Washington Post Маңғыстау облысының көрікті жерлері туралы мақала жариялады

 

  el24.kz АҚШ-тың беделді Washington Post газетінде Қазақстанның Маңғыстау облысының бірегей табиғаты мен көрікті жерлеріне арналған көлемді мақала жарық көрді. 

Мақала авторы, америкалық журналист Дженнифер Мюллер Маңғыстаудың айға ұқсас ерекше пейзаждарын АҚШ-тағы әйгілі Монумент-Вэлли ұлттық паркімен салыстырып, өңір табиғатының қайталанбас сипатын жоғары бағалаған.

Журналистің жазуынша, Маңғыстау аумағы ерте замандарда Тетис мұхитының түбінде жатқан. Кейін жер қабаттарының қозғалысы мен Пангея құрлығының ыдырауы нәтижесінде су шегініп, мыңдаған жылдар бойы табиғи күштердің әсерінен алып геологиялық түзілімдер қалыптасқан.

«Біз тамашалаған алқапта қылыштай үшкір жартас-құздар, кең үстірттер мен иілген күмбездер бой көтеріп тұр. Бұл өңірдің ұзақ уақыт бойы қуаң әрі шөлді болғаны соншалық — миллиондаған жылдық тарихтың ізі әлі күнге дейін анық көрінеді», — деп жазады Дженнифер Мюллер.

Мақалада Маңғыстаудың табиғи нысандары — Бозжыра шатқалы, Жығылған мүйісі, Қызылқұм (Қызылкуп) алқабы және Торыштағы шар тәрізді тастар егжей-тегжейлі сипатталған. Автор бұл орындардың геологиялық тұрғыдан ғана емес, визуалды әсері жағынан да әлемдік деңгейдегі туристік нысандарға тең екенін атап өтеді.

Сондай-ақ журналист ұзақ уақыт бойы Маңғыстау өңірі халықаралық туристер назарынан тыс қалып келгенін жазады. Алайда соңғы жылдары бұл аймаққа деген қызығушылықтың арта бастағаны байқалады. Сапар барысында ол Ресей, Қытай және Италиядан келген туристермен кездескенін, ал америкалық саяхатшылар үшін Маңғыстау әлі де жаңадан ашылып жатқан бағыт екенін атап өткен.

Сарапшылардың пікірінше, Washington Post сияқты ықпалды басылымда жарық көрген бұл мақала Маңғыстау облысының халықаралық туристік имиджін нығайтып, өңірге шетелдік саяхатшылар ағынын арттыруға оң ықпал етуі мүмкін.

 

Жамбыл облысының тұрғыны 34 жылдан кейін өзі білмеген некесін сот арқылы жойғызды

 

   el24.kz  Жамбыл облысының тұрғыны күтпеген жерден 34 жыл бұрын қысқа уақыт кездескен әйелмен заңды некеде тұрғанын біліп, сотқа жүгінген. Бұл туралы Tengrinews.kz хабарлады.

Іс материалдарына сәйкес, 1991 жылы ер адам отбасын құруды жоспарлаған қызбен төрт айдай ғана кездескен. Алайда қарым-қатынастары жараспай, көп ұзамай екі жақ екі түрлі жолмен кеткен. Сол кезеңде олар АХАТ органдарына барып, некені тіркемеген, ешқандай құжатқа қол қоймаған және неке туралы куәлік те алмаған.

Кейін әрқайсысы өз өмірін жалғастырған. 1994 жылы бұрынғы сүйіктісі басқа адамға ресми түрде тұрмысқа шыққан. Ал ер адам 2021 жылы шаңырақ көтерген.

Алайда 2025 жылы ол банктің қосымшасындағы «Мемлекеттік қызметтер» бөлімін қарау барысында 1991 жылы тіркелген неке туралы мәліметті байқап қалған. Осыдан кейін ер адам бұл некені жарамсыз деп тану үшін сотқа талап-арыз түсірген.

