Алматыда автобус ішінде ер адамға пышақпен шабуыл жасаған видео пайда болды

           фото видеодан скриншот

Алматыда асхана пышағымен ер адам автобус контроллеріне шабуыл жасады,- деп хабарлайды el24.kz тілшісі Zakon.kz.

Қалалық полиция департаментінің баспасөз қызметі хабарлағандай, оқиға күндіз Наурызбай ауданында қоғамдық көліктердің соңғы аялдамасында болған.

"Автобустардың бірінің диспетчері өтіп бара жатқан адамға белгіленбеген жерде темекі шеккені үшін сөгіс айтып, нәтижесінде ер адамдар арасында жанжал туындаған.

Артынша автобусқа өтіп бара жатқан адам жүгіріп кіріп, қарсыласын пышақтап кеткен. Жедел жәрдем бригадасы бақылаушыны шұғыл түрде ауруханаға жатқызды", — деді Алматы қалалық ІІД бастығының бірінші орынбасары Қуатбек Науатов.

38 жастағы күдікті жедел іздестіру шараларымен ұсталып, уақытша ұстау изоляторына қамалды. Қылмыстық қару – асхана пышағы алынды. 2024 жылдың қазан айында дәл осындай оқиға Алматыда болған еді. Бұл жағдайда қолында құрылыс пышағы бар ер адам автобус жүргізушісіне шабуыл жасаған.

Полиция қызметкері абайсызда әріптесін атып тастады

 

 Полиция қызметкері абайсызда әріптесін атып тастады. Оқыс оқиға Таразда болды,- деп хабарлайды el24.kz тілшісі Zakon.kz.ке сілтеме жасап.

Оқиға жайлы ақпарат әлеуметтік желілерден белгілі болды. Жазбаға сүйенсек, Таразда патрульдік полиция батальонының инспекторы "қызметтік қарумен ойнап, әріптесін абайсызда атып тастады"

"2024 жылғы 16 қарашада қызметтік көлікте қызмет көрсетілетін аумақты патрульдеу кезінде полиция қызметкері қарумен абайсызда өзінің әріптесін атты. Кездейсоқ ауыр зардаптарға әкеп соққан немқұрайлылық фактісі бойынша қылмыстық іс қозғалды. Жәбірленуші Қордай аудандық ауруханасына жатқызылды", — деп түсіндірді ведомствода.

Полиция қызметкерлері қызметтік тексеру жүргізеді, болған оқиғаның барлық мән-жайлары анықталады.

Қорғаныс министрлігі жастарды әскерге күштеп алып кетіп жатқан бейнероликтерге түсініктеме берді

 

Қорғаныс министрінің тәрбие және идеологиялық жұмыс жөніндегі орынбасары Шайх-Хасан Жазықбаев 2024 жылғы 14 қарашада Сенаттың кулуарында жас жігіттерді әскерге күштеп алып кетіп жатқан бейнероликтерге түсініктеме берді,-деп хабарлайды el24.kz тілшісі Zakon.kz.ке сілтеме жасап.

Ол жергілікті органдар жүргізетін жұмыс заң аясында жүзеге асырылып жатқанын атап өтті. 18 бен 28 жас аралығындағы Қазақстанның әрбір азаматы әскерде қызмет етуге міндетті.

Журналистер әскерге бармау үшін бәрін жасайтын адамнан қандай сарбаз шығатынын сұрады.

"Заңда денсаулық, оқу жағдайына байланысты әскери қызметтен кім босатылуы мүмкін екендігі айтылған және көрсетілген. Егер ешқандай себеп болмаса, онда ол әскерде қызмет етуі керек. Біз ешкімді мәжбүрлемейміз! Тек жалтарушылар ғана емес, сонымен бірге әскерде қызмет еткісі келетіндер де бар. Көптеген адамдар екі апталық бейімделу кезеңінен өткеннен кейін армияның нашар екендігі туралы ұстанымдарын өзгертеді және жақсы сарбаз болады. Мұндай мысал менің тәжірибемде болды. Біз видеолардағы жігіттердің неге жүгіріп жүргенінің себептерін білмейміз. Мүмкін ол қызбен кездесуге барған шығар? Немесе басқа себептер. Әр жағдайды жеке қарау керек. Бірақ барлық жастар әскерде қызмет еткісі келмейді деп жалпылау дұрыс емес", — деді ол.

Сондай-ақ, Жазықбаев мұндай роликтер Қорғаныс министрлігінің имиджіне нұқсан келтіретінін айтты.

Бүгін доллар құны 500 теңгеге жетті

 

Еліміздегі айырбас пунктілерінде $1 бағамы – 500 теңгеге дейін жетті.

