Алматы әуежайында өзін өртемек болған ер адамның жағдайы белгілі болды

 

 Алматы әуежайында болған оқыс жағдайға қатысты тергеу жүріп жатыр-деп хабарлайды  el24.kz тілшісі, КТК телеарнасына сілтеме жасап. Ұшаққа кешіккен азамат әуежайдың Т-1 ішкі рейстер терминалында үстіне бензин құйып өзін өртеп жібермек болған.Күзетшілер отты сөндіріп үлгерді. Ол жедел жәрдеммен №4 клиникалық ауруханаға жеткізілген.

Нұржан Биқоңыров, Алматы №4 клиникалық ауруханасы директорының орынбасары: – Науқас жедел жәрдем бригадасымен №4 қалалық клиникалық ауруханаға жеткізілді. Жансақтау бөліміне жатқызылды. Науқастың жағдайы өте ауыр.

Әлеуметтік желіде тараған видеода ер адам турфирма кеңсесінде телефонмен сөйлесіп отырған. Біраздан соң компания қызметкері сыртқа шыққан, ол оған бөгет болмаған. Кейін ер адам полицейлермен біраз сөйлесіп тұрады.

Ал тәртіп сақшысы табалдырықтан аттай берген сәтте, ол сіріңкені тұтатып, өзіне өрт қойған. Құқық қорғаушылар мен әуежайдың қауіпсіздік қызметі өртті дереу сөндіріп, жедел жәрдем шақырған. Куәгерлердің айтуынша, ер адам әуежайға үстіне жанармай құйып кірген. Кейбір қызметкер одан бензин иісі шыққанын байқаған соң, бірден қауіпсіздік қызметіне хабарлаған.

Алдын ала дерек бойынша, ол билетін ауыстыра алмаған соң ашуға берілген болуы мүмкін. Басқа дерек көздері азаматтық некедегі әйелімен жанжал себеп болғанын айтады. Оқиға болған әуе агенттігінің кеңсесі бүгін жабық. Ал көліктегі полиция департаменті өзін-өзі өртеу әрекеті бойынша қылмыстық іс қозғалғанын хабарлады. Ал Алматы әуежайы қалыпты режимде жұмыс істеп жатыр.

Алматы халықаралық әуежайы: — Аталған жағдай әуежайдың қызметімен байланысты емес және оның жұмысына әсер еткен жоқ. Алматы халықаралық әуежайы штат режимінде жұмыс істеп тұр. Оқиғаға қатысты әрі қарайғы тергеуді құқық қорғау органдары жүргізуде.

1 қыркүйектен бастап айыппұлдың орнына қоғамдық жұмыс енгізіледі

 

el24.kz  Қазақстанда 2025 жылдың 1 қыркүйегінен бастап әкімшілік құқық бұзушылықтар үшін айыппұлдың орнына қоғамдық жұмыс тағайындау тәжірибесі енгізіледі. Бұл өзгеріс қайталанатын және қоғамдық тәртіпке елеулі зиян келтіретін құқық бұзушылықтарға қатысты қолданылады.

Жаңа жаза кімдерге қолданылады

Ішкі істер министрлігінің мәліметінше, қоғамдық жұмыс мына жағдайларда тағайындалуы мүмкін:

Жол қозғалысы ережесін бір жыл ішінде бірнеше рет бұзу;
Экстрен қызмет көліктеріне жол бермеу фактісін қайта қайталау;
Жаяу жүргіншілердің жол ережесін өрескел бұзып, зардап келтіруі;
Қоғамдық орындарда қайта-қайта ішімдік ішу, мас күйінде жүру;
Ұсақ бұзақылық және қоғамдық тыныштықты бұзу.

Жаза көлемі

Құқық бұзушылықтың түріне қарай қоғамдық жұмыс көлемі 12 сағаттан 100 сағатқа дейін белгіленеді. Мысалы, экстрен қызмет көліктеріне жол бермеген жүргізушіге 40 АЕК (шамамен 157 мың теңге) айыппұлдың орнына 20 сағат қоғамдық жұмыс берілуі мүмкін.

Мақсат – тәртіпті күшейту

Министрлік өкілдері бұл шараның мақсаты – айыппұл төлеу мүмкіндігі жоқ адамдарды қатаң жазалау емес, қайта оларды қоғамдық жұмыс арқылы жауапкершілікке тарту екенін атап өтті. Қоғамдық жұмыс арнайы белгісі бар киімде, тұрғындар көретін орындарда атқарылады.

