Қазақстанда шетелден жұмыртқа әкелуге уақытша тыйым салынды

 

    el24.kz Қазақстанда шетелден жұмыртқа импорттауға уақытша тыйым салынды. Осыған байланысты алдағы уақытта дүкен сөрелерінен шетелдік жұмыртқаны кездестірмейміз. Бұл шешім отандық құс фабрикалары ел ішіндегі сұранысты толық қамтамасыз ете алатынына байланысты қабылданды.

Ауыл шаруашылығы министрлігінің мәліметінше, тиісті бұйрыққа министр қол қойған. Құжатқа сәйкес, жұмыртқа импортына енгізілген шектеу әзірге бір ай мерзімге белгіленіп отыр. Тыйым Еуразиялық экономикалық одақ елдерін қоса алғанда, барлық мемлекеттерге қатысты. Жұмыртқаны Қазақстан аумағынан тек транзиттік тасымал ретінде өткізуге ғана рұқсат етіледі.

Министрлік бұл шешімді отандық тауар өндірушілерді қолдау қажеттілігімен түсіндірді. Себебі сырттан әкелінетін жұмыртқа қазақстандық құс фабрикаларының өндірістік қарқынын төмендетіп, олардың толық қуатта жұмыс істеуіне кедергі келтіріп келген.

ҚР Ауыл шаруашылығы вице-министрі Аманғали Бердалиннің айтуынша, елімізде құс шаруашылығы бағытында жұмыс істейтін 37 фабрика бар.

«Бұл фабрикалар белгілі бір көлемде ғана емес, тіпті өз қуатынан да көп жұмыртқа өндіруге қауқарлы. Алайда қазіргі таңда мүмкіндіктеріне қарағанда аз өндіріп отыр. Импортты шектеу отандық ауыл шаруашылығы тауар өндірушілеріне өндіріс көлемін арттыруға мүмкіндік береді. Бүгінде біз өзімізді жұмыртқамен 100 пайыз қамтамасыз етіп отырмыз», – деді вице-министр.

Ауыл шаруашылығы министрлігінің мәліметінше, аталған шара ішкі нарықтағы тұрақтылықты сақтауға, отандық өнім үлесін арттыруға және құс шаруашылығы кәсіпорындарының экономикалық жағдайын жақсартуға бағытталған.

 

«Жеті күн емес». Қазақстанда ақылы жолды 30 күн ішінде төлеуге болады

 

   el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.

Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.

Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.

Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.

Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.

Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.

Жол жабылғаны туралы ескертуді елемеген жүргізушілерге 118 мың теңге айыппұл салынады

 

     el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.

Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.

Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.

Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.

— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.

Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.

2026 жылға Жұлдызнама

 

   el24.kz 2026 жыл — Сатурн мен Юпитердің белсенді әсері күшейетін, жауапкершілік, тәртіп, өз-өзін дамыту және қаржылық тұрақтылық алдыңғы орынға шығатын жыл. Көп адам үшін бұл жыл — өсу, түзілу және жаңа өмір кезеңіне қадам басу жылы.

♈ Тоқты (Овен)

2026 жылы Тоқтылар жаңа бағыт іздейді. Көптен бері армандап жүрген істі бастауға қолайлы жыл.

  • Қаржы: Ірі табыс көздері ашылады.

  • Денсаулық: Энергия көп, бірақ күйзеліске абай болыңыз.

  • Махаббат: Жеке өмірде жаңа кезең, отбасылылар үшін түсіністік артады.

♉ Торпақ (Телец)

Бұл жыл Торпақтарға тұрақтылық пен материалдық береке әкеледі.

  • Қаржы: Жыл ортасында табыс еселенеді.

  • Жұмыс: Жаңа қызмет немесе мансаптық өсу.

  • Отбасы: Үй, жер, мүлікке қатысты жақсы жаңалықтар.

♊ Егіздер (Близнецы)

2026 — Егіздер үшін қарым-қатынастар жылы.

  • Жұмыс: Келісімшарттар, жаңа таныстықтар пайда әкеледі.

  • Қаржы: Ақша келеді, бірақ шығын да көп.

