Шымкентте блогер әкімдік қызметкерінен 10 миллион теңге талап етті деген күдікпен ұсталды

 

    el24.kz Шымкент қаласында әкімдік қызметкерінен ақша бопсалады деген күдікпен жергілікті блогер ұсталды. Тергеу дерегінше, ол әлеуметтік желіде әкімдік жұмысы туралы теріс ақпарат жарияламау үшін 10 миллион теңге сұраған.

Қалалық Полиция департаменті бұл дерек бойынша сотқа дейінгі тергеу басталғанын хабарлады. Күдікті уақытша ұстау изоляторына қамалды.

Тінту барысында оның үйі мен жұмыс орнынан электронды құрылғылар мен өзге де заттай айғақтар алынған. Тергеу амалдары жалғасып жатыр.

Алдын ала мәліметке сәйкес, блогер мемлекеттік органның беделіне нұқсан келтіретін материалдар жариялаймын деп қорқытып, қызметкерден қаржы талап еткен.

Құқық қорғау органдары аталған әрекет Қазақстан Республикасының Қылмыстық кодексіндегі «Бопсалау» бабына сай қаралатынын ескертеді. Бұл бап бойынша айыпталушы жеті жылға дейін бас бостандығынан айырылуы мүмкін.

Қазір істің толық мән-жайы анықталып жатыр.

Алматыда «Warner Bros» атауымен жұмыс істеген қаржы пирамидасының жолы кесілді

 

  el24.kz Алматыда «Warner Bros» деп аталған ұйым халықты “трейлер көру арқылы табыс табуға болады” деп алдап келген ірі қаржы пирамидасының қызметі тоқтатылды. Бұл туралы Алматы қаласы бойынша Қаржылық мониторинг агенттігінің департаменті ресми хабарлады.

Агенттіктің мәліметінше, алаяқтық схема «Warner Bros», «Roborock» және «NFT+TRX» деген атаулармен жұмыс істеген. Ұйымдастырушылар танымал голливудтық брендтердің атын пайдаланып, салымшыларға “бейнежазбаларды көру арқылы ақша табу”, “оңай әрі жылдам табыс табу” деген жалған уәделер берген.

Қалай жұмыс істеген?

Тергеу барысында ұйымның 9 деңгейлі классикалық қаржы пирамидасы болғаны анықталды.
Қатысушылардан шамамен 225 мың теңге көлемінде жарна талап етіліп, төлемдер тек USDT криптовалютасымен қабылданған. Салымшылар мобильді қосымшаға тіркеліп, трейлерлерді көру арқылы табыс табатынына сендірілген. Алайда нақты табыс жаңа адамдарды тарту арқылы ғана төленіп отырған.

Сонымен қатар агенттік пирамиданың арнайы чаттар, нұсқаулықтар және әлеуметтік желілердегі жарнамалар арқылы белсенді жұмыс істегенін мәлімдеді.

Қаржының қозғалысы және тәркіленген активтер

Тінту кезінде салымшылардан түскен қаржыны сақтауға және аударуға арналған криптовалюталық әмияндар табылды.
Сот санкциясымен жалпы сомасы 3,8 миллион USDT болатын криптоактивтерге тыйым салынды.

Қаржылық мониторинг агенттігі бұл қаражат жәбірленушілердің шығындарын өтеуге бағытталатынын атап өтті.

Іс материалдары сотқа жолданып, ұйымдастырушылардың бірі 5 жылға дейін бас бостандығынан айырылды. Сонымен қатар 40 жәбірленушіден түскен азаматтық талап-арыздар қанағаттандырылды.
Дегенмен агенттік «үкім әзірге заңды күшіне енген жоқ» деп хабарлады.

ҚМА азаматтарды күмәнді жобалардан сақ болуға шақырып, «Baiqa, piramida!» Telegram-боты арқылы кез келген қаржылық ұйымды тексеруге болатынын ескертті.
Агенттік соңғы уақытта криптовалюта арқылы жұмыс істейтін алаяқтық схемалардың көбейгенін атап өтті.

