«Дикий Арман»: Арман Жұмагелдиев 20 жылдық жазаға қатысты апелляцияда жеңілдік ала алмады

 

   el24.kz Алматыда Қаңтар оқиғасына байланысты сотталғандар бойынша апелляциялық сот шешімі жарияланды. Сот алқасы Арман Жұмагелдиевке (“Дикий Арман”) қатысты үкімді өзгеріссіз қалдырды. Осыған сәйкес, ол бұған дейін бірінші инстанция тағайындаған 20 жыл бас бостандығынан айыру жазасын толық өтеуге тиіс.

Апелляциялық инстанция Жұмагелдиевтің жазасын жеңілдету туралы қорғаушылар өтінішін қанағаттандырмады. Сот үкімі заңды, негізді және дәлелдер толық қаралған деп танылды.

Сондай-ақ Қаңтар оқиғасына қатысты іс бойынша сотталған өзге айыпталушылардың да үкімдеріне өзгеріс енгізілмеді. Апелляция олардың шағымдарын да қанағаттандырмай, алғашқы сот үкімін күшінде қалдырды.

Бұл шешім жарияланған сәттен бастап заңды күшіне енді.

 

Димаш Құдайберген Мұхтар Шахановқа көңіл айтып келді

 

  el24.kz Әлемге танымал әнші Димаш Құдайберген қазақтың белгілі ақыны, жазушысы, қоғам және мемлекет қайраткері Мұхтар Шахановтың шаңырағына арнайы барып, жуырда көз жұмған ұлының қазасына көңіл айтты.

Бұл туралы тележурналист Азамат Әбілқайыр өз парақшасында хабарлады. Ол жазбасында:

«Бүгін әнші Димаш Құдайберген Мұхтар Шахановтың ұлының қазасына байланысты арнайы келіп, көңіл айтыпты. Міне, қазақылық, міне тектілік! Зау биікті жүрсе де уақыт тауып, арнайы келгенін айтсаңшы!
Қайғысына ортақтасып, жүрегіне жазылмас жара салған бұл ауыр күнде ағамыздың шаңырағында құран бағыштағанының өзі бір көрегенділік. Бәрі үйдегі тәрбиеден ғой негізі», – деп жазды ол.

Димаштың бұл ізгі ісі қазақы дәстүрді дәріптеп, қайғыда бірге болудың мәнін тағы бір мәрте дәлелдеді.

 

Маңғыстауда ірі зәйтүн плантациясы құрылуда: болашақта миллион ағаш отырғызылмақ

 

  el24.kz Маңғыстау облысының Қарақия ауданында үш мың зәйтүн ағашы отырғызылды. Болашақта олардың саны 1 миллионға дейін жетуі жоспарлануда. Жоба өңірдің ауыл шаруашылығында ең ауқымды бастамалардың бірі болып саналады және ірі зәйтүн плантацияларын құруды көздейді.

Қазіргі таңда алғашқы ағаштар «Қосашы» аумағында отырғызылды. Болашақ көшеттерге 15 000 гектар жер бөлініп, суару үшін ұңғымалар қазу жұмыстары басталды. Жобаның мақсаты – ауданның тағамдық қауіпсіздігін арттыру және ұзақ мерзімді инвестиция ретінде ауыл шаруашылығы секторын дамыту.

Зәйтүн баулары Қазақстанда сирек кездеседі, бірақ Маңғыстаудың оңтүстік климаты олардың өсуіне өте қолайлы. Егер плантациялардың дамуы жоспар бойынша жүрсе, Қарақия ауданы зәйтүн және зәйтүн майын өндіру орталығына айналуы мүмкін.

Бұл бастама ауыл шаруашылығын нығайту бағдарламасының бір бөлігі болып табылады. 2025 жылы аудандағы 25 шаруашылық 165 гектар ашық жерге егін ексе, 8 жылыжайда жалпы аумағы 2 гектар болатын ауыл шаруашылық өнімдері өсірілді. Жыл қорытындысы бойынша шамамен 3 000 тонна өнім жиналды.

