Жыл басынан бері терроризм мен экстремизмге қатысы бар 25 адам сотталды

 

Ермек Сағымбаев Ұлттық қауіпсіздік комитетінің жыл басынан бері атқарған жұмысының нәтижелері, ведомствоны реформалау барысы және алдағы кезеңге арналған міндеттер туралы есеп берді. 

Ол ұлттық қауіпсіздікке төнетін қазіргі сын-қатерлер мен қауіптерге байланысты ҰҚК қызметін жетілдіру шаралары, соның ішінде нормативтік-құқықтық базаны дамыту, кадрлық әлеуетті нығайту, озық ақпараттық технологияларды енгізу және қызметтік процестерді бюрократиядан арылту жайында баяндады.

  Сондай-ақ елімізде террористік және экстремистік әрекеттерге жол бермеу жұмыстарының күшейтілгені жөнінде айтты. Жыл басынан бері ҰҚК материалдары бойынша терроризм мен экстремизмге қатысы болғаны үшін 25 адам сотталған, сотқа дейінгі тергеу амалдары аясында тағы 13 адам ұсталған.

Ішкі істер министрлігімен бірлесіп, 6 қылмыстық топтың әрекетіне тосқауыл қойылған және 35 адам тұтқындалған. Заңсыз айналымнан 148 қару, қолдан жасалған 5 жарылғыш құрал, 32 граната және 4431 оқ-дәрі тәркіленген. Есірткі бизнесіне қарсы күрес аясында 16 операция жүргізілген. Есірткі тасымалдайтын 18 халықаралық және 9 өңірлік арна, сондай-ақ 10 есірткі зертханасы жойылған.

800 келіден астам есірткі және психотроптық заттар, 14 тонна химиялық реагенттер мен көкнәр шикізаты тәркіленген. Экономикалық қауіпсіздікті қамтамасыз ету және сыбайлас жемқорлыққа қарсы іс-қимыл шеңберінде мемлекетке 707 миллиард теңгеден астам сома залал келтіруге жол берілмеген және бюджетке 1,2 миллиард теңге қайтарылған. Мемлекеттік шекараны бұзған 7 мыңнан астам адам ұсталған.

Шекара арқылы қару-жарақ пен оқ-дәрі, есірткі және басқа да тыйым салынған заттарды тасымалдауға қатысты 395 әрекеттің жолы кесілген.

Сондай-ақ 3,2 миллиард теңге көлеміндегі валютаны және құны 7,6 миллиард теңге болатын тауарларды заңсыз өткізуге тосқауыл қойылған; Мемлекеттік органдардың ақпараттық жүйелеріне жасалған 50,3 миллион кибер және 819 DDoS-шабуылға тойтарыс берілгені туралы баяндады. Президент ұлттық қауіпсіздік органдарының қызмет бағыттарына қатысты бірқатар тапсырма берді. 

Дереккөз: КТК телеарнасы

Президент бірқатар отандасымызды арнайы төсбелгімен марапаттады

 

Қазақстан Республикасы Президентінің Жарлығымен халықтар арасында бейбiтшiлiктi, достық пен ынтымақтастықты нығайтуға, мемлекеттік тілді дамытуға сiңiрген еңбегi үшiн бірқатар отандастарымыз марапатталды. Бұл туралы Ақорданың баспасөз қызметі мәлім етті.

 Қазақстан Республикасы Президентінің Жарлығымен халықтар арасында бейбiтшiлiктi, достық пен ынтымақтастықты нығайтуға, мемлекеттік тілді дамытуға сiңiрген еңбегi үшiн:

▪️Астана қаласы Қайырбеков атындағы №2 мектеп мұғалімі Шнайдер Елизавета Александровна ІІ дәрежелі «Достық» орденімен;

▪️ «Қазақстан украиндарының радасы» бірлестігінің төрағасы Тимощенко Юрий Евгениевич, мемлекет және қоғам қайраткері Ахмадиев Мурат Абдуреимович, «Дустлик» Қазақстан өзбектерінің этномәдени қауымдастығы төрағасының орынбасары Шарипов Хасан Халматович «Ел бірлігі» орденімен;