Теріс қылықтың алдын алу құралы

Жаңа жаза түрі құқық бұзушылық деңгейін төмендетіп, азаматтардың тәртіпке бағынуына әсер етеді деп күтілуде. Қоғамдық жұмыс жазасын орындамаған жағдайда, ол әкімшілік қамауға ауыстырылуы мүмкін.

Жаңа оқу жылы: ата-аналар мен мұғалімдерге не өзгерді

 

el24.kz 2025–2026 оқу жылы қарсаңында еліміздің білім беру саласында бірқатар жаңа өзгерістер енгізілуде.

ҚР Оқу-ағарту министрлігінің ресми мәліметінше, биыл оқу бағдарламалары жаңартылып, мұғалімдердің жұмыс жүктемесі мен мектеп формасына қатысты нақты талаптар белгіленді. Бұл өзгерістер оқушыларға да, ата-аналарға да, ұстаздарға да қатысты.

Оқу жылы дәстүрлі түрде 1 қыркүйекте басталады, 31 мамырда аяқталады. Бірінші сынып оқушылары үшін бейімделу аптасы сақталып отыр. Алғашқы жеті күнде олар жеңілдетілген режимде оқиды.

Жаңартылған оқу бағдарламалары негізінде математика, жаратылыстану және қазақ тілі пәндерінің мазмұны тереңдетілді. Сонымен қатар бағалау жүйесі де жеңілдеп, тоқсандық бақылау жұмыстарының саны азайтылды. Енді әр пәннен оқушылар жоба жұмыстары мен практикалық тапсырмаларды көбірек орындайды. Бұл оқушының ойлау, талдау қабілетін арттыруға бағытталған.

Мұғалімдердің апталық жүктемесі кәсіби стандартқа сай қайта қаралды. Енді дәптер тексеру, қосымша сабақ өткізу сияқты жұмыстарға арнайы ақы төленеді.Бұрынан бар жүйе күшейтілді.Электронды журнал жүргізу де жеңілдетілген.

Мектеп формасына қатысты да бірқатар ереже өзгерді. Министрлік ата-аналарға мектеп формасының міндетті екенін, алайда қымбат киім алудың қажеті жоқ екенін ескертті. Форманың түсі мен үлгісін мектеп кеңесі бекітеді. Діни немесе сәндік сипаттағы киім үлгілеріне жол берілмейді. Әлеуметтік аз қамтылған отбасыларға жергілікті әкімдіктер тарапынан мектеп формасы тегін берілуде.

Балабақшаларда электронды кезек пен eGov.kz арқылы өтініш қабылдау жалғасады. Бастауыш сыныптарда цифрлық оқулықтар мен планшет арқылы оқу жүйесі кейбір өңірлерде пилоттық жоба ретінде енгізіледі. Сонымен қатар, интернет қауіпсіздігіне де ерекше мән берілуде.

Министрлік ата-аналар мен мектеп арасындағы байланысты нығайтуға шақырып отыр. Мұғалімдер үшін курстар мен сертификаттау талаптары да жаңартылды.

el24.kz анықтамасы
2025 жылы елімізде 7 700-ден астам мектеп жұмыс істейді. 250-ге жуық жаңа мектеп салынған. 1-сыныпқа 400 мыңнан астам оқушы қабылданады. Мектепке дейінгі біліммен қамтылған балалар үлесі 98 пайызға жеткен.

8-қыркүйекте Президент Қазақстан халқына жолдау жасайды

 

el24.kz 8 қыркүйекте Қасым-Жомарт Тоқаев Қазақстан халқына жолдау жасайды. Бұл — мемлекет басшысының сегізінші жолдауы.

Оны Парламент палаталарының бірлескен отырысында жариялайды. Мұны Президенттің баспасөз хатшысы Руслан Желдібай хабарлады.

Адамның биоөрісі: көзге көрінбейтін энергия қабаты

 

 el24.kz Адам баласы тек тәннен ғана тұрмайды, оны қоршап тұрған ерекше энергия өрісі бар деп сенеді халық арасында. Бұл құбылысты көпшілік аура немесе биоөріс деп атайды. Ғалымдар да, эзотерика өкілдері де осы тақырыпқа түрлі көзқарас білдіріп келеді.

Биоөріс деген не?

Биоөріс – адамның денесін қоршап тұратын энергия қабаты. Ол көзге көрінбесе де, кейбір адамдар оны түйсік арқылы сезеді. Эзотерикалық ілімде биоөріс адамның ішкі жағдайын, денсаулығын, көңіл-күйін көрсетеді делінеді.

