Алматы әуежайында өзін өртемек болған ер адамның жағдайы белгілі болды

 

 Алматы әуежайында болған оқыс жағдайға қатысты тергеу жүріп жатыр-деп хабарлайды  el24.kz тілшісі, КТК телеарнасына сілтеме жасап. Ұшаққа кешіккен азамат әуежайдың Т-1 ішкі рейстер терминалында үстіне бензин құйып өзін өртеп жібермек болған.Күзетшілер отты сөндіріп үлгерді. Ол жедел жәрдеммен №4 клиникалық ауруханаға жеткізілген.

Нұржан Биқоңыров, Алматы №4 клиникалық ауруханасы директорының орынбасары: – Науқас жедел жәрдем бригадасымен №4 қалалық клиникалық ауруханаға жеткізілді. Жансақтау бөліміне жатқызылды. Науқастың жағдайы өте ауыр.

Әлеуметтік желіде тараған видеода ер адам турфирма кеңсесінде телефонмен сөйлесіп отырған. Біраздан соң компания қызметкері сыртқа шыққан, ол оған бөгет болмаған. Кейін ер адам полицейлермен біраз сөйлесіп тұрады.

Ал тәртіп сақшысы табалдырықтан аттай берген сәтте, ол сіріңкені тұтатып, өзіне өрт қойған. Құқық қорғаушылар мен әуежайдың қауіпсіздік қызметі өртті дереу сөндіріп, жедел жәрдем шақырған. Куәгерлердің айтуынша, ер адам әуежайға үстіне жанармай құйып кірген. Кейбір қызметкер одан бензин иісі шыққанын байқаған соң, бірден қауіпсіздік қызметіне хабарлаған.

Алдын ала дерек бойынша, ол билетін ауыстыра алмаған соң ашуға берілген болуы мүмкін. Басқа дерек көздері азаматтық некедегі әйелімен жанжал себеп болғанын айтады. Оқиға болған әуе агенттігінің кеңсесі бүгін жабық. Ал көліктегі полиция департаменті өзін-өзі өртеу әрекеті бойынша қылмыстық іс қозғалғанын хабарлады. Ал Алматы әуежайы қалыпты режимде жұмыс істеп жатыр.

Алматы халықаралық әуежайы: — Аталған жағдай әуежайдың қызметімен байланысты емес және оның жұмысына әсер еткен жоқ. Алматы халықаралық әуежайы штат режимінде жұмыс істеп тұр. Оқиғаға қатысты әрі қарайғы тергеуді құқық қорғау органдары жүргізуде.

1 қыркүйектен бастап айыппұлдың орнына қоғамдық жұмыс енгізіледі

 

el24.kz  Қазақстанда 2025 жылдың 1 қыркүйегінен бастап әкімшілік құқық бұзушылықтар үшін айыппұлдың орнына қоғамдық жұмыс тағайындау тәжірибесі енгізіледі. Бұл өзгеріс қайталанатын және қоғамдық тәртіпке елеулі зиян келтіретін құқық бұзушылықтарға қатысты қолданылады.

Жаңа жаза кімдерге қолданылады

Ішкі істер министрлігінің мәліметінше, қоғамдық жұмыс мына жағдайларда тағайындалуы мүмкін:

Жол қозғалысы ережесін бір жыл ішінде бірнеше рет бұзу;
Экстрен қызмет көліктеріне жол бермеу фактісін қайта қайталау;
Жаяу жүргіншілердің жол ережесін өрескел бұзып, зардап келтіруі;
Қоғамдық орындарда қайта-қайта ішімдік ішу, мас күйінде жүру;
Ұсақ бұзақылық және қоғамдық тыныштықты бұзу.

Жаза көлемі

Құқық бұзушылықтың түріне қарай қоғамдық жұмыс көлемі 12 сағаттан 100 сағатқа дейін белгіленеді. Мысалы, экстрен қызмет көліктеріне жол бермеген жүргізушіге 40 АЕК (шамамен 157 мың теңге) айыппұлдың орнына 20 сағат қоғамдық жұмыс берілуі мүмкін.

