Рио-де-Жанейродағы тікұшақ апаты: америкалық әнші Oliver Tree қаза тапты

 

  el24.kz Бразилияның Рио-де-Жанейро қаласында болған қайғылы тікұшақ апаты салдарынан америкалық әнші әрі музыкант Oliver Tree 32 жасында көз жұмды. Қайғылы оқиға 2026 жылғы 14 маусым күні қаланың батыс бөлігіндегі Recreio dos Bandeirantes ауданында болған.

Алдын ала мәліметтерге сәйкес, екі тікұшақ әуеде соқтығысып, олардың бірі автокөлік салонының аумағына құлаған. Құлаған әуе кемесі электр көліктері тұрған тұраққа түсіп, бірнеше көліктің өртенуіне себеп болған. Апат салдарынан екі тікұшақтағы алты адамның барлығы қаза тапты.

Қаза болғандардың қатарында Oliver Tree-ден бөлек аргентиналық блогер Gaspar Prim Díaz, режиссер әрі продюсер Лукас Виньяле, продюсер Лукас Фрота Шавес және екі ұшқыш болғаны хабарланды.

Бразилияның авиациялық және құқық қорғау органдары оқиғаның нақты себептерін анықтау үшін тергеу жұмыстарын жүргізіп жатыр. Мамандар ұшқыштардың соңғы байланыстары мен ұшу деректерін зерттеуде. Алдын ала нұсқалардың бірі ретінде адам факторына байланысты қателік қарастырылып отыр.

Oliver Tree соңғы жылдары ерекше сахналық образы мен иронияға толы бейнебаяндарының арқасында әлемге танылды. Оның «Alien Boy», «Life Goes On», «Miss You» және «Hurt» әндері миллиондаған тыңдарман жинап, әлеуметтік желілерде кеңінен таралды. Музыкант апат кезінде әлемдік гастрольдік тур аясында Латын Америкасында өнер көрсетіп жүрген болатын.

Әншінің қазасын оның командасы мен жақындары ресми түрде растады. Сондай-ақ оның жас өнерпаздарды қолдауға арналған қайырымдылық қорын құруды өсиет етіп кеткені белгілі болды. Әлемнің түкпір-түкпіріндегі жанкүйерлері мен әріптестері әлеуметтік желілерде көңіл айтып, музыканттың шығармашылығы мен өнердегі мұрасы ұмытылмайтынын жазып жатыр.

Оқиғадан кейін әлеуметтік желілерде апатқа қатысты түрлі бейнематериалдар тарай бастады. Алайда бірқатар халықаралық фактчек ұйымдары олардың кейбірі бұрынғы жылдардағы басқа елдерде болған апаттардың видеолары екенін анықтады. Сондықтан мамандар тек ресми дереккөздерге сүйенуге шақырып отыр.

 
 
 
 
 

Павлодар облысында кәріз құдығында 6 адам қаза тапты: Қылмыстық іс қозғалды

 

 el24.kz Павлодар облысында алты адамның өмірін қиған қайғылы оқиға тіркелді. Оқиға бүгін Ақтоғай ауданына қарасты Жоламан ауылында орналасқан «Aqtogai Milk» ЖШС аумағында болған.

Павлодар облыстық Денсаулық сақтау басқармасының мәліметінше, оқиға орнына жедел медициналық жәрдем бригадалары шұғыл жеткен. Алайда дәрігерлер 1963, 1975, 1983, 1998, 2006 және 2009 жылы туған алты ер адамның оқиға орнында көз жұмғанын анықтаған.

Сонымен қатар, 1988 жылы туған тағы бір ер адам орташа дәрежедегі көмірқышқыл газынан улану диагнозымен Ақтоғай аудандық ауруханасына жеткізілді. Дәрігерлердің айтуынша, оған қажетті медициналық көмек көрсетіліп жатыр.

Алдын ала мәліметтерге сәйкес, қайғылы жағдай кәсіпорын аумағындағы кәріз құдығында электр сорғысының ақауын жою және жөндеу жұмыстары кезінде болған. Ресми органдар бұл ақпаратты тексеріп жатқанын хабарлады.

