«Дикий Арман»: Арман Жұмагелдиев 20 жылдық жазаға қатысты апелляцияда жеңілдік ала алмады

 

   el24.kz Алматыда Қаңтар оқиғасына байланысты сотталғандар бойынша апелляциялық сот шешімі жарияланды. Сот алқасы Арман Жұмагелдиевке (“Дикий Арман”) қатысты үкімді өзгеріссіз қалдырды. Осыған сәйкес, ол бұған дейін бірінші инстанция тағайындаған 20 жыл бас бостандығынан айыру жазасын толық өтеуге тиіс.

Апелляциялық инстанция Жұмагелдиевтің жазасын жеңілдету туралы қорғаушылар өтінішін қанағаттандырмады. Сот үкімі заңды, негізді және дәлелдер толық қаралған деп танылды.

Сондай-ақ Қаңтар оқиғасына қатысты іс бойынша сотталған өзге айыпталушылардың да үкімдеріне өзгеріс енгізілмеді. Апелляция олардың шағымдарын да қанағаттандырмай, алғашқы сот үкімін күшінде қалдырды.

Бұл шешім жарияланған сәттен бастап заңды күшіне енді.

 

Димаш Құдайберген Мұхтар Шахановқа көңіл айтып келді

 

  el24.kz Әлемге танымал әнші Димаш Құдайберген қазақтың белгілі ақыны, жазушысы, қоғам және мемлекет қайраткері Мұхтар Шахановтың шаңырағына арнайы барып, жуырда көз жұмған ұлының қазасына көңіл айтты.

Бұл туралы тележурналист Азамат Әбілқайыр өз парақшасында хабарлады. Ол жазбасында:

«Бүгін әнші Димаш Құдайберген Мұхтар Шахановтың ұлының қазасына байланысты арнайы келіп, көңіл айтыпты. Міне, қазақылық, міне тектілік! Зау биікті жүрсе де уақыт тауып, арнайы келгенін айтсаңшы!
Қайғысына ортақтасып, жүрегіне жазылмас жара салған бұл ауыр күнде ағамыздың шаңырағында құран бағыштағанының өзі бір көрегенділік. Бәрі үйдегі тәрбиеден ғой негізі», – деп жазды ол.

Димаштың бұл ізгі ісі қазақы дәстүрді дәріптеп, қайғыда бірге болудың мәнін тағы бір мәрте дәлелдеді.

 

Маңғыстауда ірі зәйтүн плантациясы құрылуда: болашақта миллион ағаш отырғызылмақ

 

  el24.kz Маңғыстау облысының Қарақия ауданында үш мың зәйтүн ағашы отырғызылды. Болашақта олардың саны 1 миллионға дейін жетуі жоспарлануда. Жоба өңірдің ауыл шаруашылығында ең ауқымды бастамалардың бірі болып саналады және ірі зәйтүн плантацияларын құруды көздейді.

Қазіргі таңда алғашқы ағаштар «Қосашы» аумағында отырғызылды. Болашақ көшеттерге 15 000 гектар жер бөлініп, суару үшін ұңғымалар қазу жұмыстары басталды. Жобаның мақсаты – ауданның тағамдық қауіпсіздігін арттыру және ұзақ мерзімді инвестиция ретінде ауыл шаруашылығы секторын дамыту.

Зәйтүн баулары Қазақстанда сирек кездеседі, бірақ Маңғыстаудың оңтүстік климаты олардың өсуіне өте қолайлы. Егер плантациялардың дамуы жоспар бойынша жүрсе, Қарақия ауданы зәйтүн және зәйтүн майын өндіру орталығына айналуы мүмкін.

Бұл бастама ауыл шаруашылығын нығайту бағдарламасының бір бөлігі болып табылады. 2025 жылы аудандағы 25 шаруашылық 165 гектар ашық жерге егін ексе, 8 жылыжайда жалпы аумағы 2 гектар болатын ауыл шаруашылық өнімдері өсірілді. Жыл қорытындысы бойынша шамамен 3 000 тонна өнім жиналды.

