el24.kz Қазақстанда шетелден жұмыртқа импорттауға уақытша тыйым салынды. Осыған байланысты алдағы уақытта дүкен сөрелерінен шетелдік жұмыртқаны кездестірмейміз. Бұл шешім отандық құс фабрикалары ел ішіндегі сұранысты толық қамтамасыз ете алатынына байланысты қабылданды.
Ауыл шаруашылығы министрлігінің мәліметінше, тиісті бұйрыққа министр қол қойған. Құжатқа сәйкес, жұмыртқа импортына енгізілген шектеу әзірге бір ай мерзімге белгіленіп отыр. Тыйым Еуразиялық экономикалық одақ елдерін қоса алғанда, барлық мемлекеттерге қатысты. Жұмыртқаны Қазақстан аумағынан тек транзиттік тасымал ретінде өткізуге ғана рұқсат етіледі.
Министрлік бұл шешімді отандық тауар өндірушілерді қолдау қажеттілігімен түсіндірді. Себебі сырттан әкелінетін жұмыртқа қазақстандық құс фабрикаларының өндірістік қарқынын төмендетіп, олардың толық қуатта жұмыс істеуіне кедергі келтіріп келген.
ҚР Ауыл шаруашылығы вице-министрі Аманғали Бердалиннің айтуынша, елімізде құс шаруашылығы бағытында жұмыс істейтін 37 фабрика бар.
«Бұл фабрикалар белгілі бір көлемде ғана емес, тіпті өз қуатынан да көп жұмыртқа өндіруге қауқарлы. Алайда қазіргі таңда мүмкіндіктеріне қарағанда аз өндіріп отыр. Импортты шектеу отандық ауыл шаруашылығы тауар өндірушілеріне өндіріс көлемін арттыруға мүмкіндік береді. Бүгінде біз өзімізді жұмыртқамен 100 пайыз қамтамасыз етіп отырмыз», – деді вице-министр.
Ауыл шаруашылығы министрлігінің мәліметінше, аталған шара ішкі нарықтағы тұрақтылықты сақтауға, отандық өнім үлесін арттыруға және құс шаруашылығы кәсіпорындарының экономикалық жағдайын жақсартуға бағытталған.
el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.
Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.
Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.
Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.
Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.
Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.
el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.
Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.
Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.
Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.
— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.
Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.
el24.kz 2026 жыл — Сатурн мен Юпитердің белсенді әсері күшейетін, жауапкершілік, тәртіп, өз-өзін дамыту және қаржылық тұрақтылық алдыңғы орынға шығатын жыл. Көп адам үшін бұл жыл — өсу, түзілу және жаңа өмір кезеңіне қадам басу жылы.
2026 жылы Тоқтылар жаңа бағыт іздейді. Көптен бері армандап жүрген істі бастауға қолайлы жыл.
Қаржы: Ірі табыс көздері ашылады.
Денсаулық: Энергия көп, бірақ күйзеліске абай болыңыз.
Махаббат: Жеке өмірде жаңа кезең, отбасылылар үшін түсіністік артады.
Бұл жыл Торпақтарға тұрақтылық пен материалдық береке әкеледі.
Қаржы: Жыл ортасында табыс еселенеді.
Жұмыс: Жаңа қызмет немесе мансаптық өсу.
Отбасы: Үй, жер, мүлікке қатысты жақсы жаңалықтар.
2026 — Егіздер үшін қарым-қатынастар жылы.
Жұмыс: Келісімшарттар, жаңа таныстықтар пайда әкеледі.
Қаржы: Ақша келеді, бірақ шығын да көп.
Денсаулық: Ұйқыға, жүйке жүйесіне көңіл бөліңіз.
Шаяндар үшін 2026 — ішкі тыныштық пен жаңару жылы.
Отбасы: Отбасында үлкен қуаныш, туыстық байланыстар нығаяды.
Қаржы: Тұрақты, бірақ күтпеген шығын болуы мүмкін.
Денсаулық: Ас қорыту жүйесіне назар аударыңыз.
Арыстандар үшін бұл жыл — мақсатқа жету жылы.
Жұмыс: Мансаптың шарықтау шегі.
Қаржы: Үлкен келісім, табыстың көбеюі.
Махаббат: Көптен күткен тұрақтылық келеді.
2026 Бикештерді еңбек пен табыстың молымен қуантады.
Қаржы: Экономика жақсы, жинақ көбейеді.
Махаббат: Сезім қайта жанданады.
Денсаулық: Арқа, бел, жүйке жүйесіне абай болыңыз.
Таразылар үшін жыл — тепе-теңдікті табу жылы.
Жұмыс: Жаңа серіктестік, шығармашылық жобалар.
Қаржы: Тұрақтылық орнайды, бұрынғы қарыздар жабылады.
Махаббат: Қарым-қатынаста түсіністік артады.
2026 — үлкен өзгерістер жылы.
Қаржы: Үлкен жобалардан табыс көп.
Отбасы: Кейбір мәселелер шешімін табады.