Сонымен қатар, алты шаруашылық техниканы жаңарту және тыңайтқыш алу үшін 7,5 млн теңге мемлекеттік субсидия алды. «Ауыл аманаты» бағдарламасы аясында СПК «Каспий» базасында екі жаңа кооператив құру жобасы да мақұлданды.

Осылайша, зәйтүн көшеттерін отырғызу мен аграрлық инфрақұрылымды жаңарту өңірде ауыл шаруашылығы өнімінің көлемін арттыруға, жаңа жұмыс орындарын құруға және Қарақия ауданын аграрлық даму үлгісіне айналдыруға мүмкіндік береді.

 
 
 
 
 
 
 

 

Маңғыстауда лауазымды полицейлерге қатысты шу: Ақтауға арнайы комиссия келді

 

   el24.kz  Маңғыстау облысында бірқатар лауазымды полицейлерге қатысты “қылмыстық топ құрды” деген айып төңірегінде тараған ақпарат қоғамда үлкен резонанс туғызды. Осыған байланысты Ақтауға арнайы комиссия келіп, тексеріс жұмыстары басталды.

Маңғыстау облыстық Полиция департаментінің мәліметінше, бұл жағдай бойынша департамент басшысы Сағындық Аяғанов өзі бастама көтеріп, Ішкі істер министрлігіне және тиісті мемлекеттік органдарға интернетте таралған ақпараттың анықтығын тексеруді сұрап ресми өтініш жолдаған.

“Департамент басшысы қоғам алдында ашықтықты қамтамасыз ету үшін тексеру жұмыстарына мәслихат депутаттары мен қоғам белсенділерін тартуды ұсынды”, — деп хабарлады Маңғыстау ПД өкілі.

Қазіргі уақытта ІІМ тарапынан арнайы топ өңірге келіп, материалдарды зерттеуге кірісті. Тексеріс нәтижесі бойынша қосымша ақпарат ресми түрде жарияланатыны айтылды.

Маңғыстау Полиция департаменті қоғамды тек ресми ақпарат көздеріне сүйенуге шақырып, толық әрі нақты мәліметтер тек тексерістен кейін ұсынылатынын жеткізді.

Қазақстандағы АЭС құрылысы 2029 жылы басталады

 

  el24.kz Атом энергиясы жөніндегі агенттік төрағасы Алмасадам Сәтқалиев Қазақстандағы атом электр станциясының (АЭС) құрылысы 2029 жылы басталатынын хабарлады.

Сәтқалиевтің айтуынша, жоба қазіргі таңда алғашқы құрылымдық бетон құюға дайындық кезеңінде тұр. Бұл кезең АЭС құрылысында өте маңызды және күрделі процесс болып саналады, себебі ол кең ауқымды инженерлік зерттеулерді қажет етеді.

«Бұл кезеңге жету үшін техникалық құжаттар, жобалық зерттеулер, жабдықтарды таңдау және қауіпсіздік талаптары толық тексерілуі қажет», – деді агенттік төрағасы.

Сәтқалиев түсіндіргендей, «алғашқы бетон» жобаның нақты құрылысы басталғанын білдіреді. Алайда, нақты мерзім жабдықтың құрамына және жобалық жұмыстарға байланысты өзгере алады. «Әзірге нақты айту қиын, бірақ Ресейдің жоспары бойынша құрылыс 2029 жылы басталады деп болжап отырмыз. Келесі жылы жобалық зерттеу жұмыстары жалғасады», – деді ол.

Қазақстандағы АЭС құрылысы ел үшін стратегиялық маңызды жоба болып табылады және оның қауіпсіздігі мен сапасына ерекше көңіл бөлінеді.

 

Мажилисте медициналық қызметкерлерге қарсы зорлық үшін жазаны күшейту мәселесі талқыланды

 

 el24.kz Қазақстанда медициналық қызметкерлерге қарсы жасалатын зорлық-зомбылық үшін жазаны күшейту мәселесі Мажилисте қызу талқыланды. Соңғы уақытта дәрігерлерге, фельдшерлерге және жедел жәрдем жүргізушілеріне шабуыл жасау оқиғалары жиілегеннен кейін, бұл тақырып қоғамда да, Парламентте де маңызды мәселеге айналды.