▪️ Степногорск балалар мен жасөспірімдер спорт мектебінің оқытушысы Дураченко Николай Николаевич, Атырау қалалық №3 мектеп-гимназиясының мұғалімі Любина Татьяна Нестеровна «Ерен еңбегі үшін» медалімен;

▪️Өскемен металлургия кешені Мырыш зауытының күйдірушісі Панасюк Сергей Александрович, Ұлытау облысы Қожамқұлов атындағы қазақ музыкалық-драма театрының аккомпаниаторы Побединский Аркадий Николаевич, Қазақстан Республикасы Ұлттық ұланының бөлімше командирі Пономаренко Кирилл Алексеевич, Ақмола облысы Арайлы ауылы орта мектебінің мұғалімі Ирубаева Анастасия Валерьевна «Шапағат» медалімен;

▪️Қазақстан халқы Ассамблеясы Шығыс Қазақстан облысы ғылыми-эксперттік тобының төрағасы Краснобаева Нелли Леонидовна, Қарағанды облысындағы «Ассамблея жастары» өкілдігінің төрағасы Урмашов Александр Николаевич, Жетісу облысы «Қоғамдық келісім» мекемесінің басшысы Усанова Руфина Касымовна Қазақстан Республикасы Президентінің Алғысымен марапатталды. 

Бұған дейін хабарлағанмыздай, мемлекет басшысы Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясының отырысы өтті. 

Баянауылда прокуратура қызметкері өзіне қол жұмсады

 

29 жасар азамат пәтерінде өлі күйінде табылды. Облыстық прокуратура аталған оқиға бойынша полиция органдары тергеу жүргізіп жатқанын мәлімдеді.


Баянауыл аудандық прокурорының көмекшісі пәтерінде өлі күйінде табылды. Алдын ала дерек бойынша ол өзіне-өзі қол жұмсаған. Павлодар облыстық прокуратурасы аталған фактіні растады.

«Баянауыл аудандық прокуратурасы қызметкерінің өліміне қатысты облыстық полиция департаменті ҚР Қылмыстық кодексінің 105-бабы 1–тармағы бойынша (өзін-өзі өлтіруге дейін жеткізу) сотқа дейінгі тергеу жүргізіп жатыр», - деп хабарлады өңірлік прокуратураның баспасөз қызметінен. Қайтыс болған азаматтың соңында екі баласы мен әйелі қалды.

Салтанат Нүкенованың ағасы көпшілікті алаяқтардан сақ болуға шақырды

 

Белгісіз біреулер марқұм Салтанат Нүкенованың есімін пайдаланып, жұрттан ақша жинаған.

Белгісіз біреулер марқұм Салтанат Нүкенованың есімін пайдаланып, жұрттан ақша жинаған. Бұл жайлы Салтанаттың ағасы Айтбек Амангелді Instagram-дағы парақшасында ескерту жасады.

Айтбек Амангелді осы уақытқа дейін ешқандай ақша жинамағанын айтып, Ішкі істер министрлігінен алаяқтарды ұстауды сұрады. Айтуынша, емге ақша жинау үшін марқұм қарындасының суретін пайдаланып жүргендер бар. 

«Емге ақша жинау үшін Салтанаттың суреті мен видеоларын пайдаланғандардан өшіруді талап етемін. Салтанаттың суретін қаралым жинау үшін пайдаланғандары жиіркенішті. Әсіресе, оның суретін курсын сату үшін пайдаланғандар өте төмен дәрежедегі іске барды. Адамның қайғысына жанашырлық таныта отырып, өзінің реквизитін жазып қою дұрыс емес», – деді Айтбек Амангелді. 

Айтбек Амангелді көпшілікті осындай алаяқтардан сақ болуға шақырды. 

Алматы қаласында металл қоймасы өртенді

 

Алматы қаласы Жетісу ауданында металл қоймайсы өртенді.

Төтеншеліктердің мәліметінше, алдын ала болжам бойынша қызыл жалын 200 шаршы метр аумақты шарпыған. Оқиға орнына өрт сөндірушілер дереу жетіп, өрт толығымен сөндіріліді. Зардап шеккендер жоқ.