Сот отырысы барысында бірқатар заң бұзушылықтар анықталған. Атап айтқанда, неке туралы актілік жазбадағы қолтаңбалардың талапкерге де, жауапкерге де тиесілі емес екені белгілі болды. Құжаттарға үшінші тұлға қол қойған. Сонымен қатар, сол жылдардағы азаматтық хал актілерін тіркеу кітабы сақтау мерзімі өтуіне байланысты бұрын жойылып кеткені анықталған.

Талапкердің жақын досы мен көршісі сотта куә ретінде жауап беріп, ер адамның некені тіркеу рәсіміне қатыспағанын және ешқандай құжатқа қол қоймағанын растаған. Ал іске үшінші тұлға ретінде тартылған АХАТ органының өкілі сот отырысына қатыспаған.

Барлық мән-жайды саралай келе, сот 1991 жылғы неке тіркеуі заң талаптарын өрескел бұза отырып жүргізілген деген қорытындыға келді. Тараптар некені рәсімдеу кезінде жеке қатыспаған, ал қолданыстағы заңнамада мұндай «қашықтан неке» қарастырылмаған. Нәтижесінде неке туралы актілік жазба жарамсыз деп танылды.

 

 
 
 
 

 

Батыс Қазақстанда тауарды заңсыз импорттау дерегі бойынша жоғары лауазымды шенеуніктер ұсталды

 

  el24.kz Ұлттық қауіпсіздік комитетінің Сыбайлас жемқорлыққа қарсы қызметі Батыс Қазақстан облысында мемлекеттік шекара арқылы тауарларды заңсыз импорттау әрекетінің жолын кесті. Тергеу аясында өңірдегі мемлекеттік кірістер департаменті басқарма басшыларының бірі күдікке ілінді.

Алдын ала мәліметтерге сәйкес, Батыс Қазақстан облысы бойынша мемлекеттік кірістер департаментінің басқарма басшысы мен елорда тұрғыны Қазақстан аумағына халық тұтынатын тауарларды кедергісіз әкелуге жәрдемдескені үшін пара алған.

Тергеу нұсқасына сай, күдіктілер шетел азаматтарынан жүйелі түрде заңсыз сыйақы алып, тауарлардың мемлекеттік шекарадан бақылаусыз өтуіне жағдай жасаған.

Соттың санкциясымен мемлекеттік кірістер департаментінің басқарма басшысы мен елорда тұрғыны қамауға алынды.

Құқық қорғау органдарының мәліметінше, күдіктілер 100 миллион теңгеден астам пара алған. Алдын ала есеп бойынша, мемлекетке келтірілген шығын көлемі 1,9 миллиард теңгені құрайды.

Қазіргі уақытта қылмыстық іс бойынша тергеу жалғасуда. Ведомство өкілдері тергеу мүддесіне байланысты өзге ақпарат жарияланбайтынын мәлімдеді.

 

 

Астанада жедел жәрдемге бөлінген 850 млн теңге талан-таражға түскен

 

     el24.kz  Астанада жедел медициналық жәрдем саласында ірі көлемдегі қаржылық заңбұзушылық анықталды. 2020–2023 жылдар аралығында жедел медициналық жәрдем станциясына бөлінген 850 миллион теңгеден астам бюджет қаражаты жымқырылған.

Тексеру барысында санитарлық автокөліктерге тиесілі қосалқы бөлшектердің заңсыз есептен шығарылғаны, сондай-ақ жалған қызмет көрсету шарттары жасалғаны белгілі болды. Бұл әрекеттердің салдарынан жедел жәрдем автопаркіндегі жұмыс істейтін көліктер саны айтарлықтай азайған. Кейбір көліктер қосалқы бөлшектердің ұрлануына байланысты мүлде пайдаланудан шығарылған.