Бүгін Мажилис депутаттары медициналық қызметкерлердің қауіпсіздігін қамтамасыз етуді көздейтін заң жобасын қарап, оны дауысқа салды.

Талқылау барысында депутаттар медицина қызметкерлерінің жұмысы жоғары жауапкершілік пен тәуекелді талап ететінін атап өтті. Денсаулық сақтау министрлігі ұсынған заң жобасы Қылмыстық кодекске жаңа 158-1 бапты енгізуді қарастырады. Бұл бап медициналық қызметкерлерге қатысты қорқыту, күш көрсету, қызметіне кедергі келтіру немесе шабуыл жасау секілді әрекеттерге нақты жауапкершілікті белгілейді.

Заң жобасына сәйкес, медқызметкерді қорқыту немесе оған қысым көрсету үшін жеңіл жаза — еркіндікті шектеу қарастырылған. Ал физикалық күш қолдану анықталса, 2 жылдан 7 жылға дейін бас бостандығынан айыру жазасы ұсынылады. Егер шабуыл төтенше жағдай, дағдарыс кезеңі немесе жаппай тәртіпсіздік кезінде жасалса, жаза 10 жылға дейін ұлғайтылады. Топтық шабуыл немесе бірнеше медицина қызметкеріне бір мезетте күш көрсету фактілері үшін 15 жылға дейін қылмыстық жаза қарастырылмақ.

Сонымен қатар, жобада медициналық қызметкерге келтірілген материалдық немесе моральдық зиянды өтеу тетігі енгізілген. Бұл шабуыл жасаған адамның зардап шеккен маманға өтемақы төлеуін міндеттейді. Депутаттар талқылау барысында қызметкерлерді кәсіби тәуекелдерден сақтандыруды кеңейту мәселесін де көтерді.

Заң жобасын енгізу бастамасы Мемлекет басшысы Қасым-Жомарт Тоқаевтың тапсырмасымен ұсынылған. Президент медицина қызметкерлерін қорғау — мемлекет алдындағы басым міндеттердің бірі екенін атап өткен болатын. Себебі соңғы жылдары фельдшерлер мен дәрігерлердің өз қызметін атқарып жүргенде шабуылға ұшырауы және ауыр жарақат алуы сияқты оқиғалар қоғамда үлкен резонанс тудырды.

Министрлік өкілдері заң жобасы қабылданса, медициналық қызметкерлердің қауіпсіздігін арттыруға, олардың қызметтік міндетін қорғауға және осындай құқық бұзушылықтарды азайтуға мүмкіндік беретініне сенімді. Талқылаудан кейін құжат Мажилис қарауынан өтіп, келесі кезеңде Сенатқа жіберілуі мүмкін.

Бұл бастама — медицина саласының қызметкерлерін қорлаудан, қысымнан және зорлықтан қорғаудың кешенді шараларының бір бөлігі. Қоғамдық денсаулық сақтау жүйесінің тұрақты жұмысын қамтамасыз ету үшін олардың қауіпсіздігі маңызды болып отыр.

Подробности
Категория: Керек кеңес

Асты да абайлап жеген абзал. Ал ашқарынға төмендегідей тағамдар жемеу керектігін біле жүргейсіз. 

Кофе. Ертемен тұрып кофе ішемін дейтіндерді жиі естиміз. Десе де кофе асқазанды қоздырып, сөлді көптеп шығарады екен. Ал оның әсерінен гастрит ауруына тап болуыңыз мүмкін. 

Банан. Бананның құрамында магний элементі көп. Ол жүрек-тамыр жүйесін реттегенімен ашқарынға банан жесеңіз, кальций-магний байланысын бұзады. 

Подробности
Категория: Сырласу

Сəлем, "Сырласу" клубы! 

