Алматыда автобус ішінде ер адамға пышақпен шабуыл жасаған видео пайда болды

           фото видеодан скриншот

Алматыда асхана пышағымен ер адам автобус контроллеріне шабуыл жасады,- деп хабарлайды el24.kz тілшісі Zakon.kz.

Қалалық полиция департаментінің баспасөз қызметі хабарлағандай, оқиға күндіз Наурызбай ауданында қоғамдық көліктердің соңғы аялдамасында болған.

"Автобустардың бірінің диспетчері өтіп бара жатқан адамға белгіленбеген жерде темекі шеккені үшін сөгіс айтып, нәтижесінде ер адамдар арасында жанжал туындаған.

Артынша автобусқа өтіп бара жатқан адам жүгіріп кіріп, қарсыласын пышақтап кеткен. Жедел жәрдем бригадасы бақылаушыны шұғыл түрде ауруханаға жатқызды", — деді Алматы қалалық ІІД бастығының бірінші орынбасары Қуатбек Науатов.

38 жастағы күдікті жедел іздестіру шараларымен ұсталып, уақытша ұстау изоляторына қамалды. Қылмыстық қару – асхана пышағы алынды. 2024 жылдың қазан айында дәл осындай оқиға Алматыда болған еді. Бұл жағдайда қолында құрылыс пышағы бар ер адам автобус жүргізушісіне шабуыл жасаған.

Полиция қызметкері абайсызда әріптесін атып тастады

 

 Полиция қызметкері абайсызда әріптесін атып тастады. Оқыс оқиға Таразда болды,- деп хабарлайды el24.kz тілшісі Zakon.kz.ке сілтеме жасап.

Оқиға жайлы ақпарат әлеуметтік желілерден белгілі болды. Жазбаға сүйенсек, Таразда патрульдік полиция батальонының инспекторы "қызметтік қарумен ойнап, әріптесін абайсызда атып тастады"

"2024 жылғы 16 қарашада қызметтік көлікте қызмет көрсетілетін аумақты патрульдеу кезінде полиция қызметкері қарумен абайсызда өзінің әріптесін атты. Кездейсоқ ауыр зардаптарға әкеп соққан немқұрайлылық фактісі бойынша қылмыстық іс қозғалды. Жәбірленуші Қордай аудандық ауруханасына жатқызылды", — деп түсіндірді ведомствода.

Полиция қызметкерлері қызметтік тексеру жүргізеді, болған оқиғаның барлық мән-жайлары анықталады.

Қорғаныс министрлігі жастарды әскерге күштеп алып кетіп жатқан бейнероликтерге түсініктеме берді

 

Қорғаныс министрінің тәрбие және идеологиялық жұмыс жөніндегі орынбасары Шайх-Хасан Жазықбаев 2024 жылғы 14 қарашада Сенаттың кулуарында жас жігіттерді әскерге күштеп алып кетіп жатқан бейнероликтерге түсініктеме берді,-деп хабарлайды el24.kz тілшісі Zakon.kz.ке сілтеме жасап.

Ол жергілікті органдар жүргізетін жұмыс заң аясында жүзеге асырылып жатқанын атап өтті. 18 бен 28 жас аралығындағы Қазақстанның әрбір азаматы әскерде қызмет етуге міндетті.

Журналистер әскерге бармау үшін бәрін жасайтын адамнан қандай сарбаз шығатынын сұрады.

"Заңда денсаулық, оқу жағдайына байланысты әскери қызметтен кім босатылуы мүмкін екендігі айтылған және көрсетілген. Егер ешқандай себеп болмаса, онда ол әскерде қызмет етуі керек. Біз ешкімді мәжбүрлемейміз! Тек жалтарушылар ғана емес, сонымен бірге әскерде қызмет еткісі келетіндер де бар. Көптеген адамдар екі апталық бейімделу кезеңінен өткеннен кейін армияның нашар екендігі туралы ұстанымдарын өзгертеді және жақсы сарбаз болады. Мұндай мысал менің тәжірибемде болды. Біз видеолардағы жігіттердің неге жүгіріп жүргенінің себептерін білмейміз. Мүмкін ол қызбен кездесуге барған шығар? Немесе басқа себептер. Әр жағдайды жеке қарау керек. Бірақ барлық жастар әскерде қызмет еткісі келмейді деп жалпылау дұрыс емес", — деді ол.