Қазіргі таңда өрттің шығу себебі анықталып жатыр.

Тумай тұрып өлімге кесілгендер

 
Ғалымбек Елубай
 
91-ші  жылдың қысы. Менің үлкен нағашы ағамның есігінің алдына қою жасыл түсті машина келіп тоқтады.
 
Сол кездің көзімен қарағанда бұл жақсылықтың нышаны емес-ті.  Көліктен бірі қазақ,  бірі қытай екі әйел түсті. Қыстық демалысымды нағашы ауылда өткізетін мен бұл кезде қора маңындағы алаңқайда балалармен асық ойнап жүрген едім. Балалардың ересектеуі маған қарап иек қақты:
- Үйіңе барсаңшы! Келді.

 
      Терезесінің жарымы кеше жауған қалың қармен қымтаулы жер тамның есігін қорқақтай аштым. Басына қызыл шәлі бүркенген жеңгем бұрыштағы пештің аузында сықсыңдап жылап отыр. Нағашым үйдің екінші бұрышындағы жинаулы жүкке арқасын беріп, иегін көкке көтере төбедегі самырсын сырғауылдарға қадалып қалыпты. Ана екі әйелдің қытайы ауыз жаппай сампылдап сөйлеп жатыр. Жалт-жұлт еткен көзілдірігінің ар жағындағы қоңыр қой көзідері оны өз ұлтынан әнтек оқшаулап көрсететіндей. 
 
       Оның сөзін аударып тұрған сарыкідір қазақ әйелі жеңгеме аналық ақылын беріп жатқандай аса бір жылылықпен бипаздап жеткізіп жатыр:
- Үкіметтің саясаты деген бар. Бала туу көрсеткішін шектеу туралы арнайы заң да қабылданып қойды. Қарғам-ай, сақтануларың керек еді ғой! Үкімет бар жағдайды жасап отыр ғой. Туытқа қарсы тегіннен-тегін дорба-дорба дәрі-дәрмек таратты. Анау бәлесін де берді. Сақина салдырып алсаң қайтер еді. Әй,  жастар-ай, жастар!-деп бір тоқтады.
 
- Бала неше айлық?
- Жеті ай!
- Тұңғышың нешеде?
- Келесі айда жасқа толады.
- Міне, көрдіңдер ме баланың арасы екі жылға толмайды. Бір жыл шыдасаңдар алуға болатын еді ғой. Демек құрсақтағы бала заңсыз деген сөз! Сонша уақыт ішіңді буып, жасырып жүргенің неткенің а? Мейлі, байқамай қалдың басында. Бір-екі айлығында көзін құрту жеңіл болар еді ғой, қарғам! 
Жеңгем булығып,  даусын көтеріп жылай бастады.
 
    Қытай әйелі ас үстелдің бір шетіне отырып алып, әлдебір қағаздарды бас алмай жазып жатыр. Аракідік қазақ әйелінен жүктілік мерзімі, аты- жөні сияқты бірдеңелерді сұрап қояды.
- Тәте!-деді нағашым.
- Ау!
-Енді не қыл дейсіздер?
    Қазақ әйелі таңдайын тақ еткізді.
- Түсік жасалады.
- Жеті айлық нәрестеге ме?
- Сегіз айында да дәл солай жасалады!
- Бұл адам өлтіру ғой, тәте!
- Егер заңға томпақ келсе...
- Әлі жер баспаған шарана болса да ма?
 
- Ұлым, сен әлі түсінбей отырсың! Бала заңды белінен басып туылды делік. Ол балаға арнап қомақты айппұл салынады.
- Бар малымды, басымдағы панамды сатсам да төлеймін!
- Оған шүбәм жоқ. Бірақ ол заңсыз балаға ешқандай құжат берілмейді. Оны ешбір оқу орны қабылдамайды. Ол жер басып жүргенімен, адам санатына кірмейді. Сөйтіп ол өзінің жарық дүние есігін ашқан күніне мәңгі қарғыс айтып өтетін болады. Саған да, саған да!
 