  • Денсаулық: Ұйқыға, жүйке жүйесіне көңіл бөліңіз.

♋ Шаян (Рак)

Шаяндар үшін 2026 — ішкі тыныштық пен жаңару жылы.

  • Отбасы: Отбасында үлкен қуаныш, туыстық байланыстар нығаяды.

  • Қаржы: Тұрақты, бірақ күтпеген шығын болуы мүмкін.

  • Денсаулық: Ас қорыту жүйесіне назар аударыңыз.

♌ Арыстан (Лев)

Арыстандар үшін бұл жыл — мақсатқа жету жылы.

  • Жұмыс: Мансаптың шарықтау шегі.

  • Қаржы: Үлкен келісім, табыстың көбеюі.

  • Махаббат: Көптен күткен тұрақтылық келеді.

♍ Бикеш (Дева)

2026 Бикештерді еңбек пен табыстың молымен қуантады.

  • Қаржы: Экономика жақсы, жинақ көбейеді.

  • Махаббат: Сезім қайта жанданады.

  • Денсаулық: Арқа, бел, жүйке жүйесіне абай болыңыз.

♎ Таразы (Весы)

Таразылар үшін жыл — тепе-теңдікті табу жылы.

  • Жұмыс: Жаңа серіктестік, шығармашылық жобалар.

  • Қаржы: Тұрақтылық орнайды, бұрынғы қарыздар жабылады.

  • Махаббат: Қарым-қатынаста түсіністік артады.

♏ Сарышаян (Скорпион)

2026 — үлкен өзгерістер жылы.

  • Қаржы: Үлкен жобалардан табыс көп.

  • Отбасы: Кейбір мәселелер шешімін табады.

  • Денсаулық: Иммунитетті күшейтіңіз.

♐ Мерген (Стрелец)

Мергендер үшін жаңа мүмкіндіктер көп.

  • Жұмыс: Шетел, оқу, жаңа тәжірибе.

  • Қаржы: Тұрақты, бірақ инвестицияға абай болыңыз.

  • Махаббат: Күтпеген таныстық.

♑ Тауешкі (Козерог)

2026 жыл Тауешкіге үлкен жетістік әкеледі.

  • Жұмыс: Көп жылғы еңбектің жемісі.

  • Қаржы: Табыстың күрт өсуі.

  • Отбасы: Үлкен қуаныш.

♒ Суқұйғыш (Водолей)

Бұл жыл Суқұйғыштар үшін жаңашылдық жылы.

  • Жұмыс: Технология, шығармашылық салаларда жарқырайсыз.

  • Қаржы: Капитал өседі.

  • Денсаулық: Жүрек пен қан қысымына назар аударыңыз.

♓ Балықтар (Рыбы)

2026 жылы Балықтар рухани өсу мен тыныштық табады.

  • Махаббат: Жаңа махаббат не қарым-қатынастың тереңдеуі.

  • Қаржы: Жақсы, бірақ жоспарлау керек.

  • Жұмыс: Жаңа бағыт бастайсыз.

Жұмыссыздар мемлекеттен әлеуметтік төлемді қалай ала алады?

 

 el24.kz  Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі

мерзімге тағайындалады.

Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.

Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:

  • eGov.kz порталында тіркелу;

  • «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;

  • онлайн өтінімді толтырып, электронды цифрлық қолтаңба (ЭЦҚ) арқылы қол қою;

  • өтінімді жолдау.

Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.

Айта кетейік, бұл қызметті электронды еңбек биржасы арқылы онлайн режимде де рәсімдеуге болады.

Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.

 

Президент Қазақстан халқын Тәуелсіздік күнімен құттықтады

 

el24.kz  Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтап, ел бірлігі мен тұрақтылықтың маңызын атап өтті. Президенттің айтуынша, бұл мереке – еліміз үшін тарихи мәні зор, тағдырлы күн.

Қасым-Жомарт Тоқаев Тәуелсіздік – халқымыздың ең қастерлі құндылығы екенін айтып, егемендікті нығайту жолында Қазақстанның елеулі жетістіктерге қол жеткізгенін атап өтті.

— Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады. Тәуелсіздік бәрінен қымбат. Біз бабалар рухына тағзым етіп, өскелең ұрпақ алдындағы тарихи жауапкершілікті терең сезіне отырып, осы ұстанымға адал боламыз. Азаматтарымыздың ырысты ынтымағының, өзара қолдауының, жасампаз еңбегінің және қоғамдағы тұрақтылық пен келісімнің арқасында Қазақстан Тәуелсіздікті нығайту ісінде айтарлықтай жетістіктерге жетті, — деді Президент.

Мемлекет басшысы қазіргі әлемде болып жатқан жылдам өзгерістерге тоқталып, жаңа тарихи кезең түрлі сын-қатерлермен қатар, тың мүмкіндіктерге де жол ашып отырғанын атап өтті. Осы орайда ел бірлігін сақтау аса маңызды екенін айтты.

— Мұндай жағдайда біз жас әрі озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауға тиіспіз, — деді Қасым-Жомарт Тоқаев.

Сонымен қатар Президент еліміздің жаһандық деңгейдегі беделі мен бәсекеге қабілеттілігін арттыру үшін аянбай еңбек ету қажет екенін жеткізді. Қазіргі таңда жүзеге асырылып жатқан ауқымды реформалар елдің жан-жақты жаңғыруына бағытталғанын айтты.

— Стратегиялық бағдарымыздан ауытқымай, Әділетті, Күшті, Таза және Қауіпсіз Қазақстанды құрамыз. Баршаңызға мол бақыт, бақ-береке және толағай табыс тілеймін. Қастерлі Тәуелсіздігіміз мәңгі болсын! — деді Мемлекет басшысы.

Подробности
Категория: Әлем жаңалықтары

 

Автралия тұрғыны Белинда Нортонның айтуынша, адамды әлеуметтік желілер мен дұрыс тамақтанбау тез қартайтады.
 
Австралияның Квисленд штатында тұратын Белинда Нортон өз жасынан екі есе жас көрінеді. Ол қартаюмаудың құпиясымен бөлісті. Әйелдің айтуынша, оптимистік мінезі, массаж және құрбыларымен жиі бас қосуының арқасында бетіне әжім түспей, күннен-күнге құлпырып бара жатқан көрінеді .
«Қыз-келіншектер әрдайым бас қосып, шүйіркелесіп, осылайша артық күйзелістен арылып отыруы тиіс», — деп санайды Нортон. 

Подробности
Категория: Проза
Бақтыгүл Ауданова
 (хикаят)


Танысқан күннен бастап Алтайды сырттай иемденіп алған Гүлжан енді оны маңайындағы мың қыздан қызғанайын деді. Есіл дерті оқу емес, Алтай. Оны бірге оқитын курстастарынан да, құрбыларынан да қызғанады. Сабақ жайына қалды.

Сабақ үстінде де Алтайда ойлап отырады. Қоңырау соғыла сала есікке жүгіреді. Қыз-жігіттердің ішінен Алтайды іздейді. Оны көрсе жүрегі өрікпіп, қуанышы алаулап кетеді. Ал егер Алтайдың әлдебір қызбен сөйлескенін, не бірге тұрғанын көрсе жүзі сұрланып шыға келеді.
Алтай да Айжан мен Гүлжанға іш тартып, қарындастарындай қамқорлық көрсетеді. Содан ба үлкен курстың жігіттері бұларды қатты сыйлайды.

Подробности
Категория: Елең еткізер

 

Алайда бағасы 3500 теңгеден асатын билеттер үшін комиссиялық алым сол күйі қалады.

 15 қаңтар, яғни ертеңнен бастап Қазақстанда құны 3500 теңгеге дейінгі пойыз билетін қайтарғаны үшін 1000 теңге мөлшерінде айыппұл салынбайды. "Жолаушылар тасымалы" АҚ халықтың өтінішімен осындай жаңашылдық енгізіп отыр, деп хабарлайды  Sputnik Қазақстан. 

Подробности
Категория: Проза

(хикая)

Рүстемқызы Бақтыгүл Ауданова (Bakti Audan) журналист, жазушы, Әлем Халықтары Жазушылары Одағының мүшесі.

