Бүгін

Подробности: Категория: Бүгін; Опубликовано: 27 февраля 2018

Бүгін Мәжілісте орта білім мәселелеріне арналған отырыста Бекболат Тілеухан ҚР Білім және ғылым министрі Ерлан Сағадиевті оқулық мәселесін талқылау үшін Парламентке шақырды, – деп жазды kaz.365info.kz.

Депутаттан бұрын Бекболат Тілеухан Мәжіліс мінберінен әке ретінде сөз алды. Азаннан кеткен баласын қас қарая көретін әке бытықы-шытықы бастауыштың білім жүйесін қатты сынға алды.

— Бала деген ойнауы керек қой. Үйірмеге баруы тиіс. Қосымша қабілетін жетілдіруі қажет. Ал біздің баламызда мұның түгі жоқ. Таңертең сағат 8:30-да кеткеннен үйге кешкі сағат 17:00 кезінде ауыр сөмкесін сүйреп әрең жетеді.

Подробности: Категория: Бүгін; Опубликовано: 27 февраля 2018

Бүгін Мәжілісте «Орта білім берудің өзекті мәселелері» туралы дөңгелек үстел өтті. Осы орайда депутат Бекболат Тілеухан оқушылар жүктемесінің қиын екенін айтып, министрліктен «қазақстандық балалардың неліктен миын ашытып жатқанын» сұрады, деп хабарлайды Baq.kz тілшісі.

«Қазақстанда бұдан ауыр жағдайды көріп тұрған жоқпын. Неге десеңіз, жаңартылған мазмұн деп вице-министр айтып жатыр. Ал шын мәнінде қараңыз, ғалымдардың айтуынша, қабілетті бала әліппені 22-24 күнде үйренеді. Қабілеті жоқ деген бала әрі кеткенде 60 күнде үйренеді. Ал менің 1-сыныпта оқитын балам 26 ақпанда әлі «ю» әрпінде жүр, 7 ай оқып жатыр. Балада еңсесін көтеріп, ойнайтын мүмкіндік жоқ. Таңертең мектепке 8:30-да кетіп үйге 5-те келеді. Не алып жатқан білімі жоқ, не бала болып демала алмайды, не түстен кейін дзюдоға бармайды, не домбырасын тарта алмайды. Бұдан асқан жүктеме, қиыншылықты көріп отырған жоқпыз», - деді Бекболат Тілеухан.

Подробности: Категория: Бүгін; Опубликовано: 23 февраля 2018

Жаңа оқу жылында Талдықорған қаласында үш бірдей жаңа мектеп есігін айқара ашпақ. Атап айтқанда, олар - музыка мектебі және әрқайсысы 1200 орындық екі жалпы білім беретін мектептер. Бұл туралы бүгін облыс әкімі А. Баталовтың қалада салынып жатқан құрылыс нысандарды аралауы барысында белгілі болды, - деп хабарлайды Алматы облысы әкімінің баспасөз қызметі.

Аралау кезінде өңір басшысы Амандық Баталов әр нысанға қатысты ескертпелерін айтып, атқарылып жатқан жұмыстардың сапасына баса назар аударуды тапсырды.

Подробности: Категория: Бүгін; Опубликовано: 23 февраля 2018

Облыстық және ауылішілік жолдарды жөндеуге жергілікті бюджеттен жыл сайын 25 млрд. теңгеден астам қаржы бөлініп, жергілікті жолдардың 78%-інің жағдайы біршама жақсарды. Бұл туралы облыс әкімі Амандық Баталовтың тұрғындар алдындағы есеп беру жиынында айтылды, - деп хабарлайды Алматы облысы әкімінің баспасөз қызметі.

«Нұрлы жол» бағдарламасының арқасында әлемдік заманауи стандарттарға сәйкес «Батыс Еуропа – Батыс Қытай», «Алматы – Талдықорған» автокөлік жолдары жасалды. Өткен жылдың өзінде ғана көлік қызметінің көлемі 10% өсіп, 500 млрд. теңгеге жеткен.

Подробности: Категория: Бүгін; Опубликовано: 22 февраля 2018

Елбасы Жолдауында бес жыл көлемінде агроөнеркәсіптік кешендегі еңбек өнімділігін арттыру, ауыл шаруашылығының өңделген өнімінің экспортын кем дегенде 2,5 есеге ұлғайту міндеті қойылды. Осы мақсатта Өңдеу өнеркәсібін орналастырудың егжей-тегжейлі картасы жасалып, соның шеңберінде 2021 жылға дейін облыста 37 кәсіпорынды іске қосу және жаңғырту жоспарланған. Бұл туралы бүгін облыс әкімі А. Баталов тұрғындар алдындағы есеп беру жиынында мәлімдеді, - деп хабарлайды Алматы облысы әкімінің баспасөз қызметі.

Жасалған жұмыстардың нәтижесінде өңделген ауыл шаруашылығы өнімінің экспорты көлемін 90 млн. АҚШ долларына жеткізуді көзделіп отыр. Бұл межеге өңір ет, сүт өнімдері, консервіленген көкөністер мен жемістер, ашытқы, крахмал экспорттау арқылы жетпек.