Ұлттық банктің 18 қарашаға арналған ресми бағамы — 1 долларға 495,95 теңге. Ресей рублінің орташа сараланған құны — 4,98 теңге. Еуро — 524,37. 

Kurs.kz мәліметінше, қазіргі уақытта Алматының ақша айырбастау пункттерінде доллар 498 теңгеден сатылып жатыр, сатып алу бағамы — 499,7 теңге. Еуро 522,5 — 527 теңге аралығында құбылып тұр.  Ал, Астана қаласы бойынша долларды сату бағамы — 495 теңге, сатып алу құны — 500 теңге. Еуро 523 теңгеден сатылып, 529 теңгеден сатып алынады. 

Дәл қазіргі уақытта ақша айырбастау орындарында Ресей валютасы 4,95 - 5,05 аралығында саудаланып жатыр.

 Айта кетейік, 15 қараша кешкі сауда қорытындысы бойынша, доллардың орташа бағамы 1,97 теңгеге қымбаттап, 496,01 теңге болған.

Көлік сатып аламын деп, әйелді айуандықпен өлтірген

 

Ақтөбеде 55 жастағы әйелді айуандықпен өлтірген күдіктіге үкім шықты.
 
Сотталушы автокөлік үшін адам өлтіруге дейін барған. Енді ол 22 жыл өмірін түрмеде өткізетін болады.
 
Үкім тыңдауға кісі қолынан мерт болған марқұмның жақындары ғана келді. Ал сотталушы тарапынан ешкім жоқ. 44 жастағы Қасымхан Үсенов соңғы сот отырысында бетін көлегейлеумен болды.

Осыдан бес ай бұрын 55 жастағы әйел автокөлігін сатпақшы болады. Сотталушыға клиент болып хабарласып, көлікті көрмекке кездеседі. Қала сыртына қарай шыққан кезде рульде отырған әйелді белдікпен қылқындырған.
 
Демі таусылған кезде, мәйітті сол маңдағы ағаш арасына апарып тастай салған. Ең сорақысы, өлікті адам танымас үшін бетін пышақпен тілгілеген. Құны 150 мың теңгелік алтын алқасын шешіп алған. 
 
Енді осы қылмысы үшін 22 жылға бас бостандығынан айрылды.
 
Марқұм, өзін қылқындырып жатқанда 112 нөмірін теріп көмек те сұраған. Бірақ кезекшілікте отырған құтқарушы қоңырауға мән бермеген. Осыдан екі ай бұрын төтенше жағдайлар департаментінің ол қызметкері екі жылға шартты түрде сотталған.
 
Марқұмның туыстары сотталушыға кескен жазамен келісетінін айтады. Гүлнәр Сұлтанбаева, марқұмның әпкесі: — 22 жыл үкімді сот мырза беріп отыр. Прокурор 23 жыл беріп еді. Біз өмір бойы деп қанағаттанып тұрмыз. Өмірлік жаза болса, өмірлікке жіберер еді. Өмірлік деген жаза бермей тұр ғой, заңда. Адам орнына келмейді енді. Ол да қыз асырап отыр екен. Бір Аллаға тапсырдым.

Үш кезеңдік тексеру — 2025 жылдан бастап онлайн микрокредит рәсімдеу талаптары күшейтілетін болды

 

2025 жылдан бастап Қазақстанда онлайн микрокредит рәсімдеу кезінде қауіпсіздік талаптары күшейтілетін болды,-деп жазады el24.kz тілшісі kazinform.ға сілтеме жасап.

Бұл туралы Ұлттық банк төрағасы Тимур Сүлейменов депутаттық сауалға берген жауабында мәлімдеді.

Ұлттық банк басшысының айтуынша, келер жылдан бастап онлайн микрокредит рәсімдеу кезінде биометриялық сәйкестендіру мен электрондық цифрлық қолтаңбаны қатар қолдану міндетті болады. 

«Онлайн микроқарыздарды ресімдеу кезінде 2025 жылғы 1 қаңтардан бастап биометриялық сәйкестендіруді, сол сияқты электрондық цифрлық қолтаңбаны (ЭЦҚ) да бір мезгілде міндетті түрде қолдану талабы енгізіледі.

Сондай-ақ, микроқаржы ұйымдары (МҚҰ) үшін клиент ақша аударғанға дейін оған банктік шоттың немесе төлем картасының тиесілігін сәйкестендіру талап етіледі»,- делінген жауапта. 

Бұдан басқа, банктер төлемдер мен аударымдарды жүзеге асыру барысында клиенттің мобильді нөміріне тексеру кодын жібереді.

