Амнистия туралы жаңа заң: Бишімбаев жаза мерзімін қысқартуға өтініш бере ала ма?

 

  el24.kz Қазақстанда қылмыстық және әкімшілік амнистия туралы жаңа заң жобасы Мәжілісте бірінші оқылымда қаралды. Құжат аясында бірқатар сотталған азаматтарды жауапкершіліктен босату, айыппұлдарды есептен шығару және жаза мерзімдерін қысқарту ұсынылып отыр. Заң жобасы қоғамда қызу талқыланып, әсіресе экс-министр Қуандық Бишімбаев ісіне қатысты сұрақтар қайта көтеріле бастады.

Заң жобасын Мәжіліс депутаты Снежанна Имашева таныстырды. Оның айтуынша, амнистия негізінен қылмыстық теріс қылықтар мен ауырлығы жеңіл және орташа қылмыстарға қатысты қолданылады. Егер келтірілген залал болмаса немесе толық өтелсе, мұндай істер бойынша адамдар қылмыстық жауапкершіліктен босатылуы мүмкін.

Сонымен қатар заң жобасында ауыр және аса ауыр қылмыстар бойынша да белгілі бір жеңілдіктер қарастырылған. Атап айтқанда, сот белгілеген материалдық шығын толық өтелген жағдайда сотталған адамның жаза мерзімін қысқарту мүмкіндігі қарастырылып отыр. Алайда бұл автоматты түрде жүзеге аспайды — соңғы шешімді сот қабылдайды.

Осы тұста қоғам назарын қайта аудартқан іс — Қуандық Бишімбаев пен марқұм Салтанат Нүкенова ісі болды. Бишімбаев жұбайын аса қатыгездікпен өлтіргені үшін сотталған еді.

2024 жылдың қыркүйегінде сот оны Нүкенованың отбасына 16,8 миллион теңге көлемінде өтемақы төлеуге міндеттеген. Кейін марқұмның ата-анасы бұл өтемақыны өндіріп алудан бас тартқаны белгілі болды. Ал Салтанаттың ағасы Айтбек Амангелді моральдық шығын ретінде 1,5 миллиард теңге талап етіп, апелляциялық шағым түсірген. Алайда сот бастапқы шешімді өзгеріссіз қалдырды.

Сарапшылардың пікірінше, егер амнистия туралы заң қазіргі нұсқасында қабылданса және сот белгілеген барлық талаптар толық орындалса, теориялық тұрғыда Бишімбаев та жаза мерзімін қысқарту туралы өтініш бере алады. Бірақ бұл оның жазадан босатылады дегенді білдірмейді. Әрбір жағдайда сот жеке шешім қабылдайды және қылмыстың ауырлығы, қоғамдық резонанс, жәбірленуші тараптың ұстанымы секілді факторлар ескеріледі.

Әзірге заң жобасы тек бірінші оқылымда мақұлданған. Құжат алдағы уақытта әлі де талқыланып, өзгерістер енгізілуі мүмкін. Сондықтан амнистияның нақты кімдерге және қандай көлемде қолданылатыны заң толық қабылданғаннан кейін белгілі болады.

Қазақстанда 66 мыңнан астам азамат банкрот деп танылып, 250 млрд теңге қарызы есептен шығарылды

 

   el24.kz 2023 жылдан бері қолданыста жүрген «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заң мыңдаған қазақстандыққа қарыз жүктемесін азайтуға мүмкіндік берді.

Бұл туралы Сенат отырысында Мемлекеттік кірістер комитетінің дәрменсіз борышкерлермен жұмыс басқармасының басшысы Меруерт Сисембаева мәлімдеді.

Ресми деректерге сәйкес, заң күшіне енгеннен бері елімізде 66 397 азамат банкрот деп танылған. Соның ішінде мемлекеттік кірістер органдары арқылы 65 765 азаматтың 134,8 млрд теңге көлеміндегі қарызы есептен шығарылған.

Ал сот тәртібімен 632 азамат банкрот деп танылып, олардың 115 млрд теңге берешегі жойылған. Осылайша, жалпы алғанда шамамен 250 млрд теңге қарыз есептен шығарылды.