Денсаулық: Иммунитетті күшейтіңіз.
Мергендер үшін жаңа мүмкіндіктер көп.
Жұмыс: Шетел, оқу, жаңа тәжірибе.
Қаржы: Тұрақты, бірақ инвестицияға абай болыңыз.
Махаббат: Күтпеген таныстық.
2026 жыл Тауешкіге үлкен жетістік әкеледі.
Жұмыс: Көп жылғы еңбектің жемісі.
Қаржы: Табыстың күрт өсуі.
Отбасы: Үлкен қуаныш.
Бұл жыл Суқұйғыштар үшін жаңашылдық жылы.
Жұмыс: Технология, шығармашылық салаларда жарқырайсыз.
Қаржы: Капитал өседі.
Денсаулық: Жүрек пен қан қысымына назар аударыңыз.
2026 жылы Балықтар рухани өсу мен тыныштық табады.
Махаббат: Жаңа махаббат не қарым-қатынастың тереңдеуі.
Қаржы: Жақсы, бірақ жоспарлау керек.
Жұмыс: Жаңа бағыт бастайсыз.
el24.kz Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі
мерзімге тағайындалады.
Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.
Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:
eGov.kz порталында тіркелу;
«Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;
онлайн өтінімді толтырып, электронды цифрлық қолтаңба (ЭЦҚ) арқылы қол қою;
өтінімді жолдау.
Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.
Айта кетейік, бұл қызметті электронды еңбек биржасы арқылы онлайн режимде де рәсімдеуге болады.
Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.
el24.kz Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтап, ел бірлігі мен тұрақтылықтың маңызын атап өтті. Президенттің айтуынша, бұл мереке – еліміз үшін тарихи мәні зор, тағдырлы күн.
Қасым-Жомарт Тоқаев Тәуелсіздік – халқымыздың ең қастерлі құндылығы екенін айтып, егемендікті нығайту жолында Қазақстанның елеулі жетістіктерге қол жеткізгенін атап өтті.
— Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады. Тәуелсіздік бәрінен қымбат. Біз бабалар рухына тағзым етіп, өскелең ұрпақ алдындағы тарихи жауапкершілікті терең сезіне отырып, осы ұстанымға адал боламыз. Азаматтарымыздың ырысты ынтымағының, өзара қолдауының, жасампаз еңбегінің және қоғамдағы тұрақтылық пен келісімнің арқасында Қазақстан Тәуелсіздікті нығайту ісінде айтарлықтай жетістіктерге жетті, — деді Президент.
Мемлекет басшысы қазіргі әлемде болып жатқан жылдам өзгерістерге тоқталып, жаңа тарихи кезең түрлі сын-қатерлермен қатар, тың мүмкіндіктерге де жол ашып отырғанын атап өтті. Осы орайда ел бірлігін сақтау аса маңызды екенін айтты.
— Мұндай жағдайда біз жас әрі озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауға тиіспіз, — деді Қасым-Жомарт Тоқаев.
Сонымен қатар Президент еліміздің жаһандық деңгейдегі беделі мен бәсекеге қабілеттілігін арттыру үшін аянбай еңбек ету қажет екенін жеткізді. Қазіргі таңда жүзеге асырылып жатқан ауқымды реформалар елдің жан-жақты жаңғыруына бағытталғанын айтты.
— Стратегиялық бағдарымыздан ауытқымай, Әділетті, Күшті, Таза және Қауіпсіз Қазақстанды құрамыз. Баршаңызға мол бақыт, бақ-береке және толағай табыс тілеймін. Қастерлі Тәуелсіздігіміз мәңгі болсын! — деді Мемлекет басшысы.
Әлеуметтік желіде жас ананың аянышты халі жайлы жазылған хат оқырмандар тарапынан қызу талқыланып жатыр, деп хабарлайды Caravan.kz медиа-порталы.
Күйеуі мүгедек болып қалғандықтан көпшіліктен ақыл-кеңес сұраған келіншектің ендігі әрекетіне кейбірі аяушылық білдірсе, енді бірі мүгедек жолдасыңды тастап кеткенің дұрыс деген мағынада кеңес беруде. Дегенмен басым бөлігі қиын қыстау кезде тастай қашқаның мүлдем адамгершілікке жатпайды деп кейістік білдірген.
Фотографтың айтуынша, ақ аюлар әбден арықтап, азық іздеуге қауқарсыз болып барады. Аюларды қоректендіру үшін жүз келіден астам ет қажет екен. Әдетте олар итбалықпен қоректенеді, бірақ ол үшін оларға аң аулайтын мұз учаскесі қажет. Егер мұз бен теңізге шығу мүмкіндігі болмай, олар құрлықта ұзақ уақыт қалып қойса аюлар ашыға бастайды.
Мұны кім қалай түсінсе де өз шаруасы. Бірақ бұл – болған оқиға. Ол кезде 22 жастамын. ҚазМУ-ға оқуға түсіп, қуанышымыз қойнымызға сыймай жүрген кез.
