Алматы әуежайында өзін өртемек болған ер адамның жағдайы белгілі болды

 

 Алматы әуежайында болған оқыс жағдайға қатысты тергеу жүріп жатыр-деп хабарлайды  el24.kz тілшісі, КТК телеарнасына сілтеме жасап. Ұшаққа кешіккен азамат әуежайдың Т-1 ішкі рейстер терминалында үстіне бензин құйып өзін өртеп жібермек болған.Күзетшілер отты сөндіріп үлгерді. Ол жедел жәрдеммен №4 клиникалық ауруханаға жеткізілген.

Нұржан Биқоңыров, Алматы №4 клиникалық ауруханасы директорының орынбасары: – Науқас жедел жәрдем бригадасымен №4 қалалық клиникалық ауруханаға жеткізілді. Жансақтау бөліміне жатқызылды. Науқастың жағдайы өте ауыр.

Әлеуметтік желіде тараған видеода ер адам турфирма кеңсесінде телефонмен сөйлесіп отырған. Біраздан соң компания қызметкері сыртқа шыққан, ол оған бөгет болмаған. Кейін ер адам полицейлермен біраз сөйлесіп тұрады.

Ал тәртіп сақшысы табалдырықтан аттай берген сәтте, ол сіріңкені тұтатып, өзіне өрт қойған. Құқық қорғаушылар мен әуежайдың қауіпсіздік қызметі өртті дереу сөндіріп, жедел жәрдем шақырған. Куәгерлердің айтуынша, ер адам әуежайға үстіне жанармай құйып кірген. Кейбір қызметкер одан бензин иісі шыққанын байқаған соң, бірден қауіпсіздік қызметіне хабарлаған.

Алдын ала дерек бойынша, ол билетін ауыстыра алмаған соң ашуға берілген болуы мүмкін. Басқа дерек көздері азаматтық некедегі әйелімен жанжал себеп болғанын айтады. Оқиға болған әуе агенттігінің кеңсесі бүгін жабық. Ал көліктегі полиция департаменті өзін-өзі өртеу әрекеті бойынша қылмыстық іс қозғалғанын хабарлады. Ал Алматы әуежайы қалыпты режимде жұмыс істеп жатыр.

Алматы халықаралық әуежайы: — Аталған жағдай әуежайдың қызметімен байланысты емес және оның жұмысына әсер еткен жоқ. Алматы халықаралық әуежайы штат режимінде жұмыс істеп тұр. Оқиғаға қатысты әрі қарайғы тергеуді құқық қорғау органдары жүргізуде.

1 қыркүйектен бастап айыппұлдың орнына қоғамдық жұмыс енгізіледі

 

el24.kz  Қазақстанда 2025 жылдың 1 қыркүйегінен бастап әкімшілік құқық бұзушылықтар үшін айыппұлдың орнына қоғамдық жұмыс тағайындау тәжірибесі енгізіледі. Бұл өзгеріс қайталанатын және қоғамдық тәртіпке елеулі зиян келтіретін құқық бұзушылықтарға қатысты қолданылады.

Жаңа жаза кімдерге қолданылады

Ішкі істер министрлігінің мәліметінше, қоғамдық жұмыс мына жағдайларда тағайындалуы мүмкін:

Жол қозғалысы ережесін бір жыл ішінде бірнеше рет бұзу;
Экстрен қызмет көліктеріне жол бермеу фактісін қайта қайталау;
Жаяу жүргіншілердің жол ережесін өрескел бұзып, зардап келтіруі;
Қоғамдық орындарда қайта-қайта ішімдік ішу, мас күйінде жүру;
Ұсақ бұзақылық және қоғамдық тыныштықты бұзу.

Жаза көлемі

Құқық бұзушылықтың түріне қарай қоғамдық жұмыс көлемі 12 сағаттан 100 сағатқа дейін белгіленеді. Мысалы, экстрен қызмет көліктеріне жол бермеген жүргізушіге 40 АЕК (шамамен 157 мың теңге) айыппұлдың орнына 20 сағат қоғамдық жұмыс берілуі мүмкін.

