Ақтауда жағалауда қызбен жанжал шығарған ер адам 30 тәулікке қамауға алынды

 

   el24.kz Ақтауда сот қала жағалауында қызбен болған жанжалға байланысты жергілікті тұрғынды 30 тәулікке әкімшілік қамауға алу туралы шешім шығарды. Бұл туралы соттың ресми баспасөз қызметі хабарлады.

Сот мәліметінше, әкімшілік іс 3 тамыз күні қаралған. Іс материалдарына сәйкес, құқық бұзушылық 2 тамызда қала жағалауында болған. Сот отырысында ер адам өз кінәсін толық мойындаған.

Соттың хабарлауынша, құқық бұзушының кінәсі полиция қызметкерінің рапортымен, әкімшілік құқық бұзушылық туралы хаттамамен, №9649 медициналық куәландыру қорытындысымен және оқиға орнындағы бейнежазбамен толық дәлелденген.

Ер адамның әрекеті Қазақстан Республикасы Әкімшілік құқық бұзушылық туралы кодексінің 434-бабының 2-бөлігі («Ұсақ бұзақылық») бойынша сараланған. Аталған бапқа сәйкес, құқық бұзушыға 60-тан 100 сағатқа дейін қоғамдық жұмыстарға тарту немесе 15 тәуліктен 30 тәулікке дейін әкімшілік қамауға алу жазасы көзделген.

Істі қараған сот ең жоғары жаза түрін таңдап, ер адамды 30 тәулікке әкімшілік қамауға алу туралы қаулы шығарды. Сонымен қатар сот шешімі қазіргі уақытта заңды күшіне енбегені атап өтілді.

Еске салайық, 2 тамыз күні әлеуметтік желілерде Ақтау жағалауында түсірілген бейнежазбалар кеңінен тараған болатын. Кадрларда ер адамның қызды ұстап тұрғаны, оған қорқыту сипатындағы сөздер айтқаны және артынан аңдығаны көрінеді. Осы оқиғадан кейін полиция тексеру жүргізіп, әкімшілік іс сотқа жолданған еді.

Жапония радиосы Димашқа тағы да арнайы эфир арнайды: жаңа “AQERKE” әні алғаш рет шырқалады

 

  el24.kz 30 шілдеде Жапонияның Kiryu FM радиостанциясы Қазақстан мен Қырғызстанның халық әртісі Димаш Құдайбергеннің шығармашылығына арналған Music Forever бағдарламасының кезекті арнайы шығарылымын эфирге шығарады. Бағдарламаның басты ерекшелігі – әншінің жаңа «AQERKE» композициясының жапон радиосында алғаш рет шырқалуы болмақ. Бұл туралы ресми ақпарат DimashNews порталы жариялады.

Жапониялық радиостанция Димаштың шығармашылығын жергілікті тыңдарманға 2020 жылдан бері тұрақты түрде таныстырып келеді. Осы уақыт ішінде әншінің барлық жаңа туындылары Kiryu FM эфирінен орын алып, оның өнеріне бірнеше мәрте арнайы бағдарламалар арналды. Бұл жапон тыңдармандарының қазақ өнеріне деген қызығушылығының артып келе жатқанын көрсетеді.

Биылғы Dimash Special шығарылымы Dimash Japan Fan Club жанкүйерлер клубының қатысуымен әзірленген. Эфир барысында тыңдармандар жаңа «AQERKE» әнімен қатар Love's Not Over Yet, Kieli Meken, Love of Tired Swans, Daididau, Omir және Olimpico композицияларын тыңдай алады.

Music Forever бағдарламасы Жапонияның Гумма префектурасындағы Кирю қаласынан таратылады. Бағдарламаны жүргізушілер Кадзудзи Като мен Кёко Ямамото жүргізеді. Негізгі эфир әр айдың бірінші және үшінші бейсенбісінде Жапония уақытымен 19:06–19:59 аралығында шығады, ал қайталау көрсетілімі келесі күні 11:06-да беріледі. Егер айда бесінші бейсенбі болса, радио ұжымы арнайы музыкалық шығарылым әзірлейді.