Ғылыми тұрғыдан

Физика мен медицинада биоөрісті адамның биоэлектромагниттік сәулеленуі деп түсіндіреді. Әрбір тірі жасуша аздаған электр импульстарын бөледі. Осы импульстардың қосындысы адамды түгел қоршап тұратын әлсіз электромагниттік өрісті қалыптастырады.

Аураның түстері нені білдіреді?

Эзотерикада биоөрістің түсі адамның психикалық күйін аңғартады:

  • Жасыл – үйлесім, тыныштық.

  • Қызыл – қуат, ашу немесе құмарлық.

  • Сары – шығармашылық, ойдың сергектігі.

  • Көк – сабыр, рухани ізденіс.

Биоөріс неге әлсірейді?

Адамның энергия өрісі мына жағдайларда әлсірейді дейді мамандар:

  • Ұзақ стресс пен уайым;

  • Дұрыс тамақтанбау;

  • Ұйқының жеткіліксіздігі;

  • Жаман әдеттер (ішімдік, темекі).

Биоөрісті қалай күшейтуге болады?

  • Табиғат аясында серуендеу;

  • Медитация мен тыныс алу жаттығулары;

  • Пайдалы ас ішу, су ішу тәртібін сақтау;

  • Жақсы ой ойлау, жағымды эмоцияға көңіл бөлу.

 Адамның биоөрісі – ғылым үшін әлі толық зерттелмеген құбылыс. Дегенмен халық сенімінде де, заманауи энергетикалық ілімдерде де ол адамның денсаулығы мен көңіл-күйіне тікелей байланысты маңызды энергия көзі ретінде қарастырылады.

Қазақстанда интернет пен ұялы байланыс неге қымбаттап жатыр?

 

 

el24.kz Соңғы уақытта ұялы байланыс пен интернет тарифтерінің өсуі халық арасында жиі талқылануда. Бұл өзгеріс ресми органдар мен байланыс операторларының да назарында.

Бәсекелестікті қорғау және дамыту агенттігінің мәліметінше, 2023 жылы кейбір тарифтер 7,7%-тен 57%-ке дейін өскен. 2021–2022 жылдары аралығында орташа өсім 13–37% аралығын құраған. Соңғы екі жылдағы жиынтық өсім 90%-ке жуық деген депутаттар пікірі шындыққа жанасады.

Операторлар не дейді?

Beeline Kazakhstan биылғы 1 ақпаннан бастап бірқатар тарифтерін өзгертті. Компания мұны желіні дамыту қажеттілігімен түсіндіреді. Соңғы жылдары 500-ден астам базалық станция орнатылып, 3 мыңнан аса жердегі жабдықтар жаңартылған. Сонымен қатар, доллар бағамының өсуі, телекоммуникациялық құрылғылар мен электр қуатының қымбаттауы да тарифке әсер еткен.

Tele2/Altel де 11 ақпаннан бастап кейбір тариф жоспарларына өзгеріс енгізді. Олар да себеп ретінде техникалық қызмет көрсетуге кететін шығындардың өсуін, валюта бағамының тұрақсыздығын және желіні кеңейту қажеттілігін алға тартады.

Министрлік не дейді?

Цифрлық даму, инновациялар және аэроғарыш өнеркәсібі министрлігінің өкілі Асхат Оразбектің айтуынша, қазіргі заңнамаға сәйкес байланыс операторлары тарифтерін өздері белгілейді. Министрлік тарапынан тек келіссөздер жүргізіліп жатыр.

Негізгі себептер:

  • Инфрақұрылымды жаңарту мен кеңейту шығындары;
  • Доллар бағамының ауытқуы;
  • Электр қуаты мен телеком жабдықтарының қымбаттауы;
  • Нарықта нақты бәсекенің болмауы.

Бәсекелестікті қорғау агенттігі байланыс нарығындағы жағдайды бақылауда ұстап отыр. Агенттік кейбір тарифтерге қатысты тергеп-тексеру жүргізіп, операторлардан нақты есептер талап еткен.

Қорытынды:
Ұялы байланыс пен интернет тарифтерінің өсуі – күрделі экономикалық және инфрақұрылымдық процестердің нәтижесі. Бұл тек тұтынушыға ғана емес, байланыс операторларына да қатысты мәселе. Дегенмен, халықтың наразылығына байланысты бұл салаға қатысты бақылау күшейтілмек.