Аталған дерек бойынша құқық қорғау органдары қылмыстық іс қозғады. Оқиғаның нақты себептері мен мән-жайын анықтау үшін қажетті тергеу амалдары жүргізіліп жатыр.

Құзырлы органдар тергеу аяқталғанға дейін оқиғаның себептері туралы қорытынды жасауға ерте екенін атап өтті.

Түркістан облысында жантүршігерлік жол апаты: жеті адам қаза тапты

 

 el24.kz Түркістан облысында адам өліміне әкелген ауыр жол-көлік оқиғасы тіркелді. Қайғылы оқиға 2026 жылғы 15 шілде күні түнгі уақытта Бәйдібек ауданындағы Шаян – Екпінді тас жолында болған.

Түркістан облыстық полиция департаментінің мәліметінше, Toyota Camry және Volkswagen Passat автокөліктері соқтығысқан. Салдарынан жеті адам оқиға орнында көз жұмды.

Аталған дерек бойынша полиция қылмыстық іс қозғап, сотқа дейінгі тергеп-тексеру жұмыстарын бастады. Қазіргі уақытта оқиғаның барлық мән-жайын анықтауға бағытталған қажетті тергеу және процессуалдық іс-шаралар жүргізілуде.

«Тергеу нәтижесі бойынша заңнама талаптарына сәйкес тиісті процессуалдық шешім қабылданады», – деп хабарлады Түркістан облысы полиция департаментінің баспасөз қызметі.

Әлеуметтік желілерде жол апатына ұшыраған көліктердің өртенгені және қаза болғандардың арасында бір ауылдың тұрғындары болуы мүмкін екені туралы ақпарат тарауда. Алайда бұл мәліметтерге қатысты құқық қорғау органдары әзірге ресми түсініктеме берген жоқ.

Полиция департаменті жүргізушілерді жол қозғалысы ережелерін қатаң сақтауға, жылдамдық режимін асырмауға және жол мен ауа райы жағдайларын ескере отырып көлік құралын барынша мұқият басқаруға шақырды.

Қазіргі уақытта қайғылы оқиғаның нақты себептері мен мән-жайы анықталып жатыр.

Семейде көпірдің қақ ортасында фотосессия ұйымдастырған әйел жауапқа тартылды

 

 el24.kz Семей қаласында түнгі уақытта автомобиль көпірінің жол жүру бөлігінде фотосессия ұйымдастырған әйел әкімшілік жауапкершілікке тартылды.

Абай облысы полиция департаментінің мәліметінше, оқиға әлеуметтік желілерде тараған бейнежазбадан кейін белгілі болған. Желі қолданушыларының алаңдаушылығын тудырған видеоны тексеру барысында тәртіп сақшылары заңбұзушының жеке басын анықтады. Ол Ақтөбе облысының 35 жастағы тұрғыны болып шыққан.

Кадрларда әйелдің қараңғы уақытта көлік қозғалысына қарамастан жолдың дәл ортасына жатып, камера алдында суретке түсіп жатқанын көруге болады. Бұл әрекет тек оның өз өміріне ғана емес, жол қозғалысының басқа қатысушыларына да қауіп төндірген.

Полиция қызметкерлері азаматшаға қатысты Қазақстан Республикасының Әкімшілік құқық бұзушылық туралы кодексіне сәйкес жаяу жүргіншілер мен жол қозғалысының өзге де қатысушыларының жол қозғалысы қағидаларын бұзуы бойынша әкімшілік хаттама толтырды.

Абай облысы полиция департаменті азаматтарды әсерлі кадр немесе әлеуметтік желідегі танымалдылық үшін өз өмірі мен денсаулығына қауіп төндірмеуге шақырды.

«Бірде-бір лайк пен бірде-бір видео адам өмірінен қымбат емес», – деп ескертті тәртіп сақшылары.

Айта кетейік, соңғы уақытта әлеуметтік желілерде қауіпті жерлерде фото және видео түсіру фактілері жиілеп келеді. Мамандар мұндай әрекеттер жол-көлік оқиғаларына себеп болуы мүмкін екенін айтып, азаматтарды қауіпсіздік талаптарын қатаң сақтауға шақырады.

