Беделді әлемдік LANCET журналында қазақстандық ғалымдар әзірлеп шығарған QazVac вакцинасының клиникалық сынақтары III кезеңінің нәтижелері жарияланды.
Биологиялық қауіпсіздік проблемалары ғылыми-зерттеу институтының директоры Күнсұлу Закарьяның жетекшілігімен COVID-19-ға қарсы QazVac вакцинасы әзірленген еді.
ҚР Денсаулық сақтау министрлігі Дүниежүзілік денсаулық сақтау ұйымының ұсынымдарына сәйкес вакцина бойынша III фазалық клиникалық сынақтар өткізілді. Сынақ нәтижелер вакцинаның адам үшін тиімділігі мен қауіпсіз, сондай-ақ жоғары иммунитетті қалыптастыра алатын мүмкіндікті көрсетті.
