қалаушы халықаралық іздеуге жарияланды

 

   el24.kz Telegram мессенджерінің негізін қалаушы Павел Дуровқа Ресей Федерациясының Федералдық қауіпсіздік қызметі (ФҚҚ) терроризмге жәрдемдесу бабы бойынша ресми айып тағып, оны халықаралық іздеуге жариялағанын мәлімдеді. Бұл туралы Ресейдің құқық қорғау органдарының мәліметіне сүйене отырып халықаралық ақпарат агенттіктері хабарлады.

Ресей ФҚҚ-ның мәлімдеуінше, Дуровқа Ресей Қылмыстық кодексінің 205.1-бабының 1.1-бөлігі («Террористік қызметке жәрдемдесу») бойынша қылмыстық іс аясында айып тағылған.

Ведомствоның хабарлауынша, Telegram платформасында Ресей аумағында диверсиялық әрекеттерді, терроризмді және киберқылмыстарды ұйымдастыру үшін пайдаланылды делінген бірқатар арналар, чаттар мен боттар уақытылы жойылмаған. Ресей тарапы мұны қылмыстық істің негізі ретінде көрсетіп отыр.

ФҚҚ мәлімдемесінде Павел Дуровтың халықаралық іздеуге жарияланатыны айтылған. Ресей заңнамасына сәйкес, аталған бап бойынша кінәлі деп танылған жағдайда 8 жылдан 15 жылға дейін бас бостандығынан айыру немесе өмір бойына бас бостандығынан айыру жазасы қарастырылған.

Халықаралық БАҚ-тың хабарлауынша, Павел Дуров Ресейдің айыптауларымен келіспейді. Ол бұған дейін де билік тарапынан тағылған айыптарды сөз бостандығы мен жеке өмірге қол сұғушылыққа байланысты қысым деп бағалаған. Қазіргі уақытта Telegram компаниясы Ресейдің жаңа айыптауларына қатысты толыққанды ресми мәлімдеме жариялаған жоқ.

Айта кетейік, Павел Дуров – Telegram мессенджерінің негізін қалаушы және бас директоры. Ол Ресейден кеткеннен кейін Біріккен Араб Әмірліктерінде тұрып келеді және Франция мен БАӘ азаматтығына ие. Соңғы жылдары ол бірнеше елде Telegram платформасындағы контентті реттеу мәселесіне байланысты құқықтық тексерулерге тап болған.

 
 
 
 

 

Семейде Threads желісіндегі пікірлері үшін тұрғын 2 жылға бас бостандығынан айырылды

 

  el24.kz Семей қаласының қылмыстық істер жөніндегі мамандандырылған ауданаралық соты Threads әлеуметтік желісінде діни тақырыптағы жарияланымдарға қалдырған пікірлері үшін қала тұрғынын 2 жылға бас бостандығынан айыру туралы үкім шығарды.

Абай облыстық сотының баспасөз қызметінің мәліметінше, азамат И. шамамен бір жарым жыл бойы Threads әлеуметтік желісінде басқа қолданушылардың дін тақырыбындағы жазбаларына пікір қалдырып отырған.

Сот материалдарына сәйкес, ол жариялаған пікірлер ұлттық және діни алауыздықты қоздыруға, азаматтардың ар-намысы мен қадір-қасиетін қорлауға, сондай-ақ адамдарды діни және ұлттық белгісі бойынша кемсітуге бағытталған деп танылған.

Тергеу барысында ұсталған азамат өз кінәсін толық мойындап, соттан бас бостандығын шектеу жазасын тағайындауды сұраған. Алайда мемлекеттік айыптаушы оған бас бостандығынан айыру жазасын қолдануды талап етті.

Сот үкімімен азамат Қазақстан Республикасы Қылмыстық кодексінің 174-бабының 1-бөлігі («Әлеуметтік, ұлттық, этностық, нәсілдік немесе діни алауыздықты қоздыру») бойынша кінәлі деп танылды. Жаза тағайындау кезінде сот оның шын өкінгенін, бұрын сотталмағанын, қылмыстық жауапкершілікке алғаш рет тартылғанын, сондай-ақ тұрғылықты жері мен жұмыс орнынан оң мінездеме берілгенін жеңілдететін мән-жайлар ретінде ескерді. Ауырлататын мән-жайлар анықталмаған. Нәтижесінде сот оған 2 жыл мерзімге бас бостандығынан айыру жазасын тағайындады.