Айта кетейік, «AQERKE» – Димаштың қазақтың халық әніне заманауи өңдеу жасаған жаңа туындысы. Ән маусым айында әлемдік цифрлық музыкалық платформаларда жарық көріп, халықаралық тыңдармандар арасында үлкен қызығушылық тудырған болатын. Енді бұл шығарма Жапония радиосының эфирінде алғаш рет орындалып, жапон тыңдармандарына жол тартады.

 
 
 

   

Ресей Павел Дуровқа терроризмге жәрдемдесу бойынша айып тақты: Telegram негізін қалаушы халықаралық іздеуге жарияланды

 

   el24.kz Telegram мессенджерінің негізін қалаушы Павел Дуровқа Ресей Федерациясының Федералдық қауіпсіздік қызметі (ФҚҚ) терроризмге жәрдемдесу бабы бойынша ресми айып тағып, оны халықаралық іздеуге жариялағанын мәлімдеді. Бұл туралы Ресейдің құқық қорғау органдарының мәліметіне сүйене отырып халықаралық ақпарат агенттіктері хабарлады.

Ресей ФҚҚ-ның мәлімдеуінше, Дуровқа Ресей Қылмыстық кодексінің 205.1-бабының 1.1-бөлігі («Террористік қызметке жәрдемдесу») бойынша қылмыстық іс аясында айып тағылған.

Ведомствоның хабарлауынша, Telegram платформасында Ресей аумағында диверсиялық әрекеттерді, терроризмді және киберқылмыстарды ұйымдастыру үшін пайдаланылды делінген бірқатар арналар, чаттар мен боттар уақытылы жойылмаған. Ресей тарапы мұны қылмыстық істің негізі ретінде көрсетіп отыр.

ФҚҚ мәлімдемесінде Павел Дуровтың халықаралық іздеуге жарияланатыны айтылған. Ресей заңнамасына сәйкес, аталған бап бойынша кінәлі деп танылған жағдайда 8 жылдан 15 жылға дейін бас бостандығынан айыру немесе өмір бойына бас бостандығынан айыру жазасы қарастырылған.

Халықаралық БАҚ-тың хабарлауынша, Павел Дуров Ресейдің айыптауларымен келіспейді. Ол бұған дейін де билік тарапынан тағылған айыптарды сөз бостандығы мен жеке өмірге қол сұғушылыққа байланысты қысым деп бағалаған. Қазіргі уақытта Telegram компаниясы Ресейдің жаңа айыптауларына қатысты толыққанды ресми мәлімдеме жариялаған жоқ.

Айта кетейік, Павел Дуров – Telegram мессенджерінің негізін қалаушы және бас директоры. Ол Ресейден кеткеннен кейін Біріккен Араб Әмірліктерінде тұрып келеді және Франция мен БАӘ азаматтығына ие. Соңғы жылдары ол бірнеше елде Telegram платформасындағы контентті реттеу мәселесіне байланысты құқықтық тексерулерге тап болған.

 
 
 
 

 

Аңызға айналған альпинист Нирмал Пурджа Пәкістандағы Броуд-Пикте қаза тапты

 

   el24.kz  Әлемге әйгілі британдық-непалдық альпинист Нирмал Пурджа (Нимсдай) Пәкістандағы Броуд-Пик шыңында болған қайғылы оқиға салдарынан көз жұмды. Бұл туралы халықаралық ақпарат құралдары мен альпинизм қауымдастығы хабарлады.

Алдын ала мәліметтерге сәйкес, қайғылы оқиға 2026 жылғы 30 шілдеде Пәкістанның Гилгит-Балтистан өңірінде орналасқан, теңіз деңгейінен 8047 метр биіктіктегі Броуд-Пик тауында болған. Шыңға көтеріліп жатқан экспедиция қар көшкінінің астында қалған.

Бастапқы ақпарат бойынша, экспедиция құрамында 10 адам болған. Өкінішке қарай, қар көшкінінен кейін аман қалғандар анықталмаған. Құтқару жұмыстары ауа райының қолайсыздығы мен таулы аймақтың күрделі жағдайына байланысты қиын жағдайда жүргізілген.

Нирмал Пурджа әлемдік альпинизм тарихындағы ең танымал спортшылардың бірі саналады. Ол 2019 жылы әлемдегі биіктігі 8 мың метрден асатын барлық 14 шыңды небәрі 189 күнде бағындырып, бұрынғы рекордтарды жаңартқан. Бұл жетістік әлемдік альпинизм тарихындағы ең ірі рекордтардың бірі ретінде бағаланады.