Венесуэладағы жойқын жер сілкінісі: Қаза тапқандар саны 5 208 адамға жетті

 

  el24.kz Венесуэлада 24 маусымда болған жойқын қос жер сілкінісінің салдары ауырлап барады. Ел парламентінің төрағасы Хорхе Родригестің мәлімдеуінше, табиғи апаттан қаза тапқандар саны 5 208 адамға дейін өскен. Бұл туралы ресми ақпаратты Венесуэла билігі жариялады.

Соңғы мәліметтерге сәйкес, 16,7 мыңға жуық адам жарақат алған, ал 17 мыңнан астам тұрғын баспанасыз қалған. Билік уақытша орналастыру орталықтарын ашып, зардап шеккен отбасыларға азық-түлік, ауызсу және медициналық көмек жеткізуді жалғастырып жатыр.

Сонымен қатар, 5 шілдеден бері құтқарушылар үйінді астынан 6,4 мыңнан астам адамды аман алып шыққан. Іздестіру-құтқару жұмыстарына мыңдаған жергілікті және халықаралық мамандар жұмылдырылған. Кейбір аудандарда тірі қалғандарды іздеу әлі де тоқтатылған жоқ.

Ресми деректер бойынша, жер сілкінісінен 856 ғимарат зақымданып, оның 190-ы толық немесе жартылай қираған. Үкімет қираған өңірлерде төтенше жағдай режимін сақтап, тұрғын үйлерді қалпына келтіру және жаңа баспана салу жұмыстарын кезең-кезеңімен бастауды жоспарлап отыр.

Құтқару қызметтері әзірге барлық іздестіру жұмыстарын аяқтаған жоқ. Сондықтан қаза тапқандар санының әлі де артуы мүмкін екені жоққа шығарылмайды. Билік зардап шеккен аймақтарға гуманитарлық көмекті күшейтіп, халыққа қажетті қолдауды үздіксіз көрсетіп жатқанын мәлімдеді.

Украина дрон шабуылын күшейтті: Ресейдегі Wildberries қоймаларына соққы жасалды

 

 el24.kz 18 шілдеге қараған түні Украина Ресей аумағына ауқымды дрон шабуылын жасады. Ресей билігінің мәліметінше, шабуылдың негізгі нысаналарының қатарында Мәскеу облысы мен Тамбов облысындағы Wildberries компаниясының логистикалық орталықтары, сондай-ақ Ногинск қаласындағы мұнай базасы болған.

Тамбов облысының губернаторы Евгений Первышовтың айтуынша, Котовск қаласындағы Wildberries логистикалық орталығына жасалған шабуыл салдарынан түнгі ауысымда жұмыс істеген жеті қызметкер қаза тауып, тағы 25 адам жарақат алған. Зардап шеккендердің бірқатары ауыр халде ауруханаға жеткізілген. Сонымен қатар Мәскеу облысындағы Электросталь қаласындағы қоймаға да соққы жасалып, өңір бойынша ондаған адам зардап шеккен. Ресейлік ресми мәліметте Мәскеу облысында жараланғандар саны 61 адамға жеткені айтылды.

Шабуылдан кейін екі қоймада да ірі өрт шығып, өртті сөндіруге ондаған техника мен арнайы қызмет жұмылдырылды. Ногинск қаласындағы мұнай базасында да өрт тіркеліп, жақын маңдағы нысандардан адамдар уақытша эвакуацияланған.

Wildberries компаниясының негізін қалаушы Татьяна Ким бұл оқиғаны «компания мен Ресей үшін ауыр түн» деп бағалап, қаза тапқан қызметкерлердің жақындарына көңіл айтты. Компания қаза болған қызметкерлердің отбасыларына 2 миллион рубльден, ал ауыр жараланғандарға 1 миллион рубльден өтемақы төлеуге уәде берді. Сондай-ақ қоймаларда жойылған тауарларға қатысты сатушыларға өтемақы төлеу мәселесі қарастырылып жатқанын хабарлады.