Қазақстан Республикасының Қылмыстық кодексінің 174-бабы әлеуметтік, ұлттық, этностық, нәсілдік немесе діни алауыздықты жария түрде, оның ішінде әлеуметтік желілер мен онлайн-платформалар арқылы қоздыруға қатысты жауапкершілікті көздейді. Қолданыстағы заңнамаға сәйкес мұндай әрекеттер үшін бас бостандығынан айыру жазасы қарастырылған.

Алматы маңында жер сілкінісі тіркелді: тұрғындар 2 балдық дүмпуді сезінді

 

   el24.kz 29 шілде күні Алматы тұрғындары жер асты дүмпуін сезінді. Қазақстан Республикасы Төтенше жағдайлар министрлігінің «Сейсмологиялық зерттеу және ақпарат ұлттық ғылыми орталығы» мәліметінше, жер сілкінісі Астана уақытымен сағат 11:09-да тіркелген.

Ресми ақпаратқа сәйкес, жер сілкінісінің эпицентрі Алматы қаласынан оңтүстік-шығысқа қарай 257 шақырым жерде орналасқан. Оның географиялық координаттары 41.357° солтүстік ендік және 78.778° шығыс бойлығы болған.

Сейсмологтардың мәліметінше, жер асты дүмпуі Алматы қаласында 2 балл деңгейінде сезілген. Мұндай қарқын әдетте әлсіз саналып, ғимараттарға айтарлықтай қауіп төндірмейді.

Қазақстан Республикасы Төтенше жағдайлар министрлігі қазіргі уақытта зардап шеккендер мен қираулар туралы ақпарат тіркелмегенін хабарлады. Мамандар жағдайды бақылауда ұстап отыр және сейсмикалық ахуалға тұрақты мониторинг жүргізілуде.

ТЖМ тұрғындарға ресми ақпаратқа ғана сүйеніп, дүрбелеңге бой алдырмауға кеңес береді. Сондай-ақ төтенше жағдай кезінде қауіпсіздік ережелерін сақтап, құзырлы органдардың нұсқауларын орындаудың маңыздылығын еске салды.

Айта кетейік, Алматы қаласы мен оның маңы сейсмикалық белсенді аймақта орналасқандықтан, өңірде әлсіз және орташа қарқындағы жер сілкіністері мезгіл-мезгіл тіркеліп тұрады. Осыған байланысты сейсмикалық жағдайды бақылау үздіксіз жүргізіледі.

Дереккөз: Қазақстан Республикасы Төтенше жағдайлар министрлігі, «Сейсмологиялық зерттеу және ақпарат ұлттық ғылыми орталығы».

Маңғыстаудың жерасты мешіттері ЮНЕСКО-ның Бүкіләлемдік мұралар тізіміне енді

 

     el24.kz   Оңтүстік Кореяның Пусан қаласында өткен ЮНЕСКО-ның Бүкіләлемдік мұра комитетінің 48-сессиясында Қазақстан үшін тарихи маңызы зор шешім қабылданды. «Маңғыстаудың жерасты мешіттері және олармен сабақтас нысандар» ресми түрде ЮНЕСКО-ның Бүкіләлемдік мұралар тізіміне енгізілді.

Аталған номинацияны әзірлеу және халықаралық ұйымға ұсыну жұмыстары Мемлекет басшысы Қасым-Жомарт Тоқаевтың 2024 жылы Атырауда өткен Ұлттық құрылтайдың үшінші отырысында берген тапсырмасына сәйкес жүзеге асырылды. Президент Маңғыстау өңірінің бірегей табиғи келбеті мен тарихи-мәдени мұрасын әлемдік деңгейде танытып, жерасты мешіттерін ЮНЕСКО-ның Бүкіләлемдік мұралар тізіміне енгізу жұмыстарын бастауды тапсырған болатын.

