el24.kz Қазақстан Республикасына ірі көлемде материалдық залал келтірді деген күдікке ілінген азамат Грузия аумағында ұсталды. Бұл туралы құқық қорғау органдарының ресми мәліметінде айтылды.

Тергеу деректеріне сәйкес, күдікті мемлекетке 1,3 млрд теңге көлемінде залал келтірген. Қылмыс Қазақстан аумағында жасалып, күдікті кейін шетелге бой тасалаған.

Халықаралық іздестіру жарияланғаннан кейін, күдікті Грузияда ұсталып, қазіргі уақытта уақытша ұстау изоляторына қамалды. Оны Қазақстанға экстрадициялау мәселесі құзырлы органдар тарапынан шешілуде.

Аталған қылмыс үшін Қазақстан Республикасының заңнамасында мүлкін тәркілей отырып, 7 жылға дейін бас бостандығынан айыру жазасы көзделген.

Айта кетейік, 2025 жылдың сәуір айында бұл қылмысқа қатысы бар сыбайластардың біріне қатысты сот үкімі шығып, ол бас бостандығынан айырылған болатын.

Қазіргі уақытта тергеу амалдары жалғасып жатыр. Күдіктінің кінәсі сот шешімі заңды күшіне енгенге дейін дәлелденбеген болып есептеледі.