- Келін, тез киін! Күн кешкірмей тұрып аудан орталығына жетуіміз керек. Келісіп қойғанбыз.
- Жанайым ешқайда бармайды! Нағашым шорт кетті.
- Онда сақшыларға хабар саламыз. Мәжбүрлі түрде баратын болады!
    Ерегес соңы айқайға көшті. Бүкіл диалогтың басынан босағада тұрған мен ытқып тысқа шықтым. Машинадағы жүргізуші жігіт үйге жүгіріп кірді.
 
    Шай қайнатым уақыттан кейін жеңгемді киіндіріп, қолтықтап алған нағашым соңынан бір еркек, екі әйел үздік-создық үйден шықты. Нағашым есікті көтере жапты да, көрші үйге бас сұғып, қорадағы малын аманаттап шықты. Бұл кезде жеңіл киінген қытай әйелі қолын екі жеңіне құшынып машинаға жүгіріп кіріп кеткен. Ал қазақ әйелі Алтайдың бөрі бораны тапалаған үйінді қардың түбінде лоқсып, жап-жасыл запыран құсып отырған жеңгемнің арқасын қағып тұрған еді.
 
 Ағам маған қарап:
- Сен де жүр,- деді. 
- Бала қалсын,- деді қазақ әйелі.
- Заңды балаға қайдан болсын орын бар ғой, барсын!
- Мейлі.
-Ал тұңғышың қайда?
- Әжесінің қолында!
   Біз кристалдай жалт-жұлт етіп көз қарықтырған қарлы тау жолымен аудан орталығына тартып кеттік.
   Көлік ішін өлік күзеткендей үнсіздік жайлады. Жүргізуші жігіт таспадан ән қойып еді, қазақ әйелі өшіртіп тастады. 
 
   Жеңгем жылап-жылап сілесі құрыған сынды. Нағашыма басын сүйеп, екі қолымен кіндік тұсын жаба, қымти ұстап алыпты. 
   Қытай әйел үнсіз, жолға телміріп келеді. Оның қоңырқай көздерінен бір нәрсе оқып, білу мүмкін емес сынды. Тек ара-арасында жолдан тайып кеткен көлік доңғалағының әлде бұлың-пұшпағы көп тау жолдарын боқтаған жүргізушінің даусы ғана өлі үнсіздікті бұзып келеді.
 
   Біз аудан орталығына келгенде қарға адым қаңтар күні еңкейіп қалған еді. Емхана дегені ұзын дәлізінің өзі аспа уколы ілінген темір ілгекшесін сүйретіп жүрген адамға толы сұрқай жер болып шықты. Біз дәліздің соңын ала шынтақ айналма жасап, үш адамдық төсек қойылған шағын бөлмеге тірелдік.
- Сендер сыртта күтіңдер!-деді бізді күтіп алған ашаң жүзді, арықша келген жас қытай қызы.
 
- Қанша күтеміз?
-Төрт сағат немесе одан да көбірек болуы мүмкін.
   Осы сәт жеңгемнің нағашыма қараған жүзі жүрегімді шаншудай түйреп өтті.
      Жеңгем палатаға кіргесін біз далаға шықтық. 
     Тысқа шыққасын нағашым еңкейіп шекердей саудыраған қарды қос қолдап жентектеді. Сосын ағаш басындағы қарқылдап отырған қарғаларды көздеп лақтырып қалды. Ойда жоқ соққыдан абдырап қалған қарғалар барқ етіп аспанға көтерілді. 
 
      Біз жақын маңдағы «мұсылманша» деген жазуы бар дүңген асханасына бас сұқтық. Нағашым маған шырын және мәнті алдырды. Өзі нәр сызбады. Қалтасынан көк темекісін алып «Шинжияң газеті» деген жазуы бар қағазға қолақпандай қылып орады. Бір байқағаным, оның ішіне жұтқан түтіні сыртына шықпай жұтылып, тұтас денесіне тарап жатқандай.
 
   Мен шырынды толық тауыстым. Тамақты жеп қарық қылмадым. Көз алдыма жап-жасыл запыран келе берді.
    Көрші үстелде мұрты беткейдегі бетегедей енді тебіндеп келе жатқан екі бозбала «usu» маркалы қаз мойын сыраны құлағынан тізіп ішіп отырды. 
    Мен ыстық жерге кіргесін бойым балбырап, көзіме ұйқы тығылды. Нағашым шапанының алдын ағытты да мені өзіне шақырды.
 
