Ақмола облыстық полиция департаменті баспасөз қызметінің хабарлауынша, полиция  қызметтік ит көмегімен кісі өліміне күдіктіні ұстады.

 6- мамыр күні сағат 17:45 шамасында Целиноград аудандық полиция бөлімшесіне, "Талапкер" ауылында ер адамның мүрдесі табылғаны жөнінде ақпарат келіп түскен деп-  хабарлайды el24.kz  тілшісі.

Оқиға орнына жедел- тергеу тобымен бірге кинологта жіберілген.Үй маңынан табылған 26 - жастағы жігіттің кеудесінің сол жақ тұсынан пышақ  сұғылған. Алған  жарақатынан жас жігіт сол жерде қаза болған. 

«Жедел-іздестіру іс-шаралары барысында «Альфа» атты қызметтік иттің көмегімен 19 жастағы жергілікті тұрғын - жәбірленушінің туысы күдікті ретінде ұсталды. Ол уақытша оқшаулағышқа қамалып, үстінен Қылмыстық кодекстің 99-бабы «Адам өлтіру» бойынша іс қозғалды», - деді ведомстводан.