ЮНЕСКО тізіміне енген сериялық нысан құрамына Шопан ата, Қараман ата, Шақпақ ата, Сұлтан епе және Бекет ата атты бес киелі кешен кірді. Бұл орындар ғасырлар бойы сақталып келе жатқан рухани мұраның, сопылық дәстүрдің және көшпелі мәдениеттің маңызды орталығы саналады.

ЮНЕСКО-ның Бүкіләлемдік мұра комитеті аталған нысанның (ii) және (iii) критерийлері бойынша айрықша әмбебап құндылыққа ие екенін мойындады. Комитет Маңғыстауда қалыптасқан сопылық дәстүр мен көшпелі өркениеттің өзара сабақтастығы нәтижесінде пайда болған ерекше киелі кеңістіктің әлемдік мәдени мұра үшін маңызды екенін атап өтті.

Әрбір кешеннің құрамына жерасты мешіттерімен қатар қорымдар, сопылық ілім өкілдерінің кесенелері мен жерлеу орындары, зиярат жолдары, киелі құдықтар және діни маңызы бар өзге де нысандар енеді. Бұл орындар ғасырлар бойы үзілмеген рухани дәстүрдің сақталуына ықпал етіп, бүгінгі күнге дейін зияратшылар көп келетін қасиетті орындар ретінде өз маңызын жоғалтқан жоқ. Сонымен бірге киелі орындарды күтіп-баптап, олардың тарихи сабақтастығын жалғастырып келе жатқан шырақшылық дәстүрі де бүгінге дейін сақталған.

Қазіргі таңда бес кешеннің барлығы мемлекет қорғауына алынған және Республикалық маңызы бар тарих және мәдениет ескерткіштерінің мемлекеттік тізіміне енгізілген. Оларды ұзақ мерзімге сақтау мақсатында 2027–2032 жылдарға арналған кешенді басқару жоспары әзірленуде. Құжатта тарихи ескерткіштерді сақтау, киелі тарихи-мәдени кеңістікті қорғау, келушілер ағынын тиімді ұйымдастыру, ықтимал қауіптердің алдын алу және ғылыми зерттеулер жүргізу бағыттары қамтылған.

Маңғыстаудың жерасты мешіттерінің ЮНЕСКО-ның Бүкіләлемдік мұралар тізіміне енуі – Қазақстанның тарихи-мәдени мұрасын халықаралық деңгейде мойындатқан маңызды жетістік. Бұл шешім өңірдің туристік әлеуетін арттырып қана қоймай, ұлттық рухани құндылықтарды сақтау мен оларды әлемге танытуға жаңа мүмкіндік береді.

 
 
 
 
 

Подробности
Категория: Сырласу

Саламатсыздар ма! Қалдарыңыз қалай, құрметті оқырман? Жаным жай таппай жүргеніне бірнеше күн болды. Қиналып кеттім əбден, сондықтан осында жазып отырмын Бұл сырымды  ешкімге айта алмаймын. Өзім өте тұйықпын, күліп жүргенмен, сырымды сыртқа аша бермеймін.

Осыдан біраз бұрын бір курсқа бардым. Мұғалім жас ағай екен, келбетті, сөзі нық, өзі өте ашық мінезді, күліп жүреді, əрқашан көмек қолын созып жүреді барлығына. Қалай екенін білмеймін, бірінші сабақтан кейін-ақ сол ағай аузымнан түспейтін болды. Қыздарды барлығы менен "ұнап қалмады ма" деп сұрайтын, ал мен "жоқ, ол өте адамгершілігі  мол жан, өте білімді мұғалім" дейтінмін.

Подробности
Категория: Проза
 
Бақтыгүл Ауданова 
 Әңгіме
– Мамамның қарны неге қампоқ? – дегенді бірде енді ғана үш жасқа аяқ басқан Арманы былдырлай.

– Ішінде қарбыз бар. Қане, ұстап көрейікші, о, міне, – деп еді Алмас баласының мына сөзіне ішек-сілесі қата күліп. Содан Арманы бірнеше күн «қарбыз жеймін» деп қиғылықты салған. 