- Келе ғой
    Нағашымның алдына отырып бірден ұйықтап кеттім. 
   Түсімде жалаңаш қар үстінде асыр салып ойнап жүрген баланы көрдім. Ол маған уыстап қар лақтырады. «Маған да лақтыр!» деп дауыстайтын сияқты. Мен үстімдегі түйе жүн күпі күрмемді шешіп оған кигізбек болам. Ол жеткізбей сықылықтап қашады. Қуып жете алмай,  демім сығылып, тер буды.
 
- Тұра ғой
    Нағашым маңдайымнан искеді. Мен төр жақтағы қатарластыра қойылған орындықтың үстінде жатыр екем.
     Біз тысқа шыққанда көше шамдары жарқырап тұрды. Түннің бір уағы болып қалса керек. 
    Айналып, баяғы ұзын дәлізді жүріп өттік. Жанайым жеңгем жатқан бөлменің есігін ашқанымызда ол кісі ұйықтап жатты. Құс қанатындай әдемі қастары сәл ғана түйіліп, самай шаштары термен екі бетін орай жабысып қалыпты. Медбике қыз терезеге қатқан қырауды саусағымен сызғылап тұр. 
 
- Сонымен не тындырдыңдар?-деді нағашым.
- Болды, түсік жасалды. Оянғасын алып кетсеңдер болады.
-Ал бала қайда?
-Қайдағы бала?
- Өлтірілген бала!
- А... а...оны дәретхана жаққа апарып тастағам.
    Нағашымның түрі таланға түскендей түтігіп кетті. Пері соққандай дәлізді бойлап тапырақтап жүгіре жөнелді. Біз емхана сыртына жанасалай салынған дәретханаға кірдік. Әуелі үңіліп дәрет шұңқырын қарадық. Жоқ!
 
    Нағашым есіне әлдене түскендей кілт бұрылып, дәретхана қағазы тасталатын шелекке қарады. Қарады да ішіне қолын тығып жіберіп, қан-жынға малынған жұдырықтай затты бешпетінің кеудесін жұлқа ағытып қойнына сүңгіте салды. Сосын басын әжетхана қабырғасына ұрғылап өкіріп жылады.
Мұндай қорықпаспын өмірімде! Оған озандап мен қосылдым. Екеуміз азан- қазан өкіріп жылап жатқанда сырттан кереге сақалы кең кеудесін жапқан, басы тік, тығыршықтай, дөңгелек қызыл жүзді қарт кіріді.
 
- Қой, балаларым, сабыр! Сабыр қылыңдар!
    Алдымен нағашымды орнынан сүйеп тұрғызып, маңдайынан иіскеді. Өзінен қарыс сүйем ұзын жігітті шашынан сипап, арқасынан қақты. Мені жанына шақырып алды да,  далаға икемдеді.
- Ұлдарым-ау!-деді даусы күңірене – далаға шығалық! Мұндай уақытта мұндай жерде аялдамас болар! Жын қуанар! Мынау кішкентай шошымал болып қалар.
 
    Біз ата-бала-немере сияқты иықтасып далаға шықтық. Ата жөн сұрауға асықпады. Нағашым ұзақ шауып келіп, кілт тоқтаған бәйге атындай солығын баса алмай ентігеді. 
- Шырағым, өлген тірілмегенмен, өшкен жанады. Көрер қызығың қайда, әлі алда. Басыңнан не өткерсең де бекем бол, қарғам!
 
   Нағашым менің бар екенімді есіне енді түсіргендей маған бұрылды да айғай салды:
- Бері келші, ботам...ботақаным қимылдап жатыр...
  Сосын есінен ауысқан адамдай алдында тұрған қартты бас салып басы-көз демей сүйе жөнелді.
- Ей, менің Қызыр әулием! Қалған өмірімде сенің анау кір-кір тақияңды төріме іліп қойып табынып өтейін! Әкелші анау теке сақалыңды сүйейін! Қартқа қайта тап берді.
 
