Алматыда автобус ішінде ер адамға пышақпен шабуыл жасаған видео пайда болды

           фото видеодан скриншот

Алматыда асхана пышағымен ер адам автобус контроллеріне шабуыл жасады,- деп хабарлайды el24.kz тілшісі Zakon.kz.

Қалалық полиция департаментінің баспасөз қызметі хабарлағандай, оқиға күндіз Наурызбай ауданында қоғамдық көліктердің соңғы аялдамасында болған.

"Автобустардың бірінің диспетчері өтіп бара жатқан адамға белгіленбеген жерде темекі шеккені үшін сөгіс айтып, нәтижесінде ер адамдар арасында жанжал туындаған.

Артынша автобусқа өтіп бара жатқан адам жүгіріп кіріп, қарсыласын пышақтап кеткен. Жедел жәрдем бригадасы бақылаушыны шұғыл түрде ауруханаға жатқызды", — деді Алматы қалалық ІІД бастығының бірінші орынбасары Қуатбек Науатов.

38 жастағы күдікті жедел іздестіру шараларымен ұсталып, уақытша ұстау изоляторына қамалды. Қылмыстық қару – асхана пышағы алынды. 2024 жылдың қазан айында дәл осындай оқиға Алматыда болған еді. Бұл жағдайда қолында құрылыс пышағы бар ер адам автобус жүргізушісіне шабуыл жасаған.

Полиция қызметкері абайсызда әріптесін атып тастады

 

 Полиция қызметкері абайсызда әріптесін атып тастады. Оқыс оқиға Таразда болды,- деп хабарлайды el24.kz тілшісі Zakon.kz.ке сілтеме жасап.

Оқиға жайлы ақпарат әлеуметтік желілерден белгілі болды. Жазбаға сүйенсек, Таразда патрульдік полиция батальонының инспекторы "қызметтік қарумен ойнап, әріптесін абайсызда атып тастады"

"2024 жылғы 16 қарашада қызметтік көлікте қызмет көрсетілетін аумақты патрульдеу кезінде полиция қызметкері қарумен абайсызда өзінің әріптесін атты. Кездейсоқ ауыр зардаптарға әкеп соққан немқұрайлылық фактісі бойынша қылмыстық іс қозғалды. Жәбірленуші Қордай аудандық ауруханасына жатқызылды", — деп түсіндірді ведомствода.

Полиция қызметкерлері қызметтік тексеру жүргізеді, болған оқиғаның барлық мән-жайлары анықталады.

Қорғаныс министрлігі жастарды әскерге күштеп алып кетіп жатқан бейнероликтерге түсініктеме берді

 

Қорғаныс министрінің тәрбие және идеологиялық жұмыс жөніндегі орынбасары Шайх-Хасан Жазықбаев 2024 жылғы 14 қарашада Сенаттың кулуарында жас жігіттерді әскерге күштеп алып кетіп жатқан бейнероликтерге түсініктеме берді,-деп хабарлайды el24.kz тілшісі Zakon.kz.ке сілтеме жасап.

Ол жергілікті органдар жүргізетін жұмыс заң аясында жүзеге асырылып жатқанын атап өтті. 18 бен 28 жас аралығындағы Қазақстанның әрбір азаматы әскерде қызмет етуге міндетті.

Журналистер әскерге бармау үшін бәрін жасайтын адамнан қандай сарбаз шығатынын сұрады.

"Заңда денсаулық, оқу жағдайына байланысты әскери қызметтен кім босатылуы мүмкін екендігі айтылған және көрсетілген. Егер ешқандай себеп болмаса, онда ол әскерде қызмет етуі керек. Біз ешкімді мәжбүрлемейміз! Тек жалтарушылар ғана емес, сонымен бірге әскерде қызмет еткісі келетіндер де бар. Көптеген адамдар екі апталық бейімделу кезеңінен өткеннен кейін армияның нашар екендігі туралы ұстанымдарын өзгертеді және жақсы сарбаз болады. Мұндай мысал менің тәжірибемде болды. Біз видеолардағы жігіттердің неге жүгіріп жүргенінің себептерін білмейміз. Мүмкін ол қызбен кездесуге барған шығар? Немесе басқа себептер. Әр жағдайды жеке қарау керек. Бірақ барлық жастар әскерде қызмет еткісі келмейді деп жалпылау дұрыс емес", — деді ол.

