el24.kz Ақтауда Маңғыстау облыстық көп салалы балалар ауруханасы дәрігерлері 50 теңгелік тиын жұтып қойған бес жасар баланы аман алып қалды.
Жергілікті ақпарат көздерінің мәліметінше, баланың ата-анасы ауруханаға 21 ақпан күні жүгінген. Олардың айтуынша, бала 50 теңгелік тиынды үш күн бұрын байқамай жұтып қойған.
Дәрігерлер баланы тексеру барысында рентгенологиялық зерттеу жүргізіп, бөгде заттың баланың асқазанында тұрғанын анықтаған. Ата-анасы тиын өздігінен шығып кетеді деп үміттенгенімен, дәрігерлер уақыт жоғалтпай, оны медициналық жолмен алып шығу туралы шешім қабылдаған.
«Рентген тексерісі кезінде тиынның асқазанда тұрғаны анықталды. Асқынудың алдын алу үшін бөгде затты бірден алып шықтық», – дейді дәрігерлер.
Сонымен қатар, аталған медициналық мекемеде тағы бір балаға шұғыл көмек көрсетілген. Жаңғаққа қақалған баланың тыныс жолына бөгде зат өтіп, өкпесіне түскені анықталған. Дәрігерлердің жедел әрі кәсіби әрекеттерінің нәтижесінде бала аман-есен құтқарылды.
Медицина мамандары ата-аналарға кішкентай балаларды ұсақ заттардан қорғауға, олардың қолы жететін жерде тиын, жаңғақ және басқа да қауіпті заттарды қалдырмауға кеңес береді. Бөгде зат жұтып қою немесе қақалу белгілері байқалған жағдайда дереу дәрігерге жүгіну қажеттігін ескертеді.
el24.kz Танымал журналист Жанат Жақсыбайқызы Атырау облысында жасалған ауыр қылмысқа қатысты шұғыл мәлімдеме жасады. Оның айтуынша, қос кісі өлтіру дерегі бойынша күдіктілер анықталып, ұсталған.
Ресми мәліметке сәйкес, Қазақстан Республикасының Ішкі істер министрлігі шетелдік әріптестерімен бірлескен жедел іс-шаралар нәтижесінде аса ауыр қылмыс жасады деген күдікке ілінген ер адамды Ломбок аралы аумағында қолға түсірген.
Ол Индонезия Республикасындағы Сенару ауылында ұсталған.
Күдікті Қазақстан Республикасы Қылмыстық кодексінің 99-бабы 2-бөлігі («Аса ауыр қылмыс») бойынша жауапқа тартылып отыр. Сонымен қатар, онымен бірге бұған дейін хабар-ошарсыз кеткен деп халықаралық іздеуге жарияланған бұрынғы жұбайы да анықталған.
Тергеу нұсқасына сәйкес, 2025 жылғы қараша айында Атырау облысында күдікті ұзақ уақытқа созылған тұрмыстық жанжал мен пайдакүнемдік ниет негізінде екі адамды қасақана өлтіруді алдын ала жоспарлап, іске асырған. Қылмыстан кейін ол мәйіттерді шаруашылық құрылысының астына көміп, қан іздерін жоюға әрекет жасаған. Сондай-ақ жәбірленушілердің мүлкі мен ақшасын иемденгені анықталды.
Қазіргі таңда ұсталған тұлғаларды Қазақстан Республикасына депортациялау мәселесі қарастырылып жатыр. Тергеу амалдары жалғасуда.
el24.kz Астанада 7 жастағы шөбересіне қатысты жыныстық сипаттағы зорлық-зомбылық жасаған 82 жастағы қарияға байланысты істің мән-жайы белгілі болды. Қылмыстық іс қоғамда үлкен резонанс тудырды.
Еске сала кетейік, сот үкімімен айыпталушы Қазақстан Республикасының Қылмыстық кодексінің 121-бабы 4-бөлігі бойынша кінәлі деп танылып, 20 жылға бас бостандығынан айырылған болатын. Алайда сотталған азамат үкіммен келіспей, апелляциялық шағым түсірген.
Жәбірленуші тарап сот шешімі өзгеріссіз қалады деп үміттеніп отыр.
Жәбірленуші баланың анасы оқиғаның қыздың туған күнінен кейінгі күні болғанын айтты. Оның сөзінше, сол күні отбасы мүшелері демалып жатқан кезде күдікті қылмыстық әрекетке барған. Әйелдің айтуынша, ол жағдайды дер кезінде байқап, қылмыстың жолын кескен.