- Ой, енеңді с...н антұрған есалаң! Осыған ақыл шығындап тұрған менде де есектің миындай ми жоқ! Ой, жетпіс жеті атаңның төбе сүйегін, төсқалдағын, ортан жілігін с....н! Атам адымдай басып тұра қашты. Сілемейленген беті-жүзін екі жеңімен сүрткілеп барады. Мен де зытуға шақ тұрмын.
 
    Нағашым көз ілеспес жылдамдықпен сабасына түсті. Жүзі бал-бұл жанады.
- Жиенім-ау, ол тірі! Қимылдап жатыр. Қолымды еппен алды да, өзінің ішіне қарай тартты. Егер ол менің қолымды шап беріп ұстағанда менің талып түсеріме күмән жоқ еді.
 
    О, Құдайдың құдіреті, о Жаратқан тәңірі! Расымен де нәресте бұлқынып жатыр.
     Екеуіміз уағдаласқандай жүгіріске бергісіз жүріспен емханаға кіріп келеміз. Осы аралықта нағашымның басы бар да, аяғы жоқ талай сөзі миыма кіріп шықпады. Тек: 
-Қарашы, ботам! Ол менің кеудемді кеміріп жатыр!-дегені ғана есімде анық қалды.
 
    Біз жеңгем жатқан палатаға кірген бетте басымыздан өткерген қас-қағым керемет сәтті менің жылдар бойы жазудан ажырап қалған сарысу санам суреттеп бере алмасы анық. Тек шашы мен көзі мойылдай қап-қара қыздың анасының көз жасы мен уыз сүтін қоса ашқарақтана сорып жатқанын ғана айта алар едім.
 
   Ал дәрігерлер «Ол ертең күні бәрібір адам болмайды! Болса да сал не соқыр болып қалады. Жанын қинамай бір тал укол салып берейік» деп безек қақты. Нағашым ешкімді, ештеңені естімейтін есірік халде, езуін жимастан сол күні түнде емханадан жансебіл қызын қойнына тығып алып шықты.
 
 
 
 
 
 
 
 

Подробности
Категория: Бүгін

Астанада жыл басынан бері түнгі тыныштықты бұзғаны үшін 1900-дан астам адам әкімшілік жауапкершілікке тартылды.

Бұл туралы Астана әкімдігінің ресми сайты хабарлады, деп жазады Stan.kz ақпараттық агенттігі.

Астана ішкі істер департаментінің мәліметінше, осы жылдың 28 сәуірінде Астана қаласы ІІД «Есіл» ауданының кезекші бөліміне Сығанақ көшесі, 21/1 үйінің тұрғынынан аталмыш мекен-жайда орналасқан компьютер клубы өте шулы, сондай-ақ келушілердің түнгі уақытта тыныштықты жиі бұзатындығы жайлы хабарлама келіп түсті.

Подробности
Категория: Проза

Роза Мұқанова

(Шолпанға)

Құштарлықтан арылғандай еді, пәндәуи тірліктен де айыққандай еді. Мынауысы қалай, жүрегінің түбін бойлап, жаны жылай ма..? Әлде жүрегі жанына бұйрық етпек пе? Ол бұйрыққа Ақан көнбек пе? Тағдырдың сән-салтанатына да, қиғаш тартып опық жегізген заһарына да көніп еді ғой. Жүрегінің дәл осы тұстағы беу-беулеген, жанының сыңсыған күйін тыңдағысы жоқ. Елегзіген көңілді елемеген болады. Тыңдап бір көрсе ... Сері Ақан тағы талпынбақ, талпынып көктегіні қармап бір көрмек.

Подробности
Категория: Даңқ пен Дақпырт

Ернар Айдар Өзбестанның астанасы Ташкент қаласына гәстрөлдік сапармен барып, жеке концерт берді.

Концертке халық көп жиналған, әсіресе жастар.

Ернардың өнеріне қызықты ма, жоқ, өзіне қызықты ма көрермендер сахнаға шығып кетті. Ұйымдастырушылар амалсыздан Ернарды сахна сыртына алып кетті.

