Қарағандыда 56 жастағы стример әлеуметтік желідегі әрекеті үшін 10 тәулікке қамалды

 

 el24.kz Қарағанды облысында полиция TikTok әлеуметтік желісіндегі 56 жастағы стримердің әрекетін анықтап, оған қатысты әкімшілік шара қолданды.

Қарағанды облысы полиция департаментінің мәліметінше, интернет кеңістігіне жүргізілген мониторинг барысында Қарағанды қаласының тұрғыны Еркен Жантыкпаевтың TikTok желісіндегі белсенділігі назарға алынған. Ол әйелдер киімін киіп, құқыққа қайшы мазмұндағы бейнематериалдар жариялаған.

Полиция аталған дерек бойынша тиісті шаралар қабылдап, материалдарды сотқа жолдаған. Сот қаулысымен азаматқа 10 тәулік әкімшілік қамау жазасы тағайындалып, оған ресми ескерту жасалған.

Қазіргі уақытта стример әлеуметтік желілердегі аккаунттарын жойған. Дегенмен полиция оның әрекетіне қатысты бақылауды жалғастырып отыр.

Құқық қорғау органдарының мәліметінше, берілген ескерту талаптарын қайта бұзған жағдайда, қолданыстағы заңнамаға сәйкес неғұрлым қатаң жауапкершілік қарастырылуы мүмкін.

Полиция азаматтарды әлеуметтік желілерді пайдалану кезінде заң талаптарын сақтауға және қоғамдық тәртіпке қайшы, құқыққа сыйымсыз контент таратпауға шақырды.

Полицияның айтуынша, интернет кеңістігіндегі заң бұзушылықтарға мониторинг жүргізу және анықталған фактілер бойынша тиісті құқықтық шаралар қабылдау жұмыстары жалғасады.

Telegram-дағы «жеңіл жұмысқа» сенген 20 жастағы елордалық алаяқтық үшін 3 жылға сотталды

 

 el24.kz Telegram мессенджеріндегі «жеңіл жұмыс» туралы хабарландыруға сенген 20 жастағы елордалық тұрғын алаяқтық қылмыстық схемаға араласқан. Ол Петропавл қаласында үш тұрғынды алдау арқылы жасалған қылмысқа қатысып, сот үкімімен 3 жылға бас бостандығынан айырылды. Бұл туралы Polisia.kz хабарлады.

Қылмыстық схемаға қатысушылар егде жастағы адамдарға құқық қорғау органдарының қызметкерлері ретінде телефон соққан. Олар жәбірленушілердің жақындары жол-көлік оқиғасына кінәлі болғанын айтып, оларды қылмыстық жауапкершіліктен босату үшін ақша қажет деп сендірген.

Алаяқтардың сөзіне сенген үш Петропавл тұрғыны қолындағы қолма-қол ақшаларын берген. Жәбірленушілерге келтірілген шығын көлемі 1 миллионнан 3 миллион теңгеге дейін жеткен.

Қылмыстық топтың мүшелері ақшаны өздері алмай, оны курьерлер арқылы жеткізуді ұйымдастырған. Алаяқтық схемаға қатысы барын білмеген такси жүргізушілері ақшаны «сәлемдеме» ретінде алып, белгіленген мекенжайларға жеткізген.

Ал бұл ақшаны қабылдап, кейін оны қылмыскерлер көрсеткен орындарға жасыратын адам қажет болған. Осы рөлді Telegram арқылы «жеңіл жұмыс» іздеген 20 жастағы елордалық атқарған.

Жас жігіт осы мақсатпен арнайы Петропавлға келген. Өткен жылдың 8 және 9 қыркүйегінде ол үш «сәлемдемені» қабылдап, оларды алдын ала белгіленген орындарға — бұталардың арасына және қоқыс жәшіктеріне жасырған.

Петропавл полициясына алғашқы арыздар түскеннен кейін жедел уәкілдер күдіктінің жеке басын анықтап, оны ұстады. Тергеу барысында жиналған дәлелдер оның алаяқтық схемаға қатысын растады.