Оқиғадан кейін күдікті үйден кетіп қалғанымен, келесі күні кешке құқық қорғау органдары тарапынан ұсталған. Тергеу барысында ұсынылған дәлелдемелер, соның ішінде сот-медициналық және психологиялық сараптама қорытындылары сотта жан-жақты қаралған.
Жәбірленуші тараптың айтуынша, қылмыс отбасы үшін ауыр психологиялық соққы болған. Қазіргі таңда баланың жағдайы дәрігерлер тарапынан қанағаттанарлық деп бағаланғанымен, оған ұзақ мерзімді психологиялық оңалту қажет.
Баланың анасы бірінші сатыдағы соттың шешімі заңды әрі әділ қабылданғанын атап өтті. Оның айтуынша, қылмыстың туыстық қатынаста болған адам тарапынан жасалуы жағдайды одан әрі ауырлата түседі.
Қазіргі уақытта іс апелляциялық сот сатысында қаралуға дайындалуда. Құзырлы органдар қылмыстық іс заң аясында және қолданыстағы рәсімдерге сәйкес қаралатынын мәлімдеді.
фото ашық дерекөзден
el24.kz Астана қаласының прокуратурасы ақпараттық жүйелерді пайдалана отырып бірнеше рет алаяқтық жасаған қала тұрғынына қатысты сотта мемлекеттік айыптауды қолдады.
Тергеу барысында кінәлі азаматшаның Instagram әлеуметтік желісі арқылы тиімді инвестициялар, арзан туристік жолдамалар және шетелде жұмысқа орналастыру туралы жалған жарнамалық хабарландырулар жариялағаны анықталды.
Азаматтарды жаңылыстырып, олардың сенімін теріс пайдалану арқылы ол жәбірленушілерден ақшалай қаражат алып, өз пайдасына жұмсаған және алған міндеттемелерін орындамаған.
Қылмыстық әрекеттер салдарынан 10 адам зардап шегіп, оларға 7,7 млн теңгеден астам материалдық шығын келтірілді.
Сот талқылауы барысында мемлекеттік айыптаушы қағидатты әрі дәйекті ұстаным танытып, сотталушының кінәсін дәлелдейтін жеткілікті айғақтар ұсынды және нақты бас бостандығынан айыру жазасын тағайындау қажеттігін негіздеді.
Сот үкімімен кінәлі азаматша 6 жылға бас бостандығынан айырылды.
Жәбірленушілердің азаматтық талап арыздары толық көлемде қанағаттандырылды.
Үкім заңды күшіне енді.
Астана қаласының прокуратурасы азаматтарды әлеуметтік желілер мен мессенджерлерді пайдалану кезінде барынша сақ болуға, интернеттегі жеңіл табыс, арзан турлар мен инвестициялар туралы ұсыныстарға сенбеуге, сондай-ақ алаяқтық белгілері анықталған жағдайда дереу құқық қорғау органдарына жүгінуге шақырады.
el24.kz Ақтөбе қаласында Qarakesek лақап атымен танымал әнші **Омар Амантаев**ке қатысты сот үкімі шықты. Сот шешіміне сәйкес, 31 жастағы музыкант 100 сағат қоғамдық жұмыс атқаруға міндеттелді.
Іс материалдарына сәйкес, сот отырысына айыпталушы белгіленген уақытта келмеген. Себепсіз қатыспауына байланысты сот оны мәжбүрлеп жеткізу туралы шешім қабылдаған. Осылайша, ол сот залына құқық қорғау органдарының көмегімен жеткізілді.
Белгілі болғандай, Qarakesek 2025 жылдың күзінде ұсталған. Тергеу барысында оның көлікті есірткілік масаң күйде басқарғаны анықталған. Көлікті тінту кезінде тәртіп сақшылары синтетикалық есірткі салынған zip-пакетті тәркілеген. Бұған дейін ол көлік құралын мас күйде басқарғаны үшін 15 тәулікке әкімшілік қамауға алынып, 7 жыл мерзімге жүргізуші куәлігінен айырылған болатын.
Бұл жолы сот оны есірткі заттарын заңсыз сақтағаны үшін кінәлі деп таныды. Нәтижесінде, әншіге 100 сағат қоғамдық жұмыс жазасы тағайындалды. Қоғамдық жұмыстар пробация қызметінің және құқық қорғау органдарының бақылауымен орындалады. Ол көше тазалау және өзге де әлеуметтік маңызы бар жұмыстарға тартылады.
Сот барысында айыпталушы қоғамдық жұмыс жазасын айыппұлмен алмастыруды сұрап, бұл шараның шығармашылық қызметіне, атап айтқанда концерттік жұмыстарына кедергі келтіретінін мәлімдеген. Алайда сот бұл өтінішті қанағаттандырмады.