Сондай-ақ, Жазықбаев мұндай роликтер Қорғаныс министрлігінің имиджіне нұқсан келтіретінін айтты.

Бүгін доллар құны 500 теңгеге жетті

 

Еліміздегі айырбас пунктілерінде $1 бағамы – 500 теңгеге дейін жетті.

Ұлттық банктің 18 қарашаға арналған ресми бағамы — 1 долларға 495,95 теңге. Ресей рублінің орташа сараланған құны — 4,98 теңге. Еуро — 524,37. 

Kurs.kz мәліметінше, қазіргі уақытта Алматының ақша айырбастау пункттерінде доллар 498 теңгеден сатылып жатыр, сатып алу бағамы — 499,7 теңге. Еуро 522,5 — 527 теңге аралығында құбылып тұр.  Ал, Астана қаласы бойынша долларды сату бағамы — 495 теңге, сатып алу құны — 500 теңге. Еуро 523 теңгеден сатылып, 529 теңгеден сатып алынады. 

Дәл қазіргі уақытта ақша айырбастау орындарында Ресей валютасы 4,95 - 5,05 аралығында саудаланып жатыр.

 Айта кетейік, 15 қараша кешкі сауда қорытындысы бойынша, доллардың орташа бағамы 1,97 теңгеге қымбаттап, 496,01 теңге болған.

Көлік сатып аламын деп, әйелді айуандықпен өлтірген

 

Ақтөбеде 55 жастағы әйелді айуандықпен өлтірген күдіктіге үкім шықты.
 
Сотталушы автокөлік үшін адам өлтіруге дейін барған. Енді ол 22 жыл өмірін түрмеде өткізетін болады.
 
Үкім тыңдауға кісі қолынан мерт болған марқұмның жақындары ғана келді. Ал сотталушы тарапынан ешкім жоқ. 44 жастағы Қасымхан Үсенов соңғы сот отырысында бетін көлегейлеумен болды.

Осыдан бес ай бұрын 55 жастағы әйел автокөлігін сатпақшы болады. Сотталушыға клиент болып хабарласып, көлікті көрмекке кездеседі. Қала сыртына қарай шыққан кезде рульде отырған әйелді белдікпен қылқындырған.
 
Демі таусылған кезде, мәйітті сол маңдағы ағаш арасына апарып тастай салған. Ең сорақысы, өлікті адам танымас үшін бетін пышақпен тілгілеген. Құны 150 мың теңгелік алтын алқасын шешіп алған. 
 
Енді осы қылмысы үшін 22 жылға бас бостандығынан айрылды.
 
Марқұм, өзін қылқындырып жатқанда 112 нөмірін теріп көмек те сұраған. Бірақ кезекшілікте отырған құтқарушы қоңырауға мән бермеген. Осыдан екі ай бұрын төтенше жағдайлар департаментінің ол қызметкері екі жылға шартты түрде сотталған.
 
Марқұмның туыстары сотталушыға кескен жазамен келісетінін айтады. Гүлнәр Сұлтанбаева, марқұмның әпкесі: — 22 жыл үкімді сот мырза беріп отыр. Прокурор 23 жыл беріп еді. Біз өмір бойы деп қанағаттанып тұрмыз. Өмірлік жаза болса, өмірлікке жіберер еді. Өмірлік деген жаза бермей тұр ғой, заңда. Адам орнына келмейді енді. Ол да қыз асырап отыр екен. Бір Аллаға тапсырдым.

Үш кезеңдік тексеру — 2025 жылдан бастап онлайн микрокредит рәсімдеу талаптары күшейтілетін болды

 

2025 жылдан бастап Қазақстанда онлайн микрокредит рәсімдеу кезінде қауіпсіздік талаптары күшейтілетін болды,-деп жазады el24.kz тілшісі kazinform.ға сілтеме жасап.