Сот жас жігітті қылмысқа қатысы бар деп танып, 3 жылға бас бостандығынан айыру жазасын тағайындады. Сонымен қатар оған жәбірленушілерге келтірілген залалды ішінара өтеу міндеті жүктелді.

Сот шешімі заңды күшіне енді.

Полиция азаматтарды әлеуметтік желілер мен мессенджерлердегі «жеңіл жұмыс», «жоғары табыс» немесе «тәжірибесіз жұмыс» туралы күмәнді ұсыныстарға сақтықпен қарауға шақырады.

Құқық қорғау органдарының мәліметінше, қылмыстық схемаға тікелей қатыспай, тек ақша немесе басқа да заттарды алып, көрсетілген жерге жеткізу сияқты әрекеттердің өзі қылмыстық жауапкершілікке әкелуі мүмкін.

Қостанайда бұрынғы әйелін қызғаныштан атып өлтірген ер адам 12 жылға сотталды

 

  el24.kz Қостанайда бұрынғы әйелін аңшылық карабинмен атып өлтірген ер адамға қатысты сот үкімі шықты. Ол 12 жылға бас бостандығынан айырылды. 

Қайғылы оқиға 2026 жылдың наурыз айында Қостанай қаласында болған. Сотта анықталғандай, бұрынғы ерлі-зайыптылар арасында қызғанышқа байланысты жанжал туындаған. Сол кезде ер адам аңшылық карабинін алып, бұрынғы әйеліне екі рет көздеп оқ атқан. Оқ әйелдің басы мен кеуде тұсына тиген. Алған жарақаттарының салдарынан 37 жастағы әйел оқиға орнында қаза тапқан.

Қылмыс жасағаннан кейін ер адам оқиға орнынан кетіп қалған. Алайда көп ұзамай полицияға өз еркімен барып, кінәсін мойындаған. Бұған дейін полиция оның өзіне тіркелген аңшылық қаруын тәркілегенін хабарлаған еді.

Іс Қостанай қаласының мамандандырылған ауданаралық қылмыстық істер жөніндегі сотында қаралды. Сотталушы сот отырысында өз кінәсін толық мойындаған.

Мемлекеттік айыптаушы оған 14 жыл бас бостандығынан айыруды сұраған. Ал марқұмның туыстары барынша қатаң жаза тағайындауды талап еткен.

Сот ер адамды Қазақстан Республикасы Қылмыстық кодексінің 99-бабының 1-бөлігі бойынша қасақана адам өлтіргені үшін кінәлі деп таныды. Бұл бап бойынша 8 жылдан 15 жылға дейін бас бостандығынан айыру жазасы қарастырылған.

Жаза тағайындау кезінде сот оның полицияға өз еркімен келіп, кінәсін мойындағанын және шын жүректен өкінгенін жеңілдететін мән-жай ретінде ескерген. Ал жауаптылықты ауырлататын мән-жайлар анықталмаған. Осыған байланысты сот 12 жыл бас бостандығынан айыру жазасын тағайындады.

Сотталған азамат жазасын қылмыстық-атқару жүйесінің орташа қауіпсіздік мекемесінде өтейді.

Сонымен қатар, жәбірленуші тараптың азаматтық талабы ішінара қанағаттандырылып, сотталған адамнан марқұмның жақындарына моральдық зиянды өтеу үшін өтемақы өндіріп алу туралы шешім қабылданды.

Сот үкімі әзірге заңды күшіне енген жоқ және оған заңда белгіленген тәртіппен шағым жасалуы мүмкін.

Әлеуметтік осал азаматтарға жалдау ақысының 50 пайызы субсидияланады

 

  el24.kz Қазақстанда әлеуметтік осал санаттағы азаматтарға жеке тұрғын үй қорынан жалға алынған баспананың ақысының бір бөлігін субсидиялау бағдарламасы жүзеге асырылып жатыр. Бағдарлама Мемлекет басшысының тапсырмасына сәйкес іске қосылған. Оның операторы – «Отбасы банкі».

Бағдарлама аясында тұрғын үйді жалдау ақысының 50 пайызы мемлекет есебінен төленеді, ал қалған 50 пайызын субсидия алушы өзі өтейді.