Кейіннен Пурджа тарихта алғаш рет К2 шыңына қыс мезгілінде көтерілген халықаралық экспедицияның негізгі мүшелерінің бірі болды. Оның бұл жетістігі әлемдегі ең қауіпті шыңдардың бірі саналатын К2-ні қысқы маусымда бағындыру мүмкін екенін дәлелдеген тарихи оқиға ретінде бағаланды.

Нирмал Пурджа әскери қызметтен кейін кәсіби альпинизмге бет бұрып, қысқа уақыт ішінде әлемдегі ең беделді альпинистердің қатарына қосылды. Ол көптеген халықаралық экспедицияларды басқарды, сондай-ақ экстремалды альпинизмді кеңінен насихаттап, жастарға шабыт берген тұлға ретінде танылды.

Қазіргі уақытта Пәкістанның құзырлы органдары мен құтқару қызметтері оқиғаның нақты мән-жайын анықтап жатыр. Альпинизм қауымдастығы Нирмал Пурджаның қазасын әлемдік спорт үшін орны толмас ауыр қайғы деп бағалап, оның отбасы мен жақындарына көңіл айтуда.

Таиландтағы қос ресейліктің өлімі: тергеу барысында тағы үш адамның мәйіті табылды

 

   el24.kz  Таиландта қаза тапқан Ресей азаматтары – 17 жастағы Роман Назимов пен оның 22 жастағы әпкесі Диана Назимоваға қатысты қылмыстық іс жаңа мәліметтермен толықты.

Жергілікті полицияның хабарлауынша, ұсталған күдіктілер қылмысты мойындап, мәйіттер жасырылған орынды көрсеткен. Тергеу барысында аталған жерден жалпы бес адамның денесі табылған.

Құқық қорғау органдарының мәліметінше, Роман мен Диананың денелерінен бөлек, тағы үш адамның сүйегі анықталған. Тергеудің алдын ала болжамы бойынша, олар қылмыстың куәгері болған бір отбасының мүшелері болуы мүмкін. Алайда бұл ақпарат әзірге ресми түрде толық расталған жоқ, олардың жеке басын анықтау және сараптамалар жүргізу жұмыстары жалғасып жатыр.

Алдын ала мәліметтерге сәйкес, қылмысқа ресейлік ағайындылар мінген мотоцикл себеп болған. Тергеу нұсқасы бойынша, бұрын сотталған жергілікті тұрғындар көлікті иемдену мақсатында Ресей азаматтарына шабуыл жасаған.

Кейін жәбірленушілердің бөлшектелген Honda ADV 150 маркалы мотоциклі күдіктілердің бірінің үйі маңынан көмілген күйде табылды. Тергеушілердің айтуынша, дәл осы айғақ күдіктілердің ізіне түсуге мүмкіндік берген.

Полицияның мәліметінше, қылмыстан кейін күдіктілер құқық қорғау органдарының назарынан тыс қалу үшін полиция қызметкерлерінің формасын киіп, іздерін жасыруға әрекет жасаған. Алайда жүргізілген жедел-іздестіру шаралары барысында олар ұсталып, қамауға алынған.

Қазіргі уақытта Таиландтың құқық қорғау органдары іс бойынша тергеуді жалғастырып жатыр. Мамандар табылған мәйіттердің жеке басын анықтау, өлім себептерін нақтылау және күдіктілердің басқа да қылмыстарға қатысы бар-жоғын тексеру жұмыстарын жүргізуде.

 

Солтүстік Кипрде қазақстандық бойжеткенге пышақпен шабуыл жасалды

 

  el24.kz Солтүстік Кипрдің астанасы Никосия қаласында орналасқан супермаркеттердің бірінде болған пышақ шабуылы салдарынан Қазақстанның 22 жастағы азаматы ауыр жарақат алып, ауруханаға түсті. Қазіргі уақытта дәрігерлер оның өмірін сақтап қалу үшін күресіп жатыр.

Жергілікті бұқаралық ақпарат құралдарының және полицияның алдын ала мәліметіне сәйкес, оқиға 3 тамыз күні сағат 11:45 шамасында Metropol Market супермаркетінде болған.