Сонымен қатар 1 118 азамат төлем қабілеттілігін қалпына келтіру рәсімін қолданған. Бұл рәсім борышкерлерге қарыздарын белгілі бір кесте бойынша өтеуге және қаржылық жағдайын реттеуге мүмкіндік береді.

Меруерт Сисембаеваның айтуынша, заң қабылданғаннан бері бірнеше рет жетілдірілген. Соңғы өзгерістердің нәтижесінде банкроттық рәсімдерін қолдану тәртібі жеңілдетіліп, кейбір талаптар алынып тасталды. Сондай-ақ өтініш беру процесі оңтайландырылып, жекелеген санаттар үшін рәсім мерзімі қысқартылған.

Сонымен бірге бірқатар мәселелер әлі де өзекті болып отыр. Атап айтқанда, кей азаматтардың иелігінде құны өте төмен ETN бағалы қағаздарының болуы олардың банкроттық рәсімінен өтуіне кедергі келтіреді. Көп жағдайда адамдар мұндай активтердің бар екенін білмейді.

Бұдан бөлек, қаржы ұйымдарының заң талаптарын бұзған жағдайдағы жауапкершілігі нақты айқындалмаған. Сондай-ақ кей банктер мен қаржы ұйымдары мемлекеттік органдардың шешімдеріне жиі шағымданып, қосымша тексерістер жүргізуді талап етеді.

Сарапшылардың пікірінше, банкроттық туралы заң азаматтарға қарыздан құтылуға нақты мүмкіндік бергенімен, оны одан әрі жетілдіру және қаржы секторымен өзара жұмысты күшейту маңызды болып қала береді.

 
 
 
 
 
 
 
 
 
 
 

 

Павлодар облысында Ан-2 ұшағы апатқа ұшырап, бір ұшқыш қаза тапты

 

 el24.kz Павлодар облысында Ан-2 ұшағы апатқа ұшырап, салдарынан бір адам қаза тапты. Екінші ұшқыш түрлі жарақатпен ауруханаға жеткізілген. Оқиғаның мән-жайы анықталып жатыр.

Көлік министрлігінің мәліметінше, апат 27 мамыр күні Павлодар облысының Железинка ауылы маңында болған. Әуе кемесі «Жеңіл және аса жеңіл авиацияны пайдаланушылар» заңды тұлғалар бірлестігіне тиесілі.

Ведомствоның хабарлауынша, ұшақ авиациялық-химиялық жұмыстарды орындау кезінде апатқа ұшыраған. Алдын ала мәлімет бойынша, әуе кемесі электр желілеріне соғылған.

«Бортта экипаждың екі мүшесі болған. Оқиға салдарынан бір ұшқыш қаза тапты. Екінші ұшқышты ТЖД қызметкерлері алып шықты, ол есін біледі», — делінген ресми хабарламада.

Қазіргі уақытта зардап шеккен ұшқышқа медициналық көмек көрсетіліп жатыр.

Көлік министрлігі әуе апатының себептерін ведомствоның Көліктегі оқиғалар мен инциденттерді тергеу департаментінің мамандары анықтайтынын мәлімдеді. Тергеу тобы оқиға орнына аттанған.

Павлодар облысында Ан-2 ұшағы апатқа ұшырап, бір ұшқыш қаза тапты

 

 el24.kz Павлодар облысында Ан-2 ұшағы апатқа ұшырап, салдарынан бір адам қаза тапты. Екінші ұшқыш түрлі жарақатпен ауруханаға жеткізілген. Оқиғаның мән-жайы анықталып жатыр.

Көлік министрлігінің мәліметінше, апат 27 мамыр күні Павлодар облысының Железинка ауылы маңында болған. Әуе кемесі «Жеңіл және аса жеңіл авиацияны пайдаланушылар» заңды тұлғалар бірлестігіне тиесілі.

Ведомствоның хабарлауынша, ұшақ авиациялық-химиялық жұмыстарды орындау кезінде апатқа ұшыраған. Алдын ала мәлімет бойынша, әуе кемесі электр желілеріне соғылған.