Қадағалау органдарының мәліметінше, аталған заңсыздықтар жедел медициналық көмектің қолжетімділігіне тікелей кері әсер еткен.

Қазіргі уақытта «103» жедел жәрдем автопаркі толықтай қалпына келтірілгені хабарланды.

Аталған қылмыстық іске байланысты төрт қызметкер ұсталды. Олардың ішінде екі орта буын басшысы мен жедел жәрдем станциясының директоры бар. Қылмыстық іс сотқа жолданып, енді тиісті құқықтық баға берілмек.

«Марапат саудасы»: Мәжілісте атақ пен абыройдың ақшаға сатылуы сынға алынды

 

      el24.kz Елімізде атақ пен түрлі марапаттардың оңды-солды таратылып, тіпті ашық саудаға түсуі Мәжіліс мінберінде көтерілді. Депутат Мақсат Толықбай «марапат саудасы» қоғамдағы құндылықтарды құнсыздандырып жатқанын айтып, бұл мәселеге қатаң бақылау қажет екенін мәлімдеді.

Халық қалаулысының айтуынша, заңмен шектеу қойылғанына қарамастан, атақ пен марапат сататындар да, оны сатып алатындар да азаймай отыр.

Оның мәліметінше, «Қазақстанның құрметті азаматы», «Ұлт ұстазы», «Еңбек сіңірген қызметкер» секілді беделді атақтар ашық немесе жасырын түрде 20 мыңнан 100 мың теңгеге дейін сатылып келген.

Бұл келеңсіз үрдіс білім беру саласына да еніп кеткен. Депутаттың сөзінше, мектептерде «Ғасыр ұстазы», «Алаш ұстазы» сияқты атақтар ақшаға үлестіріліп, соның салдарынан мұғалімдер марапат саны үшін бір-бірімен жарыса бастаған. Мұның өзі білім саласындағы шынайы еңбек пен кәсіби беделге көлеңке түсіреді.

Мақсат Толықбай бұл бизнестің ауқымы тіпті салтанатты деңгейге жеткенін де атап өтті. Оның айтуынша, ұйымдастырушылар үлкен залдарды жалға алып, қызыл кілем төсеп, кәсіпкерлер мен мұғалімдерді сахнаға шығарып, салтанатты түрде марапаттайды. Кейбір марапат иелері қандай атақ алғанын өздері де түсінбей, әлеуметтік желі мен мессенджерлерде бір-бірін құттықтаумен шектеледі.

— Біздің пысықайлар әбден дәндеп алған. Тіпті үлкен залдарды жалға алып, салтанатты рәсім ұйымдастырады. Кәсіпкерден бастап мұғалімге дейін марапатталып жатыр. Не атақ алып жатқанын өздері де білмейді, — деді депутат.

Осыған байланысты Мақсат Толықбай мемлекеттік және қоғамдық наградалардың бірыңғай тіркелімін енгізуді ұсынды. Оның пікірінше, мұндай қадам марапаттардың заңдылығын қамтамасыз етіп, атақтың абыройын сақтауға мүмкіндік береді.

 

Мәжіліс депутаты алкоголь сатуға қатаң шектеу енгізуді ұсынды

 

    el24.kz Мәжіліс депутаты Магеррам Магеррамов алкоголь өнімдерінің қолжетімділігін барынша шектеу елдегі қылмыс деңгейін төмендетуге ықпал етеді деп санайды. Оның айтуынша, «Халық партиясы» фракциясы Үкіметке алкоголь сатылатын нақты орындарды ғана белгілеуді, ал басқа барлық жерде спирттік ішімдіктердің сатылымына толық тыйым салуды ұсынып отыр.

Депутаттың ұсынысына сәйкес, кешкі сағат 20:00-ден кейін дүкендерде алкоголь өнімдерін бөлшек саудада сатуға тыйым салу, ал сағат 22:00-ден кейін ойын-сауық орындарында ішімдік сатуды шектеу көзделген. Сонымен қатар, онлайн-сауда арқылы алкоголь өнімдерін өткізуге де толық тыйым салу қажет деп есептейді.