45 мыңнан астам отбасы субсидия алған

Ресми мәліметке сәйкес, 2022 жылдан бері тұрғын үйді жалдау ақысын субсидиялау бағдарламасы бойынша 45 514 отбасы мемлекеттік қолдауға ие болған.

Олардың ішінде 34 246 отбасымен жасалған келісім мерзімінен бұрын тоқтатылған. Оның 20 424-і кейін жалға берілетін немесе кредиттік тұрғын үй алған. Ал 13 822 отбасының келісімі бағдарлама талаптарының сақталмауына байланысты бұзылған.

Қазіргі уақытта 11 268 отбасы тұрғын үйді жалдау ақысына берілетін субсидияны алып отыр.

Кімдер субсидия ала алады?

Бағдарламаға әлеуметтік осал санатқа жататын азаматтар өтініш бере алады. Атап айтқанда:

  • бірінші және екінші топтағы мүгедектігі бар адамдар;
  • мүгедектігі бар балаларды тәрбиелеп отырған отбасылар;
  • жетім балалар;
  • көпбалалы отбасылар.

Бұл ретте отбасының әр мүшесіне шаққандағы кейінгі алты айдағы жиынтық табысы күнкөріс минимумының бір еселенген мөлшерінен аспауы тиіс.

Сонымен қатар өтініш беруші тұрғын үйге мұқтаж ретінде әкімдікте есепте тұрғанын растауы қажет.

Өтініш қалай беріледі?

Субсидия алуға өтініш «Отбасы банкінің» ресми сайты арқылы беріледі.

Өтініш рәсімделген кезде тұрғын үй иесі жалдау келісімін электрондық цифрлық қолтаңба (ЭЦҚ) арқылы растауы қажет.

Бағдарламаның барлық талаптары орындалған жағдайда банк, субсидия алушы және тұрғын үй иесі арасында үшжақты келісім жасалады.

Осыдан кейін мемлекет тұрғын үйді жалдау ақысының өз үлесін келісімде белгіленген мерзімде төлейді.

Мемлекеттік қолдаудың мақсаты

Тұрғын үйді жалдау ақысын субсидиялау әлеуметтік осал азаматтардың баспана шығындарын азайтып, жеке тұрғын үй қорынан баспана жалдауға мүмкіндік беруге бағытталған.

Бағдарламаға қатысушылар белгіленген талаптарға сәйкес келуі керек. Сондықтан өтініш бермес бұрын отбасының табысы, тұрғын үйге мұқтаж ретінде есепте тұруы және басқа да талаптарға сәйкестігін тексеру маңызды.

 

«Қазақстан халқына» қоры талапкерлерге арналған білім гранттарының санын 350 орынға арттырды

 

  el24.kz «Қазақстан халқына» қоры талапкерлерге арналған білім беру гранттарының санын қосымша 350 орынға арттырды. Қосымша гранттар негізінен ауылдық елді мекендерде, сондай-ақ шағын және моноқалаларда орналасқан мектептердің түлектеріне арналған.

Бағдарлама жастардың жоғары білім алу мүмкіндігін кеңейтуге және әлеуметтік қолдауды қажет ететін талапкерлерге қолдау көрсетуге бағытталған.

Грантқа кімдер қатыса алады?

Қосымша білім гранттарына ауылдық елді мекендерде, шағын және моноқалаларда орналасқан мектептердің түлектері үміткер бола алады.

Конкурсқа қатысу үшін талапкердің жасы 25 жастан аспауы тиіс. Яғни 25 жасқа толған азаматтар да грант конкурсына қатысуға құқылы.

Бағдарлама аясында әлеуметтік осал санаттарға жататын жастарға басымдық беріледі.

Атап айтқанда:

  • жетім балаларға және кәмелетке толғанға дейін ата-анасының қамқорлығынсыз қалған балаларға;
  • мүгедектігі бар азаматтарға;
  • мүгедектігі бар балалар тәрбиеленетін отбасылардың балаларына;
  • ата-анасының бірі мүгедектігі бар балаларға басымдық беріледі.