Бұл туралы Ұлттық банк төрағасы Тимур Сүлейменов депутаттық сауалға берген жауабында мәлімдеді.

Ұлттық банк басшысының айтуынша, келер жылдан бастап онлайн микрокредит рәсімдеу кезінде биометриялық сәйкестендіру мен электрондық цифрлық қолтаңбаны қатар қолдану міндетті болады. 

«Онлайн микроқарыздарды ресімдеу кезінде 2025 жылғы 1 қаңтардан бастап биометриялық сәйкестендіруді, сол сияқты электрондық цифрлық қолтаңбаны (ЭЦҚ) да бір мезгілде міндетті түрде қолдану талабы енгізіледі.

Сондай-ақ, микроқаржы ұйымдары (МҚҰ) үшін клиент ақша аударғанға дейін оған банктік шоттың немесе төлем картасының тиесілігін сәйкестендіру талап етіледі»,- делінген жауапта. 

Бұдан басқа, банктер төлемдер мен аударымдарды жүзеге асыру барысында клиенттің мобильді нөміріне тексеру кодын жібереді.

Осылайша, клиентті үш факторлы тексеру жүзеге асырылады. Сонымен қоса, Қаржы нарығын реттеу және дамыту агенттігі банктерге онлайн кредиттер ресімдеген кезде өтінім берілгеннен кейін келесі күннен кешіктірмей оны мақұлдауға кеңес берді, осылайша клиент өзіне алаяқтар мәжбүрлеп берген кредиттен бас тарта алатын «шешімді өзгерту» кезеңі енгізіледі.

Ұлттық банк басшысы азаматтардың несие алудан өз еркімен бас тарту құқығы бар екенін еске салды. Қазіргі таңда бұл мүмкіндікті шамамен 700 мың қазақстандық пайдаланды.

Подробности
Категория: Бүгін

Гүнай Текин

Сəби көңілдің тазалығы - бұлақ суындай тұнық, саф. Сол тазалықты былғамау кімнің қолында? Əрине, үлкендердің қолында. Үлкендердің үлесіне түскен дүние екенін үлкендердің өздері де ұқпай жатады. Сəби көңілдің ең асылы - арманы. Арманына күле қарап, арманын мазақ қылғанды олар еш ұмытпайды.  Оларға өмір əліппесін ақ ниет пен ақ көңілмен үйретуге  ғана құқылымыз. Оларға қол көтеруге болмайды. Жан əлеміне əрбір тиген таяқ мəңгілік жара болып қалуы мүмкін.

Подробности
Категория: Елең еткізер

Қытай азаматтарына Қазақстанға визасыз кіруге рұқсат берілгеніне халық наразылық білдіріп, желіде қызу талқылап жатыр. ҚХР  азаматтарына визасыз режим қай уақытқа дейін жарамды және олар қандай шартпен визасыз кіре алады? Визасыз режим енгізудің астарында не бар? Qamshy.kz ақпарат агенттігі осы сұрақтардың жауабын іздеп көрді.

Подробности
Категория: Тылсым дүние

Үйімде сібір тұқымдас үш түсті ала мысығым бар. Тұрқына қарап оны «Барсик» деймін. Марғау кезінен адамдар арасында болған соң ба, айтқан сөздерді түсінетініне таң қаламын. Оның қылықтары да қызық, Барсик аяққа сүйкеніп еркелесе тамақ сұрағаны, есік алдына барып мияуласа далаға шыққысы келгені. Сырттан үйдің есігін аяғымен ашып өзі үйге кіре беретіні және бар, әрі өзі өте сезімтал және біздің көңіл-күйімізді аңдып отырғаны. Ал түнде төсегімнің жанына мияулап келсе, оның далаға шыққысы келгені. Ондай кезде ұйқымнан оянып, мысықты далаға шығарып жіберемін.

