Алматыда блогер әрі заңгер Молдахан Әділетханға қатысты сот процесі жалғасуда

 

  el24.kz Алматы қаласының Алмалы аудандық сотында блогер әрі заңгер Молдахан Әділетханға қатысты қылмыстық іс қаралып жатыр. Іс Қазақстан Республикасы Қылмыстық кодексінің 274-бабы 2-бөлігі 3-тармағы бойынша қарастырылуда.

Жәбірленуші ретінде танылған Алматы қаласы полиция департаменті басшысының орынбасары Ержан Ұзабаевтың мүддесін қорғайтын адвокат Асылбек Әбдрайымовтың айтуынша, кезекті сот отырысында прокурор айыптау актісін жариялап, жәбірленушілердің бірі – Алматы қалалық полиция басқармасының бұрынғы басшысы С. Шумаевтан жауап алынған.

Адвокаттың мәліметінше, қазіргі уақытта тараптар арасында татуласу туралы келісімге қол жеткізілмеген. Сондай-ақ келтірілген залал өтелмеген.

Сот барысында жәбірленуші тарап моральдық зиян үшін 10 миллион теңге және заңгерлік көмек көрсету шығындары ретінде 1 миллион теңге өндіру туралы азаматтық талап-арыз берген.

– Бұл жерде тек жекелеген лауазымды тұлғалардың беделі туралы сөз болып отырған жоқ. Мұндай жарияланымдар мемлекеттік органдарға және жалпы құқықтық тәртіп жүйесіне деген қоғам сеніміне әсер етеді. Әзірге кешірім беру мәселесі қарастырылып отырған жоқ. Себебі азаматтық талап орындалмаған және Әділетхан Молдахан тарапынан кешірім сұрау болған жоқ, – деді адвокат Асылбек Әбдрайымов.

Заңгердің айтуынша, талап етіліп отырған 11 миллион теңге көлеміндегі моральдық және материалдық шығын толық өтелген жағдайда ғана жәбірленуші тарап мәселені қайта қарауы мүмкін.

– Егер 11 миллион теңге өтелсе, Ержан Ұзабаев бұл қаражатты балалар үйіне аудармақ. Дегенмен бұл оның кешіруге дайын екенін білдірмейді, – деп түсіндірді адвокат.

Еске сала кетейік, ҚР Қылмыстық кодексінің 274-бабы 2-бөлігі 3-тармағы бойынша кінәлі деп танылған жағдайда 11 миллион теңгеден астам мөлшерде айыппұл салу немесе үш жылға дейін бас бостандығын шектеу не айыру жазасы көзделген.

Қазіргі уақытта сот процесі жалғасып жатыр. Іс бойынша түпкілікті шешім сот үкімі шыққаннан кейін белгілі болады.

Қазақстанда 66 мыңнан астам азамат банкрот деп танылып, 250 млрд теңге қарызы есептен шығарылды

 

   el24.kz 2023 жылдан бері қолданыста жүрген «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заң мыңдаған қазақстандыққа қарыз жүктемесін азайтуға мүмкіндік берді.

Бұл туралы Сенат отырысында Мемлекеттік кірістер комитетінің дәрменсіз борышкерлермен жұмыс басқармасының басшысы Меруерт Сисембаева мәлімдеді.

Ресми деректерге сәйкес, заң күшіне енгеннен бері елімізде 66 397 азамат банкрот деп танылған. Соның ішінде мемлекеттік кірістер органдары арқылы 65 765 азаматтың 134,8 млрд теңге көлеміндегі қарызы есептен шығарылған.

Ал сот тәртібімен 632 азамат банкрот деп танылып, олардың 115 млрд теңге берешегі жойылған. Осылайша, жалпы алғанда шамамен 250 млрд теңге қарыз есептен шығарылды.

Сонымен қатар 1 118 азамат төлем қабілеттілігін қалпына келтіру рәсімін қолданған. Бұл рәсім борышкерлерге қарыздарын белгілі бір кесте бойынша өтеуге және қаржылық жағдайын реттеуге мүмкіндік береді.

Меруерт Сисембаеваның айтуынша, заң қабылданғаннан бері бірнеше рет жетілдірілген. Соңғы өзгерістердің нәтижесінде банкроттық рәсімдерін қолдану тәртібі жеңілдетіліп, кейбір талаптар алынып тасталды. Сондай-ақ өтініш беру процесі оңтайландырылып, жекелеген санаттар үшін рәсім мерзімі қысқартылған.