Қаламгер 1980 жылы Шығыс Қазақстан облысының Күршім ауданында дүниеге келген. 
Шардара аудандық «Өскен өңір» газетінде тілші, тәуелсіз «Шартарап-Шарайна» газетінде жауапты хатшы, редактордың орынбасары, республикалық «Барыс» газетінде әдеби қызметкер болып еңбек етті.

Ақын Әлібек Мейірбеков атындағы медальмен марапатталған. 

Шығармалары «Ақ шағала жырлар» ақын-жазушылар топтамасына енген. «Пейіштің самалы» атты кітаптің авторы.

Подробности
Категория: Сырласу

 

 Соңғы кезде менің өмірімде шытырман оқиғалар тым жиілеп кетті. Бір себептерге байланысты жұмыстан шығып кетіп, әйелімнің туыстарының арқасында тағы бір жұмысқа орналастым. Онда жүргізуші болып қызмет етіп жүріп, ойламаған жерден сонда жұмыс істейтін бір қызға ессіз ғашық болдым. Сезім шіркінді тежеп тастау өте қиын екен, не істерімді білмей басым қатып кетті. Мұндай жағдайдан қалай шығу керек, қандай ақыл-кеңес айтасыздар? Осыны білу үшін «Алаш айнасына» іштегі жан сырымды ақтарғым келді.

Мен Қарағанды облысының шағын қалаларының бірінде тұрамын. Үйленгенмін, бір ұл, бір қызым бар. Әйеліміз екеуміз сүйіп қосылдық, жеке отау құрып, үйлі болдық. Басшылықпен түсінісе алмай жап-жақсы істеп жүрген жұмысымнан бір күнде айрылып қалдым.

Подробности
Категория: Әлем жаңалықтары

Италияның оңтүстігінде Казерта провинциясында жол-көлік оқиғасы болды.

Оқиға бейсенбі күні кешкісін болған. Апат салдарынан төрт адам мерт болып, біреуі ауыр жарақат алған, деп хабарлайды RaiNews24 телеарнасы. Жол-көлік оқиғасы жергілікті полиция көліктің ізінен қуып бара жатқанда болған. 

Подробности
Категория: Елең еткізер

Ақпарат және коммуникация министрі Дәурен Абаев алдын ала ескертуге қарамастан, Қазақстан тұрғындарын ұялы байланыстан неліктен ажыратпағанын айтып берді.

 Заң бойынша ұялы байланыста жұмыс істейтін телефондар мен басқа да құрылғылардың иесі операторға өз ЖСН-ін (егер ол жеке тұлға болса) немесе бизнес сәйкестендіру нөмірін (заңды тұлға) хабарлауы тиіс.

Абаев ұялы құрылғыларды тіркеу процесі қалай жүріп жатқанын мәлім етті.

Подробности
Категория: Сырласу

 Әйел адам үйде отыра бергесін кәдімгідей басылып, жүнжіп кетеді екен. Күйеуіңнің алдында да қадірің аса болмайды. Әкелгенін қанағат тұтып, ұқсатып отырмын-ақ. «Декреттен» кейін сегіз жыл өтсе де әлі жұмысқа шыққан емеспін.

Әбден жалықтым

Күйеуіммен ақылдасып, таныс арқылы ақыры бір жұмысқа шықтым-ау. Кәдімгідей еңсем тіктеліп, бойымды түзеп алдым.

Подробности
Категория: Әлем жаңалықтары

Болгарлық көріпкел Ванганың 2019 жылға болжамы әлеуметтік желіде қызу талқыланып жатыр.

 

Бір қызығы, әлемдік сарапшылардың Ресейге қатысты пікірлеріне Ванганың көріпкелдігі мүлдем сәйкес келмейді. Сарапшылар Ресейді құлдырайды деп болжаса, Ванга, керісінше, оның планетадағы ең құдіретті, алып державаға айналатынын айтыпты. Әрі мемлекет жолдан тайғандар үшін рухани кемеге айналады екен-мыс. Ал «адасқандар» деп Ванга Еуропалық одақты айтыпты.