Подробности
Категория: Елең еткізер

Күні бойы шапқылаудан кешке үйге арқаңыз ауырып, биік өкшелі аяқ киімнен шаршап келесіз бе? Аяқты тырыстырып тұратын джинс шалбарын шешкенде рахаттанып қаласыз ба?

Гардеробтағы сәнді киімдердің денсаулыққа тигізер зияны да бар екен.

Подробности
Категория: Елең еткізер

Қытайдағы ең алып әскери кемені 23 жастағы қазақ қызы тізгіндеген. 

Подробности
Категория: Әлем жаңалықтары

 

 
 Оқиға Қытайдың Фуцзянь қаласында орын алған. 
 
Демалушы көпір жиегінде отырған маймылды суға итеріп жіберген. Бірақ маймыл судан дереу шығып, өзін итерген туристі қуа жөнеледі. Турист ғибадатханаға жасырынуға тырысады, бірақ маймылдардың біреуі артынан қуып жетеді. Қуып жетіп, қолы мен бетін тырнап тастаған. Ғибадатхана қызметкерлері маймылды ажыратып алады.

Подробности
Категория: Тылсым дүние

Өмірде дәл кинодағыдай құбылыстар кездеседі екен. Құбылыс деп кәдімгі қорқынышты фильмдерде берілетін елестерді айтып отырмын. Оған кейде мән бермей жатамыз ғой. Дегенмен, шын мәнінде адам өміріне түрлі өзгерістер алып келетін де осындай жағдайлар. Мысалы, менің бір балдызымның басынан өткен осындай оқиғадан кейін, жұмысынан шығып, басқа салаға ауысуға мәжбүр болды. 

Подробности
Категория: Елең еткізер

 

Медициналық тексерістердің бірінде ер адам өзінің өмір бойы белсіз болғанын білген.

Марокколық профессор әйелімен 35 жыл тату-тәтті ғұмыр кешті.  Ерлі-зайыптылардың тоғыз баласы дүниеге келген. Ер адам бұл жайтқа бірден сене қоймады. Бір емес, бірнеше емханада тексерістен өткен. Барлығынан бір жауап естиді. Тіпті соңғы елу жылда бала сүюі мүмкін болмағанына көз жеткізді.  

Подробности
Категория: Елең еткізер

 

Қайғылы жағдай 12 сәуір күні болған. Ер адам өзінен 20 жас кіші әйелімен ұрысып қалған.

47 жастағы ер адам 20 жастағы әйелімен ұрысып қалады. Кейіннен үстіне бензин құйып, өзін өртеп жіберген, деп хабарлайды Аktobetimes.kz.

Емхананың жансақтау бөліміне ауыр халде жеткізілген. Ертесі күні көз жұмды.

Подробности
Категория: Егіз жүрек

 Ымырт басып, әлгінде ғана томалақ шаруасын тәмамдаған Марғұлан - түнделетіп болса да Елордаға жетіп алуды көздеп еді.. Тіпті, "қал-қалдап" қалған бірнеше жолдасының шақыруынан да бас тартып, Қарағанды вокзалына келгендегі мүддесі де осы. Әншейінде такси атаулылары да "жауын соңындағы - саңырауқұлақ" іспеттес қаптап кететін.. Ал бұл жолы көше аумағы әдеттегідей емес, өзгеше жұтаңдықты байқатып тұр. Мұнысын - көлік қозғалысынан байқауға болады.

Подробности
Категория: Тылсым дүние

(кейіпкердің әңгімесі)

Пердені кім желпиді?

   Өмірде шынайы болған оқиға жайлы айтпақшымын. Оған бүгінде он жылдан астам уақыт өтіп кетіпті. Ол кезде жасым он төртте болатын. Менің інім абайсызда үстіне ескі шкафты төңкеріп алды. Шкафтың іші толы ыдыс-аяқ еді. Дәл сол кезде мен інімнің жанында едім, ал анадай жерде тәтем термосқа ыстық су құйып жатқан. Құлап кеткен шкафтың кесірінен тәтемнің қолындағы шәйнегі ұшып кетіп, бүкіл ыстық су менің аяғыма құйылды. Ыдыс сынса бақыт келеді дейді ғой, алайда осыншама мол ыдыстың бірден сынғанын алғаш рет көруім. 

Подробности
Категория: Елең еткізер

Экстрасенстер жобасының жеңімпазы Мохсен Норузи көпшілікті өзінің жантүршігерлік болжамымен шошыттты. Ол жер шарын алдағы жылдарда көптеген табиғат апаттары мен түрлі қауіп-қатерлер күтіп тұрғанын айтты деп хабарлайды show_rus парақшасына сілтеме жасаған NUR.KZ.