Алматыда тоқтатылған «Warner Bros» деп аталған қаржы пирамидасы — халықтың сенімін пайдаланып, танымал брендтерді жамылып жасалған алаяқтықтың айқын мысалы. Қаржы мониторингі агенттігінің жедел әрекеті арқылы жүздеген азаматтың қаржысы толықтай жоғалмай, тергеу аясында қайтарылмақ.

 

Оқушы сабақта телефон қолданса – айыппұлды ата-анасы төлейді

 

   el24.kz Оқу-ағарту министрлігі сабақ үстінде ұялы телефон пайдалануға тыйым салынатынын тағы да еске салды. Егер оқушы сабақ кезінде телефонды пайдаланып, мектептің ішкі тәртіп ережесін бұзса, жауапкершілік оның ата-анасына жүктеледі.

Министрліктің мәліметінше, айыппұл мөлшері шамамен 20 мың теңге. Бұл – Әкімшілік құқық бұзушылық туралы кодекстің 127-бабы бойынша, кәмелетке толмаған баланың мінез-құлқына дұрыс бақылау жасамаған ата-аналарға салынатын жаза түрі.

«Мектептерде ұялы телефонды сабақ кезінде пайдалануға тыйым салынған. Бұл талап оқу үдерісінің сапасын арттыру, балалардың зейінін шоғырландыру және киберқауіпсіздікті қамтамасыз ету мақсатында енгізілген. Дегенмен, әзірге ата-аналарға айыппұл салынған жағдай тіркелген жоқ», – делінген министрліктің хабарламасында.

Мамандардың айтуынша, сабақ кезінде телефон пайдалану – баланың оқу үлгеріміне, есте сақтау қабілетіне және тәртіп мәдениетіне кері әсер етеді. Сонымен қатар, интернетке еркін қолжетімділік балаларды әлеуметтік желілер мен ойындарға тәуелді етуі мүмкін.

Бүгінде көптеген мектептерде оқушылар сабаққа кірер алдында ұялы телефондарын арнайы қорапшаға қалдырып, сабақ соңында ғана қайта алады. Мұндай тәжірибе әлемнің көптеген елдерінде кеңінен қолданылады.

Оқу-ағарту министрлігі ата-аналарға балаларына телефонды тек қажетті сәттерде, яғни сабақтан тыс уақытта пайдалануға үйрету қажеттігін еске салды.

Қазақстанда көлік әкелуге жаңа шектеулер енгізілді

 

  el24.kz 20 қазаннан бастап Қазақстанда жеке пайдалану мақсатында көлік құралдарын сырттан әкелуге қатысты жаңа шектеулер күшіне енеді. Бұл өзгерістер Еуразиялық экономикалық комиссия кеңесінің (ЕЭК) 2025 жылғы 23 мамырдағы №45 шешіміне сәйкес қабылданған.

Жаңа талаптарға сай, енді елге тек ЕЭК коллегиясының 2017 жылғы 30 маусымдағы №74 шешімімен бекітілген тізімге енгізілген көлік түрлерін ғана әкелуге рұқсат беріледі.

Шектеулер жеңіл автокөліктерге (медициналық арнайы көліктерден басқа), сондай-ақ квадроциклдерге, қарда жүретін көліктерге, жолсыз жерлерге арналған техникаларға, мотоциклдерге, мотороллерлер мен мопедтерге қатысты. Сонымен қатар, 12 орынға дейінгі автобустар мен жалпы салмағы 5 тоннаға дейінгі жүк көліктері де белгілі СЭҚ ТН кодтары бойынша аталған тізімге енгізілген.