Подробности
Категория: Елең еткізер

  Қазақстандық қыздарды шетелде жыныстық құлдыққа салмақ болған оңтүстік Кореялық ұсталды.


 Бұл туралы бүгін брифинг барысында ҚР Ішкі істер министрлігі Мемлекеттік тіл және ақпарат департаментінің директоры Алмас Садубаев айтты.

  «Астана қалалық ІІД-нің Ұйымдасқан қылмыспен күрес басқармасы қызметкерлерінің жедел жұмыстарының нәтижесінде        елордада Оңтүстік Кореяның 1 азаматы мен Қазақстанның 2 азаматы ұсталды.

Подробности
Категория: Мырс етер

Пернебай БЕРДАЛЫ ҰЛЫ САПАРОВ

-Қалайсың-ей?
Астанада тұратын ағайын ағамыз еді. Амандығының түрі «қалайсың-ейден» аспайтын. Әдетте ағамыз өзіне керек болғанда ғана телефон соғады. Былайғы кезде ол кісімен хабарласу қиын. Әсіресе жолың түсіп Астанаға бара қалсаң,кемінде сегіз мәрте телефон соғып зорға сөйлесесің. Онда да жеңгей екеуі Көкшетауда не «осы қазір ғана Алматыға жетіп, ұшақтан түсіп» жатады. «Адам деген сәл ертерек хабарласу керек қой» деп өзіңді кінәлап жіберетіні тағы бар. Ал ол хабарласқанда тұтқаны көтере алмасаң түп-тұқияныңнан түк қалдырмай боқтап собшение жазады. Шешеден боқтауға правосы бар аз ғана ағамыз... обшым, сол звондап тұр. Демек керек болғаным.

Подробности
Категория: Сырласу

 Ағамнан бездім. Бір түйір бауырым ғана бар еді.  Бəріне кінəлі - жеңгем. Мен жеңгемді түсіне алмаймын. Рас, оны түсінуге талай рет тырыстым. Бəріне  ағам үшін көз жұмып келдім .  Болды, шыдамым бітті.

 Жеті жылдан асты келін болғалы, еңкиіп жерден тірлік алған емес. Үйдің бар тірлігін менің  мойныма  артып қойған.  

Подробности
Категория: Әлем жаңалықтары

 

Той үстінде күйеу баланы атып өлтірген сəтті оператор видеоға түсіріп алды.
Қайғылы оқиға Үнді елінде болған.  25-жастағы Суннил Верма есімді үйленіп жатқан жігіт достарының арасында отырған. 
 
Тап сол мезетте қызыл жейде киген қонақтардың бірі оның кеудесінен көздеп атып жіберді. 

Подробности
Категория: Мырс етер

Пернебай Бердалыұлы Сапаров


“Өлем” деп ойладым. Өлгенде, бекерден бекер өле салмайсың ғой, просто қатынымның “жұрттың өзіңдей еркектері” деген сөзі өтіп кетті да. Өзім пәтер жалдап тұрамын, айлығым жер алып, үй салуға жетпейді, қарыз деген шаш етектен... Қаным басыма шауып тұрғанда жұрттың еркегі де бәле болды. “Пәленшенің байына қараш... әні...” деген сөзден-ақ жүйкем жұқарып бітті.

Подробности
Категория: Тылсым дүние

Өзімді қатты опындырып, кінәлі ететін тоғыз жыл бұрынғы оқиғаммен бөліссем деймін. Қазақтар «Ойыннан өрт шығады» деп бекер айтпайды екен. Менің басымдағы осындай бір уақиға бір адамның тағдырын күлпарша еткені бар емес пе? Кешірілмес күнә жасаған сол оқиға есіме түссе, әлі күнге денем түршігіп, жаным қатты ауырады. Бір күні менің досым Әсет өзінің дос қызының туған күніне шақырды. Ол күні көп шаруам болып, қатты шаршап, диванға қисайсам қатты ұйықтап кетіппін.

Подробности
Категория: Ғибратты әңгімелер

"Бес қонақ" өткен соң, мамыр айының шамамен он төрті және жиырма сегізі аралығында 2-3 күнге ғана соғылатын қатты желді халық даналары «Құралай салқыны» дейді.