Сонымен қатар, алты шаруашылық техниканы жаңарту және тыңайтқыш алу үшін 7,5 млн теңге мемлекеттік субсидия алды. «Ауыл аманаты» бағдарламасы аясында СПК «Каспий» базасында екі жаңа кооператив құру жобасы да мақұлданды.

Осылайша, зәйтүн көшеттерін отырғызу мен аграрлық инфрақұрылымды жаңарту өңірде ауыл шаруашылығы өнімінің көлемін арттыруға, жаңа жұмыс орындарын құруға және Қарақия ауданын аграрлық даму үлгісіне айналдыруға мүмкіндік береді.

 
 
 
 
 
 
 

 

Маңғыстауда лауазымды полицейлерге қатысты шу: Ақтауға арнайы комиссия келді

 

   el24.kz  Маңғыстау облысында бірқатар лауазымды полицейлерге қатысты “қылмыстық топ құрды” деген айып төңірегінде тараған ақпарат қоғамда үлкен резонанс туғызды. Осыған байланысты Ақтауға арнайы комиссия келіп, тексеріс жұмыстары басталды.

Маңғыстау облыстық Полиция департаментінің мәліметінше, бұл жағдай бойынша департамент басшысы Сағындық Аяғанов өзі бастама көтеріп, Ішкі істер министрлігіне және тиісті мемлекеттік органдарға интернетте таралған ақпараттың анықтығын тексеруді сұрап ресми өтініш жолдаған.

“Департамент басшысы қоғам алдында ашықтықты қамтамасыз ету үшін тексеру жұмыстарына мәслихат депутаттары мен қоғам белсенділерін тартуды ұсынды”, — деп хабарлады Маңғыстау ПД өкілі.

Қазіргі уақытта ІІМ тарапынан арнайы топ өңірге келіп, материалдарды зерттеуге кірісті. Тексеріс нәтижесі бойынша қосымша ақпарат ресми түрде жарияланатыны айтылды.

Маңғыстау Полиция департаменті қоғамды тек ресми ақпарат көздеріне сүйенуге шақырып, толық әрі нақты мәліметтер тек тексерістен кейін ұсынылатынын жеткізді.

Қазақстандағы АЭС құрылысы 2029 жылы басталады

 

  el24.kz Атом энергиясы жөніндегі агенттік төрағасы Алмасадам Сәтқалиев Қазақстандағы атом электр станциясының (АЭС) құрылысы 2029 жылы басталатынын хабарлады.

Сәтқалиевтің айтуынша, жоба қазіргі таңда алғашқы құрылымдық бетон құюға дайындық кезеңінде тұр. Бұл кезең АЭС құрылысында өте маңызды және күрделі процесс болып саналады, себебі ол кең ауқымды инженерлік зерттеулерді қажет етеді.

«Бұл кезеңге жету үшін техникалық құжаттар, жобалық зерттеулер, жабдықтарды таңдау және қауіпсіздік талаптары толық тексерілуі қажет», – деді агенттік төрағасы.

Сәтқалиев түсіндіргендей, «алғашқы бетон» жобаның нақты құрылысы басталғанын білдіреді. Алайда, нақты мерзім жабдықтың құрамына және жобалық жұмыстарға байланысты өзгере алады. «Әзірге нақты айту қиын, бірақ Ресейдің жоспары бойынша құрылыс 2029 жылы басталады деп болжап отырмыз. Келесі жылы жобалық зерттеу жұмыстары жалғасады», – деді ол.

Қазақстандағы АЭС құрылысы ел үшін стратегиялық маңызды жоба болып табылады және оның қауіпсіздігі мен сапасына ерекше көңіл бөлінеді.