Барлық әкелінетін көлік құралдары «Доңғалақты көлік құралдарының қауіпсіздігі туралы» техникалық регламентке сай болуы қажет. Бұл талапқа сәйкестікті растайтын басты құжат – көлік құралының конструкциясының қауіпсіздігі туралы куәлік (СБКТС) болып саналады.

Егер бұл құжат болмаса, жеке тұлғалар көлікті кедендік рәсімдеуден өткізе алмайды, электрондық паспорт (ЭПТС) ала алмайды, утилизациялық алымды төлей алмайды және ең бастысы — көлікті тіркеуге қоя алмайды.

Осылайша, бекітілген тізімге кірмейтін кез келген автокөлікті Қазақстан аумағына әкелу мүлде мүмкін болмайды. Мұндай көліктерге қатысты рәсімдеу, кедендік тазарту және тіркеу жүргізілмейді.

Мамандардың айтуынша, бұл өзгерістер Еуразиялық экономикалық одақ елдері арасындағы техникалық талаптарды біріздендіруге және сертификаты жоқ көліктердің импортын шектеуге бағытталған.

Шымкентте үй шатырында дрифт жасаған жүргізуші жауапқа тартылды

 

    el24.kz  Шымкент қаласында көпқабатты тұрғын үйдің төбесіне көлігін шығарып, дрифт жасаған азамат әкімшілік тәртіппен қамауға алынды.

Оқиғаның видеосы әлеуметтік желіде тарағаннан кейін құқық қорғау органдары азаматты дереу анықтап, жауапкершілікке тартты.

Полиция мәліметінше, жүргізуші қымбат маркалы көлігін арнайы пандус арқылы тұрғын үйдің шатырына шығарып, қауіпті маневрлер жасаған. Оның әрекеті тұрғындардың қауіпсіздігіне қатер төндіріп, қоғамдық тәртіпті бұзған.

Оқиғаға қатысты тексеру жүргізілгеннен кейін азаматқа Әкімшілік құқық бұзушылық туралы кодекстің тиісті баптары бойынша шара қолданылды. Сот шешімімен ол қамауға алынды.

Құзырлы орган өкілдері мұндай әрекеттердің заңға қайшы екенін, әсіресе тұрғындардың өмірі мен мүлкіне қауіп төндіретін қылықтар қатаң жазаланатынын ескертті. Сонымен қатар, құқық қорғаушылар әлеуметтік желіге жарияланған кез келген заңсыз әрекет бақылаусыз қалмайтынын және міндетті түрде тексерілетінін мәлімдеді.

Қазақстанда телефон арқылы гипноз жасап алдайтын алаяқтар көбейді: билік жаңа шектеулер енгізді

 

   el24.kz Қазақстанда азаматтарды телефон арқылы гипноз жасап алдау фактілері жиілеп отыр. Жуырда 21 жастағы тұрғын Сәния белгісіз адамдардың арбауына түсіп, 800 мың теңгесін өз еркімен беріп қойған. Жәбірленушінің айтуынша, қоңырау шалғандар өзін банк қызметкері ретінде таныстырып, психологиялық әсер арқылы әрекетін толық бақылауға алған.

КТК арнасына берген сұхбатында, Сәния Алмабек: алаяқтар өздерін «Халық банкінің қызметкерлеріміз» деп таныстырып, оның атынан несие рәсімделгенін айтқан. Қыз бұл ақпаратты жоққа шығарғанымен, ар жақтағы адамдардың дауысы оған гипноз секілді әсер етіп, айтқанын істеткен.

Экстрасенстер де мұндай ықпалдың болуы мүмкін екенін растайды.
Экстрасенс-медиум Әли Хайдардың айтуынша, гипноз тек көзбе-көз емес, телефон, видеобайланыс және аудио арқылы да жасалуы мүмкін. «Гипноз дауыс арқылы беріледі. Әсіресе сенгіш, аңғал адамдар тез ілінеді. Сондықтан алаяқтар “тыныш жерге барыңыз” деп талап етеді. Өйткені жанында кедергі болатын адамның болмауы қажет» — дейді ол.