Шамалғаннан алма терген журфактың студенттері шүйіркелесіп, бір-бірімізбен көз таныс боп қалдық. Оқу басталып, студенттер №5 жатақханаға орналасып жатыр.Олардың арасынан бір курс жоғары оқитын Майраны бірден тани кеттім. Аз-кем сөйлескен соң ол мені өзі жайғасқан бөлмеге қонаққа шақырды. Сәлден кейін Майраның бөлмесіне бардым. Курсынан басқа да құрбылар жиналыпты. Шай ішіп отырмыз.
Бір кезде Майра қызу әңгімеге кірісті.
Көпшілік бананды жемістер қатарына жатқызады. Алайда, ол – жидек. Ең үлкен банан ағашының биіктігі, орташа есеппен, 10 метр, ал диаметрі – 50 сантиметрге жетеді.
Бұл туралы жігіт Reddit сайтында жазды, деп хабарлайды Stan.kz.
«Мен комада бір апта жаттым. Алайда маған бұл уақыт қас-қағым сәт сияқты болып көрінді. Тағы бір таңғаларлығы, ессіз жатқанымда, анамның әлдилеген даусын естідім. Ол менің балалық шағым туралы, жасаған әрекеттерім туралы айтты… Оның әр сөзі есімде», – дейді жас жігіт.
Әйелдің денесін зиратқа әкетіп бара жатқанда, табыттан біртүрлі дыбыстар шыққан. Марқұмның туысқандары катафалк жүргізушісінен тез арада бағытты өзгертіп, жақын маңдағы ауруханаға апаруды талап еткен, деп хабарлайды Daily Mail.
Оралда бұрынғы полиция қызметкері жауап алу кезінде үшінші қабаттан секіріп кетті.
Жігітімнен жүктімін деп бір қыз үйіне кіріп алды.
Менің тұрмысқа шығайын деп жүрген жігітімнің артынан жүгіріп жүрген қыз болған. Сол қыз жігітімнен бала көтердім, аяғым ауыр деп оның үйіне келіп, ата-анасымен танысып, кіріп алған. Білемін, жігітім де кінәлі. Бірақ біз бұл жайлы онымен сөйлестік.
Ендігі мәселе, ата-анасы аяғы ауыр болған соң ол қызды түсініп үйніе кіргізді. Ал мені ол кісілер танитын. Енді қараңызшы. жігітім ол қызды сүймейді.
Көптеген ару жігітпен сөйлесіп жүріп, оған ұнайтын-ұнамайтынын анықтағысы келеді. Жігітке ұнайтыныңыздың белгілері бар ма?
Өрт шыққан кезде отбасы мүшелері сыртқа шығып үлгереді. Олар тұрақтаған үйдің тек күлі қалыпты. Оны қайта қалпына келтіруге жарамай қалған.
«Өрт сөндірушілер түнгі сағат 01:00-дер шамасында қызыл жалынды ауыздықтады. Ал үйдің тек төрт қабырғасы қалды. Шатыры жоқ. Мен балаларыммен далада қалдым. Баратын жерім де жоқ. Шарасыздықтан не істерімді білмедім. Солай есімнен танып қалып, жедел жәрдем шақыруға мәжбүр болдық», — дейді көпбалалы ана Венера Нұрқасымова.
Қазақ қызы осыдан біраз уақыт бұрын өзіне жынның ғашық болғанын жайып салды. Айнұр есімді ару өзінің әлеміне шақыратын белгісіз дауыстан қалай құтылғанын айтып, жан сырын ақтарды деп жазады "Хит-тв" арнасының "Шырғалаң" бағдарламасына сілтеме жасаған NUR.KZ.
Айнұрдың айтуынша, бұл ауылдық жерде жаз мезгілінде орын алған.
"17-18 жасымда басымнан бір оқиға өтті. Ол уақытта біз ауылда тұратынбыз. Жазда әдеттегідей сыртта ұйықтаймыз.
Анасының қанша «өзіңді де ойласаңшы» — деп ескерткеніне назар аудармапты. Міне, сөйтіп жүргенде жасы отыздан да асып кетіпті. Өткенін сараптап қарап отырса, өмірі тек інілерін оқытамын, үйлендіріп үй қыламын деумен ғана өтіпті.
“Көпбалалы аналардың санына қарағанда, бізде демографиялық жағдай жақсы. Әлеуметтік желі қолдауды сұрап, көмек талап еткен аналардың айқайына толы.
Страница 166 из 243
"El24kz" порталында жарияланған ақпараттар мен материалдарды белсенді сілтеме
жасау арқылы ғана қолдануға рұқсат етіледі.
Барлық құқықтары қорғалған.
Мекен -жайы : Маңғыстау облысы, Ақтау қаласы,19ш/а, 8ғимарат, Б/О Ақбөкен, 1 қабат
Телефон 8 (7292) 46-67-24 + 7778 180 71 78
Email : el24kz@mail.ru