Мақсат – тәртіпті күшейту

Министрлік өкілдері бұл шараның мақсаты – айыппұл төлеу мүмкіндігі жоқ адамдарды қатаң жазалау емес, қайта оларды қоғамдық жұмыс арқылы жауапкершілікке тарту екенін атап өтті. Қоғамдық жұмыс арнайы белгісі бар киімде, тұрғындар көретін орындарда атқарылады.

Теріс қылықтың алдын алу құралы

Жаңа жаза түрі құқық бұзушылық деңгейін төмендетіп, азаматтардың тәртіпке бағынуына әсер етеді деп күтілуде. Қоғамдық жұмыс жазасын орындамаған жағдайда, ол әкімшілік қамауға ауыстырылуы мүмкін.

Жаңа оқу жылы: ата-аналар мен мұғалімдерге не өзгерді

 

el24.kz 2025–2026 оқу жылы қарсаңында еліміздің білім беру саласында бірқатар жаңа өзгерістер енгізілуде.

ҚР Оқу-ағарту министрлігінің ресми мәліметінше, биыл оқу бағдарламалары жаңартылып, мұғалімдердің жұмыс жүктемесі мен мектеп формасына қатысты нақты талаптар белгіленді. Бұл өзгерістер оқушыларға да, ата-аналарға да, ұстаздарға да қатысты.

Оқу жылы дәстүрлі түрде 1 қыркүйекте басталады, 31 мамырда аяқталады. Бірінші сынып оқушылары үшін бейімделу аптасы сақталып отыр. Алғашқы жеті күнде олар жеңілдетілген режимде оқиды.

Жаңартылған оқу бағдарламалары негізінде математика, жаратылыстану және қазақ тілі пәндерінің мазмұны тереңдетілді. Сонымен қатар бағалау жүйесі де жеңілдеп, тоқсандық бақылау жұмыстарының саны азайтылды. Енді әр пәннен оқушылар жоба жұмыстары мен практикалық тапсырмаларды көбірек орындайды. Бұл оқушының ойлау, талдау қабілетін арттыруға бағытталған.

Мұғалімдердің апталық жүктемесі кәсіби стандартқа сай қайта қаралды. Енді дәптер тексеру, қосымша сабақ өткізу сияқты жұмыстарға арнайы ақы төленеді.Бұрынан бар жүйе күшейтілді.Электронды журнал жүргізу де жеңілдетілген.

Мектеп формасына қатысты да бірқатар ереже өзгерді. Министрлік ата-аналарға мектеп формасының міндетті екенін, алайда қымбат киім алудың қажеті жоқ екенін ескертті. Форманың түсі мен үлгісін мектеп кеңесі бекітеді. Діни немесе сәндік сипаттағы киім үлгілеріне жол берілмейді. Әлеуметтік аз қамтылған отбасыларға жергілікті әкімдіктер тарапынан мектеп формасы тегін берілуде.

Балабақшаларда электронды кезек пен eGov.kz арқылы өтініш қабылдау жалғасады. Бастауыш сыныптарда цифрлық оқулықтар мен планшет арқылы оқу жүйесі кейбір өңірлерде пилоттық жоба ретінде енгізіледі. Сонымен қатар, интернет қауіпсіздігіне де ерекше мән берілуде.

Министрлік ата-аналар мен мектеп арасындағы байланысты нығайтуға шақырып отыр. Мұғалімдер үшін курстар мен сертификаттау талаптары да жаңартылды.

el24.kz анықтамасы
2025 жылы елімізде 7 700-ден астам мектеп жұмыс істейді. 250-ге жуық жаңа мектеп салынған. 1-сыныпқа 400 мыңнан астам оқушы қабылданады. Мектепке дейінгі біліммен қамтылған балалар үлесі 98 пайызға жеткен.

8-қыркүйекте Президент Қазақстан халқына жолдау жасайды

 

el24.kz 8 қыркүйекте Қасым-Жомарт Тоқаев Қазақстан халқына жолдау жасайды. Бұл — мемлекет басшысының сегізінші жолдауы.

Оны Парламент палаталарының бірлескен отырысында жариялайды. Мұны Президенттің баспасөз хатшысы Руслан Желдібай хабарлады.