Мен он сегіз жасар кезінен бір жігітке жүрегін сыйлаған  қаракөз  сіңілілеріңіздің бірімін.  Қазір, жасым жиырмадан асты. Құдайға шүкір, тағдыр қосқысы келетін жігітім де  бар.Мен оны сүйетінім соншалық қатты қызғанамын.Қазір екеуміз екі жақтамыз.Оны ешқайда шығармаймын.Шығатын болса мені ұмыт деп, ренжісіп қаламыз.Ұсақ түйектің бәріне мән беремін.Мінезімде бір қыңырлық бар.

Подробности
Категория: Әлем жаңалықтары

Венесуэла президенті Николас Мадуроға қастандық жасалды.

Оқиға ұлттық боливариан гвардиясының құрылған күніне орайластырылған іс-шара кезінде болды. Боливар даңғылындағы парад кезінде кенеттен жарылғыш зат салынған дрон пайда болып, жарылып кеткен. 

Елдің байланыс және ақпарат министрі  Хорхе Родригестің айтуынша, жеті әскери қызметкер жарақат алды. Мадуроның өзі зардап шеккен жоқ.

Подробности
Категория: Поэзия

Жеткер Жүсіп

"Сезіммен" алысып,"Ақ шағалаға" сыр айтып,"Қасқабас қасқалдаққа" мұң шағып,"Тарт алдыға арман кемем" деген өлеңінде "Жалғанды жалған десем,қашпай ма арман менен?!" деп өзі айтпақшы  ауруға бой алдырмай әлі -ақ бәрін жеңіп ортамызға оралады деген сеніммен,Жеткер Жүсіптің бірнеше өлеңдерін жариялап отырмыз.

Подробности
Категория: Елең еткізер

Маңғыстау полициясы WhatsApp арқылы тараған хабарламаға қатысты пікір білдірді

Ақтау тұрғындары мессенджер мен әлеуметтік желілерде саммит кезінде жеке қаупсіздік ережелерін сақтау туралы хабарламаны таратып жатыр, - деп хабарлайды "Лада". 

Хабарламада қауіпсіздік шараларын сақтауды және қалаға қарап тұрған терезелерден қарамауға шақырған.  Маңғыстау ІІД баспасөз қызметінің өкілдері бұл хабарламаның жалған екенін айтады. 

Подробности
Категория: Бүгін

«Медиация күні» қарсаңында және «Медиация туралы» ҚР Заңының қолданысқа енгеніне 7 жыл толуына байланысты «Бітім» медиация орталығы» қоғамдық бірлестігі облыстық Қазақстан халқы ассамблеясымен бірлесіп, қалалық ішкі саясат бөлімінің жобасы аясында медиация саласы бойынша кеңес беру мақсатында «Ашық есік» күнін өткізді.

Шарада «Қоғамдық келісім» КММ-нің директоры Ибраев Уалихан Серікұлы алғы сөз сөйледі.

Подробности
Категория: Әлем жаңалықтары

Қараусыз қалған бір жарым жасар сәби балабақшадан қашып кеткен.

Оқиға Ресейдің Вологда қаласында жекеменшік балабақшаның бірінде орын алған. 

Балақайдың далаға шығып кеткен сәті көшедегі бейне бақылау камераларына түсіп қалған. Бейнежазбада баладан кейін далаға жүгіріп шыққан тәрбиешіні көреміз. 

Подробности
Категория: Сырласу

Серік екеуіміздің бас қосқанымызға үш жыл болды. Бірақ үйлене салысымен күйеуім мені жөн-жосықсыз боқтап, қол көтере бастады. Ашуланшақ, тітіркенгіш, сөз көтермейтін адам екен.

Күйеуім – оңбаған адам

Сөйлескім келіп, түсініспек болып қаншама рет әңгімеге тартсам да, онымнан түк шықпады. Шиден шикіл шығарып, соңы ұрыс-керіспен, мені аяусыз сабаумен аяқталатын. Жұмысым жақсы, жалақым жоғары, үйіміз тап-тұйнақтай, киімі таза, тамағы дәмді.

Подробности
Категория: Сырласу

Сəлеметсіз бе, "Сырласу" клубы!

