Қазақстанда шетелден жұмыртқа әкелуге уақытша тыйым салынды

 

    el24.kz Қазақстанда шетелден жұмыртқа импорттауға уақытша тыйым салынды. Осыған байланысты алдағы уақытта дүкен сөрелерінен шетелдік жұмыртқаны кездестірмейміз. Бұл шешім отандық құс фабрикалары ел ішіндегі сұранысты толық қамтамасыз ете алатынына байланысты қабылданды.

Ауыл шаруашылығы министрлігінің мәліметінше, тиісті бұйрыққа министр қол қойған. Құжатқа сәйкес, жұмыртқа импортына енгізілген шектеу әзірге бір ай мерзімге белгіленіп отыр. Тыйым Еуразиялық экономикалық одақ елдерін қоса алғанда, барлық мемлекеттерге қатысты. Жұмыртқаны Қазақстан аумағынан тек транзиттік тасымал ретінде өткізуге ғана рұқсат етіледі.

Министрлік бұл шешімді отандық тауар өндірушілерді қолдау қажеттілігімен түсіндірді. Себебі сырттан әкелінетін жұмыртқа қазақстандық құс фабрикаларының өндірістік қарқынын төмендетіп, олардың толық қуатта жұмыс істеуіне кедергі келтіріп келген.

ҚР Ауыл шаруашылығы вице-министрі Аманғали Бердалиннің айтуынша, елімізде құс шаруашылығы бағытында жұмыс істейтін 37 фабрика бар.

«Бұл фабрикалар белгілі бір көлемде ғана емес, тіпті өз қуатынан да көп жұмыртқа өндіруге қауқарлы. Алайда қазіргі таңда мүмкіндіктеріне қарағанда аз өндіріп отыр. Импортты шектеу отандық ауыл шаруашылығы тауар өндірушілеріне өндіріс көлемін арттыруға мүмкіндік береді. Бүгінде біз өзімізді жұмыртқамен 100 пайыз қамтамасыз етіп отырмыз», – деді вице-министр.

Ауыл шаруашылығы министрлігінің мәліметінше, аталған шара ішкі нарықтағы тұрақтылықты сақтауға, отандық өнім үлесін арттыруға және құс шаруашылығы кәсіпорындарының экономикалық жағдайын жақсартуға бағытталған.

 

«Жеті күн емес». Қазақстанда ақылы жолды 30 күн ішінде төлеуге болады

 

   el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.

Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.

Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.

Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.

Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.

Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.

Жол жабылғаны туралы ескертуді елемеген жүргізушілерге 118 мың теңге айыппұл салынады

 

     el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.

Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.

Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.

Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.

— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.

Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.

2026 жылға Жұлдызнама

 

   el24.kz 2026 жыл — Сатурн мен Юпитердің белсенді әсері күшейетін, жауапкершілік, тәртіп, өз-өзін дамыту және қаржылық тұрақтылық алдыңғы орынға шығатын жыл. Көп адам үшін бұл жыл — өсу, түзілу және жаңа өмір кезеңіне қадам басу жылы.

♈ Тоқты (Овен)

2026 жылы Тоқтылар жаңа бағыт іздейді. Көптен бері армандап жүрген істі бастауға қолайлы жыл.

  • Қаржы: Ірі табыс көздері ашылады.

  • Денсаулық: Энергия көп, бірақ күйзеліске абай болыңыз.

  • Махаббат: Жеке өмірде жаңа кезең, отбасылылар үшін түсіністік артады.

♉ Торпақ (Телец)

Бұл жыл Торпақтарға тұрақтылық пен материалдық береке әкеледі.

  • Қаржы: Жыл ортасында табыс еселенеді.

  • Жұмыс: Жаңа қызмет немесе мансаптық өсу.

  • Отбасы: Үй, жер, мүлікке қатысты жақсы жаңалықтар.

♊ Егіздер (Близнецы)

2026 — Егіздер үшін қарым-қатынастар жылы.

  • Жұмыс: Келісімшарттар, жаңа таныстықтар пайда әкеледі.

  • Қаржы: Ақша келеді, бірақ шығын да көп.

  • Денсаулық: Ұйқыға, жүйке жүйесіне көңіл бөліңіз.

♋ Шаян (Рак)

Шаяндар үшін 2026 — ішкі тыныштық пен жаңару жылы.

  • Отбасы: Отбасында үлкен қуаныш, туыстық байланыстар нығаяды.

  • Қаржы: Тұрақты, бірақ күтпеген шығын болуы мүмкін.

  • Денсаулық: Ас қорыту жүйесіне назар аударыңыз.

♌ Арыстан (Лев)

Арыстандар үшін бұл жыл — мақсатқа жету жылы.

  • Жұмыс: Мансаптың шарықтау шегі.