«Бортта экипаждың екі мүшесі болған. Оқиға салдарынан бір ұшқыш қаза тапты. Екінші ұшқышты ТЖД қызметкерлері алып шықты, ол есін біледі», — делінген ресми хабарламада.

Қазіргі уақытта зардап шеккен ұшқышқа медициналық көмек көрсетіліп жатыр.

Көлік министрлігі әуе апатының себептерін ведомствоның Көліктегі оқиғалар мен инциденттерді тергеу департаментінің мамандары анықтайтынын мәлімдеді. Тергеу тобы оқиға орнына аттанған.

Ресей тарапы AZAL ұшағы апатынан зардап шеккендерге өтемақы төлейді

 

   el24.kz Әзербайжан мен Ресей үкіметтері 2024 жылдың желтоқсанында болған ұшақ апатына байланысты өтемақы төлеу жөнінде келісімге келді. Бұл туралы «Әзербайжан әуе жолдары» (AZAL) жабық акционерлік қоғамының басқарма төрағасы Самир Рзаев APA ақпарат агенттігі мен Әзербайжан мемлекеттік телеарнасы AzTV-ге берген сұхбатында мәлімдеді.

Самир Рзаевтың айтуынша, Ресей тарапы ұшақ апатынан қаза тапқан Әзербайжан азаматтарының мұрагерлеріне өтемақы төлеуге келіскен. Сонымен қатар, «AZAL» әуекомпаниясына келтірілген материалдық шығын да толық көлемде өтелетін болды.

«Жалпы алғанда, Ресей тарапы бөлінген қаражатты Әзербайжанға жақын арада аударуды жоспарлап отыр. Ол қаражат түскеннен кейін, біздің міндетіміз – аталған соманы қаза тапқандардың мұрагерлеріне төлеп беру», – деді AZAL басшысы.

Оның сөзінше, бұл шешім екі ел арасындағы үкіметаралық келіссөздердің нәтижесінде қабылданған. Қазіргі таңда қаражатты аудару және төлемдерді жүзеге асыру тетіктері пысықталып жатыр.

Еске салайық, 2024 жылдың желтоқсанында болған ұшақ апаты қоғамда үлкен резонанс тудырып, оқиғаға байланысты арнайы тергеу амалдары жүргізілген болатын.

Астанада Бейімбет Майлиннің ескерткішіне шыққан бойжеткеннің ісі сотқа жолданды

 

   el24.kz Бейімбет Майлин ескерткішіне шығып суретке түскен бойжеткеннің әрекеті әлеуметтік желіде қызу талқыға түсті. Оқиға Астанадағы Қаламгерлер аллеясында болған.

Куәгерлердің бірі әлеуметтік желіде монумент жанында демалып отырған сәтте ескерткіш басына шығып алған қыздарды байқап, видеоға түсірген. Бейнежазба желіде кең таралып, көпшілік тарапынан сынға ұшырады.

Осыдан кейін елордалық полиция қызметкерлері тексеру жүргізіп, видеодағы қыздың жеке басын анықтады. Полиция мәліметінше, ол — Астананың 18 жастағы тұрғыны.

Астана қалалық полиция департаментінің хабарлауынша, бойжеткен мәдени нысан мен қоғамдық орынға құрметсіздік танытқаны үшін жауапкершілікке тартылған.

«Құқық бұзушы ұсақ бұзақылық жасағаны үшін жауаптылыққа тартылды. Материалдар шешім қабылдау үшін сотқа жолданды», – делінген ведомство хабарламасында.

Тәртіп сақшылары мәдениет және тарихи мұра нысандарына ұқыптылықпен қарау қажеттігін еске салды. Сонымен қатар ескерткіштерді қасақана бүлдіру немесе қорлау әрекеттері вандализм ретінде бағаланып, заң аясында жауапкершілікке әкелуі мүмкін екенін атап өтті.

Айта кетейік, Қаламгерлер аллеясындағы «Үш бәйтерек» монументі қазақ әдебиетінің көрнекті өкілдеріне арналған мәдени орындардың бірі саналады.