Ақсақалдар айтуынша, оның дәл бұлай айтылу себебі, осы уақытта киіктер лақтап, құралайын суық жерден тұрғызып жүгіртеді. Киіктердің төлдер кезі, желге қарсы жүгірген жағдайда ғана олар төлдеуге қабілетті болады екен. Олардың төлдері аптап ыстыққа шыдамайды, сол үшін жылда көктемнің үшінші айы мамырдың аяғына қарай табиғаттың тылсым күшімен қатты суық жел тұрады. Киіктердің төлдеуі екі – үш күнге ғана созылады. Бір ғажабы киік қанша көп болсада, «құралай салқыны» кезеңінде төлдеп үлгіреді. Сондықтан одан ары жаз толықтай күшіне енеді екен.

Подробности
Категория: Мырс етер

Пернебай Бердалыұлы САПАРОВ  

“Ет асайын” деді әйелім. Кеше төркінінен келген, енем сыбығамды беріп жібергенін “сраз”түсіндім. Төркінінен келсе құры қол қайтпағанын осылай сездіреді. Дастарқанның үстіне құрт, май жайғасып, ортаға бауырсақ шашылады. Сөйтіп қайынжұртымның мәрттігін көзіме шұқып көрсетеді. Менің шешем де қайтарымызда бірдемелер тықпалап жатады, өзі келсе де екі сөмкесіз келмейді, бірақ, “каким то оброзом”, дастарқанда шекер, сосын, бәрениден басқа ештеңе көрінбей... “Ет ассайшы десең”, “өзі азғантай-ақ, ертең біреу-міреу кеп қаса ше...” деп... Обшым “ассаң асшы” дедім...

Подробности
Категория: Бүгін

Ынтымағы мен бірлігі жарасқан Қазақ халқының бұл мерекесін Маңғыстау облысының Қорғаныс істері жөніндегі басқарма бөлімдері зор қуанышпен атап өтті. Мұнда ұлт пен ұлыстың басын тоғыстырып, бір мекемеде ауызбіршілікпен қызмет атқарады.Салтанатты әскери киім үлгісі мерекенің мерейін аша түсіп, халықтар достығына деген олардың сезімдерін шыңдады.Алғаш Департамент бастығы полковник Мақстат Шапатайұлы сөз алып, жеке құрамды аталмыш мерекемен құттықтап ақ жарма тілегін арнады.

Подробности
Категория: Бүгін

Заман ағымына ілесе дамыған жаңа қоғамда өмір сүру сипаты іскерлік болса, бұл жолда да жеткен жетістігіміз аз емес. Ал, жетістікке жету жолында сыбайлас жемқорлықты болдырмау барлығымызға міндет. Осы бағытта Маңғыстау облысының Қорғаныс істері жөніндегі департаментінде «Сыбайлас жемқорлыққа нөлдік төзімділік» атты жиын өтті Елбасы Н.Ә.Назарбаев: сыбайлас жемқорлыққа қарсы күресті Қазақстан Республикасындағы мемлекеттік саясаттың басым бағыттарының бірі» деп атап өткен болатын. Осы бағатта ұйымдастырылған шараға Ақтау гарнизонының әскери полиция бөлімінің офицерлері мен Қорғаныс істері жөніндегі бөлім бастықтары, департаменттен құралған коммисия өкілдері, бұқаралық ақпарат құралдары қатысты.

Подробности
Категория: Мырс етер

Пернебай Бердалыұлы Сапаров -1981 жылы ОҚО Бәйдібек ауданы Ақбастау ауылында дүниеге келген. Халықаралық Қазақ-Араб (қазіргі Отырар) университетін араб тілі дінтанушы мамандығы бойынша бітірген, Республикалық «Халық үні »газетінде тілші қызметін атқарған.Қазір Республикалық «Жан мен Тән саулығы »газетінің редакторы.

  1. Қытайда әйел боп танысқан 65 алаяқ еркек түрмеге қамалды 
  2. Терроризм мен экстремизм - әлемдік қасіретке айналды
  3. Көктемнің мың бір түні...
  4. «ВКонтакте» желісінде аудио және видео қоңырау шалу мүмкіндіктері пайда болды