2025 жылғы 17 наурызда Ақтөбе қаласында ақша бопсалаумен айналысқан күдікті топ ұсталды.
Ақтөбе облыстық полиция департаментінің ұйымдасқан қылмысқа қарсы күрес басқармасы мен Ұлттық қауіпсіздік комитеті департаментінің қызметкерлері бірлесіп жүргізген арнайы операция барысында күдіктілер жәбірленушіден ақша алып жатқан кезде қолға түсті,-деп хабарлайды el24.kz тілшісі.
Тергеу барысында анықталғандай, бұрын сотталған тұлғалар ойдан шығарылған сылтаумен Ақтөбе тұрғынының автокөлігін тартып алып, оны қайтару үшін иесінен 2 миллион теңге талап еткен. Күдіктілер жәбірленушіден ақша алып жатқан сәтте ұсталды.
Ұстау кезінде күдіктілерден газ тапаншасы, бірнеше патрон, жиналмалы пышақ және ақша тәркіленді. Қазіргі уақытта жедел-тергеу іс-шаралары жүргізілуде,-деп мәлімдеді Ақтөбе облыстық ПД баспасөз қызметі.
Бұл оқиға құқық қорғау органдарының ұйымдасқан қылмысқа қарсы күрестегі тиімділігін көрсетеді. Жәбірленушілерге қысым көрсетіп, заңсыз әрекеттерге барған тұлғалар жауапкершілікке тартылып, әділ сот алдында жауап береді.