Украина президенті Владимир Зеленский бұл шабуылдардың Ресейдің әскери логистикасына қатысы бар нысандарға бағытталғанын мәлімдеді. Оның айтуынша, соққыға ұшыраған логистикалық орталықтар дрондар мен навигациялық жабдықтарға арналған бөлшектерді жеткізу тізбегінде пайдаланылған.

Өз кезегінде Ресей Қорғаныс министрлігі бір түн ішінде 379 украиналық дронның атып түсірілгенін хабарлады. Ведомствоның мәліметінше, олар Ресейдің 19 өңірі, аннексияланған Қырым, сондай-ақ Азов және Қара теңіздері үстінде жойылған.

Соғыс жағдайында жарияланып жатқан ақпараттардың басым бөлігі тараптардың ресми мәлімдемелеріне негізделеді. Сондықтан ұрыс аймақтарындағы оқиғалардың барлық мән-жайын тәуелсіз түрде жедел растау әрдайым мүмкін бола бермейді.

 

Подробности
Категория: Проза

Нəзмия Карадениз
Аудармамды Ислам Джолбасхановқа арнадым

Інім! 
Пайда мен атақ мұрат болған заманда, 
зəру көңіл, зəру жүрек жаны жомарт адамға.  
Інім!
Мақсат-мұратын ізгілікке құра алмаған адамдар қарақан басы үшін ғана тірлік кешеді. 
Өмірде ізгілікті жұрт көрсе деп жасайтын жандарды көп кезіктіреміз. Олардың жақсылығынан жан қуат таппайды.  Жан қуат таппайтын жақсылықтан не қайыр бар?! Қоғамға өзін жарнамалап, пайда қуып, біреуге жағынсам деген ішкі есепке жүгінген адамның жақсылығын көрмек тұрмақ,  қасында тұру да  бір  үлкен азап. 

Подробности
Категория: Сырласу


Өмірде адам басына не келіп-кетпес? Кейде шыңға шығасың, кейде етекке құлдилайсың. Бірде сен – өзгелер үшін күнсің, ал кейде берерің таусылады, құмыраң бос қалғанын сезесің. Кейде сөзің мен ісің қабысып жатады.

Ал кейде – бір қателіктің үстіне екіншісін жамап аласың. Кейде – шектен шыға өзімшілсің, біраздан соң – иіліп жастық, жайылып төсек боп құрдай жорғалайсың. Әр адамның синусоиды әр түрлі – амплитудасы ойнамалы.

Подробности
Категория: Елең еткізер

Облыс әкімі Қырымбек Көшербаев қалаға қарасты Ақсуат ауылдық округінің тұрғыны, өрт салдарынан үш бірдей баласынан айырылған ана Жәмилә Садуоваға жаңа пәтердің кілтін табыстады.

Бүгін «Ақмешіт» орталық мешітінің аумағында дәстүрлі «Жүрек жылуы» қайырымдылық акциясы өтті. Шара аясында аз қамтылған 1600 астам отбасына азық-түлік таратылды. 
 
«Жабырқағанның жанынан табылу, шарасызға көмек қолын созу, қайырымдылық жасау – халқымыздың қанына біткен асыл қасиеттердің бірі. Өздеріңіз білесіздер, осыдан бірер ай бұрын, үш бірдей бүлдіршінімізден қапияда көз жазып қалдық.

Подробности
Категория: Сырласу

Көрші Викторды жақсы білемін. Жасы жетпіске таяп қалса да қырықтағы жігіттей қутыңдап жүргені.

 Жас кезінде спортпен айнылысқан шығар деп ойлап қоятынмын. Сөйтсем, басқа екен.