Сондай-ақ, Жазықбаев мұндай роликтер Қорғаныс министрлігінің имиджіне нұқсан келтіретінін айтты.

Бүгін доллар құны 500 теңгеге жетті

 

Еліміздегі айырбас пунктілерінде $1 бағамы – 500 теңгеге дейін жетті.

Ұлттық банктің 18 қарашаға арналған ресми бағамы — 1 долларға 495,95 теңге. Ресей рублінің орташа сараланған құны — 4,98 теңге. Еуро — 524,37. 

Kurs.kz мәліметінше, қазіргі уақытта Алматының ақша айырбастау пункттерінде доллар 498 теңгеден сатылып жатыр, сатып алу бағамы — 499,7 теңге. Еуро 522,5 — 527 теңге аралығында құбылып тұр.  Ал, Астана қаласы бойынша долларды сату бағамы — 495 теңге, сатып алу құны — 500 теңге. Еуро 523 теңгеден сатылып, 529 теңгеден сатып алынады. 

Дәл қазіргі уақытта ақша айырбастау орындарында Ресей валютасы 4,95 - 5,05 аралығында саудаланып жатыр.

 Айта кетейік, 15 қараша кешкі сауда қорытындысы бойынша, доллардың орташа бағамы 1,97 теңгеге қымбаттап, 496,01 теңге болған.

Көлік сатып аламын деп, әйелді айуандықпен өлтірген

 

Ақтөбеде 55 жастағы әйелді айуандықпен өлтірген күдіктіге үкім шықты.
 
Сотталушы автокөлік үшін адам өлтіруге дейін барған. Енді ол 22 жыл өмірін түрмеде өткізетін болады.
 
Үкім тыңдауға кісі қолынан мерт болған марқұмның жақындары ғана келді. Ал сотталушы тарапынан ешкім жоқ. 44 жастағы Қасымхан Үсенов соңғы сот отырысында бетін көлегейлеумен болды.

Осыдан бес ай бұрын 55 жастағы әйел автокөлігін сатпақшы болады. Сотталушыға клиент болып хабарласып, көлікті көрмекке кездеседі. Қала сыртына қарай шыққан кезде рульде отырған әйелді белдікпен қылқындырған.
 
Демі таусылған кезде, мәйітті сол маңдағы ағаш арасына апарып тастай салған. Ең сорақысы, өлікті адам танымас үшін бетін пышақпен тілгілеген. Құны 150 мың теңгелік алтын алқасын шешіп алған. 
 
Енді осы қылмысы үшін 22 жылға бас бостандығынан айрылды.
 
Марқұм, өзін қылқындырып жатқанда 112 нөмірін теріп көмек те сұраған. Бірақ кезекшілікте отырған құтқарушы қоңырауға мән бермеген. Осыдан екі ай бұрын төтенше жағдайлар департаментінің ол қызметкері екі жылға шартты түрде сотталған.
 
Марқұмның туыстары сотталушыға кескен жазамен келісетінін айтады. Гүлнәр Сұлтанбаева, марқұмның әпкесі: — 22 жыл үкімді сот мырза беріп отыр. Прокурор 23 жыл беріп еді. Біз өмір бойы деп қанағаттанып тұрмыз. Өмірлік жаза болса, өмірлікке жіберер еді. Өмірлік деген жаза бермей тұр ғой, заңда. Адам орнына келмейді енді. Ол да қыз асырап отыр екен. Бір Аллаға тапсырдым.