Подробности
Категория: Сырласу

    Сіздердің сайттарыңызда талай тағдырды оқып,мен де өзім жайлы айтып бергім келді. Мен жіберген қатені қыздарымыз қайталамасын.Мүмкін біреуге сабақ болар .Сәл нәрсеге өкпе артып, отбасын бұзып,кейін өкініп жүрмесін деген оймен жазып отырмын.

   Жалықтым... Іштен тынып күн кешуден, бəрі жақсы деп бақытты түр жасаудан.  Бір рет қисайған жүк түзелуі екі талай екен. Екінші рет тұрмыс құрғаныма көп болмады. Бірінші күйеуіммен тату-тəтті өмір сүріп жүрген уағымда, арамыз  бір  айда бір-бірімізді қызғанамыз деп суыды.

Подробности
Категория: Мырс етер

Ғани Алихан

Біз жігіт боп жетілгенде қу заман қурап көп нəрседен құр қалғанымыз бар. Ең алдымен дүкен сөрелерінен арақ кетті. Бұл құрғақ закон басталған кез . Ал қазіргі айтайын деп отырғаным сол ащы арақтың тапшы кезінде болған бір қызық оқиға ...
Күн кешкіріп қалған сəт , бешіріміз болатын күн .Мамамның дəрісін əкеп беріп кетейін деп дəріханаға шыққалы жатқанымда үш класстасым сап етіп кіріп келмесі барма .

Подробности
Категория: Сырласу

Жауыздық - жүректің қарайып, адамдықтан безуі. Абысыным тағдыр дегенді түсінер емес. Түсінгісі де келмейді. Мен -жесір əйелмін. Жолдасымды Ауғанстанға əскерге алып кеткен, сонау сексен жетінің наурызында. Жасым небəрі жиырма екіде басыма  қара орамал  салынды. Өлгім келді. Өмірдің мəні жоқ сияқты көрінді. Сол аралықта мені өмірге қайтарған  нəрсе - құрсағымда жаңа біткен тіршілік иесі-тін. Сол қызым екеуміз  жолдасымның ошағын сөндірмедік.

Подробности
Категория: Даңқ пен Дақпырт

Енді болашақты болжауға болады. Сандар арқылы. Танымал нумеролог Жазира Ноғайбаева сандарға сүйене отырып, өнер жолындағы танымал тұлғалардың болашағына болжам жасап көрді.

Бұл туралы «Ел аузында» бағдарламасының кезекті шығарылымында айтылды.

Белгілі нумеролог Алтынай Жорабаева мен Айгүл Иманбаеваның биылғы жылдан қалмай тұрмысқа шығатынын айтты.

Подробности
Категория: Тылсым дүние

Бұл оқиға жайында мен ютубке салынған видеобаяннан естіп тыңдадым. Ресейді туып өскен бір жас жігіт ойламаған жерден көз жұмып, бақи дүниеге аттанады. Әлгінің айтуынша, кешкісін жұмысынан келіп әдетінше біраз теледидар көргесін төсегіне жатады. Түн ортасында оның жаны тәнінен шығып кетеді. Ажалына не себеп болғанын кім білсін, әйтеуір ол өзін таңғажайып жағдайда көреді.

Подробности
Категория: Елең еткізер

Қарақалпақстанның Қаңлыкөл ауданында консервіленген құтыдағы Арал теңізінің ауасы кәдесый ретінде сатылып жатыр.

Бұл туралы Gazeta.uz басылымына сілтеме жасап Stan.kz хабарлайды.

Қарақалпақстанның Қаңлыкөл ауданындағы жеке кәсіпорын кәдесый ретінде консервіленген құтыдағы Арал теңізінің ауасын шығарып жатыр. Олардың сыртында «Арал теңізі өңірінің ауасы» деген жазу бар. Сонымен қатар Арал теңізінің спутниктен түсірілген суреті бейнеленген.