Белгісіз ер адам дүкен ішінде қазақстандық бойжеткенге бірнеше рет пышақ сұққан. Шабуылдан кейін күдікті сол пышақпен өзін де жаралаған. Екеуі де шұғыл түрде доктор Бурхан Налбантоглу атындағы мемлекеттік ауруханаға жеткізіліп, дәрігерлердің бақылауына алынған.

Қазіргі уақытта құқық қорғау органдары қылмыстың нақты себебін анықтап жатыр. Тергеу жалғасуда және полиция оқиғаның барлық мән-жайын тексеруде.

Солтүстік Кипрдің бірқатар басылымдары күдікті зардап шеккен қыздың бұрынғы жігіті болуы мүмкін деген болжамды жариялаған. Алайда құқық қорғау органдары бұл ақпаратты әзірге ресми түрде растаған жоқ.

Алдын ала жарияланған мәліметтерге сәйкес, зардап шеккен қазақстандықтың есімі – Жанерке Әбдіразақова, жасы – 22-де. Ол ауыр пышақ жарақаттарын алған және жағдайы өте ауыр деп бағалануда.

Оқиғаға қатысты Қазақстан Республикасының Сыртқы істер министрлігі де түсініктеме берді.

«Қазақстан Республикасының Сыртқы істер министрлігі Солтүстік Кипрде Қазақстан азаматымен болған оқиғадан хабардар. Қазіргі уақытта қазақстандық дипломаттар оқиғаның мән-жайын анықтап, жергілікті құзырлы органдармен байланыста жұмыс жүргізіп жатыр. Ресми ақпарат түскен сайын қосымша мәлімет беріледі», – деп хабарлады министрлік.

Ведомствоның мәліметінше, жағдай министрліктің ерекше бақылауында. Қазақстандық дипломаттар жергілікті құқық қорғау органдарымен және медициналық мекемелермен тұрақты байланыста болып, оқиғаға қатысты барлық ресми ақпаратты нақтылап жатыр.

Қазіргі уақытта шабуылдың нақты себептері мен күдіктінің жеке басына қатысты ресми ақпарат жарияланған жоқ. Тергеу аяқталғаннан кейін құқық қорғау органдары қосымша мәлімет ұсынатыны күтілуде.

Подробности
Категория: Бүгін

Таныстырылым ҚР Мәдениет және спорт вице-министрі Ерлан Қожағапанов және «Атамекен» ҚР ҰКП Басқарма Төрағасының орынбасары Олжас Ордабаевтың қатысуымен өтті.

Көшпелі және ішкі туризмді дамытудың 2019-2023 жылдарға арналған мемлекеттік бағдарламасы 10 негізгі бағыттан тұрады. Оның бірі – туризмге арналған әлеуетті территорияны анықтау.

Министрлік зерттеу жүргізіп, елге туристердің ағынын қамтамасыз еткен үздік 10 жерді анықтады. Жаңа мемлекеттік бағдарлама аясында 600 млрд теңге басымдыққа ие жерлерді дамытуға тартылатын болады.

Подробности
Категория: Ғибратты әңгімелер

Бүгінгі аңшылық сапарым өте сәтті өтті. Таңертең-ақ қасқырдың апанын оңай тауып алдым. Екі бөлтірігін ойнатып отырған қасқырға бірден көзім түсті. Көп ойланбастан қасқырды атып тастадым. Сөйткенше бөлтіріктерін итім жайратып салыпты…

Үйге келе сала, мен әйеліме еш қиналмай алған олжамды айтып, мақтана түстім. Сол кезде алыстан қасқырдың ұлыған дауысы құлағыма келді. Бірақ, бұл дауыс әдеттегі ұлушы қасқырлардың дауысынан ерекше болды. Құлақты кернеген дауыстан мұң мен сағыныш лебі сезілгендей болды…

Подробности
Категория: Сырласу
Америкалық ғалымдар мүлде жыныстық қатынасқа түспейтін ер азаматтар мезгілсіз өлімге душар болуы мүмкін екенін айтып дабыл қақты. Бұл туралы NUR.KZ хабарлайды.

Зерттеушілер жыныстық тұрғыдан қанағаттанбаған ер азаматтардың денсаулығы сыр беріп, ерте қартаятынын айтуда.