Үш кезеңдік тексеру — 2025 жылдан бастап онлайн микрокредит рәсімдеу талаптары күшейтілетін болды

 

2025 жылдан бастап Қазақстанда онлайн микрокредит рәсімдеу кезінде қауіпсіздік талаптары күшейтілетін болды,-деп жазады el24.kz тілшісі kazinform.ға сілтеме жасап.

Бұл туралы Ұлттық банк төрағасы Тимур Сүлейменов депутаттық сауалға берген жауабында мәлімдеді.

Ұлттық банк басшысының айтуынша, келер жылдан бастап онлайн микрокредит рәсімдеу кезінде биометриялық сәйкестендіру мен электрондық цифрлық қолтаңбаны қатар қолдану міндетті болады. 

«Онлайн микроқарыздарды ресімдеу кезінде 2025 жылғы 1 қаңтардан бастап биометриялық сәйкестендіруді, сол сияқты электрондық цифрлық қолтаңбаны (ЭЦҚ) да бір мезгілде міндетті түрде қолдану талабы енгізіледі.

Сондай-ақ, микроқаржы ұйымдары (МҚҰ) үшін клиент ақша аударғанға дейін оған банктік шоттың немесе төлем картасының тиесілігін сәйкестендіру талап етіледі»,- делінген жауапта. 

Бұдан басқа, банктер төлемдер мен аударымдарды жүзеге асыру барысында клиенттің мобильді нөміріне тексеру кодын жібереді.

Осылайша, клиентті үш факторлы тексеру жүзеге асырылады. Сонымен қоса, Қаржы нарығын реттеу және дамыту агенттігі банктерге онлайн кредиттер ресімдеген кезде өтінім берілгеннен кейін келесі күннен кешіктірмей оны мақұлдауға кеңес берді, осылайша клиент өзіне алаяқтар мәжбүрлеп берген кредиттен бас тарта алатын «шешімді өзгерту» кезеңі енгізіледі.

Ұлттық банк басшысы азаматтардың несие алудан өз еркімен бас тарту құқығы бар екенін еске салды. Қазіргі таңда бұл мүмкіндікті шамамен 700 мың қазақстандық пайдаланды.

Подробности
Категория: Проза

Әңгіме

Серік Әбікен

—  Мама, тұршы. Тұршы деймін, мама… Қарным ашты.

Бояуы оңған футболкасының жағасындағы жыртықтан бұғана сүйегі ырсиған кішкентай Асқардың анасын жұлқылап отырғанына біраз болды.  Кірі баттасқан көк диванның үстінде жұқа көрпешемен басын бүркеп жатқан шешесінің қыбыр етер сыңайы жоқ.

— Мама деймін…  – Қорс-қорс жылаған бала әлсіз қолдарымен

жамылғыны тағы жұлқылады. – Қарным ашты ғой.

Подробности
Категория: Елең еткізер

Қытай Қазақстан қарулы күшіне Shaanxi Aircraft Corporation компаниясы жасап шығарған Y-8F200W әскери-көлік ұшағын бермек.

Қазақстан Қытайдан әскери ұшақ алады Қытай Қазақстан қарулы күшіне Shaanxi Aircraft Corporation компаниясы жасап шығарған Y-8F200W әскери-көлік ұшағын бермек. 
 
Қорғаныс және қауіпсіздік мәселелерін талдайтын Jane's 360 сайты ТМД елдері ішінен Қазақстан Y-8F200W ұшағын бірінші болып қолданғалы жатыр деп хабарлайды. 

Подробности
Категория: Керек кеңес
Халқымыз табиғат тылсымын ерте заманнан-ақ түсініп, оны өзінің тұрмыс-тіршілігіне арқау етіп, қолдана білген. Солардың бірі – халықтың ауа райын болжау тәсілдері. Қысы-жазы далалық өмірде тіршілік еткен халқымыз өздері тұрған өлкенің табиғи ерекшелігі мен құпиясын терең білгендігі сондай, айсыз түнде жұлдызға қарап жол тауып, құс, жан-жануар, құрт-құмырсқа тіршілігіне зер салып, ауа райын күні бұрын болжап, ерте қам жасап отырған.

