el24.kz Астанада 59 жастағы әйелге жасалған мұрын пердесін түзету отасынан кейін пациент көз жұмды. Бұл туралы ақпаратты Медициналық және фармацевтикалық бақылау комитеті растады.

Оқиға 2025 жылдың 3 маусымында болған. Пациентке мұрынның тыныс жолын жақсарту мақсатында септоринопластика жасалған. Отадан кейін әйел есін жимай, қайтыс болғаны хабарланды.

Тексеру нәтижесі

Комитет жүргізген жоспардан тыс тексеру кезінде клиниканың ота жасалған сәтте бірқатар қызмет түрлеріне лицензиясы болмағаны анықталды. Атап айтқанда, медициналық ұйымның:

• пластикалық хирургия,

• анестезиология және реаниматология,

• нейрохирургия,

• ересектерге стационарлық көмек көрсету

бағыттары бойынша лицензиясы болмаған.

Айта кетейік, клиника лицензияны тек 17 маусымда, яғни науқас көз жұмғаннан кейін ғана алған. Тексеру қорытындысы бойынша 28 тамызда медициналық ұйымның лицензиясының күші тоқтатылды. Материалдар Астана қалалық Полиция департаментіне процессуалдық шешім қабылдау үшін жолданды.

Бұған дейінгі оқиға

Бұл клиника аты-жөні аталмаған басқа пациентке жасалған мұрынға отадан кейін оның ұзақ уақыт комаға түсу жағдайымен де байланыстырылып отыр. Аталған эпизод бойынша тергеу жұмыстары жүріп жатыр.

Ресми органдардың ұстанымы

Қазіргі таңда пациенттің өліміне қатысты сот-медициналық сараптама тағайындалған. Іс құзырлы органдардың бақылауында.