Сізге осы хатты жазсам ба, жазбасам ба деп көп ойландым. Ақыры жазуға оқталдым. Айтайын дегенім, мен мүмкіндігі шектеулі қызбын 2 топтағы. Жасым 27ден асты. Өз теңімді тапсам деймін. Қыз баласың ғой, ұят қайда, намыс қайда деп сөге көрмеңіздерші. Білемін, қыз қылығымен көрікті. Ол қасиеттердің бəрі баршылық Аллаға шүкір!

Подробности
Категория: Ғибратты әңгімелер

Ертерек заманда Құдайға құлшылық қылған, тақуа бір жігіт өмір сүріпті. Жігіт ер жеткенде әкесі үйлену туралы сөз көтерсе, ол қашқалақтай береді екен. Себебі ол еркектік қуаттан мақұрым болатын. Бұл жағдайдан мүлде хабары жоқ әкесі баласының қарсылығына көнбей, бір қызды тауып, некелестіріп, үйлендіріп қояды. Той өтіп, екі жас жеке қалған шағында әлгі жігіт қалыңдығына: «Сен мені кешір, сені бақытты ете алмаймын, саған тең жар емеспін», – деп ағынан жарылып, айыбын айтады.

Подробности
Категория: Керек кеңес

Ғалымдардың көзге қатысты бұл зерттеуі нақты 100% сай келмесе де, оның бар екенін анық көрсетеді. Көз арқылы адамның мінезін ғана емес, ішкі жан дүниесінің қандай екендігін де анықтауға болады.   

1. Қара көздердің иесі – бойында күш-қуаты мол, өмірді ерекше сүйетін, ынта-жігері мықты жан. Мінезі бір қалыпты деп айтуға келмейді. Мұндай адамдарды алған бетінен қайтару мүмкін емес және ешкім де жолында кедергі бола алмайды. Олардың бұл қабілеті тек жеңіс қана емес. Сонымен қатар асығыс шешім қабылдауға түрткі болып, сәтсіздіктерге ұрындырады. 

Подробности
Категория: Әлем жаңалықтары

Тайландтағы Чонбури аймағында сұлу аруға ессіз ғашық болған ер адам оны досынан қызғанып өлтіріп тастады. Кәсіпкер бойжеткенді туған күнін тойлап жатқан сәтінде атып жіберген деп жазады life.ru сайтына сілтеме жасаған NUR.KZ.

20 жастағы Павина Нэмьюэнгрук өз басшысы болған 43 жастағы кәсіпкердің сезімін қабылдамай қойған. Нәтижесінде, қызғаныштан күйінген ер адам бойжеткенді туған күні кезінде атып өлтірді.

Подробности
Категория: Сырласу

Аноним болсыншы. Менің айтқым келгені ажырасқанмын.Жасым жиырма жетіде.Ажырасқалы ер адамға жолаған емеспін.Әйтседе менің жұмысымда әйел адамдардан,ер адамдар көп.Балам бар.Күйеуің жоқ болса әркімге көз түрткі болады екенсің.”Қалай шыдап жүрсің?” деп көңілін білдіріп жүргендер көп.Бірақ,қазақи тәрбие алғандығым бар, мұндай тірлікке өлтірсе де бара алмайтын сияқтымын.Ар -ұят деген дегенді анамыз бала жастан санамызға құйып тастағаны сонша,сол шеңберден аттап кету мен үшін үлкен күнә.

Подробности
Категория: Керек кеңес

Қара сақар сабын деген сөз қазақтардың көпшілігіне таныс. Кейінгі жастар білмесе де, жасы ұлғайған ата-әжелеріміз оның шипасы мен пайдасын естіп өскен болар. Қазақтың қара сақар сабыны тері ауруларына таптырмас. Оны қолдану тәсілі өте оңай. Бірақ әзірлеуі қиын, дайындалуы ұзақ жұмыс. Міне, осы сақар сабынды алматылық Ербол есімді азамат жасап жүр.

  1. Жеңгемнің қылықтарын ағама айтуым керек пе?
  2. Қарт ананың қасiретi 
  3. Қатардағы сарбаз сот залында атылып өлді 
  4. Сіз неден қорқасыз?