Магеррам Магеррамовтың айтуынша, бұл шаралар қоғамдағы зорлық-зомбылық пен ауыр қылмыстардың алдын алуға мүмкіндік береді. Ол ішкі істер министрлігінің ресми деректеріне сүйене отырып, елімізде әрбір екінші кісі өлтіру және әрбір үшінші зорлық-зомбылық фактісі мас күйде жасалатынын атап өтті.

Айта кетейік, бұл мәселені бұған дейін ішкі істер министрі Ержан Сәденов те көтерген болатын. Ол алкоголь өнімдерін қарапайым дүкендерден алып тастап, тек арнайы сауда орындарында ғана сатуды ұсынған еді.

Қазіргі таңда депутаттардың бастамасы талқылау сатысында. Алдағы уақытта алкоголь айналымына қатысты талаптар заңнамалық деңгейде қатаңдатылуы мүмкін.

Подробности
Категория: Риясыз әңгіме

 

Ғабит Нұрханұлы  дәрігер  анестезиолог реаниматолог, перфузиолог

 

Ғабит  аға, əңгімемізді  Германия медицинасының артықшылығын айтудан бастасақ...

Ең басты айырмашылығы жұмыс уақтында жұмысыңды ойлайсың. Ол кəрі ме жас па,  ақшасы бар ма ,жоқ па , кімнің туысқаны, мүлде шаруаң жоқ .

Подробности
Категория: Сырласу

 «Сырласу»ға алғаш рет хат жазып отырмын. Айып етпеңіздер.Тығырыққа тіреліп,не істерімді білмей,еріксіз  сіздерге хат жолдап отырмын.

Мен біреудің  жалғыз ұлымын.Атым аноним болсыншы. Әкем  кішкентай кезімде дүниеден өткен.Анам жалғыз қалмасын деп оқуға бара алмадым.Мектепте жүргенде көрші мектептің бір қызымен танысқан болатынмын.Онды бітіргенше сол қызбен екі жыл жүрдім.Бір –бірімізді көрмесек тұра алмаушы едік.

Подробности
Категория: Проза

Ауылдың бір шетіндегі жұпыны лашықта қайыршы қария енжарлау, бұйығы тірлік кешетін. Жасы ұлғайған жарым көңіл кісі нанның қалдық, қиқымдарын жинап-теріп күнін көреді. Көлеңкесіндей көлбеңдеп қасынан бір елі қалмайтын сабалақ жүндес иті бар. Ол итіне еркелетіп қойған Сабалақ деген аты да ерекше. Қайда барса да Сабалақты соңынан ілестіретін. Тіпті ел-жұртқа көзін сатып, бір тілім нан үшін олардың есік-терезесін тықылдатып қағып тұрғанда да, ол шалдың Сабалағы анадай жерде қайқы құйрығын үздіксіз бұлғаңдатып, өзіне арналған үлесін тағатсыздана күтетін.

Подробности
Категория: Елең еткізер

Оңтүстік Каролина тұрғыны күйеуін өлтіргені үшін істі болды. Ол опасыздық жасаған күйеуін өз бетінше жазалаған

Полиция мәлітенінше, 64 жастағы Стивен Клейтон өз үйінде өлі күйінде табылды. Болжам бойынша, ол сатыдан құлап өлді делінген. Алайда тергеу кезінде ер адамның денесінен химиялық заттар табылды. Жауап алу кезінде әйелі үш күн күйеуінің көз тамшысы дәрісіне химиялық зат қосқанын мойындады.