Сонымен бірге бірқатар мәселелер әлі де өзекті болып отыр. Атап айтқанда, кей азаматтардың иелігінде құны өте төмен ETN бағалы қағаздарының болуы олардың банкроттық рәсімінен өтуіне кедергі келтіреді. Көп жағдайда адамдар мұндай активтердің бар екенін білмейді.

Бұдан бөлек, қаржы ұйымдарының заң талаптарын бұзған жағдайдағы жауапкершілігі нақты айқындалмаған. Сондай-ақ кей банктер мен қаржы ұйымдары мемлекеттік органдардың шешімдеріне жиі шағымданып, қосымша тексерістер жүргізуді талап етеді.

Сарапшылардың пікірінше, банкроттық туралы заң азаматтарға қарыздан құтылуға нақты мүмкіндік бергенімен, оны одан әрі жетілдіру және қаржы секторымен өзара жұмысты күшейту маңызды болып қала береді.

 
 
 
 
 
 
 
 
 
 
 

 

Түркістан облысында екі бала суға кетіп, көз жұмды: анасы таңғы бесте жұмысқа кеткен

 

  el24.kz Түркістан облысының Келес ауданында екі баланың өмірін қиған қайғылы оқиға қоғамның қабырғасын қайыстырды. Ошақты суару каналында суға кеткен балалардың мәйіті бір тәулікке созылған іздестіру жұмыстарынан кейін табылды.

Қайғылы жағдай Келес ауданына қарасты Еңбекші ауылында болған. Алдын ала мәлімет бойынша, 8 жастағы Юсуфахмет пен 13 жастағы Диас үлкендердің қарауынсыз қалған кезде канал маңына барған. Қатты ағыс балаларды ағызып әкеткен.

Марқұм балалардың анасы Айгүл Тамашеваның айтуынша, оқиға болған күні ол таңғы сағат бесте жұмысқа кеткен. Артынша мүгедектігі бар күйеуі де табыс табу үшін үйден шығып кеткен. Үйдегі кіші балаларға әдеттегідей үлкен қызы қараған. Алайда ол анасына дәрі апарып беру үшін сыртқа шыққан сәтте Юсуфахмет пен Диас каналға қарай кетіп қалған.

Оқиға туралы хабар түскеннен кейін ауқымды іздестіру-құтқару жұмыстары ұйымдастырылды. Түркістан облыстық Төтенше жағдайлар департаментінің мәліметінше, іздеуге ондаған құтқарушы, арнайы техника және еріктілер жұмылдырылған. Бір тәулікке жуық жүргізілген жұмыстардың нәтижесінде балалардың денесі судан табылды.

ТЖД мәліметіне сәйкес, өңірде жыл басынан бері судағы жазатайым оқиғалардың саны артқан. Мамандар ата-аналарды балаларды су айдындарының маңында қараусыз қалдырмауға және қауіпсіздік талаптарын қатаң сақтауға шақырып отыр.

Қазіргі уақытта оқиғаның барлық мән-жайын құқық қорғау органдары анықтауда.

Бұл қайғылы жағдай балалар қауіпсіздігі мәселесінің қаншалықты маңызды екенін тағы бір мәрте көрсетті. Әсіресе жаз мезгілінде каналдар мен өзен-көлдердің маңында ойнайтын балаларға бақылауды күшейту қажеттігі туындап отыр.

 
 

Павлодар облысында Ан-2 ұшағы апатқа ұшырап, бір ұшқыш қаза тапты

 

 el24.kz Павлодар облысында Ан-2 ұшағы апатқа ұшырап, салдарынан бір адам қаза тапты. Екінші ұшқыш түрлі жарақатпен ауруханаға жеткізілген. Оқиғаның мән-жайы анықталып жатыр.

Көлік министрлігінің мәліметінше, апат 27 мамыр күні Павлодар облысының Железинка ауылы маңында болған. Әуе кемесі «Жеңіл және аса жеңіл авиацияны пайдаланушылар» заңды тұлғалар бірлестігіне тиесілі.

Ведомствоның хабарлауынша, ұшақ авиациялық-химиялық жұмыстарды орындау кезінде апатқа ұшыраған. Алдын ала мәлімет бойынша, әуе кемесі электр желілеріне соғылған.

«Бортта экипаждың екі мүшесі болған. Оқиға салдарынан бір ұшқыш қаза тапты. Екінші ұшқышты ТЖД қызметкерлері алып шықты, ол есін біледі», — делінген ресми хабарламада.