Тұрсынхан Салихов, Ақтөбе қаласы №2 сотының судьясы, үкімді жариялау кезінде айыпталушыға психиатрдың амбулаториялық мәжбүрлі бақылауымен емдеу түріндегі медициналық сипаттағы мәжбүрлеу шарасы тағайындалғанын айтты. Сонымен қатар қоғамдық жұмыстан жалтарған жағдайда, әрбір орындалмаған төрт сағат үшін бір тәулік қамауға алу жазасы қолданылатыны түсіндірілді.
Сот шешіміне сәйкес, жаза толық өтелгенге дейін Qarakesek пробациялық бақылауда болады.
el24.kz Жамбыл облысы аумағындағы әскери бөлімде орын алған әлімжеттік дерегіне байланысты бірқатар лауазымды офицер қызметінен босатылды. Қазіргі уақытта Отар кентінде кезектен тыс тексеріс жүргізу үшін арнайы комиссия жұмыс істеуде.
Тексеріс 18 жастағы мерзімді әскери қызметшінің ауыр дене жарақаттарымен әскери госпитальге түсуінен кейін басталған. Ресми мәліметке сәйкес, сарбаздың жақ сүйегі мен мұрны сынған.
Әйгерім Ағылтаева, **Қазақстан Республикасының Қорғаныс министрлігі**нің ресми өкілі, тексеріс нәтижесі бойынша қабылданған шешімдерге тоқталды. Оның айтуынша, басшылық құрамдағы төрт лауазымды тұлға — әскери бөлім командирі, тәрбие және идеологиялық жұмыс жөніндегі орынбасары, батальон командирі және рота командирі қызметінен босатылған.
Сонымен қатар қызметтік міндеттерін тиісінше орындамаған бірнеше лауазымды қызметкерге ескерту жарияланған. Ал сарбаздар тікелей бағынатын сержанттарға қатаң тәртіптік жаза қолдану ұсынылған.
Ресми ақпаратқа сәйкес, аталған оқиға Гвардейск әскери гарнизоны аумағында мерзімді әскери қызметін өтеп жүрген **Есбол Қапар**ға қатысты болған. Сарбаздың соққыға жығылғаны жөнінде оның ата-анасы хабарлаған. Олардың айтуынша, жарақат алған ұлдары екі апта бойы пәтерде ұсталған.
Қазіргі уақытта Есбол Қапар Алматы қаласындағы әскери госпитальде ем қабылдап жатыр. Оқиғаға байланысты тексеріс жалғасуда, кінәлі тұлғалардың әрекетіне құқықтық баға беру мәселесі уәкілетті органдар тарапынан қаралатын болады.
18 ге толған шағым.(2004ж) оқудың 2 ші курсын аяқтап, ауылға келдім. Жаз айы ауыл адамдары түгел қарайған. Оңтүстіктің аптап ыстығы қойсын ба?Қаладан келген аққұба реңдімін. Алыс жолдан келген соң, күні бойы ұйқы түнге жалғасып кетті. Шешем оятты: “ Айналайын- ау тұра ғой енді, ағаларың келіп отыр, сені көруге”- деп.
Бірінші хат
Медине Гүлгүннің хаттарының ізімен
Азамат Əбілқайырға
Мейірхан Мейрамбекұлы
"Адалдың аты - ақ жүрек,
Адалдың жаны - ақ парақ".
Күріш қосылған тағамды көп жеңіз.
Адамдарға олардың күткенінен көбірек беріңіз және оны жан жүрегіңізбен жасаңыз.
Жаныңызға жаққан өлеңді жаттап алыңыз.
Естігеннің бәріне сене бермеңіз, өзіңізде бардың бәрін жұмсай бермеңіз, шаршағанша ұйықтамаңыз.
"Мен сізді сүйемін" дегенде, шын ойыңыз да солай болсын.
Қызылордада айуандық әрекеттің құрбаны болған 9 жасар қыз баланың жағдайы түзеліп келеді
Арнайы ота жасалған науқас ауруханадан шығарылды. Қазіргі таңда оқушы қыз әкесі мен әжесінің жанында, - деп хабарлайды ҚазАқпарат.
Ауыр психологиялық және физиологиялық соққы алған қызбен мамандар ұзақ уақыт жұмыс жасайтын болады. «Науқас облыстық балалар ауруханаға 4 шілде күні түн ортасында келіп түскен болатын. Жағдайы орташа ауыр болды. Жансақтау бөліміне жатқызылып, жыныс мүшесіне ота жасадық.