Подробности
Категория: Әлем жаңалықтары
Ауғанстанның шығысында Логар провинциясындағы үйлену тойы кезінде жарылыс болып, алты адам қаза тапты, 20-дан астам адам зардап шекті, деп хабарлайды Пажвак агенттігі жергілікті билік өкілдеріне сілтеме жасап.

Жарылыс жергілікті уақыт бойынша кешкі тоғызда Мохаммед Агха ауданында болған, жарылғыш заттар музыканттар отырған сахнаның астына орнатылыпты.

Аудан әкімшілігінің басшысы Нур Мохаммед Обаидидің сөзіне сүйенсек, оқиғаға жеке басына қатысты өшпенділік себеп болған.

Подробности
Категория: Елең еткізер

Жол апаты салдарынан жүргізуші қыз бен екі бала жарақат алды, олар түрлі жарақатпен ауруханаға жеткізілді.

Алматыда Назарбаев даңғылында жол апаты болды, деп хабарлайды sputniknews.kz 
 
Toyota Land Cruiser Prado автокөлігі Назарбаев даңғылында солтүстік бағытта келе жатқан. Сәтпаев көшесіне жетпей, жүргіншілердің бірі жаяу жүргіншілер жолынан жүгіріп өтуге шұғыл шешім қабылдайды.

Подробности
Категория: Мырс етер
 
Жанат Бақыт
-Пока маған болмайды, Магнумға сен барып кел енді. Міне, тізім.
10 минуттан соң телефоның шыррр-шырр етеді.
-Фейридің үлкені ме, кішісі ме, ақ па, жасыл ма?
-Доместостың мың миллион түрі бар, қайсысын аламын?
-Туалетная бумага ше? 56 ма, 65 пе, қалыңы ма, жұқасы ма?

Подробности
Категория: Ғибратты әңгімелер

Анамның жаңадан келін боп түскен кезі екен. Мезгіл қара күз. Баяғы айдалада екі үй қойшы. Әкей көрші ауылға асау үйретуге кетіп, сол күні қойды атамыз жаяды. Түс кезінде анам төбе басына шығып, отарға көз салса, атам құрыққа бөрікті іліп, бұлғап тұр екен. Шақырғанын түсініп тұра жүгіріп кете береді. Дауыс жетер жерге таянғанда «мылтық, күрек» деген сөзді естіп, қайтадан үйге қарай зымырайды. Таяп қалғанда үй сыртында «не болдылап» тұрған енесіне «мылтық, күрек» деп дауыстайды. «Қойға қасқыр шапқан шығар» деп топшылаған әжеміз оқшантайды келіннің беліне байлап, мылтық пен күректі қолына ұстатады. Сөйтіп анамыз ебіл-дебілі шығып атам тұрған жерге де жетеді ғой.

Подробности
Категория: Проза

Ерғали БАҚАШ

Түсі екенін, әлде өңі екенін айыра алмай дал болып жатты. Қорыққаннан орнынан тұра алмады. Бұрыш жақтағы шүмектен су бір ағып, бір тоқтап тұрғанын анық білді. Тек қозғалуға, тіпті жан-жағына қарауға батылы барар емес. Көзін тарс жұмып жата берді. Үрей билеп ұйқыға кеткен екен, тағы сол дыбыс қайталанды. Жайшылықта әрең ағатын су неменеге шарылдап кетті деп аң-таң күйде жатқан еді, кенет ыдыс-аяқтың салдырлаған дауысы естілді. Жер сілкініп жатыр ма деп байқап көрмекші болып еді, олай болмай шықты. Жүрегі кеудесіне сыймай, атқалақтап тұр. Не болса да көрпеге бүркеніп алып, таң атырмақ болды. Осындайда таң да атуға ерінгендей түн қараңғылығынан арылар емес.

Подробности
Категория: Сырласу

Сәлеметсіздерме?!

Сіздердің тұрақты оқырманыңызбын. Мен де өз өмірім жайлы айтқым келеді. Тезірек шығарыңызшы. 19 жасымда жақсы көрген жігітіме тұрмыс кұрдым. Бақытты едік, көп ұзамай аяғым ауыр болды. Ішімдегі сәбиге 8 -ай болғанда күйеуім күтпеген жерден қайтыс болды. Жылап еңіреп жүріп жерледік. Күйеуім қайтыс болғаннан бір айдан кейін ұл босандым.