Мақсат – тәртіпті күшейту

Министрлік өкілдері бұл шараның мақсаты – айыппұл төлеу мүмкіндігі жоқ адамдарды қатаң жазалау емес, қайта оларды қоғамдық жұмыс арқылы жауапкершілікке тарту екенін атап өтті. Қоғамдық жұмыс арнайы белгісі бар киімде, тұрғындар көретін орындарда атқарылады.

Теріс қылықтың алдын алу құралы

Жаңа жаза түрі құқық бұзушылық деңгейін төмендетіп, азаматтардың тәртіпке бағынуына әсер етеді деп күтілуде. Қоғамдық жұмыс жазасын орындамаған жағдайда, ол әкімшілік қамауға ауыстырылуы мүмкін.

Жаңа оқу жылы: ата-аналар мен мұғалімдерге не өзгерді

 

el24.kz 2025–2026 оқу жылы қарсаңында еліміздің білім беру саласында бірқатар жаңа өзгерістер енгізілуде.

ҚР Оқу-ағарту министрлігінің ресми мәліметінше, биыл оқу бағдарламалары жаңартылып, мұғалімдердің жұмыс жүктемесі мен мектеп формасына қатысты нақты талаптар белгіленді. Бұл өзгерістер оқушыларға да, ата-аналарға да, ұстаздарға да қатысты.

Оқу жылы дәстүрлі түрде 1 қыркүйекте басталады, 31 мамырда аяқталады. Бірінші сынып оқушылары үшін бейімделу аптасы сақталып отыр. Алғашқы жеті күнде олар жеңілдетілген режимде оқиды.

Жаңартылған оқу бағдарламалары негізінде математика, жаратылыстану және қазақ тілі пәндерінің мазмұны тереңдетілді. Сонымен қатар бағалау жүйесі де жеңілдеп, тоқсандық бақылау жұмыстарының саны азайтылды. Енді әр пәннен оқушылар жоба жұмыстары мен практикалық тапсырмаларды көбірек орындайды. Бұл оқушының ойлау, талдау қабілетін арттыруға бағытталған.

Мұғалімдердің апталық жүктемесі кәсіби стандартқа сай қайта қаралды. Енді дәптер тексеру, қосымша сабақ өткізу сияқты жұмыстарға арнайы ақы төленеді.Бұрынан бар жүйе күшейтілді.Электронды журнал жүргізу де жеңілдетілген.

Мектеп формасына қатысты да бірқатар ереже өзгерді. Министрлік ата-аналарға мектеп формасының міндетті екенін, алайда қымбат киім алудың қажеті жоқ екенін ескертті. Форманың түсі мен үлгісін мектеп кеңесі бекітеді. Діни немесе сәндік сипаттағы киім үлгілеріне жол берілмейді. Әлеуметтік аз қамтылған отбасыларға жергілікті әкімдіктер тарапынан мектеп формасы тегін берілуде.

Балабақшаларда электронды кезек пен eGov.kz арқылы өтініш қабылдау жалғасады. Бастауыш сыныптарда цифрлық оқулықтар мен планшет арқылы оқу жүйесі кейбір өңірлерде пилоттық жоба ретінде енгізіледі. Сонымен қатар, интернет қауіпсіздігіне де ерекше мән берілуде.

Министрлік ата-аналар мен мектеп арасындағы байланысты нығайтуға шақырып отыр. Мұғалімдер үшін курстар мен сертификаттау талаптары да жаңартылды.

el24.kz анықтамасы
2025 жылы елімізде 7 700-ден астам мектеп жұмыс істейді. 250-ге жуық жаңа мектеп салынған. 1-сыныпқа 400 мыңнан астам оқушы қабылданады. Мектепке дейінгі біліммен қамтылған балалар үлесі 98 пайызға жеткен.

8-қыркүйекте Президент Қазақстан халқына жолдау жасайды

 

el24.kz 8 қыркүйекте Қасым-Жомарт Тоқаев Қазақстан халқына жолдау жасайды. Бұл — мемлекет басшысының сегізінші жолдауы.

Оны Парламент палаталарының бірлескен отырысында жариялайды. Мұны Президенттің баспасөз хатшысы Руслан Желдібай хабарлады.