  • Қаржы: Үлкен келісім, табыстың көбеюі.

  • Махаббат: Көптен күткен тұрақтылық келеді.

♍ Бикеш (Дева)

2026 Бикештерді еңбек пен табыстың молымен қуантады.

  • Қаржы: Экономика жақсы, жинақ көбейеді.

  • Махаббат: Сезім қайта жанданады.

  • Денсаулық: Арқа, бел, жүйке жүйесіне абай болыңыз.

♎ Таразы (Весы)

Таразылар үшін жыл — тепе-теңдікті табу жылы.

  • Жұмыс: Жаңа серіктестік, шығармашылық жобалар.

  • Қаржы: Тұрақтылық орнайды, бұрынғы қарыздар жабылады.

  • Махаббат: Қарым-қатынаста түсіністік артады.

♏ Сарышаян (Скорпион)

2026 — үлкен өзгерістер жылы.

  • Қаржы: Үлкен жобалардан табыс көп.

  • Отбасы: Кейбір мәселелер шешімін табады.

  • Денсаулық: Иммунитетті күшейтіңіз.

♐ Мерген (Стрелец)

Мергендер үшін жаңа мүмкіндіктер көп.

  • Жұмыс: Шетел, оқу, жаңа тәжірибе.

  • Қаржы: Тұрақты, бірақ инвестицияға абай болыңыз.

  • Махаббат: Күтпеген таныстық.

♑ Тауешкі (Козерог)

2026 жыл Тауешкіге үлкен жетістік әкеледі.

  • Жұмыс: Көп жылғы еңбектің жемісі.

  • Қаржы: Табыстың күрт өсуі.

  • Отбасы: Үлкен қуаныш.

♒ Суқұйғыш (Водолей)

Бұл жыл Суқұйғыштар үшін жаңашылдық жылы.

  • Жұмыс: Технология, шығармашылық салаларда жарқырайсыз.

  • Қаржы: Капитал өседі.

  • Денсаулық: Жүрек пен қан қысымына назар аударыңыз.

♓ Балықтар (Рыбы)

2026 жылы Балықтар рухани өсу мен тыныштық табады.

  • Махаббат: Жаңа махаббат не қарым-қатынастың тереңдеуі.

  • Қаржы: Жақсы, бірақ жоспарлау керек.

  • Жұмыс: Жаңа бағыт бастайсыз.

Жұмыссыздар мемлекеттен әлеуметтік төлемді қалай ала алады?

 

 el24.kz  Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі

мерзімге тағайындалады.

Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.

Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:

  • eGov.kz порталында тіркелу;

  • «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;

  • онлайн өтінімді толтырып, электронды цифрлық қолтаңба (ЭЦҚ) арқылы қол қою;

  • өтінімді жолдау.

Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.

Айта кетейік, бұл қызметті электронды еңбек биржасы арқылы онлайн режимде де рәсімдеуге болады.

Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.

 

Президент Қазақстан халқын Тәуелсіздік күнімен құттықтады

 

el24.kz  Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтап, ел бірлігі мен тұрақтылықтың маңызын атап өтті. Президенттің айтуынша, бұл мереке – еліміз үшін тарихи мәні зор, тағдырлы күн.

Қасым-Жомарт Тоқаев Тәуелсіздік – халқымыздың ең қастерлі құндылығы екенін айтып, егемендікті нығайту жолында Қазақстанның елеулі жетістіктерге қол жеткізгенін атап өтті.

— Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады. Тәуелсіздік бәрінен қымбат. Біз бабалар рухына тағзым етіп, өскелең ұрпақ алдындағы тарихи жауапкершілікті терең сезіне отырып, осы ұстанымға адал боламыз. Азаматтарымыздың ырысты ынтымағының, өзара қолдауының, жасампаз еңбегінің және қоғамдағы тұрақтылық пен келісімнің арқасында Қазақстан Тәуелсіздікті нығайту ісінде айтарлықтай жетістіктерге жетті, — деді Президент.

Мемлекет басшысы қазіргі әлемде болып жатқан жылдам өзгерістерге тоқталып, жаңа тарихи кезең түрлі сын-қатерлермен қатар, тың мүмкіндіктерге де жол ашып отырғанын атап өтті. Осы орайда ел бірлігін сақтау аса маңызды екенін айтты.

— Мұндай жағдайда біз жас әрі озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауға тиіспіз, — деді Қасым-Жомарт Тоқаев.

Сонымен қатар Президент еліміздің жаһандық деңгейдегі беделі мен бәсекеге қабілеттілігін арттыру үшін аянбай еңбек ету қажет екенін жеткізді. Қазіргі таңда жүзеге асырылып жатқан ауқымды реформалар елдің жан-жақты жаңғыруына бағытталғанын айтты.