Бұл жағдай қоғам мен мемлекеттік органдардың назарын аударып отыр.
Мәжіліс депутаты Сергей Пономарёв азаматтардың «зомбидей» әрекет етіп қалатынына таңданысын білдіріп, мұндай алаяқтықтың алдын алу үшін қабылданып жатқан шараларды айтты. Оның сөзінше, «Банктер туралы» заңға енгізілген өзгерістерге сәйкес, енді несие «бір күндік ойлану мерзімінен» кейін және тек адамның банкте жеке өзі баруымен рәсімделеді.

Депутаттың айтуынша, егер қаражат ел ішінде болса, оны қайтаруға мүмкіндік бар, ал шетелге шығарылып үлгерген жағдайда қаржыны қайтару іс жүзінде мүмкін болмайды.

Жасанды интеллект және цифрлық даму министрлігі алаяқтықпен күрес мақсатында 18 қарашадан бастап жаңа шектеу енгізді. Енді бір адамның атына 10 SIM-картадан артық тіркелмейді. Бұл алаяқтардың жүздеген номерді бірден пайдалануының алдын алуға бағытталған.

Министрлік өкілі Азамат Серіктаевтың айтуынша, антифрод жүйесі абоненттердің күмәнді белсенділігін, жеке деректерге сұраныстарды және деректерді тарату әрекеттерін автоматты түрде анықтап, күдікті номерлерді бұғаттайды.

Ресми деректерге сүйенсек, жыл басынан бері азаматтар 50 млрд теңгеге жуық қаржысынан айырылған, оның тек 3 млрд теңгесі ғана иелеріне қайтарылған. Ал соңғы он айда әлеуметтік желілердегі ескертулерге қарамастан 23 мыңнан аса адам алаяқтардың құрбаны болған.

Құзырлы органдар халықты тағы да сақ болуға шақырды. Бейтаныс адамдарға жеке деректерді, әсіресе SMS-кодтарды, растау нөмірлерін және банк деректерін бермеу керектігін ескертті.

 

Подробности
Категория: Бүгін

Ұлттық кәсіпкерлер палатасы оқу бағдарламалардың заманауи нарық сұранысына сәйкестігін тексеруде

Бұл туралы «Атамекен» ҚР ҰКП Төралқа Төрағасы Тимур Құлыбаев СҚО Кәсіпкерлер палатасының Өңірлік кеңесі отырысында айтты.

«Қазіргі таңда «Атамекен» оқу орындары рейтингін жүргізіп жатыр. Біз оқу бағдарламаларының өзектілігі, түлектерге мамандығы бойынша жұмысқа тұруға қаншалықты ықпал ететінін тексерудеміз. Рейтинг нәтижесі оқу орнын таңдап жатқан телапкерлерге де, түлектерді қабылдап жатқан жұмыс берушілерге де бағдар болады. Оқу бағдарламаларының маңыздылығы – адам капиталы дамуының кепілі», – деді Тимур Құлыбаев.

Подробности
Категория: Тылсым дүние

АҚШ азаматы Эван Александр қатты сырқаттанып, ауруханаға түседі. Бауырына жасалған отадан кейін ауыр ахуалдан оңалмаған күйі ессіз ұйқыға кетеді.

Екі апта бойы науқастың жағдайын бақылаған дәрігерлер оған «клиникалық өлім» диагнозын қойып, туыстарына оны жерлеу рәсіміне дайындала берулерін айтады. Миының тек жарты бөлігі ғана жұмыс жасап тұрған Эван бұл кезде расымен де өлі адаммен тең еді.

Подробности
Категория: Елең еткізер

Ақын қазіргі жастардың біліміне көңілі толмайтынын, дарынды ақын бар да, дарынсыз ақын бар екенін айтып ашынды. Махаббат тақырыбын, азаматтық позициясы жайлы сөз қозғады.

