ҚазМұнайГаз акцияларының бағасы бұрын-соңды болмаған межеге көтерілді ҚМГ акциялары жаңа тарихи шарықтау шегіне жетті, бір акция құны – 11 200 теңге, деп хабарлайды «Самұрық-Қазынаның» баспасөз қызметі.

IPO басталғалы ҚМГ акциялары 33,2% өсті. Егер дивидендтерді де қоссақ (бір акцияға - 492 теңге), онда инвестициядан түскен жалпы өсім - 39% деген сөз. Бұл ретте мұнай бағасы Brent маркалы мұнайдың барреліне 88 долларға дейін көтерілді. Оның себебі - Сауд Арабиясының мұнай экспортына шектеуді ұзартуы және ресейлік мұнай экспортын тәулігіне 300 мың баррельге қосымша қысқартуы.

Дереккөз: ҚазАқпарат