Егер әйел қыз туа берсе, баланың жолдасын босанған әйелдің басынан үш рет айналдырса ұл туады деп ырымдайды.
Келін бала көтермесе, нағашы жұртының бір баласын қойнына алып жататын ырым бар.
Жүкті әйел шашын кессе, іштегі бала кемтар болып туады, бақыты кесіледі деп ырымдайды.
Адамның қаншалықты ренжігіш екенін қалай білуге болады? Барлығы оңай! Бар болғаны оның жұлдызнамасын анықтаңыз.
Біз адамдар өзіміз күткендей жауап қайтармаған кезде ренжиміз. Кейде ренішіміз орынды болғанымен, арасында болмашы дүниелерге де мұңаямыз. Психолог мамандардың айтуынша, әдетте адам өзіне назар аударту үшін ренжиді екен. Бұл – психологиялық қорғанудың бір түрі.
Сәлеметсіздер ме? Әр шыққан”Сырласу ” дың материалдарын үзбей оқып отырамын. Пенде болған соң қуанышта, қайғыда қәтеліктерде болады. Мен де өз басымнан өткенді баяндайын...
Өзім үлкен асханада кассада жұмыс істейтінмін. Кешкі уақыт,жұмыста шаршап отырғанмын. Екі жігіт кірді, орысша әңгімелерін айтып, мен әдеттегідей амандасып алған тамақтарын есептедім.
Біле жүріңіз...
Жаңа аяқ киім алғанда міндетті түрде аяқты қажайтыны бәріміздің жүйкемізді тоздырады. Себебі ол әлі жұмсарып, кеңімеген, дұрыстап орнықпаған. Ал егер қажаудың алдын алсаңыз, көп қиналмайтыныңызға сенім мол. Осы кедергілерден арылудың бірнеше жолы бар. Өзіңізге пайдалы деп танығаныңызды жасап көріңіз.
Жауынгерлік оқу-жаттығуда жүрген тағы бір сарбаз жұмбақ жағдайда ауруханаға түсті. Әскерге барғанына 3 ай ғана болған Самат Нұрқожаұлына Ақтауда ота жасалып, енді Астанаға әкелгелі жатыр екен. Сарбаздың әкесі баласына әлімжеттік жасалды дегенге сенімді. Алайда, қолбасшылар жарғыға қарсы әрекет болмады деп отыр. Қос тарапты тыңдаған әріптесім жалғастырсын.
Алғаш рет“Сырласу” клубына хат жолдап отырмын. Аноним етіп шығарыңызшы.Атымды айтқым келмейді.Маған сіздердің көмектеріңіз,ақыл кеңестеріңіз ауадай қажет.
Мендегі мәселе мынандай, бөле ағам бар.Үйленгендеріне 7- жыл болды.Жеңгем ажарлы,қыпша белді,өте сұлу жан.Жеңгеме ессіз ғашықпын.Бірақ ғашық екенімді білдірген емеспін.Сол бөле жеңгем 7 жылдан бері бала көтерген емес.Мен сеземін, білемін,ол қатты қиналып жүр.
Денис Теннің өліміне қатысты үшінші адам - Жанар Толыбаева 2 айға қамауға алынды.
Бұл туралы ҚазАқпарат хабарлады. Бұған дейін ҚР Бас прокуратурасы спортшы Денис Теннің өліміне қатысты үшінші адамның ұсталғаны туралы хабарлаған болатын.
«Алмалы аудандық сотына Жанар Толыбаеваны екі айға қамауға алу туралы бұлтартпау шарасын санкциялауға өтініш түсті.
Ресейде еркек пен әйелдерді қызықтыратын мамандықтарды анықтау үшін сауалнама жүргізілді.
Зерттеуге 18-30 жас арасындағы әлеуметтік желіге тіркелген бес мың ресейлік қатысыпты.
Таныстыру қызметімен айналысатын компанияның бірі зерттеу жүргізіп, еркектер мен әйелдердің қызығушылығын тудыратын мамандықтарды анықтады.
Страница 216 из 248
"El24kz" порталында жарияланған ақпараттар мен материалдарды белсенді сілтеме
жасау арқылы ғана қолдануға рұқсат етіледі.
Барлық құқықтары қорғалған.
Мекен -жайы : Маңғыстау облысы, Ақтау қаласы,19ш/а, 8ғимарат, Б/О Ақбөкен, 1 қабат
Телефон 8 (7292) 46-67-24 + 7778 180 71 78
Email : el24kz@mail.ru
