54 жастағы Фатима Перез өте сирек кездесетін генетикалық дертке шалдыққан. Оны күн сәулесі өлтіріп жіберуі де мүмкін деп жазады weekend.rambler.ru сайтына сілтеме жасаған NUR.KZ.

Фатима үйіне күн сәулесі түспеу үшін терезелерін қараңғылап, әр екі сағат сайын күннен қорғайтын крем жағып отырады. Ал көшеге тек қажет болғанда ғана шығады екен.

Пигментті ксеродерма ауруына шалдыққан әйел Доминикан елінде дүниеге келген. Ол өзінің дерті жайлы тек 44 жасында біліпті.
Ол уақытта Фатима көз жанары мен барлық шашынан айырылған.

Әйел осыған дейін дертінің салдарынан пайда болған денесіндегі ісіктерге ауыр ота да жасатқан. Мамандар тері ауруының бұл түрі жазылмайтынын мәлім еткен.

Қазір АҚШ-қа көшіп келген Фатима Перез далаға шығу үшін жаздың күндері де бірнеше қабат қалың киім киюге мәжбүр.

Айта кететіні, әйелдің ағасы тоғыз жасында дәл осы дерттен қаза тапқан.