Танымал көріпкел Американың ықпал ету құқығының бәсеңдеуі мен Еуроодақтың қағаз жүзінде ғана болуын жорамалдады. Оның айтуынша, еуропалық бірлестік қызығушылықтарына қарай бірнеше топтарға бөлінеді.

Подробности
Категория: Керек кеңес

Қазақстандықтар сәуірде тоғыз күн демалады. Ал мамырда 20 жұмыс күні және 11 демалыс күні бар, деп хабарлайды Вaq.kz ақпарат агенттігі. 

1 мамыр – Қазақстан халқының бірлігі күні. eGov порталында жарияланған мереке күндерінің тізбесіне сәйкес, 30 сәуір 28 сәуірге (сенбіге) жұмыс күні болып ауыстырылып, қазақстандықтар 30 сәуір мен 1 мамырда демалады.

Подробности
Категория: Ғибратты әңгімелер

ҚЫСҚА ӘҢГІМЕЛЕР
• Таңертең үйге келе жатсам, кіреберісте жазу ілініпті: «Құрметті, көршілер! Бүгін шамамен 9.20 үйге кіретін есіктің маңында 120 сом жоғалды. Тапқан адам 76 пәтердегі жалғызбасты анаға апарып бере салыңыздаршы! Зейнетақысы – 15 мың ғана екен». Әмиянымды ашып 120 сомды ыңғайлап қолыма алып, әлгі пәтерге барып, қоңырауын бастым. Ақша ұстаған қолымды соза беріп едім, есік ашқан кісі бас салып құшақтай алды. Сасып қалдым. Бірдеңелерді айтып, көзінің жасын сүртіп жатыр. Не болғанын түсінбей қалдым. «Ұн әкелуге шығып едім. Келгенде қалтамнан кілтімді алдым, сол кезде түсіріп алған шығармын». Бірақ! Ақшаны алмады. Бүгіндікке оның ақшасын тапқан алтыншы адам екенмін! Адамдар! Мен сендерді жақсы көрем! 

Подробности
Категория: Әлем жаңалықтары
Айда да адам жерленгенін білесіз бе? Оның ұлты - орыс, ғарыш саласын игеруге зор үлес қосқан ғалым. Евгений Шумейкер планетарлық ғылым пәнін жасауға атсалысқан. Оның күлі Айда шашылып жатыр. 
   Ол ғарышкерлерді тәрбиелеген «Аполлон» миссиясындағы маңызды тұлғалардың бірі. Ол ғарышқа ұшуды өмір бойы армандап өткен адам. Алайда, денсаулығында кінәрат болып, тек ғарыш саласын игеруге көмектесетін ғылым жолын қуумен шектелді. Өткен ғасырдың 60-шы жылдардың бас кезінде АҚШ-тың геологиялық қызметі аясында астрогеология жөніндегі зерттеу бағдарламасын құрды. Міне, осы зерттеуі оған Апполон ғарышкерлерін дайындауға көмектесті. Евгений Шумейкер 1997 жылы дүние салды. 69 жасында.

Подробности
Категория: Тылсым дүние

    Студент кезімде бір құрбымның ауылына қонақ болып бардым. Кешке дастархан басында отырғанда атадан берілетін қасиет туралы әңгіме болды. Егер қасиет қонған адам қайтыс болған соң балаларының бірі сол жолды ұстанбаса, тылсым құдірет ұрпағының бірін қайғылы жағдайға душар етуі мүмкін екен. 

Подробности
Категория: Бүгін

ТЖ жөніндегі жедел штаб Кеген ауданы Саты ауылының маңында тəулік бойы үздіксіз кезекшілік жасауды жалғастыруда. Оқиға орнында Алматы облыстық ТЖД-ның жедел тобы жұмыс істеп, арнайы техника бағытталған. Жергілікті атқарушы органдар, күштік құрылымдар мен «Қазселденқорғау» ММ басшылығы тау қыртысының бұдан былайғы қозғалысын зерттеп жатыр, - деп хабарлайды Алматы облысы əкімінің баспасөз қызметі.

  1. Мұңым да, сағынышым да анам !
  2. Қорқынышты бөлме
  3. Оқушыларға мектепте жыныстық қатынасқа түсуге рұқсат берген ұстаз жаға ұстатты
  4. Орыс тілі апталығы