Подробности
Категория: Сырласу

Әуестік пе, ақымақтық па? Қалтадағы ақша ма? Өмірдің өзім біле бермейтін бір қырын қызықтағым келді де, «Жас сұлу жоғары ақылы қызметке дайын», – деген жарнамадағы телефон нөмерін тере қойдым.

Ар жағынан: «үйде қабылдаймын» деген соң, мекен-жайын біліп алдым да тарттым. Қалай барғанымды, қалай қабылдағанын айтып жатудың қажеті жоқ, жұрт айта беретін қызықты көрдім. Құмардан шықтым. Ару десе – ару, сұлу десе – сұлу. Кәсібін жетік білетіннің нақ өзі. Жап-жас болып соның бәрін қайдан үйренгеніне таң қаласың. Оның бәрін порнофильмдерден үйренгенін жасырмайды. Ол ол ма, нақ әртістей образға еніп, он екі мүшеңді балқытпай қоймайтындай дәрежеде орындайды.

Подробности
Категория: Проза

Таң біліне қаланың тіршілігі басталады. Автопарктен шыққан автобустар өз бағыттары бойынша көше бойлап барады. Қалың киімдерінің сыртынан киіп алған сары қапеттері анадайдан мен мұндалап, қолдарында сыпырғыштары бар тазалық қызметкерлері де жол жағалай өз жұмыстарына асығуда. Бәрінің қамы – күйбең-тірлік, жанұяларын асыраудың амалы. Көп ұзамай қала халқы да үйлерінен шығып бірі жұмысқа, енді біреулері балаларын балабақшаға, мектепке апаруға жетелеп аялдамаға қарай жанталасуда.

Подробности
Категория: Керек кеңес
 

Еркек пен әйелдің арасындағы айырмашылықты жұрттың бәрі жақсы біледі. Алайда «әйелдің шашы ұзын ақылы қысқа» деген қағиданы алға тартып, бүгінгі нәзік жандылары ешқандай да кемсіте алмайсыз. Тіпті олардың арасында билік бишігінде жуан жұдырықтылардан да мықты жұмыс істейтіндері жеткілікті. Соған қарамастан, арулардың ақылы ерлерге қарағанда, жан-жақты дамымағаны жиі сөз болуда.

Еркек пен әйелдің арасындағы айырмашылықты жұрттың бәрі жақсы біледі. Алайда «әйелдің шашы ұзын ақылы қысқа» деген қағиданы алға тартып, бүгінгі нәзік жандылары ешқандай да кемсіте алмайсыз. Тіпті олардың арасында билік бишігінде жуан жұдырықтылардан да мықты жұмыс істейтіндері жеткілікті. Соған қарамастан, арулардың ақылы ерлерге қарағанда, жан-жақты дамымағаны жиі сөз болуда.

Подробности
Категория: Елең еткізер

 

Атышулы "Келін" фильмі арқылы елге танылған, бүгінде танымал актриса Гүлшарат Жұбаева үй қызметшісінен қалай қалай кәсіпкерге айналғанын айтып берді. Актриса бүгінде 60-тан аса адамды жұмыспен қамтып отыр деп жазады NUR.KZ.


Гүлшарат Жұбаеваның сөзінше, ол осыдан 15 жыл бұрын үй қызметшісі болған.

Подробности
Категория: Керек кеңес

 

Жүктi әйел шашын кессе – iштегi бала кемтар болып туады, бақыты кесiледi.

Қазақ баланы санамайды және санын айтпайды. Қалжа жемеген әйелдiң баласы ынжық, болбыр, икемсiз болып өседi. Баланы бесiкке саларда ешкiм сөйлемейдi. Егер бiреу сөйлеп қойса, была жылауық, өскенде өсекшi болады. Сәби шалқасынан жатып башайын тiстесе, оны “үйiрiн шақырып жатыр” деп ырымдайды. Яғни оның соңынан тағы бiр бала келедi деген ұғым бар.

  1. Оқушыдан таяқ жеген мұғалім ауруханаға түсті
  2. "34 жас": Махаббаттың жасқа қарамайтынын дәлелдеген қазақстандық жұлдыздар
  3. Сағыныш сазгері
  4. Жан алғыш періштені көрген намазхан жігіт