Осылайша, клиентті үш факторлы тексеру жүзеге асырылады. Сонымен қоса, Қаржы нарығын реттеу және дамыту агенттігі банктерге онлайн кредиттер ресімдеген кезде өтінім берілгеннен кейін келесі күннен кешіктірмей оны мақұлдауға кеңес берді, осылайша клиент өзіне алаяқтар мәжбүрлеп берген кредиттен бас тарта алатын «шешімді өзгерту» кезеңі енгізіледі.

Ұлттық банк басшысы азаматтардың несие алудан өз еркімен бас тарту құқығы бар екенін еске салды. Қазіргі таңда бұл мүмкіндікті шамамен 700 мың қазақстандық пайдаланды.

Подробности
Категория: Бүгін

Жат қылықтан аулақ болып әскери тәртіпке бағынған Маңғыстаулық әскерилер «Терроризм мен экстремизм - әлемдік қасіретке айналды» тақырыбында дөңгелек үстел өткізді. Ел тынышытығын басты назарда ұстап, бейбітшілікті ту еткен жеке құрамға Ақтау гарнизонына қарасты әскери полиция өкілдері арнайы келіп, дәрістер оқыды. Мақсат- әскери ортада терроризм мен экстремизмді болдырмау. Шарада Қазақстан Республикасы Үкіметінің 2015 жылдың 3 сәуірінде бекітілген «Терроризмге қарсы іс-қимыл туралы» атты заң шеңберінде бірнеше тапсырмаларға бағыт-бағдар бере отырып, түсіндірме жұмыстарын жүргізілді. Оларға «Салафизм шырғалаңы», «Абайлаңыз ДАИШ!» атты фильмдер көрсетіліп, жат қылықтан бойын аулақ ұстау керектігі баса айтылды.

Подробности
Категория: Сырласу

 

Мұндай да болады екен ғой...Осы бір көктемнің мың бір түнінде өзімнің басымнан өткенімді жазбақпын.

Подробности
Категория: Елең еткізер

 

«ВКонтакте» мамандары iOS және Android платформасындағы әлеуметтік желі қосымшасына жаңа мүмкіндіктер енгізді.

«ВКонтакте» желісінде аудио және видео қоңырау шалу мүмкіндіктері пайда болды «ВКонтакте» мамандары iOS және Android платформасындағы әлеуметтік желі қосымшасына жаңа мүмкіндіктер енгізді. 

Подробности
Категория: Әлем жаңалықтары

 

Америка Құрама штаттарының Орегон штатында 20 жастағы үй-күйсіз жігіт биемен жыныстық қатынасқа түскен.
АҚШ-та биені зорлағанын мойындаған 20 жастағы жігітті полиция қызметкерлері қамауға алды. Зоофилдің есімі - Кеннет Лайджа Дьюк. Ол Элли есімді биені зорлағанын біршама уақыт өткеннен кейін өз еркімен мойындады. Жалқыны тексерген ветеринар-дәрігер адам тарапынан жануарға азғындық көрсетілгенін растап отыр. Енді ол жан-жануарға қорлық көрсеткені үшін бірнеше жылға сотталуы мүмкін. 

Подробности
Категория: Бүгін

Облыстық Қазақстан халқы ассамблеясының ұйымдастыруымен Жалағаш кенті, №31 мектеп-гимназиясында «Мың бала» республикалық мәдени-ағартушылық жобасы аясында «Қыз- ұлттың ұяты, халықтың шырайы»атты сайыс өтті. Үш топтың қыздары «қызды қырық үйден тию», қыз баланың тәрбиесіне байланысты арнайы дайындалған 7 кезеңнен тұратын сайыста бақ сынады.

Подробности
Категория: Керек кеңес

   Жадыңызды жақсартқыңыз келсе

Тәттіні азайтыңыз

Тәттіні шектен тыс тұтыну денсаулыққа зиян. Бұған қоса есте сақтау қабілетіне де тигізер зиянды бар екені тағы белгілі. Зерттеу көрсеткендей, жүйесіз тамақтану бірінші кезекте есте сақтау қабілетін нашарлатып, мидың жұмысына әсіресе есте сақтау бөлігінің қызметін баяулататыны анықталған.

Подробности
Категория: Керек кеңес

АҚШ-тағы Колумбия Университетінің ғалымдары ер адамдардың қолды қатты қысуы әйелдердің табысты болуына әсер етенін анықтады.

Зерттеу нәтижесі қол алысу кезінде қолды қатты қыспайтын ер адамдардың қолды қатты қысатындарға қарағанда көбісі некелеспегенін көрсеткен.

