Әділет министрлігінің Тұңғыш Президент туралы заңға өзгерту енгізуге бастама жасау құқық жоқ.
Бұл туралы ҚР Әділет министрі Қанат Мусин айтты. «Тұңғыш Прзидент туралы заң жайында айтар болсақ, тағы да қайталаймын, Қазақстан Конституциясы бойынша заңнамалық бастама жасау құқығы үш субъектіге – Президентке, Үкіметке және Парламент депутаттарына тиесілі.
Әділет министрлігі мемлекеттік орган ретінде заңнамалық бастама жасай алмайды. Соған орай Тұңғыш Президент туралы заңнаманың күшін жою немесе өзгертулер енгізу туралы Парламентке ұсыныс енгізу құқығы жоқ», - деп атап өтті Қанат Мусин.Орталық коммуникациялар қызметіндегі баспасөз мәслихаты барысында.
Оның айтуынша аталған заңға өзгертулер қажеттігі Қазақстан қоғамының пікірін ескере отырып, қабылданатын болады.
«Ол Мәжіліс депутаттарының, сонымен қатар заңнамаға бастама жасай алатын өзге де субъектілердің өкілеттіктері арқылы жүзеге асырылуы мүмкін.
Сондықтан «заңнамаға өзгертулер енгізіле ме?», «қашан енгізіледі?» деген сауалға жауап бере алмаймын. Өйткені, бұл мәселе Парламент Мәжілісінің күнтәртібінде тұрған жоқ. Болашақ көрсетеді», - деді министр.
Еске салсақ, бұған дейін сенат конституциялық заңға Қазақстанның Тұңғыш президенті Нұрсұлтан Назарбаевтың Қауіпсіздік кеңесі мен Қазақстан халқы ассамблеясына өмір бойы төрағалық етуін тоқтататын түзетулер қабылдаған болатын.
КТК телеарнасы