Мұхтар Шаханов журналист Аман Тасығанның Talk like бағдарламасында қонақта болып, өмірі мен шығармашылығына қатысты әңгімелесті.

Мұхтар Шаханов балаларына, немерелеріне тек қазақ тілін үйрететінін, қазақ тілін білмейтін немересінен бас тартатынын айтты.

Подробности
Категория: Бүгін

«Нұрлы жол, вокзалы кешенінде капсулды қонақүй ашылмақ. Астанада жаңашыл қонақ үй ашу идеясы кәсіпкер Жібек Әділбақытқызына тиесілі.

Жібектің айтуынша отель капсулаларға орналасуды ұсынады, бір капсулаға 1 мейман сияды. Капсулалы қонақүй қонақтарға жайлы болуы үшін ерлер және әйелдер бөлімі болып екі аймақтан тұрады. ABS-пластигінен жасалған модульдер желдеткіш жүйесі, металл есіктен әрі сырғанамайтын сатыдан тұрады. Сондай-ақ орынжай орталық бақылау панелі, сейф, интернет, жазу үстелі, өртке қарсы баллон, гигиена заттары және сумен жабдықталған. Сонымен қатар жуыну бөлмесі қарастырылған.

Подробности
Категория: Тылсым дүние

Боқан шалдың қазасы
Наурыз келді. Оңтүстікте күн ерте жылынады. Жер қарайып, күн көтеріліп қалған. Мал болмағасын істейтін шаруа да жоқ. Жазға салым қалаға барып, жан бағар жұмыс іздеп көрсем деген ойым бар. Менімен мектеп бітірген балалардың үшеуі ғана оқуға түсті. Қалғандары ауылда.
Олардың бітіретін бар шаруасы бастары қосылса арақ ішеді (ақшаны қайдан алатыны белгісіз). Мал баққан мен оларға көп қосыла қоймайтынмын. Дегенмен, соңғы кезде аздап араласатын болдым.

Подробности
Категория: Бүгін

Бүгін Достық үйінің мәжіліс залында облыстық Қазақстан халқы ассамблеясының ұйымдастыруымен медиация кабинеті медиаторлары кеңесінің отырысы өтті. Оған облыстық ассамблея мүшелері, қоғамдық және этномәдени бірлестік мүшелері, кәсіби және кәсіби емес медиаторлар, БАҚ өкілдері қатысты.

Кеңес отырысының модераторы «Қоғамдық келісім» КММ директоры орынбасары Асылбек Жұмабаев болды. Жиынға қатысушылар бітімгершілік заңдылықтарын жаңғырту, кадрларды дайындау, бірлескен бағдарламалар мен әдістемелер әзірлеу жөніндегі мәселелерді талқылап, ұсыныс-пікірлерін ортаға салды.

Подробности
Категория: Бүгін

Әскер қатарында алдын-алу шараларының тиімділігін арттыру және ҚР Президентінің 2012 жылғы 14 желтоқсандағы жолдауында талап етілген «Тәртіпсіздікке нөлдік төзімділік» принципін іскер асыру мақсатында,Ақтау гарнизоны Әскери полиция бөлімінің жеке құрамымен осы жылдың наурыз айында «Айыппұлсыз жыл» акциясы өткізілді. Шара барысында Ақтау қалалық Ішкі істер басқармасымен бірлесіп 29011 және 51809 әскери бөлімдерінің әскери қызметшілері мен азаматтық тұлғаларына әкімшілік заңнамалардың талаптарын жеткізу бойынша конференция өткізілді. Сұрақтар қойылып тұшымды жауаптар да берілді.

Подробности
Категория: Даңқ пен Дақпырт

Қазақстан арнасындағы “Бақытты әйел” бағдарламасының былығын бұрын жобада қызмет еткен редактор әшкере қылды.

Бағдарламаның редокторы болған журналист Гүлжанат Пірімбет бұл жайлы Инстаграм парақшасында жазды.