 

Мажилисте медициналық қызметкерлерге қарсы зорлық үшін жазаны күшейту мәселесі талқыланды

 

 el24.kz Қазақстанда медициналық қызметкерлерге қарсы жасалатын зорлық-зомбылық үшін жазаны күшейту мәселесі Мажилисте қызу талқыланды. Соңғы уақытта дәрігерлерге, фельдшерлерге және жедел жәрдем жүргізушілеріне шабуыл жасау оқиғалары жиілегеннен кейін, бұл тақырып қоғамда да, Парламентте де маңызды мәселеге айналды.

Бүгін Мажилис депутаттары медициналық қызметкерлердің қауіпсіздігін қамтамасыз етуді көздейтін заң жобасын қарап, оны дауысқа салды.

Талқылау барысында депутаттар медицина қызметкерлерінің жұмысы жоғары жауапкершілік пен тәуекелді талап ететінін атап өтті. Денсаулық сақтау министрлігі ұсынған заң жобасы Қылмыстық кодекске жаңа 158-1 бапты енгізуді қарастырады. Бұл бап медициналық қызметкерлерге қатысты қорқыту, күш көрсету, қызметіне кедергі келтіру немесе шабуыл жасау секілді әрекеттерге нақты жауапкершілікті белгілейді.

Заң жобасына сәйкес, медқызметкерді қорқыту немесе оған қысым көрсету үшін жеңіл жаза — еркіндікті шектеу қарастырылған. Ал физикалық күш қолдану анықталса, 2 жылдан 7 жылға дейін бас бостандығынан айыру жазасы ұсынылады. Егер шабуыл төтенше жағдай, дағдарыс кезеңі немесе жаппай тәртіпсіздік кезінде жасалса, жаза 10 жылға дейін ұлғайтылады. Топтық шабуыл немесе бірнеше медицина қызметкеріне бір мезетте күш көрсету фактілері үшін 15 жылға дейін қылмыстық жаза қарастырылмақ.

Сонымен қатар, жобада медициналық қызметкерге келтірілген материалдық немесе моральдық зиянды өтеу тетігі енгізілген. Бұл шабуыл жасаған адамның зардап шеккен маманға өтемақы төлеуін міндеттейді. Депутаттар талқылау барысында қызметкерлерді кәсіби тәуекелдерден сақтандыруды кеңейту мәселесін де көтерді.

Заң жобасын енгізу бастамасы Мемлекет басшысы Қасым-Жомарт Тоқаевтың тапсырмасымен ұсынылған. Президент медицина қызметкерлерін қорғау — мемлекет алдындағы басым міндеттердің бірі екенін атап өткен болатын. Себебі соңғы жылдары фельдшерлер мен дәрігерлердің өз қызметін атқарып жүргенде шабуылға ұшырауы және ауыр жарақат алуы сияқты оқиғалар қоғамда үлкен резонанс тудырды.

Министрлік өкілдері заң жобасы қабылданса, медициналық қызметкерлердің қауіпсіздігін арттыруға, олардың қызметтік міндетін қорғауға және осындай құқық бұзушылықтарды азайтуға мүмкіндік беретініне сенімді. Талқылаудан кейін құжат Мажилис қарауынан өтіп, келесі кезеңде Сенатқа жіберілуі мүмкін.

Бұл бастама — медицина саласының қызметкерлерін қорлаудан, қысымнан және зорлықтан қорғаудың кешенді шараларының бір бөлігі. Қоғамдық денсаулық сақтау жүйесінің тұрақты жұмысын қамтамасыз ету үшін олардың қауіпсіздігі маңызды болып отыр.