Грант иегерлеріне шәкіртақы төленеді

Грант иегерлері жоғары оқу орнында білім алу мүмкіндігіне ие болып қана қоймай, ай сайын 60 мың теңге көлемінде шәкіртақы алады.

Бұл қолдау жастардың оқу кезеңіндегі қаржылық жүктемесін азайтып, білім алуға толық көңіл бөлуіне мүмкіндік беруді көздейді.

Ауыл жастарына жаңа мүмкіндік

Қосымша 350 гранттың бөлінуі ауылдық жерлерден, шағын және моноқалалардан шыққан жастар үшін жоғары білім алуға мүмкіндік беретін қосымша жол ашады.

Әсіресе әлеуметтік жағдайына байланысты мемлекеттік білім грантына түсу мүмкіндігі шектеулі талапкерлер үшін бұл бағдарлама маңызды қолдау болмақ.

Қордың бастамасы арқылы ауылдық жерлердегі талантты жастардың білім алуына жағдай жасап, олардың болашақта кәсіби маман ретінде қалыптасуына мүмкіндік беру көзделіп отыр.

Талапкерлерге конкурс талаптарын, қажетті құжаттар тізімін және өтініш қабылдау мерзімдерін алдын ала нақтылап алған жөн.

Алматыда ер адам енесіне зорлық-зомбылық жасады деген күдікпен ұсталды

 

 el24.kz Алматыда ер адам өзінің енесіне зорлық-зомбылық жасады деген күдікке ілінді. Оқиға 17 тамызда болғаны хабарланды.

Алдын ала мәлімет бойынша, күдікті 1961 жылы туған енесінің үйіне қонаққа, «шай ішуге» барған. Кейін әйелдің дәрменсіз жағдайын пайдаланып, оған жыныстық сипаттағы зорлық-зомбылық әрекеттерін жасаған деген күдік бар.

Оқиға туралы жәбірленушінің қызы білгеннен кейін полицияға арызданған. Қазіргі уақытта құқық қорғау органдары істің мән-жайын анықтап жатыр.

Хабарланған мәліметтерге сәйкес, жәбірленуші бұған дейін ауыр жол-көлік оқиғасына тап болып, содан бері денсаулығына байланысты қиындықтарға кезіккен. Соған қарамастан, ол үш баласын тәрбиелеп отырған. Балаларының бірінің ерекше қажеттілігі бары да айтылды.

Істің неге созылғаны айтылды

Оқиғаға қатысты әлеуметтік желілерде істің қаралуы созылып кеткені туралы ақпарат тараған. Бұған сот-медициналық сараптамаға қажетті құжаттардың дұрыс рәсімделмеуі және полиция мен сарапшылар арасындағы бюрократиялық мәселелер себеп болғаны айтылған.

Алайда бұл мәліметтерге қатысты құқық қорғау органдарының ресми түсіндірмесі әзірге ашық дереккөздерде жарияланбаған.

Осыған байланысты қоғам белсенділері Алматы қаласының прокуратурасы мен заңгерлерді істің заң талаптарына сәйкес қаралуын бақылауға шақырған.

Тергеу жалғасуда

Алматы қаласының прокуратурасы заңдылықтың сақталуын қадағалайтын және мемлекет атынан қылмыстық қудалауды жүзеге асыратын орган болып табылады.

Алматы қаласының полиция департаменті қылмыстық құқық бұзушылықтар бойынша тергеу және анықтау жұмыстарын жүргізеді.

Қазіргі таңда аталған оқиға бойынша істің нақты құқықтық саралануы, күдіктінің процессуалдық мәртебесі және сотқа дейінгі тергеп-тексерудің нәтижелері туралы ресми мәлімет күтілуде.

Кінәлілік соттың заңды күшіне енген үкімімен ғана анықталатынын ескеру қажет. Сондықтан тергеу аяқталғанға дейін күдіктіге қатысты айыптау сипатындағы тұжырымдар жасауға болмайды.

Подробности
Категория: Елең еткізер

Қазіргі таңда педофилді химиялық жолмен піштіруге бағытталған дайындық жұмыстары жүргізіліп жатыр.