 

Подробности
Категория: Әлем жаңалықтары

Нигерия тұрғыны Азубуике өз әкесін табытта емес, BMW маркалы қымбат автокөліктің ішінде жерлеген.
Белгілі болғандай, ұлы әкесіне қымбат көлік сатып алып беруге уәде еткен, бірақ үлгермей қалған. 

Нигерия тұрғыны өз арманын орындамақ болып қымбат автокөлікті 66 000 фунт стерлингке (29 416 676 теңге) сатып алып, әкесін соның ішіне жатқызып көмген. 

Подробности
Категория: Әлеуметтік желі әлемі

Қайруллаев Ануар Нуртайұлы "Қалаулым" жобасының қатысушысы

"Қалаулым" жобасы арқылы біраз көрерменге таныс болып қалдыңыз. Жобаға қалай келдіңіз?

Ия. "Қалаулым" жобасы арқылы біраз көрерменге танымал болып қалдым. Мен жобаға жұрт қатарлы  кастингтен  өтіп келдім.

Подробности
Категория: Сырласу

Сəлеметсіздер ме, "Сырласу" клубы. Мен өз басымнан өткен нəрсені айтып өтейін. Барар жерім, басар тауы жоқ бейбақпын. Анам ғана бар. Оның өзін біреулер қарап отыр.  Анамның мамандығы  -есепші. 

Сексен сегізінші жылы бір мекемеде жұмыс істеп  жүргенін де есептен  қателесіп, содан істі  болған. Сол күннен ауру. Өзіне-өзі қарай алмайды.  Туған сіңілсінің қолында. Өзіме келер болсам, ішкенім - ірің, жегенім - желім. Күйеуге шыққалы мені бір уайым жеп барады.

Подробности
Категория: Сырласу

Арма, "Сырласу" клубы! Əркімнің тағдыр жазуы əр қилы. Менің айтайын дегенім тіптен бөлек. Келін боламын деп, көңілім бір көтерілмей қойды.

Ана өнегесін көрмеген жанмын. Əйел адам болмаған соң ер адамға тəн қасиеттерім барын жасырмаймын.  Туғаннан əкемнен басқа ешкімді көрмедім. Расымен де, жалғыз əкем  ғана бар.   Жайымды біліп тұрып, келінімді қызымдай көрем деп алып, маған” еркекшора келін “деп ат қойып алды.

Подробности
Категория: Керек кеңес

Қасыңыздағы досыңыз не сүйіктіңіздің сырын қалына қарап ашу өте оңай. Оның бетіндегі меңдерін анықтап біліп алыңыз.

1. «Үшінші көз» маңындағы қал иесінің интуициясы жақсы дамығандығын білдіреді. Бұл кісінің логикалық ой-өрісі керемет.

2Көзінің сыртқы ұшында қалы бар адам қызу, кейде қызғаншақ болады. 

Подробности
Категория: Елең еткізер

Ораза айты — отыз күндік оразаны аман-есен аяқтағаннан кейін, бейне осыған шүкіршілік іспетті шуағы мол мереке. Алланың разылығы үшін ораза ұстаған жамағатты енді айт мерекесі күтіп тұр.

Ал, осы Ораза айт мерекесінде ескеру қажет бірнеше жайттар бар:

Подробности
Категория: Мырс етер

Ғани Әлихан
Бүгінгі мынау технологиясы дамыған заманмен , біздің заманымыздың айырмасы көк пен жердей.Біздің заманда (сонау тоқсаныншы жылдарда) ұялы телефон деген жоқ ,тіпті үй телефоны да ,бір үйде болса бір үйде жоқ еді.Содан да болар біздің құрдастарымыздың бəрі де дерлік өнерлі болатын.Өнерлі болғанда қандай бірінің сөзін бірі жалғап ,бірінің алдын бірі орап кететін, өңшең сен тұр мен атайыннан.....