Подробности
Категория: Тылсым дүние

Өмірде не болмайды дейсіз… Адам сенгісіз әртүрлі оқиғалар орын алып жатады. Тағдырдың тарамыс жолдары талай жандарды тепкіге салады. Өмірде болған бір оқиға баяндап берейін. Әңгіме газет бетінде жарияланған. …

Әжемнің ауылында, бір отбасында анасы мен баласы тұрыпты. Жігіттің өзгелерден ерекшелігі, біріншіден гармонда керемет ойнайды, екіншіден летаргиялық ұйқыға жиі кетіп, апталап тіпті екі аптадай ұйықтайды екен. Анасы осыны білетіндіктен мұндайда қатты уайымға салынбайтын көрінеді.

Подробности
Категория: Проза

Ғани Әлихан

Болған оқиға ізімен...

Әрине ауылға келіп оқуымнан екі- үш күнге сұранып келдім деген соң көп жүре алмадым . Оның үстіне мен әкелген азын- аулақ ақшаны әкем алып Ордаға кетті . Қарап отырып баласын кім қаматсын , сорлылар зыр жүгіріп сергелдеңге түсті . Ағайын туыс жиналып қолдарындағы барын беріп жатты .

Подробности
Категория: Даңқ пен Дақпырт

28 маусым - баспасөз күніне орай " el24.kz" порталы үкіметтік емес ұйымдардың қолдауымен еліміздің бес бірдей аймағында сауалнама жүргізіп, аймақтардағы телеарналардағы танымал жүргізушілерді анықтады:

Подробности
Категория: Сырласу

Қайырлы күн, "Сырласу" клубы!

Жас болсам да, адамдардан қатты  көңілім қалды.  Биыл мектепті аяқтадым. Ел сияқты, тойлауға шамам жоқ. Ата-анамның жанын бір күн үшін ауыртқым келмеді. Тұрмысымыз мəз емес. Менен кейін алты сіңілім бар. Əкем ұлы болмаған соң көп ішеді.  Əкем ащы суға жақын болған соң бізді ауылда ешкім менсінбейді.  Менімен адамдармен дастархандас болып, өзіме мүсіркей қарағанын қаламадым. Сондықтан, мектеп  бітіру кешіне бармадым.

Подробности
Категория: Проза

Болған оқиға желісімен

Ғани Әлихан

Алматыдағы жоғарғы оқу орындарының біріне студент атанғанымды естіп жаным жай тапты . Бірақ , Айша Тұрманқызы пәлендей оқуға қабылданды деген справкадан басқа қолымда түк болмады . Тап осы күні біреу сенер біреу сенбес , мен сол оқу орныма бірде бір рет барып көрмеппін .

Подробности
Категория: Елең еткізер

Қазақстандық жігіттер өздеріне жар таңдауда көбінесе не мәселеге мән береді? Олар үшін қыздың пәк болуы, ажарлы, сымбатты, бойшаң, бай отбасынан шығуы маңызды ма? Осы жайында Newtimes.kz қазақстандық жігіттердің арасында сауалнама жүргізіп көрді.

Подробности
Категория: Проза

Болған оқиға желісімен

Ғани Әлихан

Жұмысының жөнді жүрмей жатқанын айтқан Мұрат бұл келгенде көп отырмады . Бар жоғы бір сағаттың ішінде қажетін бітіріп өз жөнімен кете барды . Төсегім үшін тастаған ақшасыда мардымсыз болып , бас аяғы бес мыңға жетпеді . Соңғы күндері осы Мұратты сайтан түртіп жүрген сияқты . Өйткені бұрынғыдай ынтасы байқалмайды . Сондай - ақ өлдім , күйдім , сүйдім деген сөзді де көп айтпайтын болды .

Подробности
Категория: Сырласу

  • Сәлеметсіздер ме, құрметті оқырман! Сіздерден сұрай-тұғын ақыл-кеңесім бар. Менің жеңгем бар. Үйімізге келін болып түскеніне бірнеше жылдың жүзі болды. Айтсам өзімізді мақтағандай боламын. Дегенмен, өтірік айтып не қылам, айтқанымның ешқайсысы жалған емес. 

