АҚШ-тың Кентукки штаты, Луисвилл қаласының орталығында болған жаппай атыс салдарынан кемінде бес адам, соның ішінде оқ атқан адам қаза тауып, тағы сегізі жараланды. Жараланғандар ішінде екі полиция қызметкері бар,- деп хабарлайды ҚазАқпарат.



Тәртіп сақшылары оқиға орнына дереу жетіп, жаппай атыс үстінен түскен. Луисвилл полиция басқармасының Twitter-де жариялаған хабарламасында оқиға Ист-Мейн көшесіндегі ескі Ұлттық банк ғимаратында болғаны айтылған. Жергілікті тұрғындардан бұл аймақтан алысырақ жүруге кеңес берілген.  Әлеуметтік желіде жарияланған видеоларда қару-жарақ дауысы естіледі.