Подробности
Категория: Елең еткізер

Әйел ота үстелінде есін жимаған күйі дүниеден өтті.   

Қазір полиция аталған іс бойынша тергеу жүргізіп жатыр. Алдын ала ақпарат бойынша, әйел жекеменшік емханалардың бірінде ота жасатқан, деп хабарлайды ҚазАқпарат.
 
 «Полиция ҚР ҚК 317-бабы (медицина маманының фармацевтика қызметкерлерінің кәсiптік мiндеттерiн тиiсiнше орындамауы кесірінен абайсызда адам өліміне әкелу) бойынша сотқа дейінгі тергеу жұмыстары жүргізіліп жатыр. 

Подробности
Категория: Даңқ пен Дақпырт

Жанболат пен Жазираның 21 жастағы ұлы отбасылық кәсіпті дөңгелетіп отыр. Жоғары оқу орнын биыл ғана тәмамдаған Қазбек ата-анасының ди⁠ректоры әрі үйдегі шығыс пен кіріске жауап беретін бас есепші екен. Бұдан бөлек, Қазбек Жанболатұлы жұлдызды ата-анасының үш бірдей кәсібін басқарып отырған көрінеді.

Бұл туралы Stan.kz ақпараттық агенттігі “Әңгіме болсын” бағдарламасына сілтеме жасап хабарлайды.

“Иә, анам мен әкемнің ди⁠ректорымын. Жанұямда жалғыз бала болғандықтан, барлық жауапкершілік менің мойнымда. Басқа тапсыратын адам жоқ. Барлығын өз мойныма алу ол менің парызым.

Подробности
Категория: Керек кеңес

Маман кеңесі

Әділбек Нұрымбет

Сарғаю - қан құрамындағы билирубиндердің шамадан тыс көбейіп кетуінен дүниеге келгеннен соңғы үшінші тәулікте пайда болатын құбылыс.
Ол "физиологиялық" және "патологиялық" болып екіге бөлінеді.

Подробности
Категория: Сырласу

Өмірде өз дегенің үнемі бола бермейді екен. Осыдан біраз уақыт бұрын мен қандай бақытты едім. Мектепті бітірген соң, өзім қалаған жоғарғы оқу орнында оқыдым. Студенттік өмірдің бал-шырынын таттым.

Одан өзім сүйген жігітке тұрмысқа шықтым. Ата-енем де жаман адамдар емес. Келінім деп емес, «қызым» деп еміреніп тұрды. Егіз ұлымыз дүниеге келді. Сөйтіп отбасымызда ақ түйенің қарны жарылып қалған…

Ол күндер қандай ғажап, қандай аяулы шақтар еді. Әттең, Алла-Тағала өміріңді өзгертем десе, оңай екен.

Подробности
Категория: Әлем жаңалықтары

Замира Хаджиева Ұлыбританияда екі ұшақ, екі вилла, түрлі әшекей бұйымдарын жалпы сомасы 20 миллиард теңгеден асатын ақшаға сатып алған.

Мұндай ақшаны оңды-солды шашып жүруі британиялық құзырлы органдардың күдігін туғызды. Сөйтіп, шілде айында 55 жастағы Замира Хаджиева тергеле бастаған. 

Подробности
Категория: Проза

Bakti Audan

Әңгіме

Таңғы шайға нан сұрай кеткен Қатыш кемпірдің келіні Гүлсім кеше кешкісін жоғалтқан айран дорбасын көтеріп арсын-гүрсін сөйлене келді.
– Міне, кеше жоғалтқан айран дорба. Ұрыны таптым. Осы кезге дейін сұрап алушы еді, енді ұрлауға көшіпті, бетсіздер! – деді айран дорбаны жаюлы дастархан үстіне тарс еткізіп.

  1. Кепкен жемістердің пайдалары
  2. Ақыл-есінен адасқандар көбейіп барады 
  3. Дұғамыз неге қабыл болмайды?
  4. Жасы кіші жігітке тұрмысқа шығу бақ па, сор ма?