Подробности
Категория: Сырласу

30 жылдыққа барамын деп, бір қателікке ұрындым. Өзімнің мектептегі жылдарым  нағашы атамның ауылы- Тарбағатайда өтті. Мектеп бітірген соң ,Алматыдағы МедАкадемия-ға оқуға  түстім. Сол оқуды оқып жүргенім де, бір жігітпен танысып,сөзіміз жарасып отбасын құрдым. Екі қыз сыйладым. Жиырма төрт жыл жолдасыммен бірге тұрдық. Екі жыл бұрын ,жолдасым басқа біреумен көзіме шөп салып, шаңырағымыз ойран болды. Ажырасып кеттік.Күйеуімді кешіре алмадым.Содан соң ешбір еркек маңыма жуымап еді.Еркек біткенге сенімсіздікпен қарайтын болғанмын.

Подробности
Категория: Сырласу

Адам азды ма? Заман азды ма? Анығы жалғыз жаратқанға аян. Біз білмейміз.  Ауылда тұрған соң көп нəрсеге қаладағыдай  көз жұма алмайтынымыз тағы бар.

Аядай ғана ауылда тұрған соң ауылымыздағы бар адамның жайы белгілі. Жақында ауылымызға көшіп келген көршіміздің əрекетін, санамызға сидыра алмай жүрміз. Өзі елуден асқан əйел, жап-жас жігітке сүлікше жабысқанына не десе болады? Жабысқан жігіті жетім қалған ағайынымыздың баласы еді. Ата-анасынан төрт бөлмелі үй мен дүкен қалған болатын. Оңай жерде жатқан дүние үшін,жас баланың санасын улады. 

Подробности
Категория: Әлем жаңалықтары
Ұлыбританияда бірінші боп Шығыс Лондондағы мешіт криптовалюта түрінде садақа жинап жатыр.

. Қасиетті Рамазан айында мусылмандар мұқтаж  жандарға өз табысының 2,5 пайызын зекет қылуы тиіс. 
 
Жамағат енді бұны биткоин түрінде немесе эфирде жасауына болады.   
 
Абдалла, имам: - Биткоин басқа валютадан кем емес. Адамдардың бір тобы оны ақша ретінде пайдалануда.

Подробности
Категория: Мырс етер

Ғани Әлихан

Біз бәріміз ауылда өстік қой , ержеткен соң отан алдындағы борышымыз деп əскерге кеттік .Онан аман-сау оралып ауылға келгеннен кейін алдымызда ,үйлену-үй болу деген өмір заңы тұрды .Бірақ,ол кезде заман өзгеріп жоқшылық басталды . Жоқшылық деп жоқшылық емес, бірақ тоқшылық та емес болатын .Біздің жігіт болған кезіміз осындай алғау-далғау заманға тұспа-тұс келді.Сонда да əр адамның өз дəуірі бар емес пе? Көшені бермей қаңғып көп жүрдік .Бірақ қашан болмасын бойдақтықпен қош айтысуымыз керек қой .Арамыздан үйленем дегендер табылып жатты.Ол кез қызық .Ал бірге жүрген досың үйленіп арасында жүрсең, ол тіпті де қызық .Сонымен бүгінгі үйленетін досым  Есбол деген есерсоқ ,бір үйдің кенжесі ,ауылдың құрдымға кеткен бұрынғы Парткомының баласы.

Подробности
Категория: Тылсым дүние

Осыдан алты жыл бұрын мен оқуыма байланысты басқа қалаға көшуіме тура келді. Содан бері үйіме барған жоқ едім. Енді міне, дағдарыстың салдарынан және өзге де келеңсіз жәйттерге байланысты азғана уақытқа туған қалама оралуға тура келді. Үйіміз типтік үлгідегі бес қабатты, құрылыс жүргенге дейін бұрын батпақты жер болған орында орналасқан. Бұл арадан ешкім ешқандай тылсым құбылысты байқамаған еді. Екі бөлмелі пәтерімізде де айта қаларлықтай ештеңе болған емес. «Үй есін» байқағанымызбен, оның зиянын көрмедік, өзгелер сияқты күн кештік.

  1. Пойызда селфи жасамақ болған қызды тоқ ұрды 
  2. Таңым бар
  3. Қайыршы шалдың жан сыры
  4. Енемнен жасырып ақша жинап жүрмін...