Подробности
Категория: Керек кеңес

Тоқты. Маусым алмасуында күш-қуатын қалыпта сақтау үшін қысқа қашықтыққа жүгіру, сәбіз, грейпфрут, қарбыз, алманы көп жеу ұсынылады. Олар ағзаны тазалаумен қатар зат алмасуын жақсартып, қажетті витаминдермен байытады. Артық салмақтан сақтану үшін калориясы аз тамақ жеген дұрыс.

Торпақ. Оның әлсіз тұсы – асқазан. Оны бұзып алмау үшін салқын және газды сусыннан бас тарту керек. Күзгі жайсыздықты сезінбеу үшін балық, теңіз капустасы, ірімшікті көбірек тұтынған жақсы. Ұйқының толыққанды болуы маңызды. Тері ауруларынан сақтана жүргейсіз.

Подробности
Категория: Сырласу
   Сәлем "Сырласу" клубы !Әйел -қыздрға арналған осы клубтан талай адамның өмірімен танысып, сан түрлі соқпақты  тағдырлар жайлы  біліп жатамыз.Бәрі өмір ақиқаты.Басымызда болып жатқан жәйт.Біреу ішіндегі мұңын бөлісіп жеңілдесе, мен  шарасыздықтан жазып отырмын.
 
    Жеңгелеріме жыным ұстайды Атым - Индира. Қыз болған соң тұрмыс құрып,  ана болуды армандамайтын қыз жоқ-ау. Мен тағы қызы жиырма бестен асқан соң  жақтырмай қарайтын  отбасының қызымын. Жоғарғы білімім бар. Қазір, жұмысыма байланысты  Жетісайда тұрамын. Асыра айтқаным емес, қазақтың көрікті ,ерке қыздарының бірімін. 

Подробности
Категория: Елең еткізер

Синоптиктер елімізде күн суытып, күздің алғашқы айында қар жауатынын айтты, деп хабарлайды Stan.kz.ке сілтеме жасап el24.kz

Қазгидрометтің мәліметінше, елдің солтүстік, шығыс және орталық бөліктерінде түнде 1…6 градус нөлден жоғары, кей жерлерде 3 градусқа дейін аяз болады деп болжануда. Күндіз 8…16 градус жылы болады.

Подробности
Категория: Керек кеңес
Қазақ халқы төрт түліктің төресі деп төбесіне көтеретін жылқының қасиетін тауысып айту мүмкін емес. Ата-бабамыз еті мен сүті шипа жануарды бағалай білген.

Қазірде қазақ қана емес, көп ауруға ем саналатын жылқы етін дамыған Еуропа елдері де мойындап отыр. Шетелдік зерттеуші-дәрігерлер еттің ішіндегі ең пайдалысы – жылқының еті екендігін, жылқы майының адам организмінде ешқашан тұнбаға түспейтіндігін зерттеп білді. Олар жылқы етінің 17 түрлі ауруға ем болатындығын мойындады.

Подробности
Категория: Әлем жаңалықтары

The Lancet медициналық журналы жариялаған мəліметке сай, 2016 жылы Қытайда осы жаман əдеттің салдарынан 59 мың əйел мен 650 мың ер адам көз жұмған. 

Екінші орында — Үндістан. Ол мемлекетте 42 мың əйел мен 290 мың ер адам қайтыс болған. Ал рейтингтің үшінші орнында — Ресей. 2016 жылы 43 мың əйел мен 180 мың ер адам ішімдіктен қаза тапқан. 

Подробности
Категория: Тылсым дүние

Біздің үйге қарама-қарсы тозығы жеткен, адам аяғы баспас өте ескі үй бар болатын. Кеш түсе бастағаннан-ақ түрлі дауыстар естілуші еді. Ауыл бұзықтарының ешбірі де түн бата бұл жерден кесе өтпейтін-ді. Әр нәрсенің өз ақиқаты бар емес пе?! Тұрғындардың ауыздан ауызға тараған тылсым оқиғасы көрші ауылдарға да жетіп үлгерген. Бірі сенсе енді бірі «жындының сандырағына» балайды. Мен де көрмеген соң, сенбестен мазақ қылып күлетінмін, тек мына жағдай орын алмағанда.