Олар мұндай тоқтамға дрозофилдерге жүргізілген тәжірибе барысында келген. Аталмыш жәндіктер жыныстық қатынасқа түспей қалған жағдайда салмақ жоғалтып отырған.

Подробности
Категория: Егіз жүрек

Болған оқиға желісімен....

Ғани Әлихан

Сонау тоқсанның тоқырауы келген заман . Біз мектептен құтылуға ,мұғалімдер бізден құтылуға асығып жүрген кезіміз . Асықпай қайтсін біздің сынып ең әпербақандар сыныбы болатын . Әсіресе қыз - келіншек апайларымыз зар қағатын . Өйткені сабақта тыныш отырмайтын тентектерміз . Сондай -ақ сол кезге келіп : « мұғалімдерге оқушыларды ұрып соғуға болмайды , қол тигізсе сотталады» деп айтыла бастаған еді . Негізі біз жоғарғы сыныпқа келгелі бір - екі ер мұғалімдерден ғана қорқатынбыз.

Подробности
Категория: Керек кеңес

Көз әлсіз, энергетикалық жағынан қорғалмаған немесе әлсіз қорғалған адамға тиеді. Адамның көз тиюге де, дуаға да сенбегені дұрыс. Бірақ, өкінішке орай, бір нәрсеге сенбеу жүз пайыздық қорғаныс әкелмейді. Көз тиюден, дуадан дінге сенетіндер де, сенбейтіндер де, идеалистер де, материалистер де, демократтар да, коммунистер де сақтандырылмаған. Егер олай болмаса, онда барлық белгілері көз тию мен дуаға ұқсас созылмалы қажу синдромы пайда болмас еді. 

Кейбір адамдармен араласу қуаныш әкеліп, жаңадан күш сыйласа, енді біреулерден қатты шаршап, өзімізді жайсыз сезінетінімізді бәрі біледі. Егер сол адаммен байланысымызды үзсек, онда шаршағандық басылса, бұл қарапайым вампирлік. Ал егер олай болмаса ше? 

Подробности
Категория: Керек кеңес

Қай мәселе болмасын толық зейін қойып жасамасаң, ол жұмыстан жақсы нәтиже шықпайды. Ал зейінді жақсарту үшін мынадай азық түрлері аса пайдалы. 

Қара жүзім – допамин гормонының деңгейін көтереді. Бұл гормон есте сақтау қабілетін жақсартып, ми жұмысын қалыпты қылуға көмектеседі. Қара жүзімнің шырыны да зейінге пайдалы. 

Подробности
Категория: Елең еткізер

Агенттік мемлекеттік қызметшілердің жұмысы мен жеке өмірі арасында баланс сақталуына қол жеткізуге күш салады.

ҚР Мемлекеттік қызмет істері және сыбайлас жемқорлыққа қарсы күрес іс-қимыл агенттігінің алқа мәжілісінде сала басшысы Алик Шпекбаев мемлекеттік қызметшілер жұмысының тиімділігін арттыру үшін тиісті жағдай жасау қажет екенін айтты. Соның бірі – жұмыс уақытын оңтайландыру.

Подробности
Категория: Әлем жаңалықтары

Егде жастағы адамдардың өмірін ұзартудың жолы табылды.

АҚШ-тың Бостон қаласындағы Тафтс университетінің ғалымдары теңіз өнімдерінде бар омега-3 полиқанықтырылмаған майлы қышқылдардың егде жастағы адамдардың өмір сүру ұзақтығын арттырып, мерзімінен бұрын қайтыс болу қаупін болдырмайтынын анықтады, деп жазады Stan.kz.  

1992-2015 жылдары жүргізілген ұзақ мерзімді зерттеуге, орташа жасы 74 жасты құрайтын 2622 ересек адам қатысты. Бастапқыда, сондай-ақ алты және 13 жылдан кейін еріктілерден қандағы омега-3 полиқанықтырылмаған майлы қышқылының деңгейі өлшенді. 

Подробности
Категория: Елең еткізер

Қазақстанда жыл сайын кәмелетке толмаған 5 мың қыз жүкті болып қалады.