Қазіргі уақытта зардап шеккен ұшқышқа медициналық көмек көрсетіліп жатыр.

Көлік министрлігі әуе апатының себептерін ведомствоның Көліктегі оқиғалар мен инциденттерді тергеу департаментінің мамандары анықтайтынын мәлімдеді. Тергеу тобы оқиға орнына аттанған.

АҚШ-та ұсталған қазақстандыққа қатысты жаңа мәліметтер белгілі болды

 

  el24.kz АҚШ-тың Иммиграция және кедендік бақылау қызметі (ICE) Қазақстан азаматы Еламан Балтагерейдің ұсталғанын хабарлады. Ведомствоның мәліметінше, операция 5 маусым күні федералдық серіктестердің қатысуымен жүргізілген.

Қазіргі уақытта Қазақстан азаматы қамауда отыр. АҚШ билігі оған қатысты депортациялау рәсімдерін жүргізіп жатыр.

ICE таратқан ресми ақпаратқа сәйкес, Еламан Балтагерей «белгілі немесе күдікке ілінген террорист» ретінде бақылауға алынған тұлғалардың қатарына енгізілген. Сондай-ақ оған қатысты АҚШ аумағынан шығару туралы түпкілікті шешім қабылданғаны айтылды.

«Еламан Балтагерей белгілі немесе күдікке ілінген террорист ретінде ұсталуға нысанаға алынған, оған қатысты елден шығару туралы түпкілікті шешім бар», – делінген ведомство хабарламасында.

Америкалық биліктің мәліметінше, өткен жылдың жазында иммиграциялық сот Қазақстан азаматын елден шығару туралы шешім шығарған. Алайда ол белгіленген сот отырысына келмеген.

ICE сондай-ақ АҚШ президенті Дональд Трамп әкімшілігі заңсыз миграциямен күрес және ұлттық қауіпсіздікке қауіп төндіруі мүмкін тұлғаларды анықтау жұмыстарын күшейткенін атап өтті. Ведомствоның хабарлауынша, мұндай операциялар федералдық құқық қорғау органдарымен бірлесіп жүзеге асырылуда.

Қазіргі уақытта іс бойынша қосымша мәліметтер жарияланған жоқ. Қазақстан азаматының нақты қандай әрекеттерге байланысты күдікке ілінгені және оған қатысты қандай дәлелдер бар екені әзірге ресми түрде хабарланбаған.

Тергеу және депортациялау рәсімдері жалғасып жатыр.

Қазақстандықтарды алаңдатқан 10 мың теңге мәселесі: ресми жауап жарияланды

 

Ескі 10 мың теңгелік банкноттар жарамсыз болып қала ма? Ұлттық банк түсініктеме берді.

Соңғы күндері қазақстандықтар арасында ескі үлгідегі 10 мың теңгелік банкноттардың болашағына қатысты сұрақтар жиілеп кетті. Әсіресе, 27 маусымнан кейін бұл купюралармен дүкендерде төлем жасауға бола ма деген мәселе қоғамда қызу талқылануда.

Осыған байланысты Қазақстан Ұлттық банкі ресми түсініктеме беріп, ескі үлгідегі 10 мың теңгелік банкноттардың заңды төлем құралы мәртебесін сақтап отырғанын мәлімдеді.

Сенаттағы брифинг барысында Ұлттық банк төрағасының бұрынғы орынбасары Берік Шолпанқұлов азаматтар қолындағы ескі купюраларды тауарлар мен қызметтер үшін төлем жасау кезінде пайдалануға болатынын айтты.

«Егер сауда орындары ескі купюраларды қабылдамаса, оларды екінші деңгейлі банкке немесе Ұлттық банктің филиалына тапсыруға болады. Мұны мерзімге қарамастан жасауға мүмкіндік бар», – деді ол.

Ұлттық банктің мәліметінше, елде жаңа «Сақ стилі» сериясындағы банкноттарды айналымға енгізу жалғасып жатыр. Қазіргі уақытта жаңа үлгідегі барлық негізгі номиналдар шығарылған, тек 20 мың теңгелік жаңа банкнотты айналымға енгізу 2026 жылдың соңына жоспарланған.

Бұған дейін 10 мың теңгелік ескі және жаңа банкноттардың қатар айналыста болу мерзімі 2026 жылғы 27 маусымда аяқталуы тиіс болған. Алайда Ұлттық банк бұл мерзімді бір жылға ұзарту туралы шешім қабылдады. Енді ескі үлгідегі 10 мың теңгелік купюралар 2027 жылдың маусымына дейін заңды төлем құралы ретінде қолданыста болады.