Адамның биоөрісі: көзге көрінбейтін энергия қабаты

 

 el24.kz Адам баласы тек тәннен ғана тұрмайды, оны қоршап тұрған ерекше энергия өрісі бар деп сенеді халық арасында. Бұл құбылысты көпшілік аура немесе биоөріс деп атайды. Ғалымдар да, эзотерика өкілдері де осы тақырыпқа түрлі көзқарас білдіріп келеді.

Биоөріс деген не?

Биоөріс – адамның денесін қоршап тұратын энергия қабаты. Ол көзге көрінбесе де, кейбір адамдар оны түйсік арқылы сезеді. Эзотерикалық ілімде биоөріс адамның ішкі жағдайын, денсаулығын, көңіл-күйін көрсетеді делінеді.

Ғылыми тұрғыдан

Физика мен медицинада биоөрісті адамның биоэлектромагниттік сәулеленуі деп түсіндіреді. Әрбір тірі жасуша аздаған электр импульстарын бөледі. Осы импульстардың қосындысы адамды түгел қоршап тұратын әлсіз электромагниттік өрісті қалыптастырады.

Аураның түстері нені білдіреді?

Эзотерикада биоөрістің түсі адамның психикалық күйін аңғартады:

  • Жасыл – үйлесім, тыныштық.

  • Қызыл – қуат, ашу немесе құмарлық.

  • Сары – шығармашылық, ойдың сергектігі.

  • Көк – сабыр, рухани ізденіс.

Биоөріс неге әлсірейді?

Адамның энергия өрісі мына жағдайларда әлсірейді дейді мамандар:

  • Ұзақ стресс пен уайым;

  • Дұрыс тамақтанбау;

  • Ұйқының жеткіліксіздігі;

  • Жаман әдеттер (ішімдік, темекі).

Биоөрісті қалай күшейтуге болады?

  • Табиғат аясында серуендеу;

  • Медитация мен тыныс алу жаттығулары;

  • Пайдалы ас ішу, су ішу тәртібін сақтау;

  • Жақсы ой ойлау, жағымды эмоцияға көңіл бөлу.

 Адамның биоөрісі – ғылым үшін әлі толық зерттелмеген құбылыс. Дегенмен халық сенімінде де, заманауи энергетикалық ілімдерде де ол адамның денсаулығы мен көңіл-күйіне тікелей байланысты маңызды энергия көзі ретінде қарастырылады.

Қазақстанда интернет пен ұялы байланыс неге қымбаттап жатыр?

 

 

el24.kz Соңғы уақытта ұялы байланыс пен интернет тарифтерінің өсуі халық арасында жиі талқылануда. Бұл өзгеріс ресми органдар мен байланыс операторларының да назарында.

Бәсекелестікті қорғау және дамыту агенттігінің мәліметінше, 2023 жылы кейбір тарифтер 7,7%-тен 57%-ке дейін өскен. 2021–2022 жылдары аралығында орташа өсім 13–37% аралығын құраған. Соңғы екі жылдағы жиынтық өсім 90%-ке жуық деген депутаттар пікірі шындыққа жанасады.

Операторлар не дейді?

Beeline Kazakhstan биылғы 1 ақпаннан бастап бірқатар тарифтерін өзгертті. Компания мұны желіні дамыту қажеттілігімен түсіндіреді. Соңғы жылдары 500-ден астам базалық станция орнатылып, 3 мыңнан аса жердегі жабдықтар жаңартылған. Сонымен қатар, доллар бағамының өсуі, телекоммуникациялық құрылғылар мен электр қуатының қымбаттауы да тарифке әсер еткен.

Tele2/Altel де 11 ақпаннан бастап кейбір тариф жоспарларына өзгеріс енгізді. Олар да себеп ретінде техникалық қызмет көрсетуге кететін шығындардың өсуін, валюта бағамының тұрақсыздығын және желіні кеңейту қажеттілігін алға тартады.

Министрлік не дейді?

Цифрлық даму, инновациялар және аэроғарыш өнеркәсібі министрлігінің өкілі Асхат Оразбектің айтуынша, қазіргі заңнамаға сәйкес байланыс операторлары тарифтерін өздері белгілейді. Министрлік тарапынан тек келіссөздер жүргізіліп жатыр.

