Таиланд елінің Самутпракан қаласында бойжеткен қыз үйінде босана сала шаранасын өзі тұрып жатқан үйдің бесінші қабатынан лақтырып жіберген.
Сәбидің шырылдаған дауысын көршілері естіпті. Олар жүгіріп шығып қараса, банан өсіп тұрған ағаштың жанында жерде шарана жатқан, - деп жазады Daily Mail.
Дүниеге келгеніне бірнеше сағат болған нәресте бесінші қабаттың балконынан ағаштар өсіп тұрған баққа лақтырылған. Періштесі қаққан нәресте банан жапырағына құлап, тіпті еш жарақат алмаған, тек денесінде аздаған сызат бар және құмырсқа мен маса шағып тастапты.
"Жердегі бананның үйілген жапырағының үстінеде құлаған шарананы тауып алдық", - дейді тұрғындар. Полицейліктер тексере келе, нәрестені жас бойжеткен қыздың лақтырғанын анықтады.
Ол қызды көршілері жүкті кезінде көрген екен. Енді ол қызды іздестіріп жатыр. Ал аман қалған ер бала қазір ауруханада. дәрігерлер оның денсаулығы қалыпты екенін айтады.