Подробности
Категория: Сырласу

 Қызғаныш сезімін әр адам түрліше түсінеді. Бірі қызғанышты махаббаттың белгісі десе, екіншілері керісінше бұл адамның сүйіктісіне деген сенімсіздігі екенін айтады. Тіпті, "Сүйген адам ғана қызғанады" немесе "Шариғатқа сәйкес, ер адам міндетті түрде әйелін қызғануы керек" деп айтып жатады. Алайда шын мәнінде осылай ма? 

Подробности
Категория: Сырласу

Күйеуіммен ажырасып кеткем. Өйткені мардымды ақша таппайды, оның үстіне көлігінің кредиті бар. Арасында жетпей жатса менен сұрап алады ақшаны. Жыртығымды жамасқанның орнына өзі салмақ маған.

Ақыры: „Ақшаңды өзің тап, өз кредитіңді өзің жап, өз алдыңа өмір сүр, менің басымды қатырма„ деп екіге айырылстық. Ал мен маникюр-педикюр жасаймын. Тырнақ әрлеушімін. Бір айлықтан екінші айлыққа зорығып әрең жетем. Там-тұмдап Тұрғынүйқұрылысжинақ банкіне ақша сап жүрмін. Жеңілдікпен пәтер алсам ба деген дәмем бар. Сол үшін үнемдеймін. Тойып тамақ ішпейміз, жарытып дұрыстап киім де алмаймыз.

Подробности
Категория: Әлем жаңалықтары

Полицияның мәліметінше, бір қыз ауруханаға ауыр хәлде түскен. Балалардан бөлек, екі ересек адам жарақат алды

АҚШ-тың Нью-Йорк қаласында 52 жастағы әйел балабақшада бес адамды пышақтап тастады, оның үшеуі бала.

Теміртауда жылаған сәбиді тұншықтырған балабақша тәрбиешісі видеоға түсіп қалды

Полицияның мәліметінше, бір қыз ауруханаға ауыр хәлде түскен. Балалардан бөлек, ер адам (балалардың бірінің әкесі) мен әйел жарақат алды, деп хабарлады NBC. 

Подробности
Категория: Керек кеңес

Аспириннің кішігірім дозаларын үнемі қолдану ас қортыу жолдары мен мида қан кету қаупін арттырады.

Ұлттық қартаю проблемасы институтының ғалымдары Мельбурндегі Монаш университетінің зерттеушілерімен бірлесіп, жасы ұлғайған адам аспирин пайдаланса ол өлімге әкелетін аурулардың қаупін арттыратынын анықтады. 
 
Science Alert хабарлауынша, тіпті жүрек-тамыр жүйесіне қатысты ауруларға берілген аспириннің қажетті мөлшері сәл ауытқып кетсе, миға және асқазан қорыту жолдарында қан кетуді ашып жіберуі мүмкін. 

Подробности
Категория: Керек кеңес
 
Ұзын әрі әдемі шаш болғанын қалайтындарға арналған кеңестер ұсынамыз.

1. Әр 6 апта сайын шаш қимаңыз. Егер шынымен де ұзын шаш болғанын қаласаңыз, стилистер айтатындай жиі қия берудің қажеті жоқ. Шашыңыз ұзын болуы үшін жылына екі рет қана қиып, бірақ әрдайым шаш ұшына күтім жасаған жөн.

2. Шаш құрылымы мен шаш түсі сіздікіне ұқсайтын жұлдыздарға қараңыз. Өз стиліңіз бен шаш үлгіңізді табудың ең оңай жолы – сізге ұқсайтын жұлдыздарға қарау. Егер олар таңдаған шаш үлгісі мен шаш бояуы өздеріне жарасып тұрса, сізге де жарасу ықтималдылығы жоғары болып келеді.