Түркістан облысы елімізде алғаш рет педофилді химиялық жолмен піштіруге дайындалып жатыр. Биыл қылмыскерлердің жыныстық қарым-қатынасқа деген құштарлығын басуға бағытталған шараларға жалпы 9,5 миллион теңге (27 мың доллар) бөлінді. 

Денсаулық сақтау министрі бір пациентті химиялық жолмен піштіруге орташа есеппен 125 мың теңге (350 доллар) жұмсайды. Медициналық сипаттағы химиялық жолмен піштіру шарасы сот шешімімен жүргізіледі. 2016 жылы мемлекет басшысы Нұрсұлтан Назарбаев балалар құқығын қорғау мақсатында түзетулер енгізілген заңнамаға қол қойды. 

Подробности
Категория: Тылсым дүние

- Жаным, сен мені мәңгілік сүйесің бе?

- Әрине!

- Егер мен о дүниелік болсам да сүйесің бе?

 - Онда бұдан да қатты сүйетін болам! 

Подробности
Категория: Сырласу

Сәлеметсіздер ме, мен бір сырыммен бөліссем деймін.

Мен жетімдер үйінде өскенмін.Ата –анам жөнінде ештеңе білмеймін.15- жасыма толғанан бастап жұмыс жасап үйрендім.

Бір күні бір апайым,бір үйде жұмыс бар,барасың ба?-деді.Қуана келістім,ойымда ештеңе жоқ.Үйін тазалап, жуып бер,ақшасын береді деді.

Подробности
Категория: Әлем жаңалықтары

Мэл есімді әйел өзінің күйеуінің жиі іс-сапарға апаталап жоғалып кететініне қатты қынжылғанын айтты. Марти үйге келе сала компьютерге жұмыс істеймін деп отырып алады екен. Ол күйеуінің басқа әйелі бар екенін ноутбуктегі кездейсоқ хабарламадан білген.

Подробности
Категория: Даңқ пен Дақпырт

1,5 жыл бойы жеке өмірін жұрттан жасыруға тырысқан Мөлдір Әуелбекова жақында құпияның бетін ашқан еді. Әнші күйеуі Арыстанмен әлдеқашан ажырасып кеткенін айтты. Мұны естіген жанкүйерлері әнші үшін алаңдаушылық білдірді, деп жазады Stan.kz тілшісі.

31 арнаның “Айта берсін” бағдарламасына сұхбат берген Әуелбекова бұрынғы жарының ұлы Салтайды іздемейтінін айтып, жылап қалды.

Подробности
Категория: Елең еткізер
Алматыда психологиялық ауруханадан қашып кеткен үш жасөспірім кешеден бері табылмай жатыр.

ҚазАқпарат жазғандай, 14 жастағы Маргарита Козлованы анасы дүйсенбі күні Абай мен Сейфуллин қиылысындағы республикалық психологиялық денсаулық орталығына жатқызған. Анасы Фаиманың айтуынша, қызының көзіне қос көріне бастаған. «Сәрсенбі кешкі 17:00 шамасында 13, 16, 14 жастағы жасөспірімдер ауруханадан қашып кеткен. Олардың қашып шыққан сәті сыртқы бақылау камераларына түсіп қалған. «Бірден полицияға хабар берілді. Буран экипажы келіп, деректі тіркеді. Содан бері үшінші тәулікке кетіп барады балалар табылмады. Қасындағы 13 және 16 жастағы бала мен қыз бұрын да қашып үйренген деп естідім. 

Подробности
Категория: Елең еткізер

Елбасы Ресей Президенті Владимир Путинмен телефон арқылы сөйлесті. 

Мемлекеттер басшылары өңірлік және халықаралық күн тәртібіндегі өзекті мәселелер жөнінде пікір алмасты, деп хабарлайды Ақорданың ресми сайты. 
 
Қазақстан Президенті Сирияда ИЛ-20 ұшағының апатқа ұшырауы салдарынан Ресей әскери қызметшілерінің қаза табуына байланысты Владимир Путинге көңіл айтты. 