Адамның биоөрісі: көзге көрінбейтін энергия қабаты

 

 el24.kz Адам баласы тек тәннен ғана тұрмайды, оны қоршап тұрған ерекше энергия өрісі бар деп сенеді халық арасында. Бұл құбылысты көпшілік аура немесе биоөріс деп атайды. Ғалымдар да, эзотерика өкілдері де осы тақырыпқа түрлі көзқарас білдіріп келеді.

Биоөріс деген не?

Биоөріс – адамның денесін қоршап тұратын энергия қабаты. Ол көзге көрінбесе де, кейбір адамдар оны түйсік арқылы сезеді. Эзотерикалық ілімде биоөріс адамның ішкі жағдайын, денсаулығын, көңіл-күйін көрсетеді делінеді.

Ғылыми тұрғыдан

Физика мен медицинада биоөрісті адамның биоэлектромагниттік сәулеленуі деп түсіндіреді. Әрбір тірі жасуша аздаған электр импульстарын бөледі. Осы импульстардың қосындысы адамды түгел қоршап тұратын әлсіз электромагниттік өрісті қалыптастырады.

Аураның түстері нені білдіреді?

Эзотерикада биоөрістің түсі адамның психикалық күйін аңғартады:

  • Жасыл – үйлесім, тыныштық.

  • Қызыл – қуат, ашу немесе құмарлық.

  • Сары – шығармашылық, ойдың сергектігі.

  • Көк – сабыр, рухани ізденіс.

Биоөріс неге әлсірейді?

Адамның энергия өрісі мына жағдайларда әлсірейді дейді мамандар:

  • Ұзақ стресс пен уайым;

  • Дұрыс тамақтанбау;

  • Ұйқының жеткіліксіздігі;

  • Жаман әдеттер (ішімдік, темекі).

Биоөрісті қалай күшейтуге болады?

  • Табиғат аясында серуендеу;

  • Медитация мен тыныс алу жаттығулары;

  • Пайдалы ас ішу, су ішу тәртібін сақтау;

  • Жақсы ой ойлау, жағымды эмоцияға көңіл бөлу.

 Адамның биоөрісі – ғылым үшін әлі толық зерттелмеген құбылыс. Дегенмен халық сенімінде де, заманауи энергетикалық ілімдерде де ол адамның денсаулығы мен көңіл-күйіне тікелей байланысты маңызды энергия көзі ретінде қарастырылады.

Қазақстанда интернет пен ұялы байланыс неге қымбаттап жатыр?

 

 

el24.kz Соңғы уақытта ұялы байланыс пен интернет тарифтерінің өсуі халық арасында жиі талқылануда. Бұл өзгеріс ресми органдар мен байланыс операторларының да назарында.

Бәсекелестікті қорғау және дамыту агенттігінің мәліметінше, 2023 жылы кейбір тарифтер 7,7%-тен 57%-ке дейін өскен. 2021–2022 жылдары аралығында орташа өсім 13–37% аралығын құраған. Соңғы екі жылдағы жиынтық өсім 90%-ке жуық деген депутаттар пікірі шындыққа жанасады.

Операторлар не дейді?

Beeline Kazakhstan биылғы 1 ақпаннан бастап бірқатар тарифтерін өзгертті. Компания мұны желіні дамыту қажеттілігімен түсіндіреді. Соңғы жылдары 500-ден астам базалық станция орнатылып, 3 мыңнан аса жердегі жабдықтар жаңартылған. Сонымен қатар, доллар бағамының өсуі, телекоммуникациялық құрылғылар мен электр қуатының қымбаттауы да тарифке әсер еткен.

Tele2/Altel де 11 ақпаннан бастап кейбір тариф жоспарларына өзгеріс енгізді. Олар да себеп ретінде техникалық қызмет көрсетуге кететін шығындардың өсуін, валюта бағамының тұрақсыздығын және желіні кеңейту қажеттілігін алға тартады.

Министрлік не дейді?