Подробности
Категория: Ғибратты әңгімелер

Жас жігіт сырқат анасының тілін алмай, қажылық сапарға аттанбақшы болыпты. Анасы: «Балам, мен сауыққан соң барғаның дұрыс. Жинаған ақшаңа мені емдетші», – десе де: «Алла жолына жұмсаймын деп жинаған өз ақшам, қалай жұмсауды өзім білемін!» – деп, қажылыққа баруды өз анасының мүшкіл жағдайынан артық көреді. Сөйтіп қажылыққа анасынан рұқсат-бата алмай аттанып кетіпті.

Анасы бұған қатты ренжиді. Жалғыздықтан жаны қиналып, қажыған кезде ана болса да баласына: «Жолың болмағыр, жүрген жеріңде қырсыққа ұшырағыр!» – деп теріс дұға жасайды.

Подробности
Категория: Елең еткізер

 Ғалымдар иттердің де ғашық бола алатынын айтуда. Көптеген зерттеулер жасаған ғалымдар адам бойында «жақсы көру» сезіміне байланысты бөлінетін гормондардың итте де болатынын дәлелдеген. 

 
Тіпті ит ағзасында болатын окситоцин мөлшерінің тым көп екені де анықталған. Бұдан ана мен баланың арасындағы махаббаттың жануарларда да болатыны белгілі болып отыр. Клермонт университетінің профессоры Пол Зак адаммен немесе басқа да мақлұқтармен бірге өмір сүретін жануарлар ағзасындағы окситоцин мөлшерін есептеп, бірнеше зерттеу жүргізіп көріпті. 

Подробности
Категория: Тылсым дүние

Ерсін Ерғалиев  

Ол кезде мектептің жоғары сыныбында оқимын. Бірде үй-іші нағашымның үйіне баруға қалаға жиналды. Әкем: «ал балам, біз кешке дейін келерміз, оған дейін үйге бас көз бол» деп жолға шығып кетті. Мен үйде жалғыз қалдым. Кеш болды. Қас қарайды. Олар кешке қайтып келеміз деген соң есікті жаппай төсекте жатып, ұйықтап кетіппін. Бір кезде «Еркін тұр» деген дауыстан селк етіп оянып кеттім. Қарасам үйдің іші қаракөлеңке, ал бетіме бетін тақап маған үңіле қарап тұрған әпкемді көрдім. «Е, бұлар қонақтан келген екен ғой» деп ойладым да:

Подробности
Категория: Керек кеңес

“Қысы-жазы аяғым бір жылымайды” деп шағымданатын жандар арамызда баршылық. Бұл ненің белгісі? Аяқ неге жылымайды?

Аяқ-қолдың мұздай болуы – қанайналымға байланысты. Бұл – бірінші себебі. Қанайналым адам бойындағы температураны қалыпты жағдайда ұстайды.

Подробности
Категория: Сырласу

Қазақстандық әлеуметтік желі қолданушысы төсекте өзінің жігітін оның досымен қалай шатастырып алғанын айтып берді.

“Маған өте ауыр. Басымнан өткен жағдаймен бөліскім келеді. Мен жігітіммен екі жыл бірге тұрдым, бірге жұмыс істедік, достарымызбен кездесіп, болашаққа жоспарлар құрдық. Бір күні бәрі өзгеріп кетті.

Сол күні кешке жігітімнің достары келіп, оның жаңа көлігін жуды. Мен дастархан жайып, олармен біраз уақыт отырып, сосын ұйықтау үшін бөлмеме кеттім.

Подробности
Категория: Әлем жаңалықтары

Австралияда мұсылман миллионер Али Банат 32 жасында көз жұмған еді. Оны жақсылығы мен қайырымдлығы әлі де ел есінде.

Сиднейде миллионердің қазасына мыңдаған адам келді. Әлі де Алидің жақсылығын айтып, еске алады.

29 жасына дейін Али Банат ғажап өмір сүрді. Қымбат көлік мініп, атақты дизайнерлердің киімін киді.

  1. Семсер
  2. "Атыс пен бұзақылық". Алматыда Gelandewagen-дер кортежі видеоға түсіп қалды
  3. Зоб ауруы туралы 
  4. Түркістан облысында алғаш рет педофил піштіріледі