Подробности
Категория: Поэзия
АЙЫРЫЛЫСУ
 
Айырылыстық.
Уақыт тоқтап, жер осінен тайған жоқ.
 
Айырылыстық.
Дауыл тұрып, төпеп жауын жауған жоқ.

Подробности
Категория: Тылсым дүние

Ғасырдан да ұзақ жасаған адам

Мен мектепті бітірдім. Бірақ жұрттар сияқты сөмкемді арқалап үлкен қалаларға барып, оқуға түсейін деп талпынғаным жоқ. Өйткені, өз шамам өзіме белгілі еді. Сондықтан текке арамтер болғанша, ауылда қалып мал бағып, егін егіп, жұрт қатарлы қарапайым тірлік кешуді ойладым. Көкем бұған онша қарсы бола қойған жоқ.

Подробности
Категория: Керек кеңес

Сандар да сөйлейді. Оған қарап, адамның кім екенін білуге болады. Тіпті, нумерологтар өткен өмірде кім болғаныңызды есептеп, айна-қайтесіз айтып береді. Бұл рас па? Жалпы әр санның қасиеті бар екені шындыққа жанаса ма?

Отандық жұлдыздар нумерологияға неліктен сенгіш келеді? Бұл туралы Еуразия бірінші арнасы хабарлайды.

Подробности
Категория: Бүгін

 

Достық үйінде облыстық ассамблея жанындағы Жастар қанатының ұйымдастыруымен еркін форматтағы жастардың кездесуі өтті. Оған Жастар қанатының мүшелері, қаладағы мектеп оқушылары мен колледж студенттері қатысты.

Кездесудің мақсаты түрлі этнос жастарын біріктіре отырып белсенді орта құру, Республикалық Жаңғыру жолы қозғалысының Қызылорда облысындағы штабының құрамын толықтыру, жастарды белсенділікке шақыру. Рухани жаңғыру, жастардың санасындағы керітартушылық стереотипті жою. Облыстық Қазақстан халқы ассамблеясының бастамасымен ұйымдастырылатын қоғамдық-мәдени және қайырымдылық шараларына белсене қатысу.

Подробности
Категория: Бүгін

Талдықорған қаласында «Атамекен» ҚР ҰКП Іскер әйелдер кеңесінің төрайымы Лаззат Рамазанованың қатысуымен Іскер әйелдер кеңесінің кеңейтілген отырысы өтті.

Облыс орталығында өңірдің іскер әйелдері бас қосты. Олардың қатарында тәжірибелі бизнесвумен де, жеке кәсібін енді қолға алған қыз-келіншектер де, сндай-ақ аудандық филалдардың басшылары да болды.

Подробности
Категория: Бүгін

«Атамекен» ҚР ҰКП Төралқа Төрағасы Тимур Құлыбаев Кәсіпкерлер палатасы Өңірлік кеңесінің отырысына қатысты. Іс-шараға Жамбыл облысының әкімі Асқар Мырзахметов, мемлекеттік органдар мен өңір бизнесінің өкілдері қатысты.

Ұлттық кәсіпкерлер палатасының бизнесті қорғау бағытындағы жұмысының нәтижесі туралы айтқан Тимур Құлыбаев «Атамекен» Ұлттық кәсіпкерлер палатасы Бас прокуратура, Мемлекеттік қызмет істері және сыбайлас жемқорлыққа қарсы іс-қимыл агенттігі, сондай-ақ Жоғарғы сотпен байланыс орнатқанын атап өтті.

  1. Қоныс-колониядан екі қылмыскер қашып кетті 
  2. «Өлең – асқақ ойдың ұшқыны, ол қай сәтте де биікте»
  3. Қорқынышты әңгіме
  4. Тимур Құлыбаев: Ауылшарушылық кооперациясы Оңтүстік Қазақстан облысының бәсекеге қабілеттілігін арттырады