Негізгі себептер:

  • Инфрақұрылымды жаңарту мен кеңейту шығындары;
  • Доллар бағамының ауытқуы;
  • Электр қуаты мен телеком жабдықтарының қымбаттауы;
  • Нарықта нақты бәсекенің болмауы.

Бәсекелестікті қорғау агенттігі байланыс нарығындағы жағдайды бақылауда ұстап отыр. Агенттік кейбір тарифтерге қатысты тергеп-тексеру жүргізіп, операторлардан нақты есептер талап еткен.

Қорытынды:
Ұялы байланыс пен интернет тарифтерінің өсуі – күрделі экономикалық және инфрақұрылымдық процестердің нәтижесі. Бұл тек тұтынушыға ғана емес, байланыс операторларына да қатысты мәселе. Дегенмен, халықтың наразылығына байланысты бұл салаға қатысты бақылау күшейтілмек.

Подробности
Категория: Сырласу

Біреу күлер,біреу күрсінер..

 Біреу сенер, біреу сенбес оқиғам бар. Жетімдер үйінен шыққан соң аш-жалаңаш далада қалғанымды өзім əсте ұмытпаймын. Балалар үйінен шыққан соң көмек сұрар ешкімім болмады. Құдай басқа салмасын, бас  сұғарға баспана таппаған адамның хəлін сөзбен суреттей алмайсың...

Подробности
Категория: Даңқ пен Дақпырт

Әнші Мақпал Жүнісова мен Нұрболат Абдуллиннің сахнадан тыс видеосы әлеуметтік желілерде тарап, қызу талқыланып жатыр.

Видеода аяқ асты кіріп келген Нұрболаттың түрін көріп Мақпал Жүнісова шошып кетеді.

Әнші жігіттің бетінен сүйген Мақпал апай: «Ей, сен мұрт қойып алғансың ба? Біртүрлі екен. Мынау шын нәрсе ме, әлде жапсырып алғансың ба?..» деп өз таңданысын білдіреді.

Подробности
Категория: Елең еткізер

Алматыда екі көлік соқтығысып, Гоголь және Қалдаяқов көшелерінің қиылысындағы жаяу жолға шығып кеткен. 

 Жүргізушілердің бірі бағдаршамның қызыл түсін елемей өтіп кеткен, үш адам аурухағана түсті.

   Куәгерлердің айтуынша, күзет қызметіне тиесілі DAEWOO Nexia Қалдаяқов көшесімен оңтүстік бағытта келе жатқан. 

Подробности
Категория: Проза

Болған оқиға ізімен...

Жалғасы

 Ғани Әлихан 

   Кішкентай қызымның қылығына сүйсініп күндерім өтіп жатты.Жаңа жылмен бірге жаңа ғасыр келіп осы өмірімді өзгерте көрме деп Алладан сұрап жүре бердім.

Подробности
Категория: Сырласу

Қазақ халқынан асқан  жер бетінде дана халық бар ма? Жеті атаға дейін қыз алыспай, қан тазалығын сақтауда үлкен мән бар екен ғой.. .

Мен де жас болдым. Жастықпен бір қатеге ұрындым. Өзім орысша тəрбиеленгендігімнен болса керек, қазақтың сан ғасырлық тағылымды дүниелерінен хабарым аз еді.

Подробности
Категория: Әлем жаңалықтары

Танымал түрік актрисасы Озге Бурак Instagram желісінде оған оғаш ұсыныс жасаған әзірбайжандық кәсіпкерге жауап берді. Кәсіпкер актрисамен бір түн үшін миллион доллар төлеуге әзір екенін айтқан. Бұл туралы NUR.KZ порталы Oxu.Az сайтына сілтеме жасап хабарлайды.

Озге бұл хабарламаның скриншотын желі парақшасында жария етті.

Подробности
Категория: Проза

Болған оқиға желісімен...

Ғани Әлихан

... Жұмысым Астанада болғандықтан ауылмен Астана арасына көп жүремін. Қыстың қақаған аязында көбінше пойызбен жүрсем, күн жылына машинаға ауысамын.Негізі машина жақсы .Тоқтағың келсе тоқтап, жүргің келсе жүріп, бара бересің.