Подробности
Категория: Елең еткізер

Қаланың біз тұратын шағын ауданында, тар көшенің шетіндегі биіктеу текшеде орналасқан, қарама-қарсы қозғалмастай етіп жерге қадалған, ағаш орындықтарына 5-6 адам еркін сиятын күмбез пішінді, төбесі ағаштармен қыйылыстыра жабылған шағын орын бар еді. Бұрын кімдер үшін жасалғаны қайдам, қазір алқаштар мен қаңғыбастардың меншікті мекені.

Бұл “күмбез” ішінде кімдер отырмады десеңізші, жасы да, жасамысы да, ері де, әйелі де, әйтеу өміріне наразылар осы бір аядай “мекеннен” пана тауып жүрді. Бір қызығы олар жыл құсындай көктем келіп, қыс түсе ғайып болатын. Солардың ішінде осы жерден жиы табылатыны қырықтың қырқасындағы, қараторы қазақ жігіт. Мен осы ауданға көшіп келгелі үш жылдан бері оны көріп жүрмін. Ал одан бұрын қанша жүргені бір Құдайға аян.

Подробности
Категория: Керек кеңес
Егістік жайлап өсіп тұрған күнбағыстың адам өмірінде пайдасы ұшан теңіз. Күнделікті асыңыздың әрін келтіретін де сол – күнбағыс майы. Онымен қоса дүкен сөресін толтырып шекілдеуіктер де тұр пісте шаққыңыз келсе. Ал бұл өсімдіктің адам денсаулығына тигізер пайдасы жөніндегі әңгіме өз алдына жеке тақырып. Сонымен зер салып көрейік, ол қандай аурулардың дауасы екен?

Мына жағдайларда күнбағыс өсімдігін қорықпай қолдануға болады:

Подробности
Категория: Сырласу

Қазір жасым 45-те. Бес баланың анасымын. Басынан бастайын. 9 жасымда түп нағашым (əйелі қайтыс болған) бала-шағасына сыймай біздің уйге келіп тұрды. Ата-анам жүректері кең кісілер. Ол кісілер ағалап, біздер аталап қарсы алдық. Бес ұлдың ішінде жалғыз қыз болғасын бір бөлмеде жалғыз жататынмын. Бір күні түнде төбемнен төнген нарседен шошып ояндым. Сөйтсем əлгі кісі екен. Қорыққаннан дыбысым шықпай үнім өшіп қалды. Ол бас салып мені сүйіп, үстіме шығып, екі аяғымның ортасына төгетінін төкті де кете барды. Жиіркеніштен лоқсып мен қала бердім. Кітап оқығанды жаным сүйетін. Жастығымның астындағы кітап парағымен сүртініппін, неге олай жасағанымды білмеймін.

Подробности
Категория: Тылсым дүние

Әр пенденiң қиын сәтте қол ұшын созып демеу беріп, тiптi өмiрiн де құтқарып қалатын перiштесi болады екен. Сондай бiр тылсым күш менi де ажал аузынан аман алып қалған болатын.

Ол кезде бозбала жас кезім. Күн шықпай мені оятқан анам «Пески селосында тұратын әпкең алып кетіңдер деп қоңырау шалды, сен оны үйге алып кел», - деді. Менің жеңіл машинаммен досым екеуміз жолға шықтық. Пески селосы Есіл өзенінің арғы бетінде орналасқан қазіргі Ғ.Мүсірепов атындағы ауданның орталығы.

  1. Сарымсақ жеуге болмайтын жағдайлар
  2. Телефонға үңілген ана батып жатқан сәбиін көрмей қалған 
  3. Мені зорлай жаздады: жігіт деп танысқаным арам ойлы аға екен
  4. Қазақстанда көлік бағасы қымбаттауы мүмкін