Подробности
Категория: Риясыз әңгіме

Ақын, Қазақстан жазушылар одағының мүшесі, Алматы қаласы, Жастар саясатын дамыту мемлекеттік қоры аясындағы «Әдебиет әлемі» орталығының жетекшісі

 Мұратхан ШОҚАН

13 – ші маусымда ақынның «Алаш үндемей –ақ сүйем сені» атты жыр кеші өтетінін хабарлаймыз. Болатын жері : Көксу аудандық мәдениет үйі ,сағат 18:00

Подробности
Категория: Елең еткізер

Маңғыстау облысында Жаңаөзенге жақын жерде бетпе-бет соқтығысқан автокөлік түгі қалмай жанып кетті, зардап шеккендер бар.

Оқиға куәгерлерінің сөзіне сүйенсек, жол апаты 10 маусымда 20:00 кезінде болған. Lexus ES 330 ылдиға шыға бере, алдындағы көлікті озбақ болып, қарсы беттік қозғалыс жолағына ауысады.

Подробности
Категория: Керек кеңес

Алла Тағала өзінің хикметіне сай кейбір нәрселердің анық уақытын жасырған. Айталық, Жұма күнінің қай мезгілінде жасалған дұғаның қабыл болатынын, бес уақыт намаздың ішіндегі ортаңғы намазды, дұғалар ішінде исми ағзамды, уақыттың ішінде қияметті әрі өмірдің ішінде өлім уақытын пенделеріне дәл білдірмеген. Бұның біздерге қайыры барына кәміл сенімдіміз. Мүмкін бұл мұсылмандардың үнемі сергек, Аллаға ғибадат, құлшылықта жүруін қалағандықтан шығар.

Подробности
Категория: Мырс етер

Ғани Әлихан

Есімді еміс-еміс білетін жастамын .
Бір топ бала көрші ағаның тракторының прицепіне мініп алғанбыз . Бұрыштан бұрышқа жүгіріп ойнайтын ойын болушы еді ,күн ұзақ соны ойнаймыз .Уда - шу , жас балалар жүгіріп бос темір салдырлап жататын.
Түс кезі , көрші ағам үйден шығып бізге қарай беттеді . Соңынан жаулығы жалпылдап жеңешем көрінді . Төбе басында тұрған тракторды сырғытып келіп от алдырды да ,біз ойнап жатқан прицепті тағып үлгүрді .

Подробности
Категория: Сырласу

(Жетімдер үйінен асырап алған қыздың хаты)

Гүнай Текин

Ойсыз адамдардан көңілім налалы,

Тырнаған сайын олар жарамды.

Ана!  Сізсіз көңілім өмірдің  аязы мен боранына шыдамайды.   Маған сізден асыл адам жоқ. Жұрт сізді көп жабықтырады. Мені сізге жат дейді. Жат емеспін.  Мен жетімдер үйін бақандай 10 жасыма дейін мекен қылдым. Əр күні бұл жерден бір күні ата-анам алып кетеді деп ояндым, көз ілдім.

Подробности
Категория: Әлем жаңалықтары
Жетінші сынып оқушысы 48 жастағы ер азаматтан екі қабат болды. 

Марий Эл мемлекетінің азаматшасы өз әкесінің досынан жүкті болып қалған. "Бұл ер адам қыздың әкесінің досы. Оқушының екі қабат екенін гинекологқа барған кезде бір-ақ білген. 
 
Құрсақтағы балаға 20 апта болған", - деді қызбаланы ауылдасы. 

Подробности
Категория: Сырласу

Ақ жүрекпен тілеген тілек қабыл болады,

ақ қардай арың кір шалмаса.

Айлардың сұлтаны - Рамазан айы келді. Барша мұсылман ораза ұстап  жатыр. Санаулы күндер де аяқталатын оразада бір тілекті жүрегімде тербетіп жүрмін. Тағдыр жолымның бұралаңы көп болса да, тəңірден үміт үзген емеспін. Өмірдің қадірін түсінбей жүрген күндерім үшін өкінем. 

  1. "Елес бейнелерді" әйелім мен қызым деп қалдым
  2. Бес байға тиген келіншек (4- бөлімі)
  3. Өзімді жетпістегі шалға сыйладым
  4. «Есің дұрыс па?..». Нұрболатты көрген Мақпал Жүнісова шошып кетті (видео)