Оны өзі айтты. Бірде жексені күні далада темекі тартып тұр едім, «Сосед, жүр кішкене ұрттайық», деп жабыса кеткен. Жалпы, екеуіміз жаман араласпаймыз. Мейрам кездерінде біріміздің үйімізге біріміз кіріп, құттықтап жататын әдетіміз бар. Виктордың ара-тұра ұрттап алатыны бар. Өлмелі кемпірі бар. Үнемі төсек тартып, ауырып жатады. Бірақ оны ойлап жүрген Виктор жоқ. Қашан көрсең де көлігін мініп, темекісін будақтатып бір жаққа кетіп бара жатады. Үнемі көңілді. Соған қарап, «ұпайы түгел-ау бұл иттің» деп ойлап қоямын.

Подробности
Категория: Даңқ пен Дақпырт

Әрине, бүгінгі таңда хит әндердің орындаушылары кез келген тойдың қалаулы қонақтары. Сонымен қатар әртістің беделі мен абыройына да көп мән беріледі. Көрермен оның бәрін жіті бақылап, қадағалайтынын ұмытпау керек. Отбасылық жағдайы да соңғы орында емес болып шықты.

 Той ұйымдастырушылар, бақытты некеде тұрған әртістердің үйлену тойы мен ұзату тойларда үлкен сұранысқа ие болатынын атап өтті. Мысалы, Қарақат Әбілдина, Салтанат Бақаева мен Жазира Байырбекованы қалыңдықты ұзатуға жиі шақырады.

Подробности
Категория: Әлем жаңалықтары

Жантүршігерлік оқиға Ресейдің Киров қаласында болған.

 
Қыздың анасы баланы үйде жалғыз қалдырып, бір аптаға құрбысына қонаққа кеткен. 21 жастағы келіншек үш жасар сәбиін пәтерде жалғыз қалдырып кетіп қалған. Бір апта бойы нәр татпаған қыз 20 ақпан күні өлі табылды.

Подробности
Категория: Сырласу
  •  Менің мəселем күйеуім. Маған дейін ол 5 ж бұрын ажырасып кеткен болатын. Бірінші əйелді үй іші жəне өзі тек жамандаумен болды, əйелі дұрыс болмаған соң ажырасқан шығар деп ойладым. Жақсы еркектен əйел кетпейді деген сөз рас сияқты.

Біз үйленген соң 1 айдан соң өнерін шығара бастады, кемсіту, ар-намыска тиетін сөздер айту, қарсы сөз айтсам ұрып өлтірем деп шығады. Негізі мен өзім сабырлы адаммын, соның өзінде шыдай алмай кетем, жағынды сындырып салбыратып жіберем, шешең оңбаған,əкең жынды, бауырларың ақша десе өлген, сендердің отбасыларың біртүрлі, деген сөздер көп айтылатын, одан қалса, қарғайды.

Подробности
Категория: Әлем жаңалықтары

 Молдова президенті Игорь Додон жұма күні оның кортежі жол апатына ұшырағанын, бірақ ешкімнің зардап шекпегенін айтты.


«Мен қауіпсіз жердемін. Бұл жолы мен отырған көлік зардап шеккен жоқ, алайда күзет қызметінің көлігі зақымдалды. Барлық әріптестерімнен, достарымнан сұрайтыным - алып-қашпа сөздерге сенбегіңіздер», - деп жазды Додон Facebook-тегі парақшасында. 

Подробности
Категория: Елең еткізер

 19 ақпаннан бері Маңғыстау облысында «Такси» жедел-алдын алу іс-шарасы өтіп жатыр. Мақсат – жол-көлік оқиғаларының, жол қозғалысы ережелерін бұзу мен заңсыз кәсіпкерлік қызметтің алдын алу. 

 
Маңғыстау облысының Полиция департаменті ЖПҚ қызметкерлері бір тәулік ішінде жолаушыларды заңсыз тасымалдаудың (ҚР ӘҚБК 46-бабы) 13 дерегін және құқық бұзған 208 такси жүргізушісін анықтаған. 

Подробности
Категория: Сырласу

Құрметті редакция, қолымнан мақала жазу келе қоймас. Бірақ, кей кейде жүректегі асыл сезім маздап, бойымды сағыныш кернегенде өлең жазғым кеп қолыма қалам алам. Дегенмен мен ақын емеспін, ойымдағыдай жыр туа қоймайды.

