Әйел баласын батареяға байлап, қылқындырып өлтірген.
Қайғылы оқиға 14 қазан күні 5-ші шағын ауданның №3 үйінде орын алған. Анасы тоғыз жастағы баласының аяқ-қолын батареяға байлап, артынша оны қылқындырған, деп жазадыLada.kz.
Бала №7 орта мектептің үшінші сыныбында оқыған. «Ол күйеуінен ажырасып кеткен. Алайда әкесі баласын жиі көріп тұрды. Соңғы екі айда ол өзін өзгеше ұстады. Мектепке барып шу шығарып жүрді», - деді күдіктімен таныс әйел. Полиция әйелді қылмыс үстінде ұстаған.
Ол өзінің кінәсін толық мойындады және ешқандай қарсылық көрсеткен жоқ. Төменгі сынып оқушыларының ата-аналарының айтуынша, №7 мектеп-лицейде бұл ақпарат тарамаған. Оқу орнының директоры Гүлден Иманғалиева барлық қажетті ақпаратты құқық қорғау органдарына тапсырғанын хабарлады.
Оқиға туралы Маңғыстау облысының Ішкі істер департаментіне ресми сұрау жіберілді.
ktk.kz .