Цифрлық даму, инновациялар және аэроғарыш өнеркәсібі министрлігінің өкілі Асхат Оразбектің айтуынша, қазіргі заңнамаға сәйкес байланыс операторлары тарифтерін өздері белгілейді. Министрлік тарапынан тек келіссөздер жүргізіліп жатыр.

Негізгі себептер:

  • Инфрақұрылымды жаңарту мен кеңейту шығындары;
  • Доллар бағамының ауытқуы;
  • Электр қуаты мен телеком жабдықтарының қымбаттауы;
  • Нарықта нақты бәсекенің болмауы.

Бәсекелестікті қорғау агенттігі байланыс нарығындағы жағдайды бақылауда ұстап отыр. Агенттік кейбір тарифтерге қатысты тергеп-тексеру жүргізіп, операторлардан нақты есептер талап еткен.

Қорытынды:
Ұялы байланыс пен интернет тарифтерінің өсуі – күрделі экономикалық және инфрақұрылымдық процестердің нәтижесі. Бұл тек тұтынушыға ғана емес, байланыс операторларына да қатысты мәселе. Дегенмен, халықтың наразылығына байланысты бұл салаға қатысты бақылау күшейтілмек.

Подробности
Категория: Даңқ пен Дақпырт

Ернар Айдардың Зарина есімді фанаты әншіге тоқал болу туралы ұсыныс жасады. Ол Ернардың отбасылы екенін білсе де, оған екінші әйел болғысы келетінін ашық айтты.

Бұл туралы 7-арнаның «Өз ойым» бағдарламасында айтылды, деп жазады Stan.kz.

Бағдарлама барысында «Фанатизм дерт пе?» тақырыбы қозғалды. Онда қонақ ретінде қазақ жұлдыздарының фанаттары келді.

Подробности
Категория: Тылсым дүние

Аталмыш жан түршігерлік оқиға Сербия мемлекетіне қарасты Трстеник қаласында орын алған екен. Әйел адам жертөле арқылы өтіп бара жатып, өзінің соңынан біреу аңдып келе жатқанын байқаған екен.

Артынша ол тәртіп сақшыларына хабарласып, арыз түсіреді. Оқиға орнына келген тәртіп сақшылары алдымен бейнетаспаның жазбасын көруге ұмтылады.

Подробности
Категория: Тылсым дүние

Тіршілікте адам түсінбейтін тылсым дүние көп. Сондай дүниенің бірі – кие. Кие ұрпақтан-ұрпаққа берілетін қасиет. Егер атадан келе жатқан киені ешкім ұстамаса, ол ұрпақтарын қайғылы жағдайға, ауруға ұрындыруы ықтимал. Ондайға көпшілігіміз куә болып та жүрміз. 

Подробности
Категория: Сырласу

"Кесір келін  босағаңнан аттаса, көрер күнің бейнет" дегенді ,атам қазақ тегін айтпағандығын  күн  өткен сайын түсініп келем. Бар ананың асыл арманы -келін алып, қолын жылы суға малу. Ибалы келіннің қолыннан шайын ішіп, енелік өнегені көрсеткім келгенін,қалай армандағанымды білсеңіз еді.

Подробности
Категория: Мырс етер

Ғани Әлихан

   Бала күнім шамасы бес алты жастарда болуым керек . Баларақ, ойын баласы кезім ғой. Ойнап жүріп ангинам көтеріліп қатты ауырып қалдым. Сол баяғы шешем байғұс , зыр жүгіріп укол салдырып қолынан келген ем-домның барлығын жасап шыр-пыры шықты . Алайда менің тамағым жақсы бола қоймады .Тіпті жұтындырмай тілім күрметіліп əбігерге түстім . Сонымен не керек, тамағыңды бастыру керек ,деген шешем бір қожа кісіні шақырып келмесі барма .

Подробности
Категория: Елең еткізер

Енді WhatsApp-та сізді қара тізімге енгізген адамның профилін қарай аласыз.

Мессенджердің осындай функциясы анықталды. Бұл қате функция iOS және Android нұсқаларында табылған. Бірақ мессенджерлердің әзірлеушілері әзірге бұл қателікті растамады.