    Осы уақытқа дейін жеңгемді сыйлап келдім. Үйді сықитып жуып, балаларын шомылдырып, бар ыдысты өзім жалтыратып жуып отырмын. Ал енесі, яғни менің анам нағыз алтын ене.

    Подробности
    Категория: Проза

    Болған оқиға желісімен...

    Ғани Әлихан

    Қазірше менің ең жақын құрбым бұл Мика деген қыз. Өзі Семей жақтан, алыс ауылдан келген қыз. Жас шамасы өзіммен түйдес құрдас, тіпті бір айда туыппыз.Тек оның менен үш - ақ күнге үлкендігі  бар. Осы екеуміздің етене араласып бастағанымызға бір айдың жүзі болды  Екеуміз Қазақстанның екі бұрышынан келсекте тезде танысып тіл табысып кеттік.

    Подробности
    Категория: Керек кеңес
    Мұндай қолайсыз жағдайға тап болған жан араларыңыздан міндетті түрде табыларына еш күмәнім жоқ. Әсіресе, қоғамдық орындарда киіміне сағыз жабыстырып алып, одан қалай «құтылудың» жолын таппай жататындар көп кездеседі. Ендеше, киімге жабысқан сағызды тазалаудың жолдарын қарастырып көрелік.

    Жалпы, сағызды киімнен тазалау үшін ол киімнің материалына, түр-түсіне, сапасына аса мән берген жөн. Мысалы, түсі оңып кететін маталарға сағыз жабысқан жағдайда ацетон немесе спирт, сондай-ақ ыстық суды да қолданбаған жөн.

    Подробности
    Категория: Сырласу
       Басындағы бақты кеш білетін адамның қашанғыдан бергі əдеті десем, артық айтқаным болмас. Менің де басымнан бір   сабақ болар жағдай өтті. Өзім екі құрсақ көтерген анамын.  Екеуі де ұл перзент. Сол екі ұлымды да ел  қатарлы өсіріп, екеуін де аяқтандырдым. Бірінші келінімді келген күннен ұната қоймадым. Өзі Ашхабадтың қазағы еді. Ауызындағы сөзін дұрыстап сөйлей алмайтын адам деп қарайтынмын, айтар сөзін суырып алатындай көретінмін. 

    Подробности
    Категория: Проза

    Болған оқиға желісімен

    Ғани Әлихан

    Барымды бойыма тағып, қымбат киімдерімді киіп өзім ойлаған күні темір жол вокзалына жеттім . Қалтамда жүз мың теңгеден көп қомақты ақшам бар. Ол күнгі жүз мың теңге дегенің осы күнгі миллионнан құдіретті ақша ғой. Ал жанымда сөмкемді көтеріп құрдай жорғалаған сомбалдай азамат Оралхан жүр. Тек, өкініштісі сол бұл жігіттің тап бүгін құшағын көруді құдай жазбады.

    Подробности
    Категория: Телеәлем
    М. Идаятқызы
    Аударма Мұсабеков Алмасқа арналады.

    Бəрінен жалыққанда,
    Жүрегім зарыққанда.
    Бал күнді сағынамын,
    қош деген бір-ақ таңда.

    Подробности
    Категория: Әлем жаңалықтары

    Үндістанда жаңадан отау құрған азамат жарымен бір апта тұрған соң ажырасуға арыз берді. Сол уақытқа дейін ол әйелінің түрін бояусыз көрмеген деп хабарлайды Lemurov.net сайтына сілтеме жасаған NUR.KZ.

    Үндістанда қалыптасқан дәстүр бойынша, жігітке қалыңдықты туыстары таңдап, тойда ол бетін орамалмен жауып алған. Оған қоса қалың бояудан да оның шын бейнесін көру мүмкін болмапты.

    1. Жарқанатпен дуа жасапты
    2. Түнгі Ханшайым(9- бөлім)
    3. Түнгі ханшайым(8- бөлім)
    4. Күйеуімді сағындым...