Актрисаның айтуынша, кейде адам шындықты жеткіземін деп, өз сырын артық ашып қоюы мүмкін. Дегенмен, ол өзін аяныш нысаны ретінде көрсетуді құптамайтынын атап өтті.

Оның ойынша, қоғамда адамдарға деген көзқараста қалыптасқан стереотиптер де бар.

Бадықова әсіресе «күшті көрінетін» адамдардың да ішкі жан дүниесі бар екенін жеткізді. Ол өзін «жертва» ретінде көрсетуді ұнатпайтынын, адамдардың аяушылықпен қарағанынан гөрі түсінгенін қалайтынын айтты.

Сонымен қатар, актриса шығармашылығына да тоқталды. Оның сөзінше, кино – өмірдің айнасы болуы тиіс. Сол себепті ол фильмдерінде шынайы оқиғалар мен күнделікті тұрмысқа жақын сюжеттерді көрсетуді мақсат етеді.

Осы ретте Дариға Бадықова көрермендерді өзінің жаңа туындысы – Таптым-ау сені фильміне шақырды. Өнер иесі бұл фильмде көрермен өз өміріне ұқсас оқиғаларды көре алатынын атап өтті.

Жалпы, актрисаның бұл жазбасы қоғамдағы стереотиптер, адамның ішкі күйі және шынайылық тақырыптарын қозғап, оқырмандар арасында түрлі пікір туғызды.