Подробности
Категория: Бүгін

Бұл ұсыныстар облыс әкімі Нұрлан Ноғаевтың жетекшілігімен өткен жийын барысында айтылды. Іс-шараға «Атамекен» ҚР ҰКП Басқарма Төрағасының орынбасары Эльдар Жұмағазиев, ҚР Ауыл шаруашылығы министрлігі өкілдері, облыс белсенділері мен кәсіпкерлер қатысты. Кездесу «Атамекен» ҚР ҰКП Төралқа Төрағасы Тимур Құлыбаевтың бастамасымен өтті. Ұлттық палата басшысы өңірге жұмыс барысымен өткен аптада келген болатын.

Подробности
Категория: Риясыз әңгіме

Олжас Жақыпбек

Қалибек Қуанышбаев атындағы Мемлекеттік Академиялық қазақ музыкалық драма театрының актеры

Ассалаумағалейкум, Олжас аға!  Қасиетті Рамазан айы қайырлы болсын! Əңгімемізді биылғы жылы театрда бұйырған рөлдерден бастасақ...

Подробности
Категория: Егіз жүрек

“El 24kz”  порталы  және  үкіметтік  емес  ұйымдардың  қолдауымен , студенттер  мен  жастар  арасында  жүргізілген  сауалнаманың  қорытындысы:

Подробности
Категория: Әлеуметтік желі әлемі

Медет Даулетов "Қалаулым" жобасының қатысушысы

 

Қайырлы күн, Медет мырза! Сұхбатымызды қысқаша өмірбаяныңызды айтып өтуден бастасақ...

Қайырлы күн! Сұрақтарыңызға көп раxмет.Медет Өмірxанұлы Даулетов, 1992 жылы шілде айының 9-шы жұлдызында, Алматы облысы, Өтеген батыр кентінде дүниеге келдім. Ата-анам қарапайым адамдар. Әкем әскери, анам мейірбике. Алты ағайындымыз. Жалпы білім беретін орта мектепті тәмәмдаған соң, Алматы Энергетика және Байланыс Университетіне түсіп, 2014 жылы "Электрэнергетикасы" мамандығы бойынша диплом алып шықтым. Мамандық бойынша жұмыс істеп, жеке кәсіпкерлікке көшудемін.

Подробности
Категория: Сырласу

Сəлеметпе, "Сырласу" клубы. Айтайын дегенім, жасым жиырма екі  жаста. Сарыағашқа тұрмысқа шықтым. Күйеуім Атырауда вахтада жұмыс істейді. Ене , атаммен бірге тұрамын. Күйеуім ылғи жұмыста. Айдың жарымынан көбін далада өткізеді. Екі ай болып қалды. Үйге келмей жүр. Жұмыс қауырт деп, əңгімеден қашып жүр.  Күйеуім біреумен жүріп жүргендей сезініп жүрген жайым бар. Арамыз суып кеткендей. Келгенінде де құшақтап, мейірленіп мені жар жылуына бөлемейді.

Подробности
Категория: Керек кеңес

Рамазан айында өзіңді жақсы, жеңіл сезінуге дұрыс тамақтанудың тигізер әсері өте көп. Бір ай бойы күндізгі уақытта нәр татпай жүріп, өзіңді сергек әрі жеңіл сезіну мүмкін бе? Әрине, мүмкін. Сонымен қатар, ораза уақытында әдеттегіден де өзгеше жеңілдік сезінуге мүмкіндік бар.

Подробности
Категория: Сырласу

Келін - ұрпақ жалғастығының ең басты дəнкері. Əрбір ата-ана келін алып қолының  ұзарар күнін асыға тосады. Мен секілді, елуден асқан əрбір ананың асыл тілегі де содан басталған емес пе?

Менің шаңырағымда той болды. Ақ жұмыртқадай аппақ келін түсті. Барлығын ел қатарлы етіп жасауға отағасы екеуміз барымызды салдық. Ұлымның бір басы екеу болғанын ойланып, барлығын керемет қылып өткізсек деп шештік.

  1. Менингиттің алғашқы белгілері қандай? 
  2. Қалалық қатын
  3. Өз үйімде, маған қиянат жасады
  4. Гүлнəр төбе