Елең еткізер

Подробности: Категория: Елең еткізер; Опубликовано: 26 марта 2018

Алматы облысында 36 жастағы әйелді зорлап, артынша өлтірген азғын 26 жылға сотталды.

Марқұм әйелдің артында 6 жастағы қызы қалды. Алматы облысының қылмыстық істер жөніндегі мамандандырылған ауданаралық сотында қаралған істе, айыпталушының бұған дейін тонау және ұрлық қылмыстары бойынша сотталғаны анықталды. Облыстық ІІД баспасөз қызметінің мәліметінше, жалғыз басты әйелді айуандықпен өлтірген азғын 35 жаста, Алматы қаласының тұрғыны.

Подробности: Категория: Елең еткізер; Опубликовано: 24 марта 2018

Шулы оқиға Мұнайлы аудандық мектебіндегі 12 жастағы оқушының денесі тырысып, ауруханаға жеткізілгеннен басталған еді. Сол кезде қыз бала сыныптасының соққысынан соң өзін жайсыз сезінгенін айтқан. Ал, сабақ кезіндегі білдей ұстаз баланың өмірі мен қауіпсіздігіне салғырт қарады деген күдікке алынды.

Подробности: Категория: Елең еткізер; Опубликовано: 22 марта 2018

Шығыс Қазақстан облысында екіқабат боп қалған қыз үй-ішінен өзінің жүктілігін жасырған. Соның кесірінен толғақ мерзімінен бұрын келген.

Көшеде толғақ қысқан ол жедел жәрдем қызметіне жүгінгісі келмеген. Ақыры аяғы ауыр қыз далада өзі босанған деп жазады YK-news.kz сайты.

Басылым келтірген дерек бойынша, биылғы 19 ақпан күні 20:00 шамасында Ана мен бала орталығына шала туған ұл бала (салмағы 1,5 келі) жеткізілген. Кейін анықталғандай, Прапорщиков ауылында көшеден табылған нәрестені үсік шалған.

Подробности: Категория: Елең еткізер; Опубликовано: 19 марта 2018

ҚР Білім және ғылым министрлігінің Ғылым комитеті жалған ақпарт тарату фактілері туралы мәлімдеді

Ағымдағы жылдың ақпан айында ғылыми жұмыстарды гранттық қаржыландыру байқауының нәтижесі жарияланған соң, еліміздің бірқатар ғалымдары ұлттық ғылыми кеңестерден, ҚР БҒМ-нан, Ғылыми комитеттен, басқа да меморгандар мен БАҚ өкілдерінен даулы мәселені егжей-тегжейлі түсіндіріп беруді сұраған болатын.

«Бұл ретте, интернет-ресурстардың бірінде мемлекеттік орган қызметінде сыбайлас жемқорлық схемасы құрылғаны туралы жала жабылған посттар пайда болды. Аталған ақпараттардың барлығы бүркеншік аттармен жазылған. Сонымен бірге Ғылым комитетіне ғалымдар шағымданып, Мемлекет басшысының атына жазылған хаттың соңына олардың қолдарын өзге біреулер қойғанын айтты. Қолданыстағы заңнамаға байланысты жалған ақпараттың таралуы жөнінде құқық қорғау орындарына шағымдануымызға тура келді», - деп жазылған ведомство сайтында жарияланған мәлімдемеде.

Комитеттің мәлімдеуінше, полиция фейк-аккаунттар арқылы жалған ақпарат таратқан адамдарды іздестіріп жатыр. «Даулы сұраққа байланысты бізге жүгінген ғалымдарға қояр ешқандай кінәміз жоқ. Сондықтан қалың жұртшылықтан желілерде жалған ақпарат таратпауды сұраймыз», - деп жазылға ведомство сайтында.

Дереккөз: ҚазАқпарат

Подробности: Категория: Елең еткізер; Опубликовано: 15 марта 2018

Оңтүстік Қазақстан облысында зорланды делінген жеті жасар баланың ісіне қатысты жоғары шенді шенеуніктер жұмыстан қуылды. Бұл туралы бүгін отырыс барысында облыс әкімі Жансейіт Түймебаев мәлімдеді деп жазады Tengrinews.kz.

«Сарыағаш аудандық Жергілікті полиция қызметінің басшысы Бердалы Оразгелдиев қызметінен босатылды. ІІД басшысының бұйрығымен мектеп инспекторы Нариман Жұмабаев қызметінен босатылды. Облыс әкімінің орынбасарына қатаң ескерту жасалды. Сарыағаш ауданының әкіміне қатаң сөгіс жарияланды. Облыстық білім бөлімінің басшысы Истай Сағындықовқа сөгіс жарияланды», – деп мәлімдеді облыс әкімі.