Реттеушінің түсіндіруінше, мұндай шешім Қазақстан қаржыгерлер қауымдастығының ұсынысын ескере отырып қабылданған. Себебі 10 мың теңгелік банкноттар халық пен бизнес арасында ең кең таралған купюралардың бірі саналады.

Ұлттық банк сондай-ақ қатар айналым кезеңі аяқталғаннан кейін де ескі банкноттарды айырбастау мүмкіндігі сақталатынын хабарлады. Ескі үлгідегі ақшаларды барлық екінші деңгейлі банктер мен «Қазпошта» бөлімшелерінде үш жыл бойы айырбастауға болады. Ал Ұлттық банктің филиалдары оларды мерзімсіз қабылдайды.

Осылайша, қазіргі таңда ескі 10 мың теңгелік банкноттарды жарамсыз деп санауға негіз жоқ. Олармен төлем жасауға да, қажет болған жағдайда банктер арқылы айырбастауға да болады.

Подробности
Категория: Әлем жаңалықтары

Сомалиде содырлар отельге шабуыл жасап, 10 адам қаза тапты.

Бұған қоса, ондаған адам түрлі жарақат алып, ауруханаға түскен. Лаңкестер мен қауіпсіздік қызметі өкілдерінің арасындағы атыс жалғасуда. Associated Press мәліметінше, Сомалиде қаруланған содырлар тобы Кисмайо қаласындағы отельге шабуыл жасаған.

Подробности
Категория: Әлем жаңалықтары
Жамбыл облысында Алматы-Екатеринбург тас жолының 380-шақырымында жол апаты салдарынан 3 адам көз жұмды, деп хабарлады облыстық Полиция департаментінің баспасөз қызметі.

«13 шілдеде сағат 17.35-те Жамбыл облысы Полиция департаментінің кезекші бөліміне Алматы-Екатеринбург тас жолының 380-шақырымында SsanYong маркалы қызметтік автокөлігінің аударылғаны туралы хабарлама келіп түсті.

Подробности
Категория: Тылсым дүние

Даниялық, Норвегиялық және Германиялық ғалымдар адамдардың шамамен 10 пайызы қайтыс болардың алдындағы уайымды бастан өткеретінін анықтады (немесе ағылш. near-death experiences). Бұл туралы еуропалық неврология академиясының бесінші конгрессі аясында айтылды, деп хабарлайды Stan.kz ақпарат агенттігі Medicalxpress басылымына сілтеп.

Подробности
Категория: Сырласу

Жазбада әйелдің сүйкімсіз әрекеттеріне тоқтала келіп, өмірде осы қылықтардың бойыңыздан табылуына жол бермеуге шақырады.

Әлеуметтік желіде zhuldyzdyn_zhazbasy парақшасында әйелдің бойынан еркекке ұнамайтын 6 қылық туралы жазба жарияланды, деп жазады Sn.kzақпарат агенттігі.

Жазбада әйелдің сүйкімсіз әрекеттеріне тоқтала келіп, өмірде осы қылықтардың бойыңыздан табылуына жол бермеуге шақырады.

Подробности
Категория: Сырласу

Мен бұған дейін осы сайттағы отбасылық оқиғаларды оқып, өзіме сабақ алуға тырысатынмын.Мен бүгін сіздермен өз ішімдегі мұңымды ақтарсам деп едім.

Үш баланың анасымын, отбасымның шаңырағын шайқалтқым келмейтін жандардың бірімін. Бірақ өкінішке орай, күйеуім жүріс жасайды, 2 жыл шыдап келіп едім, осы жазда біраз миымды тынықтырмақ болып, ауылыма кеттім. Жолдасым өзі менің біраз уақыт ауылда болғанымды қалаған болатын. Ол анда-санда телефон шалып қоятын, балаларын сұрайды, қашан қайтасындар деп те сұрап қояды.

Подробности
Категория: Әлем жаңалықтары


Филипіндік ер адам балық аулау кезінде тірі балықты жұтып қойып, тұншығып қайтыс болған.

Роджер Марселино есімді Филипиннің Бугасонг қаласының тұрғыны 11 жасар ұлымен балық аулауға барған. Үйінен алыс емес жердегі көлде тилапия деген тірі балықты жұтып қойып, қақалып қалған.

