Павлодарда абайсызда кемеден құлап, жазым болған капитанның мәйіті үш аптадан соң табылды. Құтқарушылар оны өзеннің төменгі ағысынан алып шықты.

Бұған дейін хабарлағанымыздай, 8 мамыр күні Аққулы ауданының Шабар ауылы маңында кеме капитаны абайсызда палубадан құлап, суға батып кетті. 

Ертіс өзенінің жаға шегінде құтқарушылар іздестіру жұмыстарын белсенді түрде жүргізіп келді. Олар суға сүңгімей-ақ, жүзу құралдары мен эхолоттың көмегін пайдаланып, өзен түбін сүзді. Павлодар облысы төтенше жағдайлар департаментінен хабарлағандай, құтқарушылар марқұмның мәйітін судан тауып, алып шықты. Мәйіт Ертіс өзенінің төменгі ағысынан табылған.

Дереккөз: Inform.kz