— Стратегиялық бағдарымыздан ауытқымай, Әділетті, Күшті, Таза және Қауіпсіз Қазақстанды құрамыз. Баршаңызға мол бақыт, бақ-береке және толағай табыс тілеймін. Қастерлі Тәуелсіздігіміз мәңгі болсын! — деді Мемлекет басшысы.

Подробности
Категория: Елең еткізер

Алматыда ҰҚК шекара қызметінің офицері, полковник Сергей Смицких сарбазды гранатаның жарылуынан құтқарып қалды.

19 маусым күні шекара қызметіне қарасты 2027 әскери бөлімінде полковник Сергей Смицких жақында ғана әскер қатарына алынған сарбазды құтқарып қалды, деп хабарлайды ҚР ҰҚК шекара қызметінің баспасөз қызметі.

Подробности
Категория: Елең еткізер

Дәрігерлер Ақмола облысында АН-2 ұшағының апатқа ұшырауынан зардап шеккендердің жағдайы туралы айтты

«Зардап шеккендердің біреуі ашық ми-бассүйек жарақатымен Нұр-Сұлтан қаласының теміржол аурханасына жеткізілді, ал екінші зардап шегуші ашық ми-бассүйек жарақатымен және күйікпен елорданың травмотология және ортопедия ғылыми-зерттеу институтына жатқызылды», - деп түсіндірді Ақмола облыстық денсаулық сақтау басқармасының баспасөз қызметі. Еске сала кетейік, бүгін Ақмола облысында АН-2 ұшағы апатқа ұшырады.

Подробности
Категория: Сырласу

Медициналық учищені бітіріп бір аудандық ауруханаға жолдамамен жұмысқа бардым (ол кезде солай жолдамамен жіберетін). Мені терапия бөліміне жіберді.

Бөлім меңгерушісі Асқар деген кісі екен. Өте жылы қабылдады. Бөлмесіне алғаш кіргенде «айналайын қызым, келе ғой» дегенде өз әкем сияқты болып кетті. Себебі, мен әкем үнемі «айналайын менің қызым» деп еркелететін. Бөлім меңгерушісі аға медбикені шақырып алып, «мына қызды бөлімнің жұмысымен таныстыр, бәрін түсіндір, білмегенін үйрет» деп тапсырды. Аға медбике де өте жақсы апай екен. Мен сөз арасында «бөлім меңгерушісі жақсы кісі екен» дедім. Қасима апай да менің сөзімді қоштады. Сөйтіп студенттен қызметкерге айналдым.

Подробности
Категория: Егіз жүрек

Махаббат хикаясы

Ғани  Әлихан

Шыныменде , бұл досымның өз аузынан естігендей қалған өмірін білемін ғой .Енді маған қызық боп тұрғаны Айконың өмірі . Өйткені жаңағы бір сөзінде төсектес болдық дегенді айтқан еді , сұлу қыздың көз жасына қалғаны рас шығар . Бірақ сол Айконы мен қайтып көрмегенмін . Мүмкін әліде ешқашан көрмейтін шығармын .

Өзі сұлудың да сұлуы еді . Тіпті тап қазірде жіпке тізіп сол кездегі сұлулығын суреттей аламын . Дегенмен онан маған не пайда . Болар іс болды , екі ғашықтың тағдыры екі түрлі жолға түсіп кетті емес пе , оны сұрағаннан бұл оны кейін көрді ма екен сол маңызды ғой .

Подробности
Категория: Сырласу

Жасым отыз сегізде. Қызметім де жоғары. «Карьера-карьера» деп жеке өмірімді де ұмытыппын. Уақыты келгенде ойлана бастадым. Жұмыстан соң интернетке отырып, танысу сайттарына кіріп жігіттермен таныса бастадым. Кездесуге де барып жүрдім.

Өзім жалғыз тұратындықтан, не істеймін не ішем, не жеймін демедім. Ата-анам Шет ауданында тұрады, қартайған жандар. Сондықтан, мен өз өмірім туралы ешкімнің алдында есеп те бермедім. "Не істесең де өзің біл, тек жыламасаң болды" деп ата-анам да өміріме араласқан емес.

Подробности
Категория: Елең еткізер

Еліміздің батысы мен оңтүстігінде 40 градус ыстық болады.

Қазгидромет мамандары алдағы үш күнге арналған ауа райы болжамын ұсынады. Жоғарғы атмосфералық қысымның аясында Қазақстанның солтүстік аймағы арқылы жылжитын фронттар тек кей жерлерде ғана найзағай мен өткінші жаңбыр алып келеді.