Подробности
Категория: Керек кеңес


Алғашқы әңгімелесуден қалай жақсы өтуге болады? Өзіңді қалай ұстаған дұрыс? Сұхбаттасу барысында нені әңгіме ету керек? Міне, осы сұрақтар жұмыс іздеушілерді әбігерге түсіретіні анық. Жауап бермес бұрын, алдымен әңгімелесу кезінде жіберілетін олқылықтарға мұқият болған дұрыс. 

Әңгімелесу дегеніміз- жұмыс берушімен жұмыс іздеушінің арасындағы қызметтік кездесу. Кездесу кезінде компанияның болашағы туралы, мансап, жұмыс тәжірибесі сөз етіледі. Сондықтан қойылатын барлық сұрақтарға әзір болу керек. Әңгімелесуден жақсы өтіп, жұмысқа тез тұрып кету үшін бірнеше кезеңдерге алдын ала дайындалған абзал. 

Жұмыс берушімен телефон арқылы сөйлесу. 

Подробности
Категория: Әлем жаңалықтары

Санкт-Петербургте ер мен әйел жыныстық қатынасқа түсіп жатқан кезінде 9-қабаттың балконынан құлап кетті.

Олар жерге құлағаннан кейін әйел қайтыс болды. Ал ер адам орнынан тұрып, кетіп қалды. Басылым мәліметінше, оқиға шілденің 5-іне қараған түні орын алған. Оқиғаны өз көзімен көрген жергілікті тұрғын болған жайт туралы құқық қорғау органдарына хабарлапты. 

Подробности
Категория: Керек кеңес

Біле жүріңіз...

Ересек адамның денесі октиллион атомнан тұрады.

Денеміздегі қан тамырлардың қосындысы 96 мың км құрайды. Бұл ұзындық жерді үш рет айналуға жетеді.

Адамның миы минутына 1000 сөз оқи алады. 

Подробности
Категория: Елең еткізер


Кәсіпорынның табысы артқан сайын қызметкерлердің жалақысы да өсуі керек. Бүгін Нұр-Сұлтанда шетелдік инвесторлардың кеңесін өткізген президент жұмысшылардың еңбегін ескеріп, құқығын қорғауға шақырды. 

Қасым-Жомарт Тоқаев, Қазақстан Республикасының президенті: 

- Әркімге еңбегіне сай жалақы төлеу – әлеуметтік жауапкершіліктің негізі. Отандық қана емес, елімізде жұмыс істейтін шетелдік ірі компаниялар да осыны ескеруі керек.

Подробности
Категория: Елең еткізер

 Қазақстанда жүргізуші куәлігінсіз көлік жүргізгендерді қылмыстық жауапқа тарту керек.

Ішкі істер министрі Ерлан Тұрғымбаев осылай деп мәлімдеді. «Көлік жүргізу құқынан айырылған кейбір жүргізушілер заңға бағынбай жатады. Сондықтан құжатсыз көлік тізгіндейтіндерге жазаны күшейтуді ұсынамын.

Подробности
Категория: Елең еткізер

 Талғарда шілденің 2-нен 3-не қараған түні белгісіз ер адам 30-дағы әйелге бас салған. 

Шыңғырған дауысты естігендер дереу полицияға хабар берген. Қашып кетуге тырысқан күдікті тұтқындалды.

Талғарда 30 жастағы әйелді көшеде зорламақ болған адамды куәгерлер полицейлерге ұстап беруге көмектескен, деп хабарлайды Алматы облыстық полиция департаментінің баспасөз қызметі. 

Подробности
Категория: Керек кеңес


Кез келген бойжеткен әтір сепкенді жақсы көретін шығар. Оларға оның қораптағы қымбат түрі немесе құйылмалы екені маңызды емес. Оның түсі мен иісін әркім өз қалауынша таңдайтыны анық, бірақ оны қолдану әдісі бәріне ортақ. «Әтірсүйер» қауым қандай қателіктер жібереді? Мұны қалай жөнге келтіруге болады? Кезекті материалымызда осы сұрақтарға жауап іздейік. 

№ 1 қателік: Шашқа себудің қажеті жоқ

Подробности
Категория: Әлем жаңалықтары

Нигерияның оңтүстік шығысында жанармай таситын көлік жарылып, 50 адам тірідей жанып кеткен. Көп адам жарақат алған.

  1. ЖҰЛДЫЗ ЖОРАМАЛ: 03 ШІЛДЕ
  2. Үш әйелдің әлегі ( 7-бөлім)
  3. Нұрлан Ноғаев Атыраудағы көтеріліс жайлы пікірін айтты
  4. Димаш Құдайберген концерттен түскен қаржыны Арыстағыларға аудармақ