Подробности
Категория: Сырласу

Өмiр болған соң үй болып, отбасын құрудың түрлi формалары көрiнiс тауып жатады. Адам өмiрiнде екеу болып, шаңырақ көтерудi маңызды iс деп бiлемiз. Бiрақ отау құрғандардың жүз пайызы да махаббаттың әлегiне түспей-ақ үйлене салады. Некенiң қиылуы үшiн махаббат қана керек емес деп бiледi. Бүгiнгi қоғамда үйленудiң қандай жолдары бар? Қандай себептер некеге апарады?

Подробности
Категория: Бүгін

Үстіміздегі жылдың 21-22 мамыр күндері ҚР Мәдениет және спорт министрлігінің қолдауымен және ҚР Ұлттық академиялық кітапхананың ұйымдастыруымен «Әлем астаналарының шежіресі» атты Халықаралық көрме өтеді.

Қазақстан Республикасының Президенті Н. Назарбаевтың «Болашаққа бағдар: Рухани жаңғыру» бағдарламасын іске асыру мақсатында қазір көптеген іс-шаралар ұйымдастырылуда. Осыған байланысты Ұлттық академиялық кітапхана Астананың 20 жылдығына орай халықаралық деңгейде 5 іс-шара өткізуді жоспарлап отыр.

Подробности
Категория: Тылсым дүние

Бiздiң ауыл тауға жақын орналасқан. Түнде үйден шықсаң, жақын маңнан қарауытқан тау сұлбасы төбеңнен төне қарап тұрады. Басқаларға қайдам, етегiнен ойын үзiлмейтiн ауыл өзiмiзге қатты ұнайды. Жаз бойы қозы-лақтар маңырап, балалардың шатты күлкiлерiнен ол жер жаңғырып жатса, қыс мезгiлiнде сырғанақтың дәуренi жүрiп тұрады. Шаналарын көтерген қара домалақтар қырдан ылдиға қарай зуылдап, кеш қарайғанша сол маңайдан шыққылары келмейдi.

Подробности
Категория: Әлем жаңалықтары

 

Оқиға Ресейдің Люберц қаласында болған. 
 
Сабақтан шыққан бойжеткен құрбысының үйіне қонаққа барады. 
 
Қыздар дезодорантты иіскеп, есірткінің күшіндей әсер алғысы келген. 
 
Бірақ бірнеше рет иіскегеннен кейін бірі есінен танып, қайтыс болады. Марқұмның жанында аэрозольді баллон мен пакет жатқан. 

Подробности
Категория: Әлем жаңалықтары

 

Америкалық актер Морган Фримен өгей немересімен жыныстық қатынасқа түсіп жүрген.

Немересі Идена Хайнс 2015 жылы кісі қолынан қаза тапқан. Қазір осы іске қатысты сот өтіп жатыр. Елді жалт еткізген жаңалық осы сот барысында айтылған. 

Подробности
Категория: Елең еткізер

 

Бұл табиғат құбылысы 26 сәуірде болған. Әлеуметтік желі қолданушылары фотосуреттермен бөлісті. Гало Күн мен Айдың, кейде көше шамдарының айналасында пайда болады. Бұл құбылыс мұз кристалдарының әсерінен атмосферада жарық сәуленің көрінуінен болады. Мұндай ерекше құбылысты бұған дейін Алматы тұрғындары да көрген. Алматы тұрғындары оптикалық ерекше құбылысқа 5 наурыз күні куә болған.

Подробности
Категория: Елең еткізер

Жаңаөзен қаласы, Теңге ауылында достарымен қыдыруға шыққан 16 жастағы жасөспірім тірідей өртеніп кете жаздады. Оның анасы, оқыс оқиғаға ұлының достарын кіналайды, деп xабарлайды ҚазАқпарат тілшісі.

Қазір зардап шеккен Қожаxмет Ілесбаев Маңғыстау облыстық ауруxанасының жансақтау бөлімінде жатыр.

Дәрігерлердің айтуынша, денесінің 52% күйік шалған. Сондықтан науқасты санитарлық авиациямен Астанаға апару қажет. Қазір соған байланысты тергеу жұмыстар жүргізіліп жатыр.

  1. Жасырын екінші әйелі болып жүрмін
  2. Өлім өмірдің жалғасы болғаны ма?
  3. Алматы облысында нұротандықтар партиялық тыңдауда «Өңірлерді дамыту-2020» бағдарламасының жүзеге асырылуын талқылады
  4. Өңірлерді дамытудың 2020 жылға дейінгі бағдарламасы аясында атқарылып жатқан жұмыстар туралы ЕСЕП