Подробности
Категория: Мырс етер

Адамды түлен түртем десе демде екен, құрып кеткір, Әңкөш азанымен «кесей, Тәңкіш екеуміз отырмыз» деп звондағаны. Бастары қосылса әлемнің мәселесін шешпейтінін білем, көмейім бүлк ете қалды да, «қаз барам» дедім. 
Айтылған соң болды да, көп кешікпей жеттім, барсам, екеуінің екі жағында екі әйел, шалқып отыр жарықтықтар. 
- Қыздар танысып қойыңдар. Мынау біздің служагымыз, - деді Әңкөш. Сраз түсіндім, екеуі біраз жерге барып қалған.

Подробности
Категория: Керек кеңес

1 тәсіл

Түнгі мезгілде әр бәтеңкеңізге ас қасық ас содасынан сеуіп қойыңыз. Таңертең қағып, иістің жойылғанына қуанатын боласыз.

Подробности
Категория: Сырласу

Затымыз әйел болғасын әйелдермен әңгімелесіп, сыр бөлісіп жүреміз ғой. Сондай әңгімелерден байқағаным, көп отбасыларда әдетте үйдің бар жауапкершілігін әйелдер арқалайды екен. Үй салу, той жасау, қара қазан мен сары баланың қамын да бүгінде әйелдер ойлайтын болыпты. Тіпті денсаулығын құртып, өмірін сарп еткендерді де көріп жүрміз. Сондай отбасылардағы еркектің жауапкершілігі қайда? Жатыпішер, масыл ер қайдан шығады деген сұрақ көкейді еріксіз мазалайды екен.  Сөзім құрғақ болмас үшін өзім сырына қанық әйелдердің өмірлері жайлы жазуды жөн көрдім. 

Подробности
Категория: Тылсым дүние

-Әкем айтқан сол бір әңгіме мен өзім куә болған мына бір оқиға қанша жылдар өтсе де ойымнан кетпестей орнығып қалды,-деді нағашым (марқұм) менің тылсым жайлар туралы білгім келген ниетімді аңғарғаннан кейін.

Подробности
Категория: Елең еткізер

Атышулы іс бойынша барлық үш күдікті үшін де қамауда ұстау мерзімі тағы бір айға созылды.
Алматыда Денис Теннің өліміне күдіктілер 23 қазанға дейін қамауда отыратын болды. «Алматы қаласының мамандандырылған тергеу соты 11-12 қыркүйекте арнайы қаулы шығарды.  

Күдіктілерді қамауда ұстау мерзімі 3 айға дейін, яғни 23 қазанға дейін созылды», - деді қалалық соттың баспасөз хатшысы Диас Махамбетов. Еске салсақ, қазақстандық мәнерлеп сырғанаушы Денис Тен 19 шілде күні пышақ жарақатынан қаза болған еді. 

Подробности
Категория: Сырласу

Күйеуімді бір көргеннен ұнаттым деп айта алмаймын. Қазанның түпкі күйесі сияқты қаралығы мені шошынтқан басында. Жүре-бара оның бойынан өзіме ұнайтын қасиеттерді біле бастадым. Әсіресе сөзге шеберлігі ұнайтын. Өзім аса сөзшең емеспін. Көп жерде ақымды жегізіп, сөз қайтара алмайтын босбелбеулігімнен көп жапа шегуші ем. Менің ақымды сол алып беретіндей-ақ көңілім құлады да тұрды. 

Подробности
Категория: Керек кеңес

Күніне үш шынаяқ шай ішсеңіз, тісіңізді түрлі аурулардан қорғай аласыз. Себебі, қара шай стрептококка және лактобактерия деп аталатын дертке шалдықтыратын екі түрлі бактерия мен тісжегіден қорғайды дейді ғалымдар.

Тіс дәрігерлері бұл бактериялар қызыл иекті зақымдайды деп отыр. Алайда, зерттеу тобының жетекшісі доктор Кэрри Ракстон күнделікті ішетін шай көлемі 3-4 кеседен аспауы тиіс екендігін алға тартты. 

  1. Аспириннің пайдасы мол
  2. Секс-қуыршаққа тапсырыс берген жігіт соттың алдынан бір-ақ шықты
  3. Канелоның допингпен ұсталғаны рас па? 
  4. Анамды   аяймын...