Подробности
Категория: Әлем жаңалықтары

Үндістанда үш жігіт (22, 27 және 28 жаста) тоған суына батып кетті. Олар өмірінің соңғы секундтарын видеоға түсіріп алған. Оқиға елдің солтүстік батысында орналасқан Раджсаманд қаласына маңда болған, - деп хабарлайды Daily Mail.

Басылым мәліметінше, үш дос су қойманың жанында велосипед теуіп жүрген.

Подробности
Категория: Ғибратты әңгімелер

Жалғасы...

Жұртты алдау -өзіңе өз қолыңмен ор қазу.  Ол ордың тереңдігін өлшеуге шамам жетпейді. Адам өтірігі көбейген сайын жан тыныштығынан айырылады.  Жан тыныштығы дегеніміз не? Жан тыныштығы - арыңа жүк салмау. Арсыздық , аярлықтан асқан жаман қасиет. Арсыздыққа себеп болатын үш нəрсе бар.

Подробности
Категория: Мырс етер

Ғани  Әлихан

- Аға мұнда жүріңіз - деген ақ халатты жас келіншектің соңынан ере бердім. Сол жақ қолымды қойып , қан қысымымды өлшеп болған соң ,сол жерге ине егіп .
- Осында аздап жата тұрыңыз - деп шығып кете барды . Жалғыз қалып өз ойыммен өзім арпалысып мен де жата кеттім. 
Міне қызық ! 

Подробности
Категория: Тылсым дүние

Сонау бір жылдары ағам өмір мен өлімнің арасында жатқанда арғы дүниеге барып қайтқан еді. Ол жайлы өзі «маған берілген жолдама жалған болып, мені о дүниеге қабылдамай қойды» деп қалжыңдап отыратын. 

Подробности
Категория: Елең еткізер

Әр пайдаланушының профиль баптауларында «Өшіру» түймесі пайда болды.

Енді өте белсенді қолданушыны лентаңыздан өшіруге болады. Ол бұл туралы білмейде қалады. 

 
Сервис арқылы посттарды немесе сторизді «өшіруге» болады. 

Подробности
Категория: Мырс етер

Ғани Әлихан

Əскерден жаңа келген кезім . Мамыр айы , күн əжептəуір қызып қалған кез. Енді не істесем екен деп ойланып , бас қатып үйде жатқанмын.
- Ойбай анау келінді өлтірді , баршы  обал ай , байғұсты өлтірді-ау деген шешемнің жан айқайы шықты . Үйден атып шықтымда айғай шығып жатқан көршімнің үйіне қарай тұра жүгірдім.Қорған бойын жағалап кеп қақпа тұстан кіріп келдім.

Подробности
Категория: Сырласу

Менің жасым 23-те, 3 жыл бұрын тұрмыс құрып, жолдасыммен 9 ай тұрып екі жаққа кеттік. Оның шектен тыс қызғаншақтығының кесірінен, ұзақ тұра алмадық. Ажырасқаннан кейін менің жеке өмірім быт-шыт болды.

Ажырасқаныма 1 жылдан асқанда басқа жігіттермен араласа бастады. Бірақ олар менің бұрын тұрмыста болғанымды білген кезде маған деген көзқарастары өзгеріп шыға келетін. Бәріне керегі бір-ақ нәрсе. Қысқасы, жеке өмірім еш қалыпқа келмей қойды.

Подробности
Категория: Елең еткізер

15 жасында жездесінен бала туып, мұқтаж күйде жертөледе тұрып жатыр.

  ОҚО-да анасының жездесі зорлап, содан нәресте туған жас ана қазір әркімнің аяп берген азық-түлігімен күн көріп отыр. Ал оны зорлаған жездесі он сегіз жылға сотталып кетіпті. Оның сәбиі екі жасқа толыпты. Жас ананың айтуынша, анасының туған жездесі зорлаған, бірнеше рет төсектес болған ол ақыры жүкті болып қалған. 

  1. Директордың қызы бұйырмады...
  2. Өмірдің өзі күлкі
  3. «Интернет-банкинг» алаяқтары қалай алдайды?
  4. Клиникалық өлімге ұшырап, о дүниеге барып келдім