ҚР Қоғамдық даму министрі Дархан Кәлетаев жастар арасында өз-өзіне қол жұмсайтындар саны азайып келе жатқанын мәлім етті, деп хабарлайды KazAkparat  

«Статистика бойынша әлемде жыл сайын 18 жасқа дейін ерте ана атанған 15 миллион қыз тіркеледі. Оның ішінде 40 пайыздан астамы түсік жасатады.  Бізде жыл сайын осындай жағдайға 15-18 жас аралығындағы 5 мыңнан астам қыз тап болады», - деді министр.  Сонымен қатар, Дархан Кәлетаев әлемдегі және Қазақстандағы жастар арасындағы суицид мәселесіне тоқталды. 

Подробности
Категория: Сырласу
Менің қызым әрдайым қарапайым қыз болды, өзім солай ойлайтынмын. Бірақ қызым жаман жолға түседі, мені масқаралайды деп ешқашан ойлаған емеспін.

caravan.kz жазғандай, жақында желіде маған менің қызымның аты-жөніне аумайтын біреу достық жіберді. Содан ол қыз менімен бірден интимді тақырыпта сұрақ қоя бастады. Содан ол қыздың суреттерін қарап отырып, өзімнің қызымның суретін көріп қалдым.

Подробности
Категория: Керек кеңес

Қыздар сыңарын кездестіргенше қиялындағы ақ боз атты ханзадасын күтеді. Бір көрген жігітті жары ретінде елестетіп, қандай әке болатынын да ой елегінен өткізіп тастайтыны жасырын емес. Кездестірген жігіті талғамына отыз пайыз сәйкес келсе, "қалғанын өзім түзетіп аламын" деп ойлауы мүмкін. Қисығын түзетем деп, сындырып алмау үшін, қалай бар – солай қабылдаған жақсы. 

Жүрекке әмір жүрмегенімен, ақылдың да бұйрығына құлақ түріп қойған дұрыс. Өз таңдауыңызға өмір бойы өкініп өткенше, жеті рет өлшеп, бір рет кесіңіз. Қандай жігіттерді түзеу қиын болады, кімдерден қашық жүреміз? 

Подробности
Категория: Сырласу

«Әр кәллада бір қиял» демекші, менің іс-әрекетіме біреулер күліп қарар, енді біреулеп сынап-мінер, бірақ менің басқа амалым болмады. Жан жарымды жанымнан алыстатпау үшін пышаққа түсуге бел будым. Мен үшін мұндай шешімге келу қаншалықты қиын болғанын айтып жеткізе алмаспын. Дегенмен мен бүгін «Алаш айнасындағы» «Отбасы ошақ қасы» айдарынының оқырмандарына басымнан өткен оқиғаны баяндауды жөн көрдім.

Подробности
Категория: Тылсым дүние

Үлкендер бұрын «сайтан» деген сөзді дауыстап айтуға болмайды, олар көбейіп кетеді» дейтін. Жалпы, сайтан деген не деген сұраққа біреулер «сайтан деген көзге көрінбейді, ол адамның бойында болатын жаман қасиеттер ғана» дегенін де сан мәрте естідік. Десе де, көрген ертегілердің әсерінен бе, әйтеуір көпшіліктің сайтанның келбетін мүйізді хайуан (екі аяқты) ретінде елестететіні рас. Біздің ауылда сайтанды көрген адамдар көп. Соларға қатысты оқиғаларды «Алаш айнасының» оқырмандарына әңгімелеп бергім келеді.

Подробности
Категория: Елең еткізер
 
Жаңа өзгеріс жоғары оқу орындарында келесі жылдан бастап енгізіледі

 Келесі оқу жылынан бастап колледж тәмамдаған студенттер жоғары оқу орнын 2-3 жыл ішінде бітіре алады. Бұл туралы білім және ғылым министрі Ерлан Сағадиев айтты, деп хабарлайды Sputnik Қазақстан тілшісі. 

  1. Махаббат құпиясы: төсектегі тыйымдар
  2. Ақтауда анасы 9 жастағы ұлын өлтірді 
  3. Дәрігерлердің бәрі жылады: Комада жатқан әйел сәбиін ұстағаннан кейін есін жиды
  4. Қазақстандық жігіттер интимдік қызмет үшін қыздарға “тегін” баспана беруге дайын