Подробности
Категория: Егіз жүрек

Махаббат хикаясы

Ғани Әлихан

 Осылайша аяғым тұсау салынып Айкодан алыстай бердім . Онымен болған күндерім қиялымда ғана қалған сағымға айналды . Дегенмен уақыт емші дегені рас екен уақыт өте келе ауданға ауыстым . Ауыспай қайтейін үйдегілердің бәрі осы қызды құптай берді . Оның үстіне ауданға мамаммен тағы да барып келдім . Тіпті Алматыға оқуға кетіпті деп сонда жіберді . Бұл 1993 - ші жылдың қыркүйегі , яғни сенің әскерге кеткеніңе жарты жыл болған кез . Сонда мен саған хат жаздым . Басымдағы болып жатқанның бәрін жаздым .

Ол хат қолыңа тиген тимегені белгісіз , жауап келмеді . Ал қалада қалған жалғыз кластасымыз оқуға түсіп кетті .( екіншісі менімен әскерге кеткен ). Сөйтіп Айкодан еш хабарсыз кеттім .

Подробности
Категория: Елең еткізер

 Оралда жасөспірім спортшы қыз жоғалып кетті.

Облыстық Полиция департаментінен түскен мәліметке қарағанда, 16 жастағы Лиана Шарифуллақызы Кушкеева 16 маусым күні сағат 17.30 шамасында үйінен шығып кеткеннен оралмаған. «Қазіргі кезде Орал қаласы полиция басқармасының қызметкерлері іздестіру жұмыстарын жүргізуде.

Подробности
Категория: Сырласу

 

Есімін құпия сақтаған әйелдің айтуынша, екеуі жарасымды жұп екен. Көршісі Қ. есімді азамат вахтада жұмыс істейді. Отбасы қамы үшін түзде еңбек етіп, нәпақа тауып жүр.

Көршісінің әйелін өзгемен көрген әйел мұңын шағып, Instagram әлеуметтік желісіндегі «Әйел құпиясы» парақшасына хат жолдады.

Подробности
Категория: Егіз жүрек
Махаббат хикаясы
Ғани Әлихан
 
Сол күні үйге көңілсіз келген құрдасым көңілсіз кеткен . Ол кеткеннен қолыма қалам алып осы оқиғаны жазуды бастап жібердім . Өйткені бұл маған қызық оқиға . Бірақ жазғанда жазамын -ау , маған қызық болғанмен оған мұңлы оқиға . Сол үшін кеште болса да өзіне бір ауыз айтуды мақұл көріп қоңырау соқтым . 

 - Қой болды , енді жазба-  дейді .
 
- Бастап қойғанмын , жазбасам болмайды- дедім .

Подробности
Категория: Егіз жүрек
Махаббат хикаясы
 
Ғани Әлихан
 
Осы келіп кеткен Әскербекпен түйдей құрдаспын . Екеуміздің бір мектепті бір класты оқып бітіргеніміз бар . Жасында қандай еді , жарықтық жалындаған от еді ғой өзі . Тап қазір екі жағы қуарып бұрынғы қою қара шашы сиреп самайын ақ шалған ауыл ағасы . 

Қырықтан үш аттап кетседе әліде күш қайраты қайтпаған , сомбал денелі келісті жігіт . Алайда кешегі үйге келгендегі күйін көргенде қолыма қалам алып жігіттіктің тағыда бір күңіренген күйін шерткеннен басқа амалым қалмады . Жоғарыда айтып өткенімдей бұл екеуміз бірге оқыдық . 

Подробности
Категория: Әлем жаңалықтары

Ғалымдар қатерлі ісікке шалдықпау үшін қолданылатын вакцина ойлап тапты.


Тәжірибе 11 адамға жүргізілген. Нәтижесі аталған вакцинаның обырдың қатерін төмендетуге көмектесе алатынын көрсетті.

Подробности
Категория: Елең еткізер

 14 маусымда Өскеменде Үлбі өзенінің жағасында адамның денесі табылды. 

Шығыс Қазақстанда Абай ауданының бұрынғы әкімі Тұрсынғазы Мүсәпірбеков көз жұмды. Өлімнің алдын-ала себебі - найзағай соққысы. Ең алдымен полиция бөлімшесіне қала тұрғыны қоңырау шалып,өзен бойында бір адамның қимылсыз жатқанын хабарлаған. Жедел жеткен тергеу тобы 66 жастағы ер адамың денесін тапқан.

Подробности
Категория: Әлем жаңалықтары

 

Аталмыш оқиға ағымдағы жылда жаһанды дүрліктірген. 

Бес баласын аяусыз өлтірген ер адам өлім жазасына кесілді.

  1. Анам тас жүрек болып барады
  2. Ешкімге айтуға болмайтын 7 құпия
  3. «Айқайлағанның бәрі Алашшыл емес»: Алтынай Жорабаева наразылықта үнсіз қалдың деп сөккендерге жауап берді
  4. Әйеліңіз төсекте КІМДІ және НЕНІ ойлап жатқанын білгіңіз келсе... (21+)