 Сонымен, мен бала кезде тұйық болып өстім. Алматы облысы, Ұйғыр ауданындағы қазақ орта мектебін бітірдім. Аты айтып тұрғандай, біздің ауылда ұйғырлар көп болды. Бір бірімен етене араласып, тығыз қарым қатынасқа түскен екі ұлт ешқашан шәй десіп көрмеді. Мектебіміз қазақ тілді болғандықтан ұйғыр балалары қазақша оқи беретін.

Подробности
Категория: Бүгін

  Биыл 2 тоқсаннан бастап көп балалы аз қамтылған отбасыға 100 мың теңге көлемінде біржолғы төлем беріледі. Бұл туралы Маңғыстау облысының әкімі Ералы Тоғжанов бүгін халық алдындағы есебінде айтты, — деп хабарлайды mangystaumedia.kz сайты.

 
 Мемлекет басшысының тапсырмасымен, «Нұр Отан» партиясының қамқорлығымен мүгедектерді, жетім балаларды, көп балалы аз қамтылған отбасыларды қолдауға бағытталған «Бақытты отбасы» жобасын іске асыру басталады. Осы жоба аясында Маңғыстауда жұмыс тобы құрылып, бірқатар ұсыныстар дайындалған. 

Подробности
Категория: Сырласу
  • Енді ол еркектік парызын да өтей алмайды. Жас келіншектің аянышты тағдыры

Әлеуметтік желіде жас ананың аянышты халі жайлы жазылған хат оқырмандар тарапынан қызу талқыланып жатыр, деп хабарлайды Caravan.kz медиа-порталы.

Күйеуі мүгедек болып қалғандықтан көпшіліктен ақыл-кеңес сұраған келіншектің ендігі әрекетіне кейбірі аяушылық білдірсе, енді бірі мүгедек жолдасыңды тастап кеткенің дұрыс деген мағынада кеңес беруде. Дегенмен басым бөлігі қиын қыстау кезде тастай қашқаның мүлдем адамгершілікке жатпайды деп кейістік білдірген.

Подробности
Категория: Әлем жаңалықтары

 «Ғалымдардың «ақ аюлар қырылу алдында» дегенін естігенде адамдар мұның қалай көрініс тауып жатқанын білсе деймін. Міне, дәл осылай» — дейді фотограф Пол Никлен.

 Фотографтың айтуынша, ақ аюлар әбден арықтап, азық іздеуге қауқарсыз болып барады. Аюларды қоректендіру үшін жүз келіден астам ет қажет екен. Әдетте олар итбалықпен қоректенеді, бірақ ол үшін оларға аң аулайтын мұз учаскесі қажет. Егер мұз бен теңізге шығу мүмкіндігі болмай, олар құрлықта ұзақ уақыт қалып қойса аюлар ашыға бастайды.

Подробности
Категория: Тылсым дүние


Мұны кім қалай түсінсе де өз шаруасы. Бірақ бұл – болған оқиға. Ол кезде 22 жастамын. ҚазМУ-ға оқуға түсіп, қуанышымыз қойнымызға сыймай жүрген кез.

Шамалғаннан алма терген журфактың студенттері шүйіркелесіп, бір-бірімізбен көз таныс боп қалдық. Оқу басталып, студенттер №5 жатақханаға орналасып жатыр.Олардың арасынан бір курс жоғары оқитын Майраны бірден тани кеттім. Аз-кем сөйлескен соң ол мені өзі жайғасқан бөлмеге қонаққа шақырды. Сәлден кейін Майраның бөлмесіне бардым. Курсынан басқа да құрбылар жиналыпты. Шай ішіп отырмыз. 
Бір кезде Майра қызу әңгімеге кірісті. 

  1. Бананның пайдалы қасиеттері
  2. Марқұм анамның даусын естідім: Комадан шыққан жігіт о дүниеде не болып жатқанын айтты
  3. «Біртүрлі дыбыс шықты» Әйелдің туысқандары жерлеу рәсімін тоқтатуға мәжбүр болды
  4. Оралда бұрынғы полиция қызметкері үшінші қабаттан секіріп кетті